روايه للكاتبه هاجر نور الدين
ومتضايقة.
لفيت بسرعة وجيت أخرج من الكافيه ندهلي بسرعة وقال وهو جاي ناحيتي
تسنيم إستني.
_ إنت فاهمة غلط دي تبقى...
تسنيم بعدم اهتمام وتوتر
وأنا سألتك مش عايزة أعرف!
رحيم بخبث
_ طيب كنت ماشية ليه مادام مش عايزة تعرفي
بصيتله وبعدين بصيت للبنت اللي كانت واقفة معاه ولسة واقفة مكانها وبتبص علينا وهي مربعة إيديها ومبتسمة بطريقة ضايقتني أكتر.
تسنيم وهي بتبصله بعصبية
زي ما قولتلك مش فارق معايا يا رحيم وكنت نسيت حاجة وخارجة تاني عادي روح بقى عشان متضايقش إنك واقف مع واحدة تانية وتنكد عليك.
كنت ماشية بس مسك إيدي ووقفني تاني وبعدين سابها وقال وهو بيضحكط
يابنتي إهدي بس عشان أعصابك تنكد عليا إي بس إنت اللي بتنكدي عليا دلوقتي وبعدين دي تبقى...
تسنيم بإنفعال ومقاطعة
أنا بس اللي عايزة أعرفه إي بقى موضوع إنك مهتم بيا ومش عارف إي وكدب إي ما إنت بتكدب كلامك أهو عادي.
رحيم وهو بيمسك على وشه بعصبية
يابنتي إهدي بقى دي تبقى منار خالتي الصغيرة إي برميل الطرشي اللي فتح عليا دا!
كنت حاسة بإحراج متناهي الحقيقة وسكتت بقيت شبه الصنم لا بتحرك ولا بتكلم ولا حتى برمش خلاص كدا كدا هيبتي وشخصيتي بقوا في الأرض.
بصيت للموبايل بتاعي وبعدين بصيت حواليا ك نوع من أنواع إني أتوه الموقف اللي حصل ولكن بلا فايدة طبعا
تسنيم
ما شاء الله صغيرة وشكلها عسول أنا بس زي ما قولتلك نسيت حاجة مهمة كنت رايحة أجيبها وراجعة تاني إنت في حاجة معاك
رحيم بضحك
لأ مفيش حاجة معايا وبعدين الظاهر إن مش أنا لوحدي اللي مهتم!
تسنيم بتوتر
لأ لأ إنت فاهم غلط يعني أكيد محبتكش في يوم وليلة يعني أنا بس مبحبش حد يكدب ولا
يحور عليا عشان كدا قولت كدا.
رحيم وهو كاتم ضحكته
وأنا مقولتش إنك حبتيني ولكن المهم إني خدت خطوة جواك وإنك بقيتي مهتمة.
تسنيم بإحراج وهي بتمشي
أنا لازم أمشي حالا.
رحيم وهو بيمنعها
بس
إبتسمت وأنا مدياله ضهري وجريت جريت على البيت وأنا سامعة صوت دقات قلبي اللي هيفرقع من كتر النبض.
مش هخبي عليكم بصراحة بس فرحت لما طلعت البنت دي خالته أنا محبتهوش لسة فعلا ولكن زي ما هو قال أنا مهتمة حقيقي.
مهتمة بشخص أحبه ويحبني بجد وحبه ميطلعش كدبة في الأخر ولا يخدعني مهتمة أعيش حياتي بشكل سيلم ومبني على الصح.
أكيد مش هدفن نفسي بعد حسن وخصوصا إن هو الظالم مش أنا بحكم اللي عيشته في حياتي كلها أنا إنسانة عقلانية أكتر ما أنا عاطفية.
مبخليش العاطفة البائسة تاكل فيا وتاخد من عمري بالعكس بدي لكل حاجة وقتها المناسب وحسن ميستاهلش مني بعد اللي عملوا معايا غير هي ليلة وضحاها ومن بعدها لازم أنسى مين حسن
بعد إسبوعين
كان حسن لبس هدومه وواقف قدام المرايا وهو بيفكر يروح ولا لأ ولكن إتنهد وفتح باب الأوضة بتاعته ونزل بالفعل رايح يزور والدته وفرحة.
هو عارف إنه غلط في حق تسنيم ولكن لسة مش مقتنع إنه غلط في حق فرحة لإن هو أداها من عمره وإسمه وعاش معاها حياة هو مكانش عايزها وهي مكانش عندها مشكلة ودلوقتي بقوا مطلقين رسمي.
ولكن عشان والدته صممت تقعد مع فرحة ومترجعش لأبوها وأخوها تاني راح يزور والدته.
أول ما وصل فتحت والدته الباب وهي وقالت بسعادة
أخيرا جيت يا حبيبي وحشتني أوي بقالك إسبوعين بحالهم مفكرتش تيجي يا قاسي!
حسن بإبتسامة باهتة
حقك عليا يا أمي كنت محتاج كام يوم مع نفسي بس.
دخلوا وقفلوا الباب وبعد ما قعد طلعت فرحة وهي بصاله بعتاب وشوق
تشرب شاي
حسن بإحراج
لأ شكرا مش عايز.
عواطف
ومش عايز ليه بس أنا لسة مشربتش الشاي بتاعي إعمليلنا كلنا يا فرحة يابنتي.
دخلت بعدها فرحة للمطبخ بسرعة تعمل الشاي وهي مبسوطة إنها شافته من تاني وبعدها إتكلمت عواطف معاه
موحشتكش يا حسن
حسن وهو بينفخ بضيق
تاني يا أمي
لأ موحشتنيش موحشتنيش
عواطف وهي بتهديه
خلاص يابني خلاص كان سؤال عادي هقوم أنا أصلي العصر وأرجعلك.
قامت فعلا عشان تصلي وكانت فرحة طلعت بالشاي وحطيته على الترابيزة
_ عامل إي يا حسن
حسن بهدوء
الحمدلله بخير إنت عاملة إي
فرحة
الحمدلله بس مش كويسة من غيرك يا حسن.
قرر حسن هنا يتكلم عشان ينهي الموضوع بشكل صريح ونهائي
بصي يا فرحة عشان بس ميبقاش لسة في ف قلبك حاجة ليا أنا كدا دلوقتي أحسن ودلوقتي أنا عارف أنا مين مش بقلل ولا بكره الفترة اللي عيشتها معاك ولكن في الفترة دي مكنتش أنا يا فرحة خلينا ولاد خالة وبس عشان نعرف نتعامل وبلاش تضغطي عليا بكلامك عشان أنا مش شايفك أكتر من بنت خالتي وخصوصا بعد الحادثة اللي حصلت بيننا معتقدش إن هينفع نكمل حتى لو في قبول من ناحيتي.
سكتت فرحة شوية وهي إتجرحت من كلامه أيوا ولكن كان كلامه بالنسبة ليها معناه واحد وهو إنه فعليا مش بيحبها ولا ممكن يحبها.
ومفيش أكتر من الفترة اللي عاشوها مع بعض ومحبهاش إتكلمت بنبرة مخنوقة وقالت وهي بتحاول ترسم إبتسامة على وشها
_ معاك حق يا حسن أنا أسفة إني خليتك تعيش تجربة مع واحدة مبتحبهاش وأسفة كمان لو معتقد إني دمرتلك حياتك أنا بس كنت بحبك ومش شايفة غيرك قدامي من ساعة ما كبرت بس دلوقتي أوعدك مش هشوفك غير إبن خالتي وبس عشان حتى تعرف تتعامل معايا بأريحية طمن نفسك يا حسن خلاص.
حسن وهو حاسس بشوية راحة
كدا أحسن لينا إحنا الإتنين صدقيني.
طلعت بعدها والدته من الأوضة اللي كانت بتصلي فيها وكملوا قعدتهم مع بعض وهما بادئين حياة تانية بشكل تاني مع بعض جايز هي تحب وتتجوز حد تاني وهو كمان نفس الكلام.
ولكن اللي بقوا مقتنعين بيه دلوقتي إن مينفعش بينهم حياة من تاني.
نزلت كالعادة أعمل شغلي في الكافيه عدا إسبوعين وكنت كل يوم بروح وبقعد هناك وكان رحيم بيقعد معايا أحيانا
الحقيقة إني في الفترة دي إستلطفته أكتر موصلتش لمرحلة الحب أكيد لإنها بقت صعبة أوي معايا أديها لحد ولكن خلينا نقول إني في مرحلة الإعجاب.
في اليوم دا دخلت الكافيه وكان هو واقف متضايق جدا وقدامه واحدة بتحاول تتكلم معاه وهو رافض.
قعدت وأنا بتابع اللي بيحصل من غير تسرع وكان هو مش شايفني سمعتها بتقوله برجاء
_ يا رحيم عشان خاطري خلاص
عشان خاطري أنا إتعلمت من غلطي والله مش هكدب تاني في علاقتنا.
ساب الصينية اللي في إيديه بعنف وضحك بسخرية
علاقتنا!
إنت مصدقة نفسك إني لسة معاك ولا إي خلاص يا سمر مبقاش فيها علاقتنا ومش هفضل كل شوية أقولك بطلي تتكلمي معايا وبطلي تظهري قدامي!
خلص كلامه وبص ناحيتي وشافني قاعدة ومتابعة اللي بيحصل قرب مني وإبتسم وقال وهو بيغمزلي
دا الأميرة جات إمتى
كنت متضايقة بصراحة بس بعد الحركة دي ضحكت ولكن الفصلان اللي حصل البنت اللي جات وقفت قدامه وهي مربعة إيديها وبتقول بعصبية
دا أسميه إي دا إن شاء الله مين دي
بصيتلها بغضب وقبل ما أرد رد عليا بمنتهى الإستفزاز وهو مبتسم
دي خطيبتي وياريت بقى تمشي من قدامها دلوقتي قبل ما تقوم تكسر دماغك يا كدابة.
كتمت ضحكتي بصعوبة وأنا شايفاه بيتكلم كدا وبعدين هي فضلت تبرطم بكلام كتير بعصبية وفي الأخر خدت بعضها ومشيت.
بصيتله بضحك وقولت
_ بس كدا إنت كمان كداب أنا مش خطيبتك!
رحيم بإستغراب
إي دا أه صح نسيت أقولك مش أنا خليت خالتي تروح عندكم النهاردا عشان تتعرف على والدتك وتاخد منها ميعاد إني أجيلكم وضامن موافقتك يعني خلاص خطيبتي رسمي والدبل كمان أقل من شهر.
خلص كلامه وهو بيغمزلي وبعدين مشي بسرعة عشان يشوف الزباين وسابني قاعدة في مكاني مصدومة ولكني بسرعة إبتسمت وأنا مش مصدقة ومبسوطة الحقيقة.
وبعدين إي ضامن موافقتك دي هو مفكرني بحبه ولا إي
بس مش مشكلة لما نتخطب هطلع
