صدفه لاتعرف الغزل الوسام الاشقر
ليسدد له لكمه اخري الا ان يد صغيره متشبسه بذراعه أوقفته يد مرتعشه تحاول منعه مما هو مقدم عليه التف عامر وضربات قلبه تقفز من صدره من هذه اللمسه ليصطدم بعيون رماديه برموشها البنيه العائمة في بحر من الدموع تترجاه ان يتوقف
ابتلع عامر ريقه بصعوبة لا يعلم هل يسعد للمستها ام يحزن لحزنها فقال
عملك حاجه
جه جنبك أو حاول يلمسك
قالها عامر ببطء لتفهمه
هزت رأسها بنفي علي اسألته فزفر بقوه ونظر للشخص ووجده يقترب ويقول
احب اعتذر انا فعلا غلطان ان حاولت أوقفها انا بس كنت عايز اعرف ساكنه فين وهي مش عايزه ترد عليا
يمكن طريقتي غلط فأحب اصلح غلطي ومد يده يصافح عامر الواقف كالتمثال يقول انا شادي عبد الحميد بشتغل في شركه الشافعي للاستيراد والتصدير
فاعتدل عامر في وقفته ووضع يده في جيبه وهو ينظر من علو ليد شادي الممدوده بازدراء
احم انا كنت جاي لصديق هنا هقابله والانسه احم اه كنت عايز اعرف مكان بيتها
ليه قالها عامر دون ان يتحرك من وقفته التمثاليه
شادي انا الحقيقه كنت حابب أتعرف علي للانسه و
الانسه مخطوبه قالها عامر وهو يقبض علي يده بقوه داخل جيبه
شادي مخطوبه انا اسف جدا علي سوء التفاهم ده بجد اصل ما شوفتيش دبله بايدها انا بعتذر
مره تانيه وهب لينصرف
اوقفه سؤال عامر جاي لمين هنا
جاي للأستاذ محمد الشريف وقالي انتظره بقهوه عامر
ظهرت الصدمه جليه علي وجه عامر من هذا المأذق من المؤكد انه سيقص علي محمد ما حدث فأراد أثنائه عن ذلك فقال
الأستاذ محمد يبقي اخو الانسه وأشار بطرف عينيه لها بمغزي فهمه شادي
قال عامر عموما حصل خير وأكن اللي حصل دلوقتي ما حصلش مالوش لازمه تخسر صاحبك وتاخذ لكمه تانيه بوشك فوضع شادي سريعا يده مكان لكمه عامر وقال بتوتر
طبعا طبعا مالوش لازمه نعمل موضوع ده كان سوء تفاهم مش كده
هزعامر راسه بثقه وبقي ثابتا الا ان اختفي شادي من أمامه فالتف ليري هذه المرتعبه خلفه
وجدها فارغه الفم تنظر له بتعجب مما قاله لقد فهمت كلام شادي لانها كانت بوجهته
فأسرعت تخرج دفتره تسأله
انت قولتله اني مخطوبه
طيب ليه
وهو عايز يعرف بيتي ليه
رفع عينه للسماء من هذه الغبيه الم تفهم انه اعجب بها هل هي غبيه دائما هكذا
آفاق علي سؤالها
هو صاحب محمد بجد
هز عامر راسه بنعم وهو يسرح بملامحها التي لن تتوفر له الفرصه مره ثانيه لهذا الاقتراب
ففاق من شروده بها وسألها
انتي كنتي راحه فين
كتبت كنت هشتري طلبات الوجبات اللي انت حددتها
لمحمد عشان اعملها للقهوه
ابتسم عامر ابتسامه جانبيه وتذكر عندما ملأته الفرحة عندما اخبره بموافقتها علي طلبه
طيب تعالي هوصل واشتري الحاجه معاكي قالها عامر بسعاده هزت رأسها بالرفض فأصر ان يوصلها ويتسوق معاه فوافقت بإحراج
في مطبخ الخاله صفا تقف غزل به تعد ما طلبه منها عامر فقد طلب منها اربع أصناف وطلب ان يكون كل صنف في صحن منفصل وتغلفه تغليفا شفافا وانه سوف يتعامل مع الطلبات بالمقهي فتذكرت عندما اصر علي دفع ثمن المشتريات واعطائها مبلغا مقابل ما ستعده من الأكلات وبعد إلحاح منه وافقت بإحراج منه
قطع شرودها الاضاءه الحمراء فقد خصص محمد لها اضاءه بكل مكان حتي تنتبه لمن بالباب
توجهت للباب فوجدته محمد
محمد السلام عليكم
غزل اشارت بيدها له ردا علي سلامه
محمد اتفضلي ياستي السماعه أهي وهو يمد يده اليها بها
فأخذتها منه بسعاده اخيرا ستستمع الي بعض الأصوات حتي لو كانت ضعيفه ولكنها تحمد الله انها تستطع سماع القليل
فأسرعت لتقبل وجنته بخجل لتشكره فربت علي رأسها فهي اخته التي لم تلدها امه
ها جميله
الجميلات بتعمل ايه قالها محمد وهو يقرص وجنتيها بيده
ضحكت غزل بصوت ضعيف وأشارت الي المطبخ ففهم انها تعد الطعام
فأشارت له يدخل
وعرضت عليه شرب كوب من الشاي
محمد والله ياغزل لسه شارب عند عامر بس لو لازم اعمليلي قهوتك الحلوه
فأسرعت لتعدها وبعد دقائق كانت تحملها وتضعها جانبه ووجدته مشغول بقراءه بعض الأوراق والحسابات وهو عاقد حاجبه ويظهر عليه الإرهاق
كتبت له ايه الورق ده هو ده ورق شغل
رد مخمد بابتسامه يتخللها الإرهاق
اه في حاجات عايزه تتراجع ولازم تخلص قبل بكره
كتبت ربنا يوفقك بس اشرب القهوه
محمد حاضر ياقلبي هشربها
وسرح عندما اتصل به شادي يطلب منه ان
يقابله ليراجع العقود الذي سيتم إمضائها غدا ولكن حتي الان تقابلهم مشكله ترجمه العقد المكتوب بالفرنسية
ظل ينظر أمامه وهو يزفر الدخان من فمه ولم يجبها
في شركه الشافعي
اتصرفي ياسوزان يوسف مش هيسكت ابعتي لأي شركه تانيه من اللي متعاقدين معاه يرسلوا حد من طرفهم قالها شادي بتوتر
يا باشمهندس شركه الراعي اللي داخلة شغل معانا بالفعل اتفقت معاها انها ترسلنا المترجم اللي عندهم بس للاسف المترجم في المستشفي رجله انكسرت انهارده الصبح قالتها سوزان پخوف مما سيحدث
قال شادي يادي الليله اللي مش فايته
والأستاذ محمد فين هو كمان أتأخر ليه ده معاه الورق
قالت سوزان وهي ترفع سماعه التليفون
انا اتصلت بيه اكتر من مره مش بيرد هحاول مره تانيه
حاولي تاني وتالت احنا هنتفجر انهارده قالها شادي وهو يشد خصلات شعره بيده ولم يكمل الا ووجد محمد يدخل المكتب
السلام عليكم
انت فين من بدري مش بترد علي تليفونك ليه قالها شادي بصوت غاضب
معلش مش سامعه انا بعتذر قالها محمد بتعجب هو في حاجه
احنا معرضين مخسر اكبر صفقه لو ملحقناش نراجع علي العقود قبل التوقيع ولو اتاخرنا هيشوفوا حد غيرنا صحيح فين الورق
قالها شادي وهو ينظر ليد محمد الفارغة فنظر له فوجد محمد ينظر له پصدمة ويضرب بيده علي جبينه أوف نسيت الورق
شادي هو يوم باين من اوله يوسف والحمد لله هنتنفخ علي ايده
بمنزل الخاله صفا
كانت تقوم بترتيب المنزل كالعاده اليوميه لها ولكنها لاحظت
بعض الأوراق التي تخص محمد علي الطاولة فمدت يدها لترتبها وتحتفظ بيها ولكن ما لفت نظرها في هذه الأوراق جعلها ترفع حاجبها باندهاش
حاضر يامحمد حاضر بطل صړيخ حالا اهو قالها عامر وهو يصعد درجات السلم سريعا حتي وصل لمكان سكن غزل أخذ نفسا ودق الجرس وانتظر فجاه فتحت له غزله وهي تنظر له باندهاش وهي تتسأل عن سبب حضوره عامر
محمد كلمني وقال في ورق مهم نسيه وطلب مني ابعتهوله الشركه لانه مش هينفع يسيب الشركة دلوقت
انتظر ردها لدرجه انه هيئ له انها لم تفهم حركه شفتاه فكاد ان يعيد مره اخري الا أنها قاطعته عندما تحركت للداخل وأحضرت روزماتها وكتبت له ان ينتظرها بالأسفل وأغلقت الباب دون ان تنتظر رده
انعقد حاجب عامر من تصرفها الغريب ورفع كتفه وقال مجنونه طلعت كمان مجنونه بس هتجنني معاها
أسفل البيت كان ينتظر عامر مستندا علي سيارته هب يقف معتدلا عندما لمحها تخرج من البيت ترتدي بنطالها الجينز وقميص قطني فوقه وتركت سعرها
البني الناعم يخفي جانبي وجهها قال لها باندهاش
انتي
راحه فين
كتبتبثقه لمحمد طبعا
أجابها عامر
وهو متعجب من قرارها
مالوش لزوم انا كنت هروح بسرعه وجاي ماتتعبيش نفسك
هزت رأسها بالرفض
طيب امري لله اتفضلي واسرع يفتح لها باب السياره المجاور له وانطلقا الي وجهتهما
في
السياره كانت غزل شارده في يديه القابضةفوق تارة
القيادة التي تظهر مدي تصلب جسده احست من هيكله كأنه يحارب شي يكاد لايستطع السيطره عليه كانت تحاول قراءه أفكاره وتسألت
لماذا دائما تشعر بشعور خاص اتجاه عامر لا تستطع تفسيره فعندما تراه تشعر بالأمان والاحتواء رغم قله كلماته التي يوجهها لها الا انها تري بعينيه شي يصعب تفسيره فهو دائم الارتباك والتوتر عند رؤيتها كيف لشاب بسنه وحجمه وشخصيته المعروفه الصارمة ان يرتبك هكذا فهل هذا طبعا به ام شي خاص يخصها به
افاقت من شرودها علي يد عامر التي امتدت اتجاهها قانتفضت تلتصق ظهرها بالباب الا انها وجدته يسحب بيده اليمني حزام أمانها ليثبته لها لحظه اثنان بقت علي حالها حتي تستوعب مافعله فنظر متعجبا من رد فعلها فهو دائما حريص علي التعامل معاها في إطار محدد ولم يتجاوز معها من قبل في اي فعل أو قول وقال وهو يوزع نظره بينها وبين الطريق
انا اسف بس انا حاولت أنبهك للحزام اكتر من مره بس كنتي سرحانه ساد الصمت بينما وقع عينيه علي بنطالها الجينز الذي يظهر ساقيها بدقه مثيره فاشاح بوجهه عنها ليستغفر ربه لماذا لا ترتدي شيئا يخفي ساقيها أو أو جحظت عيناه وقال في نفسه ما هذا يا الله هذه الفتاه ستصيبه بسكته قلبيه كيف لم ينتبه لهذا
القميص الذي يظهر بياض ذراعيها كيف تخرج بهذا الشكل وكيف لم ينتبه من قبل ايستطع توبيخها علي ملابسها هل له الحق في ذلك كم شخص الان رأها وكم سيراها لم يشعر بنفسه الا وهو يضرب طاره القياده بقبضته پغضب
في نفس الوقت كانت غزل تراقبه بجانب عينها تشعر بسخونه بجسدها راقبت ملامحه التي انعقدت
انا اسف سرحت شويه
هزت رأسها بسرعه بالموافقة وظلت تضم يديها في حجرها بتوتر ثم لاحظت توقفه فجاه ويخلع حزام امانه ثم الټفت لها يقولوها يمد يده اتجاها
وصلنا هاتي الأوراق ابعتها لمحمد
نظرت ليده ثم هزت رأسها بالرفض عقد حاجبيه وقال
لا ليه ماتتعبيش نفس انا هروح بسرعه وارجع كيف يبلغها انه ېحترق اذا نظر اليها شخص غيره وخصوصا بهذه الملابس سيجن بالتأكيد لكن هو ليس له عليها بسلطان فانتبه لخروجها من السياره وقت شروده فخرج واقترب منها يقول مصممه
ردت غزال بهزه من رأسها بالإيجاب فقال
طيب تعالي
صارت بجواره كالطفلة التائه الغريبة فانتظرت حتي استفسر من الاستعلامات عن مكان محمد وتوجهها للمصعد
امام المصعد
في انتظار المصعد وضع عامر يده علي جيبه ليبحث عن هاتفه فاكتشف تركه بالسياره فقال
غزل معلش انا هروح بسرعه اجيب التليفون عشان اكلم محمد وأبلغه ان احنا وصلنا وراجع بسرعه
هزت رأسها بالموافقة
وهي تنتظره داهمتها رائحه ازكمتها أشعرتها بعد م الراحه يبدو ان هناك من يكثر في استخدام عطره بطريق تثير الغثيان
فتح باب المصعد دخلته وقررت ان تسبق عامر للطابق الذي يعمل به محمد لم تنتبه للعيون التي تتفحصها من رأسها مرورا بجسدها لارجلها
فدخل بعدها هذا الشخص
انكمشت بجانب الحائط تحاول عدم النظر اليه يكفيها رائحه عطره
القوي التي اصابت معدتها پألم ونظرت لقدمها ليختفي وجهها اكثر بين شعرها
فهي حريصا دائما علي إطلاق شعرها هكذا لتخفي سماعه أذنها خلفه
اما علي الجانب الاخر استند بظهر في اخر المصعد وظل يراقبها ويراقب حركاتها وطريقه وقوفها المنكمشة وعلي شفتيه ابتسامه جانبيه خبيثه
لحظه لحظتان ثلاثه في انتظار الطابق التي طلبته فهو لم يطلب طابقه اكتفي بطلبها
فتح المصعد وخرجت مسرعه لا تعرف وجهتها كان الهواء نفذ من حولها تحاول التنفس لتهدئ من اختناقها التي شعرت به
اما هو فتوجه سريعا الا مكتبه مرورا دون توقف بسكرتيرته الخاصه يقول بطريقه صارمه دون ان ينظر لها
صباح
الخير ياسوزان في وحده هتيجي تسأل علي الأستاذ محمد بتاع الحسابات دلوقتي تدخليهالي بس بلغيني قبل ما تدخل ومتبلغيش حد
سوزان امرك يافندم
دخل مكتبه وارتخي علي مقعده خلف المكتب وهو يشرد عندما لمحها عند دخوله الشركه يحدثها شخص ما وتبتسم له لينصرف سريعا
وقال في نفسه
شكلك مش سهل ابدا وماله ادينا بنتسلي
ايوه يامحمد انا في الشركه وغزل صممت انها تيجي معايا بس مش عارف راحت فين قولتلها استني قدام الاسانسير واختفت
ياعني ايه الكلام ده
اختفت فين
استني انا جايلك قالها محمد بتوتر
دخلت غزل غرفه سوزان وظلت لبعض الوقت صامته فعندما انتبهت لها سوزان قالت
ايوه يافندم محتاجه حاجه
كيف ستجيبها غزل الان ظلت تفرك بيدها للحظه ثم فتحت حقيبتها لتخرج روزمتها الورقية لتكتب ماتريد
تعجبت سوزان من تصرفها ورفعت حاجبها لأعلي فعندما علمت بطلبها
طلبت منها سوزان الانتظار للحظه
دخلت سوزان وعلي وجهها علامات التعجب وقالت اللي حضرتك قولت عليها بره وهي تشير خلفها
قال يوسف باستنكار
مالك بتقوليها كده
ردت سوزان وهي تهز رأسها مش عارفه اقصد لا مافيش
قال يوسف طيب دخليها وما تدخليش حد دلوقتي حتي لو شادي
طيب حضرتك الاجتماع مع الوفد الفرنسي كمان نص ساعه قالتها سوزان بتوتر
رد يوسف بصرامه ايوه عارف وبردو ما تدخليش حد
وقف محمد وعامر وعلي وجههما علامات الارتباك طيب وبعدين احنا دورنا في كل حته ملهاش اثر قالها محمد ويشد خصلات شعره قال عامر طيب اتصل تاني بيها أو أبعت رساله
الشبكه هنا زفت وتليفونها مغلق قالها محمد بعصبيه
عامر معلش في السؤال هي هتعرف ازاي انك بتتصل ازاي
محمد بعصبيه عااااااامر ده وقت سؤالك تحرج عامر من رد فعل محمد الا ان سمعه بعد وقت من الصمت وهو يقول
فايبريشن خاصيه الاهتزاز انتبه عامر له وعقدحاجبيه فاكمل محمد بتعمل التليفون خاصيه اهتزاز عشان مش هتقدر تسمعه هز عامر راسه بتفهم لقد فهم الان
في نفس الوقت دخلت غزل للمكتب وهي تتلف يمين ويسار في منتصف الحجره معتقدة انها في مكتب محمد اخيها فهي تريد ابلاغه بشي مهم يخص العقود التي تركها علي الطاولة بدأت تداهمها نفس الرائحة التي ازكمتها من قبل فهزت رأسها بانها تهذي ورجعت خطوة للخلف لتلتف حول نفسها فتصطدم بصدر بشړي لتبتلع صړختها التي خرجت منها لقد شل الموقف حركاتها ليقول مش تحاسبي كنتي هتقعي حاولت التحرك الا ان يده الذي يضعها
خلف ظهرها لم تسمح لها بالتحرك والابتعاد فبدأت بدفعه من صدره لتحاول الفكاك منه ليصدر منها أصوات غريبة عليه ليتركها بتسلية ويقول وهو يرفع يده عنها باستسلام اهدي اهدي محصلش حاجه
فابتعدت للخلف وهي مرتعبه من نظرته تريد الخروج من هذه الحجره فنظرت الي الباب خلفه ففهم ما تفكر به فباغتته بتحركها بحركة كان يتوقعها فسبقها ليسد عليها الخروج من الباب
بدأت تشعر بالم معدتها من عطره القوي حتي شعر بتوترها فزاد الامر تسلية ليقول وهو يمد كف يده اليمني انا المهندس يوسف الشافعي
نظرت الي يده ثم له دون ان تتحرك
انتظر يوسف ان تبادله السلام الا انها تجاهلته ما هذا تتجاهله للمره الثانية الم يرتقي لمستوي الرجال التي تعرفهم قطع تفكيره رفع يده ومبادلته المصافحه دون النطق باي كلمه منها
وسحبت يدها بسرعة
قال يوسف وهو يضع يده بجيبه يقول مش هتعرفيني بنفسك
توترت غزل وبدأت تشعر بدوار يداهما من عطره فاخذت تفتش بحقيبتها علي الروزمانة الورقية تحت عينه المراقبة لها اعجبه سكونها وشعرها البني العسلي الذي يخفي جوانب وجهها كأنها تريد اخفاء نفسها من خلفه ووجدها تخرج روزمانة ورقية تكتب بها
انا بدور علي الأستاذ محمد بيشتغل في الحسابات لتقدمها له وانتظرت رده
اشتغل غيظا من تجاهلها لسؤاله وقال باستنكار
وانتي مين بقي عشان نبلغ البيه بضيوفه
شعرت غزل بدوار يداهما اكثر والرؤية بدأت تتلاشي فتحاملت لتكتب اسمها بصعوبة
غزل
ومدت يدها ليقرأ اسمها
لتنكب علي وجهها وتسقط الروزنامة فيلحقها بذراعه قبل ان ترتطم بوجهها علي الارض ليسقط رأسها علي صدره وذراعه تحيط بها يحاول ايقافها
حملها ليمددها علي أريكة جانبية بالمكتب وهو يحاول ان يستغل هذه الفرصة لمراقبة
ملامح وجهها التي
فابتسم بخبث وهو يكتشف سر من اسرارها
بالخارج أمام مكتب سوزان وقف محمد بتوتر هو وعامر يسأل سوزان مافيش حد سأل عليا
هنا ياسوزان إجابته في اثناء دخول شادي عليهم وتعجب من وضعهما اه في بنت من ربع ساعه جت سألت عليك وهي عند البشمهندس يوسف جوه
رد محمد بعصبية نعععععم
فندفع الثلاثه للداخل في لحظه واحدة
وعند رؤيتها ممددة وأعلاها يوسف صرخوا بصوت واحد غزززززل
رفع يوسف رأسه ليشاهد هجوم الثلاثة عليه ودفعه من جانبها فهو كان يحاول إفاقتها
وقف ذاهلا مما يحدث وزاد تعجبه من شادي اضمت شادي لقائمتها الذكورية
كيف تعرف عليها
رأي محمد يجلس أرضا علي ركبتيه ويضرب بتوتر علي خدها بأصابعه يحاول إفاقتها وينادي عليها بصوت ملتاع مټألم غزل غزل ردي عليا ياقلبي غزل غزل قاطع كلامه صوت رجل اول مره يراه لا بل رأه معاها امام المصعد يقول بتوتر مافيش برفان هنا
مش هينفع نستني كده شيلها يا محمد نوديها للمستشفي
رد شادي شيلها يا محمد وانا عارف مستشفي قريبه هنا
رفع يوسف حاجبه باستنكار وقال بنفسه حتي انت ياشادي
وجهه عامر نظره الي يوسف فامسكه من مقدمه قميص ليهزه پعنف انت عملت فيها ايه وربي لأقتلك انطق عملت ايه
يوسف نزل إيدك يا حيوان انت انت اټجننت
سيبه ياعامر خلينا نشوفها الاول مالها مش وقته اللي بتعمله
انتبه الأخير وعامر ويوسف لمحمد وهو يقول
غزل حبيبتي انتي كويسه
بدأت ترفرف برموشها فتركوه ليشاهد من بعيد التفاف الثلاثه حولها ليحدث نفسه بضيق
ماهذا الاهتمام التي تحيطونها به
حسه بايه
حد عملك حاجه ووجه نظره ليوسف بتحدي
هزت رأسها بضعف بلا
توجه يوسف ليرفع سماعه الهاتف ويقول
سوزان كبايه عصير وكوابيه ميه بسرعه
كانت تجلس ترتشف العصير بين محمد الذي يحيطها بذراعه وعامر الذي لم يتوقف من هز ساقه وإلقائه بنظرات حاده فيبادلها يوسف ببرود وشادي الذي ينظر لها بإعجاب مخفي والكل يحدثها وتنظر لهم عند
ولكن ما اثار تعجبه انه لم يستمع الي ردها علي اي واحد منهم تقوم بتحريك رأسها فقط وهم ليسوا معترضين وجدها تبحث عن شي بتوتر ثم اخرجت هاتفها تكتب عليه فيقرأ محمد ويقول
دفترك ضاع مش مهم اجبلك غيرها
استغرب يوسف من هذا الوضع وتسال في نفسه في مابتتكلمش ليه
ثم بحث بعينه بالغرفة ووجد ضالتها فانحني والتقطعهاوتصفح بعض اوراقها فعقد حاجبه بتعجب
مما
هذه الروزنامة فصار يشك في امر ما ليمد
يده بها اليها وتأخذها مسرعة وتكتب بها شئ لمحمد اما يوسف بدأ يتأكد من شكوكه انها بكماء لا تتحدث
نظر لهم ذاهلا مما اكتشفه ووصل اليه ومسح بيده علي
شعره بسبب صډمته
انها لم تتجاهله بل لم تستطع الرد عليه
الفصل الرابع
نظر لهم ذاهلا مما اكتشفه ووصل اليه ومسح بيده علي شعره بسبب صډمته
انها لم تتجاهله بل لم تستطع الرد عليه
سمع محمد يقول
حاجات ايه اللي مش مظبوطه في العقود وانتي عرفتي ازاي
في قاعه الاجتماعات جلس يوسف علي مقدمة الطاولة وعلي يمينه شادي ثم سوزان وهي ترتب بعض الاوراق وعلي الجانب الاخر محمد وبجواره غزل التي تتعلق بيده پخوف وتوتر وهو يربت علي
يديها كل ثانية ليهدئها
ما قالته غزل أو ما أبلغتهم به صدمهم كثيرا الصدمه الاولي انها قرأت العقود بالنسختين وقارنت بينهما لتكتشف ان النسخة الفرنسية غير مطابقة للعربية وأشارت لهم لاكثر من بند في العقد الفرنسي تم التلاعب فيه ليكون في صالحهم والعكس صحيح نفس البنود بالعربية تكون ظاهريا لصالح شركة الشافعي الصدمة الثانية عندما أبلغهم انها تتقن الإنجليزية والفرنسية والتركية ببراعة لقد علمتها الخاله صفا حيث كانت تعمل ببلدها معلمة الفرنسيه قبل الهروب من وطنهم فسرح فيما حدث منذ نص ساعة وهي تجلس أمامها ورق ابيض قام بجلبه لها لتشرح فيه لمحمد تجاوزات الشركة الفرنسية كان هيأتهم وهم ملتفين حولها كالتي تضع خطة للموساد والكل من حولها يتلقي الأوامر غريبه
هذه الغزل
فاق علي دخول الوفد الفرنسي فرحب بهم وكان مع هذا الوفد مترجم خاص بهم ليترجم للغه الفرنسية ما يحدث فرحب يوسف بمقدمة استهلالية بالميكروفون فظهر الصوت واضح اكثر لغزل فنظرت اليه فوجدته ينظر لها باهتمام ظاهر ويغمز لها بطرف عينه يعاكسها فنظرت لأسفل بارتباك هذا الرجل يخيفها بل ېخنقها تشعر انها محاصره منه ما الذي اتي بها اليوم ليتها ماتركت بيتها
تنبهت لحديث المندوب الشركة
الفرنسية لحديثه وبدأت تترجم حواره علي الاوراق واستمر الوضع هكذا حتي انتبهت للمترجم خاصتهم يترجم ما يقوله المندوب ألعربيه بطريقه خاطئة فتعجب من ذلك
فتكرر الموقف مره اخري فالشركة الفرنسية علمت ان شركه الشافعي تفتقد لمترجم فمن الصعب فهم مايدور من احاديث جانبية وتشملها السخرية والاستهزاء بالجانب العربي فهبت واقفة وانتبه لها الجميع قبلهم يوسف الذي لم يخفض نظره عنها لدقيقة ونظرت لتهز رأسها بالرفض فعقد حاجبه واستقام من جلسته ليعتذر لهم بانه يقوم باتصال هام ثم يعود وأشار لها بالخروج معه
في قهوه عامر
يكاد ان يشتعل لم يتوقف عن الصړاخ منذ عودته من الشركه وتركها بعد إفاقتها
سيد انت يازفت هاتلي قهوه
رد سيدده خامس كوبايه قهوه في ساعه
انت مالك روح غور قالها عامر بقله صبر
قولتيلي بقي اتاريكي كل ما اجيب سيره الجينيرال تتهبلي وترتبكي هههههه قالتها ملك وهي علي سريرها
تقي خلاص بقي ياملك انتي هتفضحيني وطي صوتك لحد يسمعك تبقي مصېبه
ملك بس من امتي الكلام ده
تقي من زمان اوي بس مش عارفه من امتي بالتحديد لما بشوفه كده يجي ياخدك بحس انه فارس دنجوان ماشوفتش زيه الحقيقه
ملك تيرارارا
تقي بقي كده يا ملك طيب انا غلطانه اني قولتلك
ملك بصي يا تقي انتي اختي وحبيبتي بس مش عايزاكي تعيشي في الوهم هو اه يوسف اخويا وحبيبي بس مش بتاع جواز مقضيها سهرات وانحلال فيابنت الحلال انا نصحتك وادعيله يتعدل
ردت تقي بأمل ان شاء الله هيتعدل ويحبني بقي
خارج غرفه الاجتماعات
فتنحنح يغير مسار الحديث ليفهم منها ماحدث فكتبت له ما أردت لينفعل يوسف ويقول
لا دول زودوها اوي
دخل القاعة پغضب وهي خلفه ليقول بصوته الجهوري للمترجم بلغ مندوب شركتكم بان مش يوسف الشافعي اللي يضحك عليه انا عارف ان حصل تلاعب بالعقود والبنود من ناحيتكم وقولت اجيب اخركم لكن اكتشف أنكم مصممين تتلاعبوا وتسخروا مننا وان الشركه الفرنسيه مجرد واجهه فده اللي مش هقبله ومد يده بالأوراق التي أمامه وقام بتمزيقها بتحدي لهم اتفضلوا الاجتماع انتهي
خرج يوسف متجها لمكتبه تارك كل من بالقاعة فارغ الفاه
خلع جاكيت البدلة وفك رابطة الرقبة وفتح أزرار قميصه لمنتصفه وأغمض عينيه ليسترجع ما حدث من أول النهار
فتح عينيه يقول بنت الآيه مطلعتش ساهله ابدددا
مر اسبوع علي هذه الأحداث
يجلس شادي أمامه يقوم بشرح له بعض الاوراق فيرفع عينه ليجده غير منتبه له ېدخن سيجارته بشرود ليقول شاديهو انا بكلم نفسي والله مالك يايوسف بقالك مدة ملاحظ انك مش مظبوط
ينظر له
بجانب عينيه يقول مش عايزة تطلع من دماغي ابدا ياشادي انا مش ههدي الا اما اكسر مناخيرها
نليعترض شادي علي حديثهلا لا انت كده فاهم غلط محمد مش غريب ده اخوها
ضحك ضحكة عالية هههههههه
انت بتقول ايه ههههههه انت اكيد بتعمل مقلب صح هههه مش قادر قالها يوسف لشادي
شادي بغيظ ممكن
اعرف انت بتضحك علي ايه ايه في كلامي يضحكك بالشكل ده
أشار له يوسف بيده حتي يهدأ ويستطيع السيطرة علي نوبه الضحك التي انطلقت منه عندما سمع كلام شادي عن غزل
بعد ان هدأت نوبه الضحك
مد يوسف يده داخل مكتبه ليخرج ملف به ورقة اخرجها يوسف ليقول
اسمع ياسيدي الاسم غزل عبد الله الزايد السن ٢٠ سنة وحيدة ليس لها اخوات امها صفا الراعي محبوبه جدا من أهل المنطقة منذ تركت بلدها لم تتحرك من هذا البيت
تسكن في ببيت يملكه الشريف الدسوقي وانتقل ملكية البيت لأولاده تقي الشريف الدسوقي طالبه في الفرقه الثانية كليه تجارة
محمد الشريف الدسوقي محاسب يعمل بشركة الشافعي حاليا وقال كلماته الاخيره ببطء شديد ليراقب ذهول شادي وانفراج شفتاه
ثم الجم يوسف سؤال شادي المفاجئ وخطيبها
عقد يوسف حاجبيه بتعجب مش فاهم خطيبها ايه
ابتلع شادي ريقه هي مخطوبه
هز يوسف راسه بالرفض ليقول المعلومات اللي عندي بتقول انها مش مخطوبة وألقي نظره علي الورقة ليعيد قراءتها مره اخري ليتأكد
اه ياولاد ال
قالها شادي وهو يضغط علي اسنانه بغيظ
ممكن تفهمني في ايه
رد شادي وهو شارد هحكيلك اللي حصل
انت بتقول ايه انت تنسي الموضوع ده نهائي قالتها ام عامر بانفعال
ليه يا امي ايه في كلامي غلط ومش عاجبك قالها عامر بهدوء
قالت ام عامر بقولك ايه يابني انت ابني
الوحيد وماليش غيرك في الدنيا ويوم ما احب افرح بيك اجوزك ست البنات انت مش قليل ياعامر انت دكتور وصاحب املاك ده البنات بتتلهف عليك وانت اللي مش راضي
عامر يا امي انا عايزها وبحبها واللي فيها مالهاش ذنب فيه
انتي شايفه حاجه في أخلاقها عشان كده بترفضي
ردت سريعا لا لا استغفر الله يابني ماتركبنيش الغلط غزل مافيش زيها في الدنيا واخلاق ومتربيه وسطنا بس كل فوله وليها كيال يابني طيب نفرض خلفتوا الأولاد هيبقوا زيها طيب قولي هتعلمهم ازاي
قال عامر انتي بس وافقي وكل الأمور دي تتحل ردت عليه لا ياعامر لا الامر ده مرفوض
بغرفه محمد دخلت عليه الحاجه راويه تتسأل
مالك يابني من ساعت ما رجعت قافل علي نفسك ليه كده
اعتدل من نومته ورد مافيش يا راويه موضوع كده شاغلني
ضحتك راويه علي ابنها فعندما يناديها باسمها تعرف انه يريد أثنائها عن ما تسأل ولكننها صممت وقالت بقولك ايه ماتكولنيش وقولي مالك بجد
صوب بكف يده علي السرير بجانبه يدعوها للجلوس
فلبت رغبته وقال في حاجه كده تخص غزل
مالها غزل يابني
محمد عامر ياست الكل كان فاتحني بانه عايز يتقدم لغزل ويخطبها
راويه وانت ايه رايك يابني
محمد انتي ايه رايك
روايه بتنهيده عامر ما يتعيبش ودكتور وصاحب قهوه وله ډخله وعارفنا كويس وعارف ظروفها بس
محمد كملي يا امي سامعك
ردت روايه في حاجات كتير انت متعرفهاش وكمان ما اعتقدتش ام عامر توافق بسبب ظروف غزل
سيب الموضوع لوقته يحلها حلال
اجاب محمد عشان كده طلبت منه ان ياخد موافقه الحاجة الاول ولو وافقت اخد رأي غزل
ما حبتش أعرفها قبل موافقة امه حفاظنا علي شكلها ونفسيتها
ربتت الحاجه راويه علي كتفه خير ما عملت يابني
أوقف سيارته أسفل البنايةالتي تسكن بها فهو حتي الان لا يعرف ما الذي اتي به اليها ما قصه له شادي أشعل غضبه فهو
يشعر انها تقلل منه وتقلل من مكانته رغمالمرات القليله التي رآها فيها يشعر انها تستفزه بسكونها
خرج من سيارته وأنحني للمقعد الخلفي ليجلب باقة من الورد الجوري الأحمر
واتجه الي حيث تسكن
كانت بمطبخها تتابع المعجنات الموجودة داخل الفرن وبيدها كتاب باللغة الفرنسية
انتبهت للضوء فعلمت ان محمد قد حضر مثلما وعدها اندفعت تفتح الباب ظنا منها انه محمد ولكن تلاشت ابتسامتها عندما رأت هذا السمج يقف يسد باب المنزل بطوله وبيده باقه من الورد ويبتسم ببرود
ابتلعت ريقها من التوتر لماذا تشعر بالبروده كلما رأته قطع تفكيرهاوهويقول
مساء الخير
ه
الفصل الخامس
ابتلعت
مساء الخير
قال ايه مش هتقوليلي اتفضل ادخل
حصل ايه افتحي إيدك كانت تبكي بشده من الألم فامسك بكفها بقوة وتوجه لصنبور المياه ليضع كفها أسفل المياة الجارية ثم ذهب يبحث بالبرادة عن
ثلج ليضعه علي يدها وهو يقول
خلاص ماتعيطيش حصل خير رفعت عينيها لتنظر له بامتنان فيصدح صوت غاضب يقول
انت بتعمل ايه هنا
ا
وقف محمد بباب المطبخ ليقول پغضب
انت بتعمل ايه هنا
ترك يدها ووضع يده بجيبه يقول
بثقة كنت جاي ازور الانسه غزل فيها حاجه
كده من غير ميعاد ومن غير استئذان قالها محمد بسخرية واكمل واللي يزور حد بيزوره في المطبخ
يوسف بتهيألي صاحبة الشأن ما اعترضتش ونظر اليها بجنب عينه قاطع حديثهما صوت يتسأل في ايه ياولاد
جرت غزل اتجاه الخالة صفا تحتمي بها
محمد وهو يرفع حاجبة بتحدي
مافيش يا خالتي ده البشمهندس يوسف كان جاي يطمن علي غزل وماشي علي طول
صفا اهلا وسهلا يابني يمشي ازاي يابني من غير ما ياخد الضيافة بتاعه
قال يوسف بابتسامه بهامكر وتحدي لمحمد تسلمي ياهانم اكيد مش
هكسفك واشرب قهوتي معاكي
اتفضل يابني اتفضل في الصالون قالتها صفا وهي تتكئ علي عكازها متجهه به لغرفه الضيوف
كان الكل مجتمع بالغرفه الخاله صفا التي أعدت ليوسف قهوته ويجلس يتناولها بتحدي لمحمد
وتجلس غزل بجوار محمد بعد ان أبدلت منامتها ببنطلون جينز وقميص قطني بعد ان نبهها محمد بعينه لذلك الامر فلم يخفي علي يوسف النظره التي رماها بها لتدخل مسرعه تبدل ملابسها وها هي تجلس بجواره ليمسك كفها بكل وقاحه وأريحيه ويقوم بدهن كريم للحروق لكفها وهي مستسلمه لمسكه يده وملامسته ظل شيطانه يخيل له ان هناك تجاوزات تصير بينهما من خلف ظهر هذه العجوز
قاطع شروده كلمه الخاله صفا
نورتنا يا ابني
يوسف وهو يضع فنجان القهوه
بنورك ياهانم
يوسف الحقيقة
انا كنت جاي انهارده لسببين السبب الاول اني اطمن علي
الانسه غزل
والسبب الثاني اني محتاجها معايا بالشغل بصراحه هي ليها الفضل انها انقذت الشركه من اخر صفقه الحقيقه بردوا ذكيه جدا وأتمني تقبل تشتغل معايا وأرجو ماترفضش طلبي وطبعا هخصصلها راتب كويس مش هتلاقيه في اي شركه تانيه
كان يكمل حديثه
وعينه علي انفعالات غزل التي فهمت كلامه جيدا وظهر عليها التوتر جليا صفا والله يابني مقدرش أدي رأي في الموضوع ده دي حياتها وهي حره
محمد بغيظ هو ياخالتي انا قصرت معاكم في حاجه غزل مش محتاجه للشغل ولا تتعب نفسها
صفا لا ياحبيبي مش ده قصدي
قاطع حديثهم بثقه وقال يوسف
خلاص نشوف رايها هي
ساد الصمت للحظه لتتوجه إلى الروزنامة وتكتب بها لمحمد انها تريد هذا العمل
تريد التعامل مع الغير والخروج من هذه الشرنقة نظر محمد بعينيها ليعبر لها عن مدي ألمه لحالتها كم يتمني ان تشفي من مرضها ويسلمها لعريسها بنفسه ثم أخذ نفس وقال غزل للاسف وافقت تشتغل في الشركه اهو تروح معايا وترجع معايا ياخالتي
كان نفسي اقولك يا بشمهندس لا
ضحك يوسف واكمل حديثه
طيب بالمناسبة دي انا عازم الانسه غزل والأستاذ محمد علي حفل يوم الخميس بالفيلا واهي فرصة تتعرفوا علي صاحب الشركة وعلي فكرة مش هقبل اعتذار عن الحضور
وقف يغلق سترة بدلته ليهم بالانصراف علي وعد منهم بالحضور
تقي تقي لو سمحت ممكن كلمة قالها
زميلها بلهفة وابتسامة براقة علي وجهه لقد كان علي من أوائل دفعته فهو شاب بسيط من أسره بسيطه مكافح يعمل فيي مطعم مشويات ليساعد أسرته ووالده اف في ايه ياعلي مش هتخلص بقي من الحوار ده كل ما تشوفي تندهلي وقولتلك مېت مره ما تندهليش في الكليه كده
شحب وجه علي من هجوم تقي غير المبرر من الواضح انها في مزاج سي اليوم ولن يستطع ان يخبره بالذي يريده منها فقال بتوتر ليخفي إحراجه احم انا اسف يا تقي ياريت متزعليش مني انا كنت خاېف تمشي وملحقكيش بس
تقي بقله صبر خلاص ياعلي مافيش مشكله ها في حاجه
علي وهو يبتلع ريقه بصعوبة وعيونه علي عينيها البندقية كنت ككنت عايز اديكي ده
ومد يده لها بشي جعلها تخفض عيونها ليده ونتسأل اي ده علي وهو يتباطأ في اخراج الحروف دي ملخص كتاب مادة انا عارف انك ملكيش خلق التلخيص فقولت تكوني اول واخده اديهولها
ابتسمت تقي ابتسامه مجاملة له شكرا ياعلي انا مش عارفه اقولك ايه
علي شكرا شكرا ايه يا تقي انا معملتش حاجه انت ماتعرفيش انتي ايه بالنسبة لي انتي
استشعرت تقي ان الحديث سيأخذ منحني لاتحبذه فقال مسرعه معلش يا علي ملك مستنياني نكمل كلامنا بعدين
ولم تنتظر رده فاختفت من أمامه فهي دائما الهروب منه نعم هي تعلم ان علي زميلها يكن لها مشاعر خاصة والحق يقال انه محترم وليس مثل شاكلة الشباب الذي نراهم فهو من القلة الملتزمة بكليتها وكان من السهل عليها صده من البداية وقطع الطريق عليه حتي لا يأمل بها ولكن بداخلها شعور غريب ليس اهتمام بعلي وإنما شعور بالغرور والثقة التي تشبع نفسها به كلما اهتم بها علي تشعر بثقه والكبرياء ان يوجد من يهتم بها ويرغب بها اما هي فعقلها وقلبها مع شخص واحد تريده ملكها عقلها أوهمها انا تستطيع
إيقاعه بشباكها
جلست تنتظر قدوم ملك وشردت فيما خدث بينها وبين اخيها محمد عندما كان يبحث عن شركة جديدة للعمل بها واستغلت فرصك ان ملك أبلغتها في وسط حديثها عن يوسف انه أعلن بجريده انه يحتاج محاسبين شباب
فقامت بشراء الجريدة ووضعتها امام محمد كأنه هو من وجد هذا الإعلان وعندما أخبرهما اسم الشركة استطاعت إظهار رد فعل معاكس كأنها فوجئت باسم الشركة التي يملكها عم صديقتها المقربة
فهي تعتبر دخول محمد الشركة والتعامل مع يوسف خطوه في سبيل غايتها
ها عملت ايه
قالها شادي ليوسف
الجالس أمامه ممسكا بكأس من الخمر وساقيه علي طاوله بيضاوية أمامه
ارتشف يوسف من الكأس ثم اجاب شادي وقال
وانت مالك مهتم اوي كده ليه
شادي يا اخي انا لحد دلوقتي مش مصدق
ان الملاك ده يطلع منه كل ده مش يمكن نكون ظلمنها
يوسف ازاي مش فاهم انت لو شفتها انهارده والبيه ماسك أيدها ازاي مش هتقول كده
وكمان تعالا هنا انت عجبتك ولا ايه وعمال تدافع انت وقعت ومحدش سما عليك ههههه
شادي وهو يفتح علبه سجائره الموضوع علي الطاولة هي من ناحيه عجبتني فهي تعجب اي حد بس مش عارف حاسس ان في حاجه غلط
وكمان موضوع انها طلعت مش بتتكلم ده صدمني شويه
يوسفمايصعبش عليك غالي هههههه
تقي وهي تسترق السمع خلف باب غرفتها محمد ان شاء الله بكرة في حفلةفي فيلا البشمهندس يوسف ماتعمليش حسابي
علي الغدا لان يدوب هرجع البس وأمشي
الحاجه راويه ماشي يابني هبقي اسيبك االكل في المطبخ لو جعت بليل
لاحظت راويه شرود ابنها وتسألت مالك سرحت في ايه
محمد مافيش قلقان شويه علي غزل الراجل اللي اسمه يوسف ده مش مستريحله
بيبص كده لغزل نظرات مش طبيعيه واللي زاد انه طلبها تشتغل في الشركه في قسم الترجمة وعزمها بكره علي الحفله معايا
راويه طيب يابني بلاش الشغل معاه مدام قلقان منه
محمد ما ده اللي كنت ناوي بس بس هي لقيتها نفسها تشتغل وانا الصراحة قولت فرصه تتعامل مع ناس غيرنا مش هتفضل كده علي طول
روايهربنا يستر عليها
يابني
محمد بشرود امين
في داخل الغرفة
قبضت يدها علي مفرش سريرها بقوة وهي تنظر للا شي يترددفي أذنها كلمات اخيها عن غزل بيبص لغزل نظرات مش طبيعيه
بيبص لغزل بنظرات مش طبيعيه تشتعل من داخلها منها تريد التخلص منها الكل يهتم بغزل الكل ېخاف عليها الكل الكل حتي من تسعي اليه يهتم بها اخلص منك ازااااااي
قالتها تقي پحقد وكراهيه شديده لها
يوم الحفل
يامحمد قولتلك ملك صاحبتي اللي عزمتني علي الحفل تحب اتصلك بيها تتاكد
ياستي ولا تتصلي ولا تكلمي مش هتيجي معايا انا هاخد بالي منك ولا من غزل قالها محمد وهو يتجه الي خزانته ليخرج بدلته
اف ايه العيشه دي كل حاجه غزل غزل قالتها وهي ټضرب قدمها بالأرض اعتراضا علي مايقوله وخرجت من حجرته لتنفذ ما هيأه لها عقلها
في فيلا الشافعي
وقف يوسف وبجواره شادي وكلاهما يرتديان بذلتان باللون الاسود وقميص ابيض أسفل البدله وببيون بدل الكرافاته
كانا شديدا الاناقة ولكن يوسف شخصيته تطبع علي أناقته هيأته وطريقه وقوفه كنت تلفت اليه الكثير من الأعين المحيطة به يقف في وسط القاعة بشموخ وكبرياء عينياه عيون صقر يقف يراقب كل افعال الضيوف ونظراتهم بنصف ابتسامه علي فمه كأنه يعرف مايدور بأذهانهم يسخر اكثر من هؤلاء النساء مبتذلات الملابس يطبعن علي وجوههن الكثير من مواد الطلاء كما يقول علي أدوات زينتهن وكل واحده تنظر له نظرات لا يفهمها الا رجل مثله رجل خبير بأمر النساء لسان حاله يقول كلهن عاھرات كلهن خائنات كلهن يبحثن عن المال والمتعه
ايه بتفكر في ايه قالها شادي الواقف بجواره بعد لكزه في كتفه
يوسف وهو شارد أمامه مافيش ثم رفع حاجبه الأيمن ونظر لشادي ليقول تفتكر هتيجي
شادي
يوسف الانسه هه غزل قالها بسخريه شاديمش انت عزمتها هي ومحمد اكيد هتيجي قاطع حديثهم ملك
ايه ياجينيرال مش تشوف ضيوفك بدل ما انت واقف كده
شادي ملك ازيك ايه الحلاوة دي
ملك بوجه احمر
ميرسي ياشادي ده من زوقك لا بجد دي مش مجامله طلعه انهارده تحفه بس كده احنا نعمل حسابنا علي عربيتين اسعاف
ملك باستغراب اسعاف ليه
شادي بضحك عشان نشيل الغلابة اللي هيتقتلوا علي
