اسكربت صعيدي من نوع اخر للكاتبه أسراء ابراهيم
اسكربت
صعيدي من نوع اخر
وهو ابنك ده ينفع ليه جواز يا منصور بتجول انت عاد
منصور بضيق وفيها ايه يا وردة ماله يعني ماهر ماهو راجل وزين الرجال كمان هو بس الحالة اللي بتجيله دي وانا وانتي خابرين من ايه بالظبط
وردة بتوتر خابرين بس البنتة اللي هتجوزهاله مهتعرفش اكيد ولو عرفت هتجول لاهلها وولدك يتفضح في البلد كلها وهتبجي سيرتنا علي كل لسان
منصور بتنهيدة لا متجلجيش من الموضوع ده البنتة اللي هجوزهاله خابرة علته زين وهي اللي هتعالجه
وردة باستغراب لا فهمني دي بجي خابرة كيف يعني البنتة دي وكيف هتعالج ولدك
منصور بتفكير انتي خابرة اني كنت في مصر ووجتها روحت لدكتور صديق قديم يعني وهو رشحلي دكتورة عنديه بس بنته زينة اتحدت معاها وجولتلها علي علة ولدي وهي جالتلي انها بتعمل رسالة مخبرش اسمها ايه كدة في نوع حالة ماهر وجالتلي انها موافجة تعالجه ولما عرفتها عوايدنا وانها لازمن تبجي مرته وافجت
وردة بقلق منصور انا جلجانة ومش مرتاحة للموضوع ده دي بنتة من مصر يعني متعرفش عننا حاجة كيف هتعيش وسطينا وبتجاليدنا بس
منصور بتلقائية تعلميها يا ام ماهر دورك انتي بجي هو انا اللي هفهمك برضك يلا انا خارج وانتي لما يصحي ماهر خليه يحصلني ورانا شغل كتير
وردة بحيرة حاضر يا منصور ربنا يستر من اللي بتجوله ده وياخد بيدك يا ولدي وتفوج لنفسك
..........................
إنتي اټجننتي يا كارما هتسيبي كل حاجة هنا وتروحي تتجوزي في الصعيد إنتي فاهمة إنتي بتقولي إيه
كارما باقناع يا ماما ما تبصيش للموضوع كده دي فرصة عمري أنا لقيت الشخص اللي بحبه ويحبني وإنتي عارفة إني دايما كنت عاوزة حد يكون راجل بجد حد يتحمل
عادل بقلق ومين ماهر ده وعيلته شكلها إيه
كارما بسرعة ماهر من عيلة كبيرة في الصعيد والده من أكبر رجالة البلد هناك وهو شاب محترم وراجل وجدع وكل الناس بتحلف بأخلاقه.
سعاد پخوف والكلام ده سمعتيه منين إنتي ما تعرفهوش كويس يا كارما ثم إنتي أصلا ما كنتيش بتفكري في الجواز إيه اللي خلاكي فجأة عايزة تتجوزي
كارما بابتسامة وهي تحاول تبين حبها لماهر الحب يا ماما بحبه بجد حسيت معاه بحاجة عمري ما حسيتها قبل كده حسيت إني لقيت راحتي معاه ولقيت حد يفهمني من غير ما أتكلم.
سعاد بقلق طب وإنتي متأكدة إنك هتقدري تعيشي هناك ده مش زي هنا العادات والتقاليد عندهم غيرنا خالص إحنا متربيين في القاهرة وإنتي عمرك ما اجتمعتي بعيلة صعيدية قبل كده.
كارما بحماس بالعكس أنا شايفة إن ده هيكون تحدي جميل وهتعلم منهم وهتعلمهم وصدقيني ماهر مش هيخليني أحس بالغربة لحظة.
عادل بتفكير طيب وليه ما يجيش هو يتقدم رسمي هنا طالما انه راجل طيب لازم يجينا ويطلبك زي أي حد محترم.
كارما بسرعة هو عاوز كده طبعا بس العيلة هناك عندهم تقاليد معينة فهو عاوز لما يجي نتمم كل حاجة وامشي معاه وبعدين انا مش محتاجة خطوبة يا بابا لاني حقيقي مقتنعة بيه
سعاد بقلق واضح خاېفة عليكي يا بنتي خاېفة تروحي هناك وتلاقي الموضوع مش زي ما كنتي متوقعة خاېفة تتظلمي.
كارما بحب ما تخافيش يا ماما أنا عارفة إني باخد خطوة كبيرة بس أنا مش صغيرة وعارفة أنا بعمل إيه وبعدين دي حياتي وأنا اكيد مش هختار اي راجل وخلاص
عادل بعد تفكير لو إنتي متأكدة من اللي بتقوليه خلاص بس إوعى تيجي بعدين وتقولي كنت غلطانة.
كارما بثقة مهزوزة مش
هقولها
أنا
...............................
ماهر بحدة وهو مركز نظراته على أبوه يعني إيه جايبلي بنتة من مصر عشان أتجوزها! ده إنت طول عمرك بتجول جواز الصعيدي ما يجيش إلا بصعيدية!
منصور بهدوء وثقة وده اللي طول عمري بجوله بس الأمور بتتغير والبنتة اللي اخترناها ليك ماهيش أي حد دي بنتة محترمة ومن عيلة طيبة وهتشيل اسمك فوق راسها.
ماهر بعصبية خفيفة وكأن الدنيا خليت من بنات البلد! ولا انت خاېف على اسمك لو حد عرف
سكت ماهر فجأة وعيونه احمرت من الڠضب
وردة بحنان ماهر إحنا مش بنعمل كده عشان خايفين من حد إحنا عاوزينك تعيش مرتاح تعيش طبيعي وتلاجي حد يحبك بجد من غير ما يحكم عليك يا ولدي
ماهر بسخرية وهو بيهز راسه طبيعي! طبيعي إزاي وأنا حتى مش عارف إنتو مخبين عليا إيه جولي يابا البنتة دي تعرف عني إيه ولا هتفاجئوها بعد الجواز بالحقيقة
منصور بحزم البنتة خابرة اللي لازم تخبره وهي مش هتجول لحد وعارفة يعني إيه تبجى مرتك وتحفظ اسمك وتصون عرضك.
ماهر بسخرية البنتة دي موافقة تتجوز واحد زيي! موافقة كده بالساهل! ولا إنتو ضحكتو عليها زيي بالظبط
وردة بسرعة لا يا ولدي البنتة دي مش زي غيرها دي جايالك بإرادتها وعاوزة تعيش معاك إحنا ما ضحكناش عليها.
ماهر بتحدي وانت يا عمدة بتضمن انها متبجاش زي االي جبلها
منصور بسرعة بضمن ليك إنها هتكون سند ليك ولا تهرب منك وإنها هتشوفك راجل ما حدش يجدر يقلل منك زيي ما أنا شايفك دلوك
ماهر بضيق وانت جايبهالي من مصر ليه بقى ليه مش من هنا خايفين حد من بنات البلد ترفض لما تعرف خايفين على اسمكم يتوسخ
وردة بحزن إحنا خايفين
ماهر وهو بيضغط على شفايفه پغضب لو حصل حاجة غلط لو حسيت لحظة إنها مش كيف ما جولتم ساعتها مش هسمح لاي حد يمنعني من اللي هعمله
منصور بثقة محدش هيجبرك على حاجة بس اديها فرصة وادي نفسك فرصة.
ماهر بسخرية فرصة انا معمل فيا اكده غير الفرص اني ماشي واعملو اللي انتو عاوزينو
مشي ماهى بعد ما قال كلامه ووقفت وردة تتنهد براحة هي ومنصور بعد ما اقنعو ماهر اخيرا بالجواز
.....................................
كانت كارما قاعدة في مكتبها بتقلب في أوراق رسالتها وهي ماسكة التليفون بتردد وهي بتتنفس بعمق قبل ما تتصل بمنصور
منصور بابتسامة أيوه يا دكتورة كارما انا كنت هكلمك دلوك بس انتي سبقتيني
كارما بتردد مساء الخير يا عم منصورانا كنت عاوزة أتكلم مع حضرتك في موضوع مهم.
منصور باهتمام اتفضلي يا بنتي خير
كارما بهدوء إحنا اتفقنا على الجواز بس علشان الموضوع يبقى رسمي قدام أهلي لازم تيجوا تتقدموا زي أي عريس بيتقدم لعروسته علشان محدش يشك في حاجة.
منصور بثقة معاكي حج طبعا وده اللي كنا ناويين عليه. إحنا أهل شرف وصحاب أصول والجواز عندنا مايتمش إلا بالأصول.
كارما براحة تمام يبقى أنا هستنى حضرتك مع ابنك وهقول لبابا عالمعاد
منصور بثقة بلغيه اننا هنيجي يوم الخميس جهزي نفسك وإن شاء الله خير.
كارما قفلت المكالمة وهي حاسة بقلبها بيدق بسرعة مش عارفة ليه فكرة إن ماهر هييجي بيتها مخلياها متوترة وخصوصا انها عارفة طبيعة علاقتهم وانها اصلا مشفتهوش قبل كدة فكانت قلقانة اوي وهي بتسأل نفسها هي هو هيوافق اصلا
.......
جه يوم الخميس
وكانت كارما
جاهزة ومستنية
