جريمة عشق بقلم مريم نصار
مكان ركنة عربيه اخويا ماشي
ملك ضحكت وقالت حاضر واتصلت على جاسر علشان يطلع يتغدى وجاسر من صوتها عرف ان آدم سامحها وكان مبسوط جدا ان ملاكه فرحانه
جاسر طلع ومريم غيرت لبسها ولبست لبس عادي مع النقاب والحجاب وملك كانت من فرحتها شبه العروسه اللي فرحانه بعريسها وكانت قاعده جمب آدم وصممت انها تاكلوا بايديها لحد ما يشبع وآدم ايديكي وجعاكى
ملك لا حتى لو ۏجعاني انا هاكلك النهارده بايدي سيبني اعيش اليوم ده لو سمحت
آدم براحتك كلهم قعدوا على السفره آدم جمبه ملك وجاسر قصاد ملك ومريم جمب آدم
ملك من فرحتها نسيت مريم وجاسر وبتدلل في آدم وبتأاكله ونسيت تماما حړق ايديها
وجاسر شافها ملك ايدك ما لها
ملك لا ابدا ما فيش انا مسكت الحله وكانت سخنه بس الحمد لله بقيت احسن وبعدها انتبهت ل آدم يا خبر سوري خد حته الفرخه دي
آدم مبسوط واحساس مختلف ولكن مريم ڠصب عنها اتدايقت من ملك وطريقه الاهتمام وانها بتاكلوا بايديها لكن طردت الفكره بسرعه
وكانت سعيده لان خطتها تمت بنجاح والحمدلله الاخوات سامحه بعض وبعدها سرحت شويه وافتكرت اخوها حسام لما كان بيرخم عليها وحاسه انها مشتاقه لاخوها
آدم مريم مررريم
مريم احم نعم يا آدم
آدم مالك يا حبيبتي ما بتكليش ليه
مريم الحمد لله شبعت وقامت جاسر البيت بيتك طبعا وياريت تتغدى من غير احراج
جاسر احم متشكر جدا لحضرتك وبجد تسلم ايدك على الاكل الجميل ده
مريم بالف هنا عن اذنكم انا هاقوم اجهز الشاي على ما تخلصو الاكل
مريم دخلت المطبخ وعيونها مليانه بالدموع وجابت الفون واتصلت على رقم غريب الرقم رن ورد عليها صوت واحد بيكح
الو الو
مريم غمضت عينيها ودمعه نزلت ونفسها تقوله انا مريم يا حسام لكنها اكتفت انها سمعت صوته وقفلت
ملك بتااكل آدم وجاسر عينيه بتطلع شرار ومتغاظ من دلع ملك ل آدم
وآدم طبعا كان محرج من اخته تاكله قدام حد ولكن هو حس ان ملك كده مبسوطه
وجاسر كح ملك ممكن ميا
ملك اه طبعا اتفضل وحطت الكوبايه قدامه ورجعت ل آدم تاني
جاسر بص عليها وعينيه عليها ما بتنزلش وآدم فهم ان جاسر غيران على ملك واتاكد ان جاسر بيعشق ملك مش بيحبها بس
آدم احم خلاص يا ملك كملي اكل انا خلاص هاكمل لوحدي وبعدها غمزلها وبتبص على جاسر اللي كان بياكل بغل وعايز يولع في ملك وبينتقم في الاكل
ملك
نسيت خالص ان حبيبها موجود احم جاسر تحب تاكل من الكفته دي
جاسر بغيظ لا شكرا مش عايز
آدم طيب يا جماعه انا اكلت هاروح اغسل ايدي وانت يا جاسر البيت بيتك زي ما مريم قالتلك بالظبط وملك قاعده معاك خدوا راحتكم
آدم قام راح يغسل ايديه وملك قامت وقعدت جمب جاسر حبيبي انت في حاجه مدايقاك
جاسر بصلها بغيظ ابدا وانا هتدايق ليه
ملك اخدت صباع كفته طيب كل ده من ايدي
جاسر بزعل مش عايز روحي اكليه ل آدم عن اذنك انا شبعت وجاي يقوم
ملك شدته من ايده قعدته تاني اخص عليك غيران من اخويا اللي كنت بتحارب علشان يرجعلي
جاسر قعد لا يا ملك مش غيران وطبعا انا يمكن اكتر واحد افرحلك انك تكوني مبسوطه لكن ياريت لو كنتي تراعي مشاعري ده انتي كان ناقص تقعدي على رجليه وانتي بتااكليه
ملك بجد تصدق والله ما اخدتش بالي انا من فرحتي نسيت كل حاجه ما تزعلش بقى
جاسر خلاص يا ملك مش زعلان من حاجه ويا ريت بعد كده تاخدي بالك من تصرفاتك
ملك قربت منه وباسته من خده حقك عليا
جاسر قلبه دق بسرعه وبص ل ملك ومش مصدق ان ملك باسته وابتسمتله خلاص بقى خلي قلبك ابيض
جاسر احم عاوز واحده كمان وكده مش هاكون زعلان
ملك بدهشه انت مش قولت انك مش زعلان من حاجه
جاسر زعلت تاني فجاءه كده انا حر يا ستي
ملك قربت منه وباسته بوسه رقيقه من خدو اللي خلى جاسر قلبه يدق بسرعه
وكمان ملك كانت ديما بتستغرب ان جاسر ليه لحد دلوقتي مطلبش ايديها للجواز
آدم غسل ايديه وراح ل مريم على المطبخ وكانت واقفه سرحانه وما عملتش الشاي من الخلف وباسها من كتفها حبيبي واقف سرحان ليه
مريم انتبهت ومسحت دموعها بسرعه لا ابدا انا كنت باعمل الشاي
آدم بص حواليه وحط راسه على كتفها وهو فين الشاي ده
مريم حالا وهيكون جاهز
آدم حس ان صوت مريم حزين ولفها ليه وشاف عيونها دبلانه وفيها دموعاي ده يا مريم انتي معيطه!!
مريم لا لا وهعيط ليه
آدم مريم انتي معقوله تكوني بټعيطي علشان غيرانه من ملك انها بتاكلني
مريم بصت ل آدم واستغربت انا يا آدم غيرانه من ملك
آدم حبيبتي ما اقصدش انا بسالك او تكوني
مريم قاطعته
بالعكس انا فرحانه وفرحانه ومبسوطه جدا كمان ان الاخوات اتجمعوا من تاني واتمنى كمان ان ملك تعيش معاناعلى طول وكمان يهمني انك تكون مبسوط انا عمري ما غير من سعاده غيري ابدا يا آدم
آدم حس ان مريم زعلت وحب يفكها
آدم حبيبتي مش كده مش غيرانه من السعاده بس يعني ممكن يعني مثلا وملك بتاكلني صباع المحشي وبيقرب منها او حته فرخه كده في بوق آدم حبيبك ولا كمان حته مكرونه اممم الاكل كان مميز النهارده
مريم متغاظه لكن اتكلمت بمكر اه فعلا حاسه ان الاكل كان مميز ايه رايك انا هقترح على ملك انها تعيش معانا من دلوقتى علشان تاكلك المحشي ف بوقك وحته الفرخه وكمان حته المكرونه ايه رايك
آدم اي ده يخربيت اللي يهزر معاكي
مريم ابتسمت وآدم مسك ايديها وباسها بجد شكرا
مريم بتشكرني على ايه
آدم اولا على تعبك النهارده وانك تعبتى علشان خاطري وخاطر ملك
وثانيا على الاكل الجميل ده بجد طعمه حاجه وهم
وثالثا علي انك عملتي كل ده علشاني وعلشان ترجعي ملك وادم تاني اخوات زي زمان
تعرفي انا من اللحظه اللي سامحت فيها ملك حسيت قد ايه اني مرتاح وفي حمل كبير من على قلبي اتشال بجد بجد انا متشكر يا احلى بنت واخت وزوجه وام في العالم كله انتي ما تعرفيش حبك عامل فيا ايه وكمان ما تعرفيش انا مشتاقلك قد إيه
يا مريم الفتره اللي فاتت انتي كنتي بعيده عني قوي كنت حاسس اني لوحدي انا من غيرك مش كامل يا مريم
انتي اللي بتكمليني مريم وحياتي ما تعملينيش بجفا تاني انا كنت مش عايش الفتره اللي فاتت
مريم ڠصب عني سامحني يا آدم انا كنت زعلانه منك وما كنتش قادره اسامحك او اني ارجع اتعامل معاك زي الاول مع انه كان صعب عليا جدا لكن فكره انك تتهمني او تطردني من البيت وانك تعلي صوتك عليا في وجود ناس تانيه وتزقني بايدك توقعني لولا ملك اختك
انا كنت مچروحه ومش قادره انساها لكن بجد حاولت انسى والنهارده بعد ما شوفت الفرحه دي انا نسيت كل حاجه وكمان انا محتجالك اكتر منك
آدم اخدها في انا اسف انا غبي والله غبي علشان بزعل ملاك زيك سامحيني انا والله ساعات لما بتدايق ما بشوفش قدامي وبعدين انا اتربيت منك الفتره اللي فاتت دي اكتر من شهر يا مفتريه حرام عليكي دومي حبيبك وضحكوا
مريم خلاص انسى بقى وخرجت من يلا بقى اخرج علشان العصافير اللي بره وانا هاعمل الشاي وهحصلك
مريم عملت الشاي وبعدها قدمت عصير المانجه وآدم صمم ان ملك تقعد معاه للسهره وهو هيوصلها
وجاسر
استاذن علشان ما ينفعش يقعد اكتر من كده وخصوصا ان ملك عندها كلام كتير ل آدم
آدم قاعد وملك جمبه ومريم كمان قاعده وكلهم مبسوطين
ومريم استأذنت انا هادخل جوه اتكلم مع ابله شيرين على الفون وانتو اتكلموا براحتكم وفعلا مريم سابتهم وملك بدات تحكي ل آدم كل حاجه
فيلا مصطفى عزيز
أشرف احم بابا
مصطفى نعم يا اشرف
اشرف بابا انا بقول يعني بلاش محمد يخرج مع طارق ورنا
وطارق فرح جدا جدا جدا
ومصطفى استغرب موقف اشرف وكلامه دايقه ازاي يعني مش فاهم وخروج محمد معاهم هيدايق حضرتك في ايه
اشرف لا يا بابا انت فهمتني غلط انا قصدي يعني ان طارق ورنا هيخرجوا وانا كمان هاخد هنا ونخرج كلنا مع بعض
طارق كل اماله اتحطمت
مصطفى بارتياح اممم تمام ما فيش مشكله لكن ياريت مش كل واحد ياخد خطيبته ويروح على مكان لوحده وبعدها تتقابلو وقت رجوعكم على البيت الحركات انا فاهمها كويس
أشرف استغرب ابوه جدا لان اشرف ده فعلا اللي كان ناوي يعمله احم ابدا ايه الكلام اللي بتقوله ده يا بابا احنا هنخرج مع بعض وهنرجع مع بعض
وكل من اشرف وطارق احلامهم اتبخرت
وطارق اخد رنا وخرجوا وأشرف اتصل على جاسر استاذنو ان ياخد هنا ووافق وأشرف راح واخد هنا وخرجوا وا تفسحوا هما الاربعه وكان يوم جميل بالنسبالهم وهنا كانت بتصورهم
وعلمت اشرف ازاي يصور ورنا كمان وطارق
عند آدم
ملك بس يا آدم هو ده كل اللي حصل وبابا ندم جدا وقرر يرجع على مصر علشان يدور عليك وصاحب بابا عمو جورج حول الفلوس لبابا اللي كان مخبيهم من ورا فيفي
وبابا متابع اخبارها من عمو جورج وقاله انها باعت كل حاجه ما عدا الفيلا وفتحت شركه كبيره جدا تصدير واستيراد وكمان اتخطبت لواحد امريكي غني جدا وهتدمج شركتها مع شركاته مع بعض اللي هي بفلوس ماما وبابا
آدم قصدك اللي بفلوس ماما بس يا ملك
ملك آدم يا حبيبي انا مش هاقولك سامح بابا دلوقتي آدم كلنا بنغلط وصدقني بابا دلوقتى بقى انسان ضعيف ومكسور
تعرف أنه بيفكر انى لما اتجوز يروح يعيش في دار المسنين
آدم يستاهل واكتر من كده كمان انا هاين عليا انى احبسه واعيشه ف سجن
ملك انا عارفه ان الكلام ده من ورا قلبك تعرف بابا دايما يقولى ان آدم واخد كل حاجه من ماما اخلاقك وطيبتك وقلبك وكمان حبك الكبير ل مريم فعلا انت تشبه ماما كتير يا آدم
آدم ودي احسن حاجه حصلتلي لاني لو كنت شبه كان ممكن اكره نفسي واڼتحر كمان
المهم سيبك انتي من الكلام في الماضي واحكيلي بقى عن جاسر شويه
ملك باحراج جاسر ماله جاسر واحكيلك ايه يعني
آدمهي فيها احم يا بت بقولك احكيلي يعني حبك امتى حبتيه ازاي وكده يعني
ملك بسعاده ايه ده هو باين عليا
ادم لا طبعا واضح على جاسر اوي انا شايف انه بيحبك وبيحبك جدا كمان
ملك ماشي يا سيدي انا هحكيلك بس واحنا في الطريق علشان اتاخرت اوكي
آدم اوكي
ملك طيب نادي على اجمل مراة اخ في الدنيا علشان اسلم عليها
آدم ماشي ثواني
عند عاصم
بقلم mariem nasar
عاصم قاعد في شقته متوتر و١٠٠ فكره وفكره بتطاردو
وكمان بعد ما خرج من عند سوزي راح وراقب زياد وشافوا شغال في الورشه وما فيش اي جديد عليه
ورجع تاني شقته محتار وكل دقيقه يتصل بالرقم ده وما فيش اي حاجه لا بيرن ولا بيجمع خالص
وبعدها جرس الباب رن وعاصم فكر انها سوزي وراح يفتح ولكنها كانت ابتسام
عاصم انتي خير جايه ليه
ابتسام ابني وجايه اشوفه وبعدين انت هتفضل تعاملني كده انا عملت كل حاجه انت قولت عليها ومش ذنبي ان رنا شربت العصير ومش ذنبي ان جاسر مامضاش على الورق
عاصم بصلها وبرق عينيه باقولك ايه انا دماغي ۏجعاني وفيها الف حاجه ومش ناقصك اتفضلي يلا من هنا وروحي عند جاسر وجاي يمسك دراع امه علشان يطلعها بره
ابتسام نزلت ايده وراحت وقعدت انا مهما كان امك حتى لو غلطت معاك ما لكش انك تعاملني بالطريقه دي
وانت نسيت انا عملت ايه علشانك نسيت انا ضحيت بايه علشانك انا عملت كتير وكتير قوي انا كنت بشتغل في محل صغير وبعدها قابلت ابوك وعمك حسين بالصدفه وكانوا راكبين عربيه
اخر موديل وبعدها قولت لنفسي حاولي تطلعي من الفقر اللي انتي فيه ده
و حاولت اقرب من اي واحد واتاري ابوك هو اللي كان بيحبني انا بصراحه كنت عايزه حسين بس قولت مش مهم صلاح اخو حسين مش هتفرق كتير وكنت مفكره العز اللي هما فيه ده لل اتنين
عملت نفسي مش مهتمه بالفلوس ولا سالت ولا حتى قولتله انت رصيدك ايه ولا بتمتلك ايه
وكتبنا الكتاب واتجوزت انا وصلاح وكان اخوه حسين بيتحايل عليه يقوله تعالى عيش معايا في الفيلا
ابوك يقوله لا لا انا عندي بيتي فرحت جدا ان في بيت وفيلا وعربيه وفي الاخر اكتشفت ان ابوك ماحلتوش غير الشقه القديمه بتاعتي دلوقتي
وكان ابوك شغال مع حسين في شركته ساعتها اكتشفت اني خدت قلم ما حدش اخظه قبل مني
لكن فكرت وقولت انا لا يمكن اطلع من غير حاجه ابدا
وحاولت اخلي ابوك يتكلم مع حسين ويقولي لا انا مبسوط ولو احتاجت حاجه اخويا مش هيتاخر العربيه موجوده لما بحتاجها باخدها من اخويا ولما بحتاج لبس اخويا ما بيتاخر وكان عاملي فيها الشيخ صلاح الصاوي
وحاولت اوقع بينه وبين اخوه على قد ما اقدر
لكن فشلت وبعدها خلفتك قولت ممكن حسين يكتب حاجه لابن اخوه لان حسين كان لسه ما خلفش واكتشفت ان عمك كل اللي عملوا بعدها علشانك جبلى ظروف فيه 10000 جنيه وشال كل المصاريف بتاعت الولاده والحفله
قلت ها اصبر لحد ما تكبر ولما كبرت وبقى عندك 18 سنه فكرت كتير ان انا مش هافضل في الفقر ده وكمان كل شويه هاستنى حسين ده يمد ايده بالحسنه اللي بيقدمهالي كاني شحاته
ولما شوفت حب عمك حسين فيك وانه بياخدك معاه في كل مكان وبيعاملك راجل كبير قولت بس تاهت ولقيتها
فكرت في طريقه اخلص من ابوك وبدات اديله علاج بيعمل دوخه وفعلا كان بيدوخ واقول لحسين خلي صلاح يروح يكشف عنده دوخه مستمره ومش عارفين وانا قلقانه عليه ولكن ابوك كان بيرفض لاني كنت متاكده انه هيرفض لان ابوم بيكره العلاج والدكاتره
وكنت واحطله الدوا في العصير وفي يوم كنا قاعدين بالليل وانت نايم وقولتله الاشاره بتاعت التليفزيون مش شغاله اطلع شوفها على السطح
ابوك قالي دلوقتي ما تخليها الصبح انا تعبان
قولتله معلش يا حبيبي انا قاعده مخنوقه وعايزه اتفرج على المسلسل وفعلا ابوك طلع على السطح وانا طلعت وراه وقولتله تعالى نقعد هنا شويه قالي لا تعالي ننزل علشان الجو ساقعه عليكى قولتله طيب وجاي يتحرك روحت زقيتو ووقع من على السطح وجريت على شقتي وبعدها بعشر دقايق فضلت انادي عليه من البلكون واطلع قدام الشقه انادي لحد ما جارنا طلع من الشقه وسالني الخير يا ست ام عاصم
قولتله خير انا اسفه اني صحيتكو بس اشاره التلفزيون بايظه وصلاح قالي هاطلع اشوفها قولتله لا بلاش انت تعبان انا هطلع قالي ابدا الدنيا ليل وانا اللي هاطلع وما سمعش كلامي وطلع وبقاله كتير فوق يصلح الاشاره
لا الاشاره جت ولا هو نزل تلاقيه واقف بيشرب سېجاره على السطح والجو ساقعه عليه
الراجل قالي طيب خليكي وانا هطلع ابص عليه الراجل طلع ونزل وقالي ان صلاح مش موجود قولت للراجل يبقى تلاقيه نزل تحت السوبرماركت ولا حاجه علشان كان عايز يشتري طلبات ل فطار بكره معلش يا استاذ صحيتك قالي لا ولا يهمك ودخلت وقفلت
بعدها بساعتين صحيتك من النوم ونزلنا ندور عليه ونسال وما حدش شافه والجيران قلقو ونزلو يدوروا معايا لحد ما واحد شافه غرقان في دمه وصوت وانت كنت مصډوم وقتها ومثلت عليه دور الزوجه اللي حبيبها م١ت
وبعدها بشهرين حسين عرض عليا اني اعيش معاهم في الفيلا وانا رفضت وعملت فيها الزوجه اللي متمسكه بشقه جوزها وعايزه تعيش مع ذكرياته وقولت لحسين انا بس عايزه منك طلب انك تاخد عاصم وتربيه في بيتك وسط عيالك علشان ما يحسش باليتم
واخدك ورباك وكبرك وفي الاخر ايه يشتريلك شقه ويقولك دي ليك علشان تتجوز فيها وبعدها يقسم الورث على عياله الاتنين
لا لا انا ما عملتش شويه علشان اخد حته شقه ما تسواش 2 مليون وبعدها فهمتك كل حاجه لما لقيت فيك عاصم ابن ابتسام وانك ممكن تعوضني عن الفقر اللي عشته
تيجي في الاخر وتعاملني بالشكل ده وتهددني كمان
عاصم يووووه انتي كل شويه تقرفيني بالل حدوته دي ما خلاص عرفنا انك عشتي في الزفت الفقر وكمان قټلتي ابويا بس انتي ما سبتيش وراكي دليل وعشتي في راحه بعد كده
لكن انا بقى وقام من مكانه وقرب من وشها وزعق تقدري تقوليلي اعمل ايه في المصېبه دي انا حياتي مهدده انا في حد بينخور ورايا وعايز يلبسنى في الحيط وفي دليل موجود ضدي اتفضلى شوفى ابتسام بتتفرج واټصدمت وقامت من مكانها مش معقول
عند آدم
آدم وصل ملك لاول الشارع وما اقدرش يوصلها لحد الفيلا علشان ذكرياته كلها هناك وهي تفهمت ده وكمان طول الطريق بتحكي ل آدم عن جاسر وملك اكتشفت وهي بتحكي عليه انها متيمه بجاسر وبتعشقه جدآ
وكمان آدم كان مبسوط جدا واخته راكبه جمبه لكن زعلان جواه لانه طلب من مريم تنزل معاه يوصلوا ملك مع بعض قالتله مش هينفع روح انت مع اختك هي محتاجلك ومحتاجه لكل دقيقه تقضيها معاك
آدم راجع وطول الطريق يفكر في اللي مريم عملته علشانه وكمان فكر في طريقتها وحركاتها النهارده واقسم انه مش هيعديلها ده بالساهل ابدا
مريم دخلت اخدت شاور وخرجت ولبست الاسدال وصلت وقرات وردها اليومي
وبعدها افتكرت وعدها ل آدم حبيبها وابتسمت لما افتكرت دلعها عليه وقالت لازم اعوضه
علشان كمان آدم حبيبي واحشني جدآ وقامت وغيرت لبسها ولبست القميص اللي هي وعدته بيه وفردت شعرها وجابته على جمب ولمسات خفيفه من الميك اب
وكانت في
آدم فتح باب الاوضه واول مادخل وشافها تنح وافتكر كل محاولاتها وانهار تماما من قبل ما يتكلم
ومريم وقفه مكسوفه جدا من نظرات آدم ادم قرب منها وحاوط وسطها
بايديه والكلمه اللي قالها وحشتيني
مريم واقفه متلخبطه
مريم هي مين
مريم باحراج احم انا اا انا اصل
مريم لا ما ينفعش
مريم ليه بس وانا عملت ايه
آدم عملت ايه انتي عملتي انك بعدتي اميرتي عني اكتر من شهر وده جنني وعڈبني وكمان كنتي بتعامليني برسميه وكمان البنت دى جننتني بدلعها ودلوقت جه دوري بقى هتشوفي اشتياقي ليكي وهاعمل فيكي ايه
آدم بعد خطوه منها وقام شايلها وراح على السرير ومريم مكسوفه جدا
آدم مش وقت كسوف خالص
عند عاصم
ابتسام احنا لازم نشوف حل لازم نعرف مين انا هاعرف كل حاجه واعرف واحد ممكن يساعدني في ده ما تقلقش وهي بتتكلم مع عاصم
فون عاصم رن وكان رقم غريب
عاصم بنرفزه رد الووو
مجهول الووو وحشتني يابن اخويا هههههه
عاصم قام وقف وپصدمه مين حسين الصاوي !!!
يتبع
آدم مريم مرررريم
مريم
آدم يابت
قومى بقى
مريم اممم ايه ياحبيبي
آدم ايه كل ده نوم وسند مريم بايده وقعد وراها ع السرير وضهرها ع صدره قومى بقى مفيش نوم تانى
مريم اي يا آدم الدنيا اتهدت يعني ما تسيبني نايمه حرام عليك انا صليت الفجر وفضلت قاعده للشروق انت صليت ونمت على طول سيبني بقى
آدم لا هتقومي دلوقتي انا عندي ليكى خبرين حلوين لا لا ٣ اخبار واحلى من بعض
مريم امممم قول اخبار ايه
آدم لا مش هقولك غير وانتي قاعده على رجل دومي حبيبك
مريم قول بقى وحياتي
آدم بس لو ما كنتيش تحلفيني بروحي حاضر يا ستي
اولا اختك شيرين اتصلت عليكي كتير وكان فونك صامت وكمان مصطفى اتصل عليا وكنت في مأموريه واتصلت عليه دلوقتي ومصطفى قالي انه كان عايز يفرحنا وقال انه راح امبارح عند جاسر علشان يحددو فرح هنا واشرف واتحدد يوم الخميس اللي جاي
وكمان طارق لما عرف اتفق هو كمان ان الفرح يبقى مع اشرف وهنا في نفس اليومظ
مريم بفرحه بجد الله احلى حاجه تخيل كده عروستين في قاعه واحده جميل اوي بس دول خبرين اتنين انت قولت ٣
آدم الخبر التالت بقى يا روحي ان جاسر جالي على المكتب من شويه واتفق معايا انه عايز يتجوز ملك على طول من غير خطوبه وعايز يعمل فرحه هو واخته في يوم واحد ايه رايك اختي ملك هتتجوز
مريم من جواها مخنوقه علشان كان نفسها تفرح وتلبس فستان جميل ما شاء الله بس يا آدم جاسر جه يطلب ملك منك انت يعني اقصد ان عمو خالد موجود
آدم عمو خالد عمووو خلصنا من لووتفي هندخل في عموو على العموم يا ستي جاسر قالى انا طلبت ملك منك الاول والنهارده بالليل هيروح يطلبها منه وما تقفلنيش منك على الضهر
مريمايه الضهر
ادمايوه الساعه ٢ الضهر يا روحي مش بقولك جاسر جالي المكتب خليكي انتي نايمه كده
مريمالله يا آدم بقى ما انت بتسهرني كتير من وقت ما اتصالحنا وانت كل يوم تسهرني حرام عليك مش عايز مريومه حبيبتك تستريح يعني
آدم يا لهوي انا ياناس الله يا آدم بقى ايه يا مريم حرام عليكي كده بالدلع ده انا هسهرك بالنهار وبالليل ارحميني بقى ېخرب بيت حلاوتك ايه يا بت العيون القمر دي
ما تيجي اقولك كلمه سر
مريم لا لا مش عايزه كلام قومني بس علشان الحق الضهر ربنا يغفرلي انا هاقوم اتوضى واصلي وانت يا حبيبي غير هدومك وانا هاخلص واجهز الاكل مع اني حاسه اني كسلانه خالص
آدم انتي كسلانه انتي طيب ينفع تبقى كسلانه وتشتغلي ودومي قلبك موجود!!
مريم مش فاهمه
آدم ثواني وهاتفهمي آدم قام من وراها وقلع الجاكيت وشمر كم القميص وشالها
مريم هههههه مچنون
آدم ډخلها الحمام ونزلها على الارض قدام الحوض وحاوطها بايديه على كتفها بعد ماحضر ليها فرشه السنان وغسلها اسنانها وكمان وشها وايديها واتوضت وشالها وخرجها ولبسها هدوم جديده وبعدها لبسها الاسدال وفرشلها سجاده الصلاه وواقفه على السجاده
وآدم سابها وخرج وهي رفعت ايديها ودعت ان ربنا يحفظلها آدامها من كل شړ وان ربنا يرزقها بالذريه الصالحه وصلت فرضها وخلصت وقلعت الاسدال وخرجت شافت آدم في المطبخ بيجهز الاكل
مريم ايه ده يا آدم بتعمل ايه
آدم خلاص يا قلبي انا طلعت الاكل من التلاجه وكل حاجه جاهزه تقريبا يلا بقى انتي خدي معاكى طبق الرز وانا جاي وراكي بباقي الاكل
مريم قربت من ادم ومسكت ايده وباست ايده بحب كبير
آدم ما كانش متوقع ده
مريمعارف يا آدم انا لو لفيت العالم كله مش هلاقي لا اجمل ولا ارجل ولا احن ولا اطيب منك
آدم انا مش بس بحبك انا بعشق كل تفاصيلك بعشق كل همسه منك ويمكن نومي في البيت ده علشان انت مش موجود جمبي وطول ما انت مش جمبي بحس بالغربه
آدم لو في كلمه اكتر من كلمة بعشقك قولهالي علشان اقولهالك انت حبي وعشقي وكياني والهامي انت حاضري ومستقبلي
أنت اخويا وابويا انت السند اللي هتسند عليه بعد ربنا
انت ربنا بعتك ليا في الوقت اللي كنت محتاجه فيه لمعجزه علشان قلبي يرتاح انت معجزه يا آدم بجد معجزه حب وعشق انا جوايا مشاعر وكلام بس مش عارفه
اوصلهولك عايزه اثبتلك اني بعشقك عايزه اقدملك حاجه علشان اعبر عن عشقي ليك وعيونها
مريم حطت ايديها على بوقه لو سمحت انسى انسى كل حاجه عدت وانتهت خلينا في حاله العشق دي على طول خلينا فرحانين متحاولش تخلي الحزن يسيطر عليك
آدم طيب يا مريم حاضر لكن عايز منك انتي اللي تطلبي مني طلب علشان تشوفي اني اقدر اثبتلك حبي وعشقي ليكي
مريم مش فاهمه
آدم يعني انتي نفسك تثبتيلي عشقك وانا واثق من ده
انا بقى اللي عايز اثبتلك عشقي ليكي
مريم بجد
آدم جربي وشاورى
مريم قربت منه وبكل شوق ولهفه بدون مقدمات وهو بيعشق حاجه اسمها مريم
وهو كمان جامد باشتياق كبير وبعدها همستله اثبتلي انك بتعشقني ب انك تسامح خالد العدوي
وقبل ما تغضب وترفض افتكر ان ده اثبات للعشق عشق ال آدم
مريم اخدت طبق الرز وراحت حطته على السفره وكانت متوتره من الاجابه لانها متاكده ان آدمها هيرفض وهي استغبت نفسها وقالت ما كانش لازم احطه في الموقف ده غبيه يا مريم غبيه ولفت ورايحه على المطبخ شافت آدم واقف وراها حتى هي اتخضت وبعدها سرحت وقالت بس هو جاي ورايا علشان يبهدلني ويقولى انتي ازاي تطلبي مني طلب زي ده وآدم وكسر افكارها
بانه شالها واخدها على الاوضه وحطها على السرير بكل رقه وحب
مريم انت بتعمل ايه!
آدم موافق
مريم بصدممهموافق على ايه
آدم موافق اني اسامح خالد العدوي لو كان ده هيثبتلك عشقي
مريم بجد
آدم بجد
مريماحم طيب انت جايبني هنا ليه
آدم راح جمبها على السرير تفتكري جايبك ليه بعد كلامك وغزلك فيا وعشقك الصريح ليا وكمان انا حسيت انك مشتاقالي وانا كمان مشتاقلك ولا انا غلطان
مريم حطت ايديها ع خده لا انت عمرك ما كنت غلطان انا فعلا مشتاقالك مشتاقه ل آدم حبيبي وروحي وعمري كله
ف مكان تانى
طاهر وبعدين يا زياد الراجل كده استوى على الاخر اسبوعين اهو بنشتغله
زياد لسه شويه اصبر انا عرفت انه بقاله كام يوم ما بيروحش الشركه
طاهرتلاقيه مړعوپ هو احنا عملنا فيه شويه
زيادوالله يا طاهر انا من غيرك ما كنتش هاعرف اعمل حاجه انت اللي نصحتنى انى لما اكلمه المكالمه ما تكملش ٥٩ ثانيه وكمان كلمت ابن خالك اللي مسافر السعوديه وجاب رقم سعودي وبعتله الفيديو على الواتس لعاصم وبعدها كسر الرقم
ورحنا للواد اوشه اللي بيعرف يقلد الاصوات وسمعناه صوت الراجل الل اسمه حسين ده وكمان جاب فيديوهات لحسين الصاوي من على النت علشان هو راجل معروف وكان بينزل فيديوهات بصوته
والواد اوشه ده ايه جاب صوته بالظبط كل ده انت السبب فيه يا طاهر مش عارف لو مش انت معايا كنت هاعمل ايه
طاهرما تقولش كده يابني انت صاحبي واخويا اه فرق السن بينا كبير بس انا شايفك راجل ويعتمد عليك انا بحس ساعات انك انت اللي 18 سنه مش انا
زياد طيب يا طاهر هنعمل ايه دلوقتى
طاهر ها نروح للواد اوشه يتصل على عاصم وبعدها في حاجه في دماغي عايزه أعملها
زياد حاجه ايه
طاهر عايز نعمل ايميل فيس بوك مزيف ونبعتله على الخاص فيديو وساعتها هيعرف يعني ايه الړعب اللي بجد بس في مشكله هنجيب ايميل الفيسبوك بتاعه منين
زياد
طاهروالله ممكن قشطه خلاص يلا بينا نطلع على اوشه
فيلا خالد العدوي
خالد اهلا شرفتنا يا جاسر يا ابني
جاسر كان فاكر انه هيقابل راجل باين على وشه الظلم وانه شديد وطول بعرض لكن شاف راجل منسق في لبسه شكله وسيم وما يبانش عليه ابدا انه كان ظالم ومفتري وباين عليه انه مكسور وحزين والحزن مالي عينيه
جاسر احم الشرف ليا يا عمي انا اسف اني حددت الميعاد النهارده وجيت بسرعه كده
خالد لا يا ابني البيت بيتك تشرف في اي وقت كفايه اللي انت عملته مع ملك جميل مش هنساه ابدا
جاسر العفو يا عمي انا ما عملتش حاجه انا بس عملت واجبي تجاه بنت حضرتك الانسه ملك
المهم يا عمي انا هدخل في الموضوع على طول انا طبعا يشرفني بجد ويسعدنى انى اكمل نص ديني مع الانسه ملك بنت حضرتك
خالد ملك حكيتلي على كل حاجه وانا يا ابني اللي يشرفني ان بنتي تكون في حمايه راجل زيك
جاسر متشكر جدا يا عمي ويا رب ابقى عند حسن ظنك دايما طيب يا عمي ممكن اعرف طلبات حضرتك
خالد والله يا ابني انا ما ليش اي طلبات غير انك تسعد بنتي وتعوضها عن كل السنين اللي فاتت ولو في هي محتاجه حاجه انا مش هتاخر عليها طبعا
جاسر ان شاء الله يا عمي لكن عندى طلب صغير
خالد اتفضل يا ابني
جاسر
انا اختي هنا هتتجوز ان شاء الله الخميس اللي جاي وكنت يعني بفكر لو حضرتك هتوافق واتمنى ده طبعا منك ويكون جوازنا انا والانسه ملك مع فرح اختي يوم الخميس اللي جاي وهيكون صاحبة اختي كمان اخت العريس فرحها في نفس اليوم اسمها رنا تبقى بنت اخت مرات ابنك الاستاذ آدم
ف انا حابب فكره انه يكون فرح جم١عي وهتبقى حاجه جميله ومميزه
خالد والله يا ابني ما عنديش مشكله انا موافق وكمان الواحد من زمان نفسه يفرح
جاسر طيب علي خيره الله يا عمي نقرا الفاتحه
خالد نقرا الفاتحه
عند آدم بقلم mariem nasar
بعد فتره مريم في آدم وآدم بيمسد على شعرها
مريمحبيبي
آدم عيوني
مريم انت بجد هتسامح عمو خالد
آدم والله يا حبيبتي انا وافقتك علشان إثبات عشقي ليكي
لكن لو هتفضلي تقولي عمووو بالطريقه دي انا ممكن اسافرو بره مصر ومش هسامحه
مريم الله بقى يا آدم
آدم الله بقى يا آدم انتي يا بت مالك قمر كده ليه ارحمي قلبي ما بقاش في مكان يحبك اكتر من كده
مريم ايه ده انت قديم اوي
آدم نعم يختى انا قديم
مريم رفعت وشها وبصتله اصل انا اول ما شوفتك وحبيتك وقلبي خلاص بقى مليان بعشقك راح قلبي ده خرج من جواه قلب صغنتط قد كده
وبدأت احط جواه عشقي ليك وبدا يكبر يكبر وقولتله لما تبقى مليان عشق ال آدم خرجلي
قلب صغنتط كمان
آآدم يا لهوي مريم انا بقولك ارحميني هاكلك صدقيني انا بحبك وعلى صوته اووي انا بحبكككككككككك يا مريم
مريم هههههه وانا بعشقك يلا بقى قوم علشان اقوم عايزه اتغدى
آدم انتي تؤمري
مريمآدم حبيبي انا بكره عايزه اروح عند ابله شيرين ممكن
آدم ممكن اوي يا قلبي نصحي الصبح ونفطر كده واخدك اوصلك وانا رايح الشغل وابقى اعدي عليكي اخدك ونروح
مريم ادومى حبيبي ربنا يخليك ليا
آدم هههههه ادومي هههههه ماشي يا ستي علشان خاطرك هبقى اندومي وزبادي المراعي كمان ههههه
وهي ضحكت
وآدم قام استني انا جتلي فكره وقاموا من السرير وشالها ودخلو على الحمام واخدو شاور هما الاتنين وخرجوا وهي كانت مكسوفه وفرحانه ومشاعر كتير متلخبطه
جهزو الاكل تاني ومريم قاعده ولسه هتاكل هههههههه
آدم بتضحكي على ايه
مريم مش ملاحظ حاجه
آدم حاجه ايه
مريم اننا بنجهز الاكل ويكون سخن وبعدها نسيبه يعني هههه ونرجع نسخنه تاني
آدم هههههه فعلا صدقي خلاص انا بعد كده هاجي من الشغل ويعني وبعدها نسخن الاكل ايه رايك
مريم اتكسفت طيب يلا بقى اتغدى قبل الاكل ما يبرد
عارف انا عايزه نتغدى بكره سمك
آدم انتى تؤمري العسكري امين يعرف واحد كان بيجيبلنا السمك في الشغل وكان بيبقى طازه وجميل بكره يا روحي يكون عندك
مريم مسكت حته فرخه ولسه بتقربها من بقها رجعتها في الطبق تاني
آدم ايه يا حبيبتي ما اكلتهاش ليه
مريم لا مش حباها حاسه لو اكلتها هارجع
آدم بتهزري امال هتاكلي ايه يعني رز بس يلا يلا انا هاكلك افتحي بوقك وخدي حتة الفرخه دي مني
مريم لا يا حبيبي مش عايزه
آدم انا قولت هتاكلي يلا افتحي
مريم لسه بتفتح بوقها وشمت الفراخ قامت بسرعه على الحمام ورجعت
آدم قام بسرعه وراها من الخلف وهي بترجع
آدم پخوف مالك يا مريم
مريم اطلع انت يا آدم لو سمحت علشان ما تقرفش
آدم انتي عبيطه اقرف منك انتي مريم رجعت تاني وآدم قرب منها وحط ايده على بطنها اهدي بس تلاقيكي قرفتي من الفراخ انا اسف
مريم خلصت وآدم غسلها وشها ونشفه بالفوطه وشالها ونيمها على السرير
وقال يلا علشان نروح المستشفى
مريم مستشفى لا لا انا كويسه انا بس بدات اخفف هدومي علشان الجو بدا يبقى حر وانا ما باستحملش الصيف
آدم صيف ايه لسه شهر على الصيف
مريم لا انا ما بحبش الصيف وكل يوم اخد شاور واخرج واخفف لبسي انا اخدت برد انا هابقى كويسه
آدم قعد جمبها يا بنتي تعالي نطمن انا كده مش هتستريح
مريم لما شافته كده خاڤت تقوله انها دي مش اول مره ترجع كده لانها رجعت امبارح وقبلها بيومين كمان
مريم لا يا حبيبي انا كويسه صدقني ولو في حاجه اكيد هاقولك قوم انت اتغدي وانا هريح شويه
آدم انا هقوم اعملك اي حاجه خفيفه تاكليها واعمل اي حاجه سخنه تشربيها
مريم بحب اللي تشوفه يا قلبي
فيلا مصطفى عزيز
رنا اسبوع واحد يا طارق ليه المفروض كان لسه شويه على فرحنا
طارق باقولك ايه انا ما صدقت اقنعت ابوكى ما تقفلنيش منك
رنا يا طارق افهم بس انا لسه ما جهزتش حاجه وبعدين لسه ما حجزتش الفستان
طارق والله يا قلبي انا كنت هاخدك وننزل النهارده نختار الفستان لكن آدم قالي خليها بكره علشان عايز يجي معانا
رنا باستغراب يجي معانا ليه
طارق مش عارف يمكن علشان كلنا هنكون مع بعض انا وانتي وهنا وكمان جاسر وملك يمكن علشان يختار لاخته ملك ويفرحها
رنا بتفهم خلاص يعني هننزل بكره نختار الفساتين
طارقطبعا يا روحي
رنا اوكي ياحبيبى
طارق باقولك ايه
رنا نعم
طارق ما تجيبي بوسه
رنا شقهتايييه انت مچنون
طارق ياساتر عليكي يلا كلها بعد بكره واكتب كتابي عليكي يا قمر وهاهريكى بوس دا انا هطلع القديم والجديد عليكى
رنا باحراج انت ايه اللي انت بتقوله ده
طارق ايه اللي انا باقوله مش عارفه يا بت يعني ايه هاهريكى بوس بقولك هطلع القديم والجديد يا رنا ده انتي منشفاها عليا ده انا لو خاطب واحده مسنه كانت حست بيا وباستنى على الاقل جبر خاطر
رنا حبت تلعب بااعصابه بس انا مش عايزه ابوسك جبر خواطر يا طارق
طارق هاااا
رنا كتمت
الضحكه ايوه يا قلبي ومش عايزه ابوسك جبر الخواطر انا عايزه لاني حابه ده وحبه اني اكون في
طارق يغمض عينيه ويفتحها وبص في الفون على الرقم وشاف انه رقم رنا انتي انتي بتتكلمي جد طبعا
رنا ايوه يا طارق وكاتمه الضحكه
طارقانا هاقفل انا هاجيلك دلوقتي وتننزليلي تبوسينى في الجنينه
رنا هههههههههههه مچنون هههههه يا قلبي هههههه احلم لحد الخميس الي جاي
طارق بيغيظانتي بتلعبي با اعصابي يا رنا طب والله العظيم لاكون موريكي بعد الفرح ان ماادبتك مابقاش انا اسمي طارق السيوفي انا تلعبي باعصابي وقفل المكالمه في وشها
رنا هههههه والله مچنون وبعدها سكتت ووقفت هو قصده ايه بانه يادبني بعد الفرح ربنا يستر انا اللي بجيبه لنفسي
عند عاصم
اخر اليوم عاصم وعاصم داخل ينام ولسه بيروح في النوم فونه رن
عاصم شاف رقم غريب وقال يا ترى مين انا بقيت بخاف ارد على اي رقم غريب
اووووف الو
مجهول الو ايه يابن اخويا يا حبيبي
عاصم قام وقف وهو
على السرير م ي مين مين انت مين لا انت مش عمي حسين صح انت مختفي ليه كده وما بتروحش الشغل ليه ايه ما وحشتكش مش عايز تشوفني
عاصم لاااااا لا انت مت ايوه انت واحد بتلعب معاياااا انت مييين
مجهول انا عمك حسين الصاوي ابو هنا وجاسر الصاوي اللي امك قټلت اخويا صلاح الصاوي واللي انت كنت طمعان في املاكي انا رجعتلك من المۏت علشان اخدك معايا هههههههه وقفل
عاصم الو الووو انت مش عمي الووو انت مين انت ميي
عاصم رمي الفون على السرير وجري في الاوضه وفتح النور وفتح انوار كل الشقه
تاني يوم آدم اخد مريم وصلها عند شيرين وباس راسها قدام اختها ومريم اتحرجت وآدم ودعها وماشي على شغله
شيرين قعدت مع مريم علشان يرتبوا كل حاجه للفرح ويكتبه كل حاجه علشان ماينسوش ومحمد نايم على رجل مريم وكانت مبسوطه في اليوم ده وسط اهلها
واليوم عدى بسرعه عليها وآدم اتصل عليها وقالها انه هيتاخر شويه علشان في ماموريه هيروح ويرجع ياخدها وقالها ما
