جريمة عشق بقلم مريم نصار
اوف يا ملك باقولك ايه انا حره اعمل اللي يريحني انا زهقت كل شويه اقولك ده بيزنس وعشاء عمل انتى بقى
اللي قافله دماغك وبعدين عادات ايه وتقاليد ايه انا اخدتك وسيبنا مصر من وانتي ما كملتيش عشر سنين تقدري بقى تقوليلي عرفتى العادات والتقاليد دي منين!!
ملكيا ماما
فيفي تاني ماما انا قلتلك قوليلى فيفي زي اي حد انتي مش هتكبريني وبعدين انا مش مامتك يا حبيبتي فاهمه
ملكحاضر يا فيفي بس اللي بيحصل ده ما ينفعش ومش كويس ونهايته وحشه ما فيش عشاء عمل لحد 300 بالليل وكمان باقولك بابا تعبان ما اتأثرتيش ولا سالتي عليه راح فين حبك لبابا ولا هو خلاص بعد ما تعب مابقاش لبه لازمه !!!!
فيفيبالظبط حبيبتي انتي جبتى المفيد انتي طلعالي زكيه ولماحه وضحكت
يلا يا بيبي انا راجعه تعبانه هاخد شاور وانام باي باي يا اموره
ملك انا لازم اكلم اخويا ما ينفعش كده مش معنى انه بيكره بابا يسبنا انا كدا ف الدوامه دى انا هاروح ادي لبابا العلاج وانام وراي جامعه الصبح
بقلم mariem nasar
عند مريم
الباب بيخبط جامد وهيتكسر من كتر التخبيط الكل قام من النوم مڤزوع اشرف جرى على الباب فتحه وشيرين ورنا ومحمد ووراه ومريم نازله جري لابسه بجامه وشعرها مفرود
اشرف اول ما شاف الظابط ومعاه ٢ كمان اټرعب
اشرفانتو مين وعايزين ايه !!!
شيرين استر يا رب
في ايه!
ادمانا الرائد آدم العدوي وجايين نبقض على
مريم جريت عليه وقطعت كلامه
ارجوك سيبه في حاله وانا هاعمل اللي انت عايزه
رنا اوعى يا مريم كده في ايه حضرتك وجاي تقبض على مين انت شكلك جاي عنوان غلط !!!
ادممش دي برده فيلا مصطفى عزيز ____ ولا انا غلطان
شيرينايوه هيا حضرتك عايز مين بالظبط وجاي لمين!!
ادم شاور على محمد
عايز ده
كلهم هنا استغربوا ما عدا مريم اللي كانت ھتموت مكانها
محمد !!! رجع خطوتين لوراه راح ادم وراه وجابوا وماسكه ومريم شدت محمد من ادم وزقت ادم من صدره
محمد اجري يا محمد
محمد هاروح فين انا خاېف
وبص لاخوه يستنجد بيه
الحقينى يااشرف والله انا معملت حاجه كلهم اتلمو حوالين محمد وادم راح لمريم وشدها من شعرها وصړخت جامد
ادمخلاص يا حلوه خلصت الحكايه وزقها ووقعها ع الارض وعلا صوته
ادمعلى فكره مريم هي السبب في اللي هيحصل لمحمد وكان هيطلع براءه بس هي حكمت وقالت ان شا الله يتعدم هنا بقى الكل وقف وبصلها واختها مصدومه وبصت ليها نظره بتحمل معاني كتيره ااوي
مريم قامت من على الارض
ما تصدقيش يا ابله ده كداب
آدملا مش كداب مش انتى قلتي مش موافقه حتى لو هيتعدم !
مريمايوه انا قلت بس مش بالطريقه دي!!
ادموكان ف ايدك تنقذى ابن اختك هاتوه مش فاضيين
مريم جريت عليه وشادته مريمتعالى يا محمد اخرج من المطبخ واهرب من السلم الخلفي
محمدبعيط هاروح فين يا مريم
مريمروح اي حته عند صاحبك عند خالك اي حد لحد بكره بس وهنعرف نتصرف
شيرين ابعدي عن ابني انتي السبب انتي السبب انتي اللي قټلتي ابني
يلا يا بني انت وهو لبس نضارته وخد الناس الل كانو معاه وخرج
مريم قربت تانى من محمد واختها واشرف ورنا منعوها وخلوها تبعد مريم قعدت قصادهم على الارض ودخلت في حاله اڼهيار وتصوت محمد محمااااااااد محمااااااااااد
يتبع
قامت مفزوعه وجمبها رنا
رنامالك يا مريم پتصرخي كده ليه
مريم بتنهج
انا فين !!
رناانتي في البيت شكلك كنت بتحلمي وشكله حلم وحش صح !!!!!
مريمالحمد لله الحمد لله ومسحت وشها
بايديها
د دا ده كابوس وكابوس وحش اوي اعوذ بالله من الشيطان الرجيم اللهم اني اعوذ بك من شړ هذا الحلم وشړ مافيه
رناوبعدين وشك اصفر كده ليه يا بنتي انتي كنتي بتحاربى وبما أنه كابوس وحش ما تحكيهوش لحد
مريم بتحمد ربنا انه كان حلم مش اكتر
ماشي انا هاقوم اتوضي واصلى ركعتين لله استغفر الله العظيم الذي لا اله الا هو الحي القيوم واتوب اليه
وبعدها هديت شويه
مريمصح يارنا
انتى كنت داخله عندي هنا كنتي عايزه حاجه!!
رناابدا دخلت اخد طرحه من عندك لطقم الجامعه ومره واحده لقيتك بتنهجى وانت نايمه كأنك كنتي بتجرى وجيت اصحيكي لقيتك پتصرخي وانا اللي اټخضيت مش انتى انا دخلت لنصيبي انا مرزقه دايما هههههه
يلا سلام بقى انا ماشيه وانتي غيري هدومك وانزلي افطري
مريمماشي يا حبيبتى
خرجت رنا ومريم من غير تفكير مسكت فونها واتصلت على آدم
مريمالو آدم
بيترلا انا مش آدم انا بيتر صاحبه
مريمانا اسفه جدا طيب ممكن رقم آدم
مريم افتكرت أن آدم كلمها من فون صاحبه
بيتر ابتسم وردده رقم آدم بس انا دخلت لقيت آدم نايم في المكتب وشوفت رقم غريب فانا بعتذرلك اني رديت وده مش من حقي
مريملا ابدا ما فيش حاجه حصل خير انا كنت بس عايزاه في حاجه مهمه ممكن
بيترطيب ثواني حضرتك
بيتر عمل كاتم صوت للمكالمه
وبيصحىيه
آدم انت يا ابني انت يا زفت انت يا بني ادم قوم
آدماييببيه عايزه ايه يازفت!
بيترقوم مريم اتصلت ومعايه على الفون وعايزاك ضروري
ادم فتح عينيه!
ايييه!اتصلت فين وهي تعرف رقمك منين!!!!
بيتريا ابني اتصلت على فونك انت وانا رديت علشان انت كنت نايم بس بصراحه ما كنتش اعرف ان صوتها حلو كده
ادمكشر عينيه لبيتر وپغضب
لم نفسك وبعدين انت عرفت انها مريم ازاي هي قالتلك!!
بيترلا طبعا بس انت ناسي ان انا اللي جبتلك رقمها بس
ايه طلعت تستاهل اصرارك اني لازم اجيبلك رقمها
امبارح ههههههه
ادماطلع بره يا بيتر علشان ما تغباش عليك
بيترماشي يا عم ما تزقش انا طالع انا كنت جاي اسلم عليك قبل مانزل الشركه واه العسكري اللي بره بيقولك ان المدير عايزك سلام
ادمالو الو محدش بيرد!!
بيتر بعد ما خرج فتح الباب تاني
ولا انا عامل كتم صوت للمكالمه هههههه وقفل الباب بسرعه قبل ما آدم يتنرفز عليه
شغل كاتم الصوت وبعدها الو
مريم الو انا موافقه على طلبك
ادم ايه ده ع طول كدا ودا بقى وعد جديد وهتخلفي بيه !!
مريم انا ما بخلفش بوعودي انت السبب في كل حاجه حصلت انا باقولك اهو انا موافقه على اي حاجه تطلبها مني انا هاعمل اي حاجه علشان ابعد الاذى عن عيلتي
ادم تمام كويس انك عقلتي قبل فوات الاوان
مريمبس ليا طلب عندك لو سمحت
ادم طلب ايه
مريم بلاش النهارده انا لازم اقابلك واتكلم معاك واتفق معاك علي شويه حاجات واشوف هاعمل ايه وهتصرف ازاي ما هو مش معقول اقول لااختي بعد اذنك انا رايحه
ادم فهم كلامها
خلاص ماشي شوفي تحبي نتقابل امتى
مريمانا هاجيلك القسم ما ينفعش اقابلك بره ممكن !!
ادمخلاص ماشي هستناكي بس اي حركه كده ولا كده ما تلوميش الا نفسك
مريملا ما تقلقش سلام
ادمسلام
وقفل وهو حاسس انه مبسوط ان هيشوف العيون دي تاني قد ايه هي وحشاه
آدم فوق فوق لنفسك ده رهان بينك وبين نفسك مش اكتر
عند المدير
هايا ادم وصلت لايه
آدماحنا لسه بنحقق يا باشا وبعتنا لاهل المټوفي علشان ناخد اقوالهم ونشوف اي حد ولو خيط رفيع يوصلنا للقاټل
المدير ازاي نوصله انت مش قولت كان في شاب جنب القتيل والبصمات موجوده على ساعته!!
ادميا باشا ده عيل ما كملش 15 سنه وكان بيلعب كوره وكمان كانو صحابه في الملعب اللي جنب المعمل
وفعلا كان بيجيب الكوره من جوه وقال لما سمعت صوت حد جوه دخلت اشوف ف حد موجوه ولا لا
وقال لما شفت الراجل مرمي على الارض مسكته من ايده علشان يقوم معايه وقال الراجل فعلا كان صاحي وبعدها مره واحده سكت وما تكلمش حظو وحش بقى ان احنا دخلنا وهو جمبه
المدير ولما هو معملش حاجه قبضت عليه ليه
آدمانا كنت هاسيبه بس اخدناه علشان لو كان القاټل موجود ومراقب المكان يعرف القضيه كده ممكن تتقفل وأكيد هيغلط
آدم ما تقلقش حضرتك هو فعلا ما سابش اي حاجه وراه بس انت عارف سيادتك اننا مسكنا قضايا اصعب من دى 100 مره وحليناها
المديرهبس اللي محيرني ان حسين قبل الحاډثه بيوم قال ان اللي بيكلموا اتفق هيقابله عند المعمل القديم بعدها بيومين يعني المفروض المقابله كانت هتم النهارده ايه اللي غير في الخطه!!!!
ادماكيد يا باشا القاټل شك اننا مراقبين تحركات حسين ولولا الجي بي اس اللي احنا وصلناها في ساعه حسين ما كناش عرفنا ان راح امبارح عند المعمل القديم وده سبب اننا رحنا امبارح نشوف ايه اللي حصل بعد ما اتصلنا على حسين وتليفونه مقفول !!
الباب هنا خبط ودخل واحد
تمام يا فندم !!! اهل القتيل حسين الصاوي واقفين عند مكتب آدم باشا
المدير تمام انزل يا ادم وحقق وربنا معاك
آدمتمام يا فندم بعد اذنك
ونزل ادم علشان يحقق معاهم
عند مريم
نزلت
شيرينصباح الخير تعالي يا مريم علشان نفطر انا مستنياكي
مريمصباح الخير امال الكل فين !!!
شيريناشرف راح على شغله ومحمد راح المدرسه وكان شكله تعبان بس مش اووى وعطيته مسكن ورنا راحت الجامعه
مريم بالسلامه ان شاء الله
شيرينمالك وشك مخطۏف كده ليه انت بتاخدي علاجك ولا لا
مريمباخده طبعا يا ابله بس انا كويسه ما تقلقيش عليا انا بخير طول ما انتو بخير
شيرينحبيبتى ربنا يجعلك بخير دايما يلا نفطر بقى انا جوعت
مريم ابتسمت حتى انتي يا ابله بتجوعي
شيرينهههه طبعا من عاشر القوم
مريمطيب انا هافطر معاكي وبعد اذنك اخرج رايحه مشوار مهم
شيرين وماله يا قلبي بس مشوار ايه اللي انتي رايحاه
مريممشوار مهم بس ممكن يا ابله تاجلي سؤالك ده ولما ارجع هاقولك على كل حاجه بعد اذنك طبعا
شيرينماشي بس انتى غريبه النهارده انتي كنتي بتقوليلي قبل ما انا اسال !!
مريممعلش يا ابله اعذريني ممكن
شيرينوما له يا قلبي تروحي وترجعي بالسلامه
عند ادم
آدمانسه هنا ممكن اعرف انتي كنتي فين يوم
الحاډثه
هنا اتوترت وفركت ايديها هناانا
يتبع
عند آدم
هنا اتوترت وفركت في ايديها
هناانا
ادمايوه انتي ايه
هناااا اايوه ايوه كنت في البيت
ادمهو ايه اللي ايوه ايوه انتي لحقتى نسيتي الچريمه تمت امبارح الساعه 1045 يعنى 11 الا ربع
هنا عيطتحضرتك بتزعقلي ليه لاحظ انى لوحدي واني انا اللي ابوها م١ت يعني انا متوتره وخاېفه
ادم خاېفه من ايه حد اتصل بيكي او حد كلمك
هنا لا
آدمطيب حد بعتلك رساله على فيسبوك او مثلا واتساب
هنا لا لا
ادمطيب اهدي انا اولا اسف لاني عليت صوتي عليكى ثانيا انا بحقق مع كل الاطراف علشان نقدر نوصل لخيط صغير في القضيه
هنا اه اه طبعا ربنا معاك
ادمهو انتي بتفركى جامد في ايديكي ليه!!
هنا لا ابدا انا بس اول مره ادخل قسم وحاسه بشويه خوف
آدم اتصل بحد من العاملين وطلب لهنا عصير ليمون
ادم اتفضلي اشربي العصير ده وهاتهدى خالص وما تخافيش من حاجه
هنا ماخافش ازاي بس ما بابا كان متواصل معاكم وقولتوله ما تخافش ودي كانت النتيجه!!
ادمهو والدك حكالك على اللي كان بيتم مابينا
هنا خاڤت لاتكون عملت حاجه غلط
لو سمحت انا ممكن امشي انا متشكره على العصير
ادم حس بخۏفها
العفو على ايه بس في سؤال صغير
هنا طبعا اتفضل
ادمحد تاني يعرف ان والدك كان على تواصل معانا
هنا سكتت وبعدها قالت
لا خالص بابا حكالي فى الفتره الاخيره شكله كان حاسس انه ھيموت وعيطت
ادم طيب بطلي عياط وياريت لو حد كلمك او سالك على حاجه او شكيتي مجرد شك في اي حد كلميني وده رقمى الخاص
هنا اخدت الكارت
استاذن انا
ادم اه طبعا اتفضلي
هنا خرجت وروحت ع طول
امين العسكري تمام يا فندم
ادمفاضل مين بره
امينعاصم الصاوي
ادمطيب خليه يدخل
عاصم دخل
صباح الخير يا ادم باشا
ادمصباح الخير تحب تشرب حاجه
عاصملا متشكر جدا لذوق حضرتك
ادمتمام استاذ عاصم تقدر تقولي كنت فين امبارح الساعه 10 صباحا
عاصمانا كنت في الشركه بتاعت عمى حسين وما خرجتش من المكتب غير ساعه ما اتصلتو عليا علشان انزل اشوف اللي حصل وجتلك على هنا امبارح لو تفتكر
ادم امممم اجابه طويله على سؤال صغير تمام طيب انت شاكك في حد معين يعني عمك ليه اعداء مع حد
عاصم بتنهبده
عمي يا ريت كل الناس تكون زي عمى حسين
ادم ايوه دي نفس اجابه جاسر الصاوي وانا بحقق معاه هو جاسر لما خرج من هنا يا ترى مشي ولا راح فين
مريم اتوجعت من مسكته وحست ساعتها بفرق الطول بينو وبينها ورفعت راسها وبصتله وتقابلة عنيهم واول مره مريم تاخد بالها
ان ادم شكله وسيم وعيونه خطڤتها وبرفانه دخل ع قلبها قبل أنفها وادم سرحان في عيونها الزتوني وواحده واحده قبضت ايد ادم ارتخت من دراع مريم
مريم لو سمحت عايزه امشي
آدم بصوت مبحوح تمشي فين!
مريماروح بيتنا
ادم هز راسه ببلاهه
اه هنروح بيتنا
مريم لسه هترد فون آدم رن ومريم فاقت وبعدت عنه
وآدماحممم
وراح يرد على الفون
الو حبيبي ازيك يا طاروق
مريم بصتله وبصوت واطى
انا هامشي
ادم شاورلها بايده تستني
آدمها قولت ايه معلش اه يا حبيبي انا تمام
طارق
ادمماشي عرفنى قبل ماترجع من المأموريه يا حبيبي تيجي بالسلامه
آدم اقفل مع طارق وقام قعد قدام مريم على الكرسي
آدماسبوع كويس !!!
مريماسبوع كويس على ايه مش فاهمه
ادمهنتجوز كمان اسبوع تكوني رتبتى فيه نفسك وعرفتى تقوليلهم ايه علشان اجي اخدك ونطلع على المحامي
مريماه كويس ان شاء الله وبعدين هارتب حاجه ايه ده هو يوم يعني وتاني يوم هتطلقني
ادم سكت وما ردش
مريماحمم طيب بعد اذنك
ادمروحى على طول
مريم لفت ضهرها وقالت
مش تعيش ف الدور انا لسه ما بقتش مراتك ومشيت
عند جاسر
____بقلم mariem nasar
جاسر قاعد واخد اخته في
عاصم قاعد قدامهم بعد ما خلصو وډفنو ابوهم
عاصم شد حيلك يا جاسر وفوق علشان الشركه محتاجالك
جاسرشركه ايه وبتاع ايه بس ما فيش حاجه في الدنيا هتعوضنى عن ابويا اللي راح الله يرحمه
هنا بټعيط
انا مش مصدقه اني خلاص بقيت يتيمه الام والاب
عاصمما تقوليش كده يا هنا وامي موجوده وهي بتعتبرك بنتها بالضبط ولو عايزاها تيجي تقعد معاكى كام يوم ما فيش مانع
هنا بصت لجاسر
ينفع يا جاسر
جاسرطبعا يا قلبي ينفع وبعدين مرات عمي هتبقى حنينه عليكى وان شاء الله هتعوضك ولو جزء بسيط من اللي راح وكفايه اللي انتي شوفتيه النهارده
هنااه والله انا كنت مړعوبه وانا عند الظابط اللي اسمه ادم ده هو صغير اه بس يحسسك ان انت المچرم
جاسرليه يا حبيبتي حصل ايه هو عمل لك حاجه
هنا لسه هتتكلم وسرحت شويه
لا خالص هو سالني كنت فين وانا قولتله ده حتى طلب ليا عصير
عاصمكتر خيره وع فكره ده رائد مش ظابط المهم ابعتلك والدتى امتى
هناهو انت مش هتعيش معانا هنا ياعاصم
جاسر بصلها بعدم فهم
وعاصم لحق يتكلم
لا طبعا انا امبارح مشيت ومن
النهارده انا هاعيش في شقتي وهبقى اجي اطمن
على والدتي عندك طبعا بعد اذنك يا جاسر
جاسرطبعا يا عاصم البيت بيتك وانت عايش معانا
من وانت عندك 18 سنه ومن خوف مراة عمي عليك تعيش وحيد فجابتك تعيش معانا وده احسن قرار عملته علشان يبقى ليا اخ
و سند
عاصم طلب من جاسر يقوم يوقف وجاسر وقف وعاصم
عاصمانت اللي نعمه السند انا جيت هنا وانت 7 سنين ولو حد يتكلم معايا انت اللي كنت دايما في ضهري كبرنا مع بعض وهنفضل دايما في ضهر بعض
هنا فرحت للحب اللي موجود بينهم وعاصم مشي علشان الوقت اتاخر وجاسر ضم اخته وخدها وطلعها اوضيتها
عند مريم
بعد ما الكل اتعشي واشرف ومحمد طلعو ينامو وشيرين بتقرا قران وتصلي قيام الليل ورنا ومريم بعد ما
خلصوا ورد القران بتاعهم اليومى قعدوا على السرير جنب بعض ومريم سرحانه
رنامش هتقوليلي بقى مالك
مريمما لي ازاي يعني
رنايعني تغييرك المفاجئ ده ساكته وما بتتكلميش
كتير نظراتك واهتمامك الزايد بمحمد وكمان محمد
متغير وحابس نفسه يادوب من المدرسه للبيت وما
خرجش النهارده ودلوقت سرحانه وعرفت من ماما انك خرجتى وما حدش فينا عارف لحد دلوقتي كنتي فين ولما رجعتي ماما كانت مستنياكي تحكيلها بس ماما ما حبتش تضغط عليكي
فا ها مش هتحكيلي مالك بقى وما تقوليش ما ليش علشان مش هسالك تاني
مريمبصي انا كده كده كنت هاحكيلك النهارده
رنا انا جالي عريس
رناصفرت بفرحه هالله هالله ايه الجمال ده والله كنت حاسه
مريميا بنتي اهدي كده وافهمي الحوار علشان عايزاكي تساعديني
رنا بفرحه احكي
وكل اذان صاغيه
مريمدلوقتي في واحد شافني واعجب بيا وعايز يتجوزني على طول من غير خطوبه ولا اي حاجه كتب كتاب على طول
رناليه هو كبير في السن ولا ايه انا مش فاهمه وهو شافك فين انتى نادرا لما تخرجي
مريممش عارفه تقول ايه لرنا وفي نفسها يا ترى كام كدبه يا مريم هتكدبيها بسبب هذا الادم
مريمبصي يا رنا انا موافقه عليه وعايزاكي تتصرفي وتقنعي اختي شيرين وكمان عايزاكي معايا نقنع اشرف انه جاي من طرفه
رناانتي بتقولي ايه اروح اقول لماما في واحد عايز يتجوز اختك في يوم وليله كده من غير ما نعرف هو مين ولا شغال ايه!!!!
مريمهو رائد شرطه وانا عارفاه من فتره وكنت لازم اتاكد من انه عايز يتجوزنى فعلا ولا لا
رناتعرفيه من فتره ازاي ومن غير ما تقوليلي
مريمالمهم دلوقتي هتساعديني ولا لا
رناهساعدك بس لما افهم واقتنع لاني مش مقتنعه ب ولا كلمه من كلامك ده
مريمحاضر بصي يا ستي ده رائد شرطه زي ما قلتلك واسمه ادم وتقابلنا قبل كده وتعرفنا على بعض وهو جاد جدا بخصوص الجواز ولكن هو عنده ظروف تمنعه من ان هو يعمل خطوبه
وبعدين يا رنا ده رائد شرطه وليه اسمه وسمعته استحاله يعني هيضرني او يأذيني رنا لو ليا خاطر عندك توافقي تقنعي اختى وتساعديني
رناحاضر يا مريم فصلتينى انا هاروح انام دلوقت
مريم لالا لا انتي تروحي دلوقتي تصحي اشرف وتحكيله ولما يوافق انا هدخل اتكلم معاه ونعرف هنعمل ايه لاني مش قدامي غير اسبوع واحد
رناايييييه اسبوع انتي بتهزري يا مريم
مريم وحياتي لو في حاجه احكيلي انا مش مقتنعه اسبوع ايه يا بنتي
مريميعني لازم احلف علشان تصدقي ان ما فيش حاجه خلاص يا رنا ما تعمليش حاجه وروحي نامي وانا هصرف نظر عن الموضوع خالص تصبحي على خير
رناما لك يا مريم اتعصبتي كده ليه خلاص ما تزعليش وحقك عليا انا هاروح دلوقتي وهصحي اشرف وهقوله ولما اخلص هبعتهو لك ماشي
مريم رنا
انااسفه بس اعصابي متوتره شويه وبجد شكرا يا رنا ربنا ما يحرمني منك
عند ملك
ملكبابا ما ينفعش كده انت لازم تروح المستشفى علشان ما تتعبش اكثر
خالدحبيبتي انا كويس ما تقلقيش عليا شويه تعب وهيعدوا
ملكازاي يا بابا انت ضغطك ما بينزلش وده غلط المره اللي فاتت الضغط كان عالي جدا وقلب معاك جلطه على المخ ولولا الجيران انا ما كنتش عرفت اتصرف
خالدواهو ربنا ستر ما تخافيش يا بنتي دي اعمار واللي مكتوب له حاجه هيشوفها
ملكونعمه بالله يا بابا ربنا يقومك بالسلامه ويخليك ليا
خالدبيكح امال فيفي فين
ملكما انت عارف يا بابا فيفي كل شويه عشا عمل غدا عمل اجتماع سهرات ده حتى ما بقتش بتسال علينا ولا عليك اتغيرت خالص يا بابا
خالدمسك ايد ملك وقالها معلش انا اللي استاهل ذنب ناس بتخلصه ناس
عند اشرف
أشرفنعععععمممم اسبوع ايه انتوانتجننو ومريم اټجننت ليه هو سلق بيض ولا ايه!!!!
رناما فيش بيض بيتسلق في اسبوع
اشرفبت انتى انا متعصب وانتي بتهزري
رنااومال عايزني اعمل ايه انا مش مقتنعه بكلام مريم ليا وفي الاخر زعلت مني وقالت هصرف نظر
اشرفيكون احسن اللي ما يجيش شاري يغور وبعدين ايه الظروف دي خلاص لما ظروفه تتحسن يبقى يجي هي مريم عنست يعني
رنايعني اقولها ايه دلوقتى اشرف رفض
اشرفوالله ما انا عارف موضوع انه جاي من طرفي دي سهله علشان مثلا لو هي محرجه من بابا وماما
انما بقى انه يجي ياخدها ويكتبوا الكتاب بره البيت وياخدها من بره بره على بيته ولا ماما ولا احنا كمان منحضرش ده اسمه ايه ده ان شاء الله ده لو غلط معاها مش هيعمل كده
رناايه يا اشرف اللي انت بتقوله ده عيب كده
اشرفانا بقول مثال يا رنا والكلام ده مش داخل دماغي ده حتى مش هيجيي يتقدم واشرف قام من مكانه خارج
رنارايح فييين
اشرف انا لازم اعرف فيه ايه وهعرف
يتبع
رنا اشرف انت رايح فين
اشرف رايح افهم في ايه بالظبط وهعرف
رنا طيب انا هاجي معاك
اشرف لا خليكي هنا
رنا طيب يا اشرف بالراحه على مريم انت عارف انها تعبانه ما بتستحملش
اشرف سيبيها على الله وراح عند مريم وخبط ودخل وشاف مريم واقفه عند شباك الاوضه وقالها خير يا مريم وعايزك تحكيلي الحقيقه بالظبط
مريم خير يا اشرف وحقيقه ايه اظن رنا حكيتلك
اشرف علا صوته انا عايز اعرف الحقيقه وعايز اعرف دايره الوصل وفي حلقه ناقصه في الحكايه ومن غير كدب
مريم وانا من امتى بكدب يا اشرف
اشرف مقصدش اسف بس من ساعه ما رنا حكيتلي وانا مش مقتنع بكلامك ومش داخل دماغى
مريم علت صوتها هو انتو ايه حكايتكو النهارده هي تقول مش مقتنعه وانت تقول مش مقتنع هو انا لازم اقدم شرح تفصيلي لحياتي ولخصوصياتي ايه خلاص مابقاليش رأي وعلشان احتجتلك انت واختك تقفوا جنبي هاتحكموني ولا علشان انت اكبر مني ولا كمان يمكن علشان باباك بيصرف عليا !!!!! وعايشه عندكم في البيت خلاص ما بقاش ليا حريه التصرف حتى ابسط حقوقي بتحققوا فيها وهتقولولى ايه اللي ينفع وايه اللي ما ينفعش خلاص انا مش عايزه منكم حاجه
اشرف اهدى يا مريم انا ما اقصدش اي حاجه من اللي جات في دماغك دي
مريم خلاص يا اشرف انا هتصرف ودلوقتي اتفضل عايزه انام
اشرف لا مش هتفضل ولازم اعرف انتي ناويه على ايه وبعدها هاعاتبك على تفكيرك الخايب ده
مريم انا هامشي من البيت ده الصبح وهاروح اعيش عند اخويا
اشرف اخوكي !!!!!! وهتسبينا لمجرد اننا عايزين نفهم مثلا يعنى ولنفترض ان الراجل ده هددك بحاجه او ممكن يكون جاي من طرف اخوكي لان دي مش اول مره يعملها ايه مش عايزه ليه تفهمي ان ده خوف عليكي وان ا خوكي عايز من دلوقت يبيعك للي يدفع اكتر
مريم قعدت على كرسي التسريحه عيطت جامد
اشرف بټعيطي ليه دلوقت انا مش قصدي اجرحك
مريم مسحت دموعها وقامت من مكانها انا اللي عندي قولته لو موافق تساعدني يبقى كتر خيرك مش موافق برده كتر خيرك حضرتك مش مجبر تساعدنى
اشرف انتى ليه بتكلميني بالرسميه دي كل ده علشان مش مقتنع
مريم تاني هيقولي مش مقتنع عايز تقتنع حاضر يا اشرف هاقنعك قامت مريم فتحت دولابها وكانت في علبه صغيره وجبتها قدام اشرف وفتحتها وكان جواها فلوس كتير بصت لاشرف وقالتله تعرف الفلوس دي بتاعه ايه !!!
اشرف فلوس ايه دي يا مريم
مريم دي فلوس باباك تعبه وشقاه وضحكه مكسوره طلعت منها وبعدها عينيها دمعت وقالت فلوسو اللي كان بيديهالي في كل مناسبه وكل عيد وكل مشوار وكل مصروف بيديه ليكم وبيديني انا كمان زيكم وكل صفقه كان بيعملها وينجح فيها يجي مبسوط ويديلكم فلوس يديني انا كمان كان يمد ايده ويديني فلوس وانا بمد ايدي باخد الفلوس وانا ببقى مكسوفه ومكسوره اني عايشه عاله عند جوز اختي واخويا موجود ههههههه اخوياا !!!!! اللي مشي ورا مراته وجابلي ٣عرسان واصغر عريس فيهم كان يبقى اكبر من ابوك عايز يبعنى فعلا للي يدفع اكتر زى ماقولت انت اخويا اللي من يوم ماسبت البيت ما سالش عليا وابوك شال مسئوليتي
دي فلوس مامتك تحويشة عمرها لما تخبط عليا وتيجي تقولي محتاجه فلوس قبل ما ارد عليها تكون مدالى ا يديها بالفلوس
دي فلوسك فلوس مرتب كل اول شهر لما تقبض وتراضي اخواتك وتراضينى انا كمان دي فلوسكم كلكم ده غير علاجي ولبسي واكل وتكاليف اي مصاريف تانيه في اكتر من ٣ سنين لا عم يسال ولا خال يحن
كله يقول عادي اختها موجوده طيب سالوني مرتاحه ولا لا طيب فكروا فيا طيب على الاقل يفكروا ان اللي بيصرف عليا ده جوز اختي مش اخويا ولا ابن عمي ولا حتى قريبي عايز تقتنع اقتنع انى لما باخد جنيه وبمد ايدي علشان اخده بتكسر فيه ولو حكيت لحد ممكن يقولي احمدى ربنا انك لقيتي اللي يتكفل بيكي طبعا بحمد ربنا والحمد لله انه رزقني حبكم
بس انا تعبانه انا اتهديت من بعد ابويا وامي وكنت انا البنت المدلله اللي مراة اخوها كانت بټموت كل ما تشوفه ابويا جايبلى حاجه او ماما بتدلعني او اخويا هههههههه اخويا اللي كان لازم يدخل يبوسني وانا نايمه ويطمن علىا وبابا يقول في وسط العيله انا لو مت مش قلقان على مريم علشان ليها ضهر وسند اخوها حسام بس بابا ما كانش يعرف اني سندي بعد ربنا هيكون اختي اختي اللي لو فضلت ارد جمايلها هاحتاج عمر فوق عمرى علشان اسده وبرده مش هقدر اسده روح نام يا اشرف روح وسيبني مش عايزه حاجه من حد ولا عايزه مساعده كفايه جمايلكو مغرقاني روح
اشرف واقف ودموعه نزلت وراح قعد على ركبه قدام مريم ومسك ايديها وباس على ايديها وقالها انا اسف اني ما كنتش ابن الاخت اللي يستاهل حبك وخلاكى شايله كل ده جواكي واوعدك اني هاقف جنبك واللي انتى عايزاه هيحصل
ومريم مسكت وشه بايديها وقالت انا اللي
اسفه انى طلعت كل اللي جوايا عليك انت سامحني
اشرف يلا قومي اغسلي وشك وروقي كده ولو عايزه تتجوزي دلوقت هانزل اجيبهولك واكتب عليكو
مريم بشبح ابتسامه انت يعني هتساعدني
اشرف انتي تؤمري بس وابن اختك اللي اكبر منك ينفذ وعيزك تشيلى كل الأفكار الل ف دماغك ده بيتك وهيفضل مفتوح ليكى طول العمر وانتى هنا زيك زينا مافيش فرق ابدا فاهمه
مريم فاهمه ربنا يخليكو ليا
ولكن لياطلب صغير ينفع
اشرف اكيد
مريم يعني لو الموضوع تم على خير عايزاك تكلم عمي شوقي علشان يكون وكيلي هو مش هيهتم ولا هيسال على حاجه انا متاكده هو هيكون موجود لان لازم ولي
اشرف
من عينيه حاضر اروح انام ولا ايه علشان ورايا كلام كتير لأم اشرف بكره وسيبيني ارتب كده الكلام في دماغي تمام
مريم لا تمام روح ربنا معاك
اشرف طيب تصبحي على خير
مريم وانت بخير
اشرف خرج وحاسس ان قلبه وجعه على مريم وراح على اوضته شاف رنا قاعده على السرير وبتعيط هي كمان
اشرف ما لك انتي كمان هي ليله باينه من اولها
رنا قامت جريت عليه واترمت في اخوها وقالتله علشان
أشرف انتي سمعتي اللي قالته
رنا كنت رايحه اشوفك اتاخرت ليه او انك تزعلها ڠصب عني سمعت كلامها ووجعني قوي
اشرف خلاص بطلي عياط انتي كمان انا وعدتها وهافضل جمبها على طول يلا بقى عايزه انام تاخرت
رنا حاضر هاروح اشوف مريم
وانام
اشرف لا سيبي مريم دلوقت وروحي نامي
رنا تصبح على خير
اشرف وانتي بخير
عاصملا جاسر واقف مستني بره علشان نروح نستلم عمي ونعمل مراسم الډفن وڼدفنه
ادماه ربنا معاكم
فضل ادم يسأل عاصم وبعدها بشويه والباب خبط
ادمادخل
امين العسكري تمام يا فندم في واحده بره اسمها مريم الجزار وعايزه تقابل حضرتك
آدمطيب ماشي خليها تتفضل وانت يا عاصم باشا اي حد تشك فيه كلمني زي ما اتفقنا اتفضل ومعاك رقمى
عاصم ان شاء الله بعد اذن حضرتك
عاصم خارج ومريم داخله خبطت فيه وعاصم اتاسف لها
مريم انا اللي اسفه ما اخدتش بالي ان حد خارج بعد الأستاذ الل خرج دلوقتي تقصد العسكري امين
عاصم ولا يهم حضرتك وهو واقف مكانه
مريماحمم ممكن ادخل
عاصمها اه طبعا أنا اسف مره تانيه
ادم اضايق وبقى ع اخرو ادمادخلي تعالى ياحبيبتي واتفضل انت يا عاصم
عاصم هز رأسه بتفهم وخرج ومريم واقفه وسط تعجب وذهول من الكلمه اللي ادم قالها
ادم مدايق منها
تعالى تفضلي اقعدي
مريمانت ايه اللي انت قولته قدام الراجل ده
ادمقولت ايه مش فاكر
مريمقولت قولت
ادمايوه ها قولت ايه فكريني
مريملا انت عارف انت قلت ايه كويس وانا مش حبيبتك علشان تقول كده
ادم قدامها وعلا صوتهايه زعلتي ولا خفتى على زعل اللي خبطتى فيه وبعدين مالك وقفتى وتنحتى اوي كده ليه واسفه وما اخدتش بالي ما كنتي قولي كنت اجبلكو 2عصير احسن ما هي سايبه!!!!
مريم انا مش هتجادل معاك ممكن نتكلم في المهم
ادم بينفخ بضيق
اتفضلى سامعك
مريمدلوقتي حضرتك انت طلبت مني طلب ما يرضيش ربنا انت عارف اني لما اروح شقتك واكون معاك ده اسمه ايه !!!!!
ادمسميه ولا حاجه
انا عملت معاكي ديل وانتي وافقتي فما لوش لازمه لانه مش هياكل معايا الحكم والمواعظ بتاعتك دي
مريمماشي انا هوافق اجيلك البيت لكن بصفه رسميه وياريت ما تعترضتش
ورقتين عرررررفى ليه واخدني من الشارع ولا ما ليش عيله ولا يكون علشان انت متعود على الحړام يبقى الكل متعود عليه يا ريت تفوق وتتقى الله فى الانسانه اللي قدامك اللي انت كسرتها وډمرت حياتها ومستقبلها
ادم اتاثر لكلامها ودموعها اللي تجمعت في عينيها
ادميعني انت عاوزه ايه دلوقتى
مريمبص انا مش هجبرك على حاجه انا هاقولك دلوقت على اللي انا عاوزاه وانت حر تعمل اللي تحبه انا دلوقتى عايشه مع اختي وأولادها حوالي 3 سنين وقولت الحمد لله
وعشت ف سعاده وكنا مبسوطين لحد امبارح بس انا حافظت على نفسي انا لبست النقاب ده علشان ربنا اولا
وثانيا علشان ما حدش يطمع فيا اكتر من اللي طمعو قبلها وحاولت على قد ما اقدر اقرب من ربنا وتيجي انت في الاخر عاوزني اكون
اللي هيحصل بينا ده انت اللي عاوزه يحصل وده هيكون في ميزانك انت يوم القيامه فلو هتتحمل عقاپ ربنا ليك خلاص انا موافقه ولو بس جواك شويه رحمه يبقى تتجوزني وشرررعي
الكوره دلوقتي في ملعبك وانت اختار وانا مش همنعك
و دمعه نزلت من عينيها وآدم واقف ونفسه يقولها ما تعيطيش انا من ساعة ما شوفتك وانا نفسي
سكوت تام بينهم لحد ما ادم كسر السكوت ده
تمام موافق احنا هنتجوز
مريم اتنهدت بارتياح
شكرا انك فهمتني
ادماحنا هنتجوز بس مش عند مأذون
مريم مش فاهمه!!!!
ادمهنتجوز عند محامي بعقد يعني
مريمممكن اعرف ليه
ادمانتي ما لكيش بقى في ليه دي خالص انتى كنتي عايزه حاجه وحققتهالك خلاص
مريمطيب هاقولهم ايه في البيت
ادموالله دي مشكلتك انتى بقى مش مشكلتي انا قولي اللي يعجبك
مريم بصوت واطي ده انت انسان بارد
ادمبتقولي ايه
ادم متغاظ من انها بتتكلم بصيغة الامر وضغط على دراعها اكتر وهي ما بينتش انها بتتالم منه
آدممين اللي بارد!
مريماا م مفيش حد
آدم انتى قولتي انسان بارد مين يا مريم بارد
كانت ليله طويله جدا على مريم واشرف ورنا والنوم جفاهم مريم ماسكه صوره ل باباها ومامتها وبتعيط لان ده جزء بسيط من السبب اللي هي حكته ولكن الحقيقه هي غير كده تماما وهي ضميرها معذبها علشان كدبت على اشرف وبتداري علشان خاطر تنقذ محمد ورنا زعلانه على خالتها وصديقة طفولتها اشرف سرحان ومتضايق انه ازاي ما كانش حاسس بمريم وبيفكر هيقول ايه لباباه ومامته
عدي يومين على ابطالنا وكل واحد سرحان في ملكوت لوحده واشرف اقنع مامته اللي وافقت بصعوبه جدا وخلاها توعدوا بانها ما تتكلمش مع مريم في اي حاجه وان دى رغبتها وشيرين حكت لمصطفى اللي برده كان معترض وبتتدخل من اشرف وبعد ضغط شديد من الكل وافقوا على آدم العدوي
بقلم mariem nasar
في الجامعه
هناايه فينك بقالك يومين ما بتجيش الكليه
رنا ابدا يا هنا ما فيش حاجه شويه ظروف انتى عامله ايه دلوقتي احسن
هنا اه الحمد لله احسن وخصوصا بعدما طنط ابتسام جت عندنا الفيلا حنينه جدا يا رنا عليا وبتحاول تراضيني باى شكل
رنا طيب كويس تقويلك شخصيتك شويه
هنا اتريقى عموما انا جبتلك المحاضرات اللي فاتتك
رنا شكرا جدا يا هنا مش عارفه من غيرك كنت هاعمل ايه
هنا على ايه يا بنتي احنا اخوات المهم تعالى نتصور بالكام بتاعتي
رنا لا انا مش في المود وبعدين انت ابوكي لسه مټوفي قولت لنفسي هتنسى موضوع التصوير ده شويه
هنا اعمل ايه يعني يا رنا بحب التصوير جدا وما تبقيش رخمه وتعالى بقى
رنا تعالي انا عارفه مش ها اخلص من ذنك ده يلا بينا
في شركه بيتر
سكرتيره بيتر بيه الرائد ادم بره
بيتر دخليه بسرعه
السكرتيره حاضر اتفضل رائد ادم
ادم متشكر
بيتر اهلا اهلا باللي اتغير علينا من ساعه الرقم اياااه هههههه
ادم يا عم ولا تغيرت ولا حاجه في قضيه بس شاغلاني
بيتر ويا ترى بقى القضيه دي حلوه زي صوتها
ادم قسما بالله يابيتر لو مالمتش نفسك لا اتصل ب انجي واقولها لمي جوزك من الكباريهات والبسك في الحيط
بيتر ابو اللي يزعلك وبعدين كباريهات مره واحده قول حاجه انجي تصدقها
ادم لا ساعتها العقل عند الستات هيركن على جمب
بيتر يا مان واطي انت المهم مالك كده متعفرت ليه
ادم ولا متعفرت ولا حاجه انا كنت ف مشوار قريب منك هنا قولت اعدى اشوفك
بيتر حلو اوى احنا نروح النادى وندرب ساعه واجيب ديف من النادي
ادم يلا بينا
شركه الصاوي
الباب بيخبط
جاسر ادخل
عاصم مساء الخير يا جاسر
جاسر مساء الخير تعالى يا عاصم
عاصم كنت عايزك تمضيلى على الاوراق دي بس تقراها
الاول وتشوف كل حاجه في المشروع الجديد سليمه ولا هيكون في تعديلات
جاسر وهو انا هقري وراك وبعدين لو انت شايفه مشروع يستاهل المجازفه ف علي خيره الله
عاصم معلش يا جاسر دي شركتك ولازم تقف على رجليك ولازم تعرف ايه الصح من الغلط ولازم تقرا اى ملف ولوحته ورقه صغيره علشان ما حدش يمضيك على حاجه ټندم عليها وبعدين ما تديش الامان لاي حد حتى ولو كنت انا
جاسر كلام ايه ده يا عاصم دي شركتك قبل مني وانت اكيد عايز المصلحه وغير كده انا كنت مسافر بره مصر وانت هنا كنت دراع بابا اليمين الله يرحمه ف اكيد انت شايف المشروع ده كويس يعني لو مش كويس قولي ما تمضيش ولو كويس قولى على بركه الله وهمضى عاصم يبقى على بركه الله يا ابن عمي وربنا يجعلها فاتحه خير على الشركه ان شاء الله
فون عاصم رن بيشوف مين عاصم طيب انا معايا مكالمه امضى براحتك
جاسر اتفضل عاصم خرج وجاسر بيمضي
الو وحشتني قوي
عاصم وبعدين يا هنا احنا مش قلنا نعقل بقى
هنابزعل اخص عليك باقولك وحشتني بتزعقلي كده
عاصم يا حبيبتي وانتي كمان وحشتيني بس ما ينفعش اللي انتي بتعمليه ده وغير كده وانتى بتتصلي انا كنت قاعد مع اخوكي في المكتب
هنا اتخضت وشاف الرقم
عاصم لا الحمد لله علشان كده باقولك ما ينفعش
هنا طيب عايزه اشوفك
عاصم هاشوف ولو عرفت هاجي مع جاسر النهارده بحجه ماما عايز أشوفها
هنا لا عايزه نخرج انا وانت زي الاول انت من ساعه ما بابا م١ت وانت ناسيني
عاصم لا انا كده ازعل منك قصدك ايه بكلامك ده يا هنا
هنا انا ما اقصدش والله بس انت المفروض تسال عليا كل يوم زي الاول
عاصم ما ينفعش علشان اولا جاسر اخوكي مش غبي ثانيا ماما عندك ولو شكت ممكن تعملي مشكله
هنا مشكله ليه يعني
عاصم مشكله لانك بنت عمي وعايش معاكم وعايش من خير عمي وانا كده الامانه فهمتي يا هنا
هنا بعدم اقتناع اه فهمت خلاص لما تروح نتكلم واتس
عاصم ماشي يا قلبي
هنا باي
عاصم استنى
هنا ايه
عاصم بحبك
هنا وانا كمان
عاصم رجع ل جاسر علشان يتفقوا على الشغل
بقلم mariem nasar
عند مريم
محمد فتح الباب جامد ومريم كانت قاعده بتقرا قران واتخضت من طريقه دخول محمد
محمد انتي ازاي تعملي كده
مريم صدقت وقفلت المصحف وحطته جمبها على الكومود وقالت عملت ايه يا محمد ووطي صوتك انا مصدعه
محمد انتى عارفه كويس ازاي توافقى تتجوزي الظابط ده وكمان اعرف من ماما واخواتي إن جوازك النهارده
بالليل بإي عقل وبإى منطق اللي بتتكلمي فيه ده
مريم اهدي وانا افهمك محمد يا حبيبي دلوقتي انت متهم في قضيه
