عتبة الكرامه بقلم منال علي

الموضوع بعقل.
سكت لحظة.
وبعدين قلت
العقل ما يحلش الخېانة إنه يطلب من المظلوم يتنازل عن بيته.
خالد نفخ بضيق.
وبص لأحمد كأنه مستني منه ينقذ الموقف.
لكن أحمد بدأ يفهم حاجة مهمة.
أنا مش بعيط.
مش بتوسل.
مش بسأله إذا كان بيحبني.
وده بيربك رجالة زيه أكتر من الڠضب.
قال
يا مروة ممكن نتكلم لوحدنا.
هزيت راسي.
لا.
انت جبت شهود لما كنت فاكر ستة يقدروا يضغطوا على ست واحدة.
دلوقتي تسمعوا الرد قدام نفس الشهود.
أمينة ضړبت ركبتها بإيدها وقالت
أنا كنت خاېفة من اللحظة دي الكِبر. ست شايفة الورق أهم من العيلة.
ابتسمت بسخرية.
وقلت
عيلة؟
تقصدوا العيلة اللي سكتت لما ابنكم قال إنه حامل ست تانية؟
العيلة اللي دخلت بيتي علشان تقولي أفسح المكان لمراته؟
عم حسن قال بهدوء
كفاية الصوت العالي مش هيفيد.
بصيت له وقلت
أنا مش بعلي صوتي

يا عم حسن أنا بس بسمي اللي حصل باسمه.
الصالون سكت تاني.
لأنهم كلهم عارفين إني بقول الحقيقة.
وفي الآخر أحمد سألني السؤال الوحيد الصادق
انتي عايزة إيه؟
رديت فورًا
عايزة الستة يطلعوا برا بيتي خلال تلات دقايق.
شهقت أمينة وقالت
انتي هترمي العيلة برا؟!
بصيت لها في عينها وقلت
اتفرجي.
ومشيت ناحية الباب.
فتحته.
ووقفت.
وقلت
سمعتوني برا.
وبعد لحظات
خرجوا واحد ورا التاني.
ولما الباب اتقفل أخيرًا
بقى الصمت في البيت تقيل.
لكن لأول مرة من زمن طويل
حسيت إن البيت ده فعلًا بيتي أنا.
بعد ما اتقفل الباب، مسمعتش غير صوت الهوا اللي داخل من الشباك وصوت قلبي وهو بيهدا لأول مرة من شهور. كان ممكن أعيط، كان ممكن أنهار لأن العشرة اتهانت، بس الغريب إني حسيت بخفة.. كأن جبل كان كابس على نفسي واتزاح.
فجأة، جرس الباب رن.
دقة واحدة، مترددة، عارفة صاحبها كويس متوفره على روايات واقتباسات 
فتحت الباب.. كان أحمد.
واقف لوحده، وشه مخطۏف، وعينه بتهرب من عيني. قال بصوت واطي
مروة.. ليلى تعبت من الوقفة والمنهدة، وأمي مشيت وهي بتدعي عليكي..
أنتي بجد هتمشيني؟ أنا جوزك!
سندت إيدي على حرف الباب وبصيت له بنظرة خلت ريقه ينشف، وقلت له الجملة اللي خلت لونه يقلب أصفر بجد
أنت ناسي يا أحمد إنك مؤتمن على البيت ده بصفة ودية بس؟ أنا مكلمة المحامي من أسبوع.. وقضية الطلاق للضرر ارفعت الصبح، ومعاها إنذار طرد لأي حد ملوش صفة في البيت.. والنهاردة أنت والست اللي معاك مالكوش صفة عندي.
برق عينه پصدمة وقال طلاق؟ وطرد؟ أنتي بتبيعي كل حاجة عشان ورق؟
ضحكت ضحكة قصيرة وسامة
أنا مابعتش.. أنا بنضف. اللي بيبيع هو اللي بيدخل ست غريبة بيت مراته ويطلب منها تمشي عشان الجديدة ترتاح. البيت ده كان أماني.. وأنت خنته. دلوقتي اخرج ليهم.. ليلى مستنياك تحت، وأمك مستنية تحكي لها أد إيه أنا جحدة.. بس خليك فاكر، الجحود هو إنك تسرق سقف ست عشان تداري غلطتك مع ست تانية.
حاول يتكلم، بس شاورت له بصباعي
ثانية واحدة كمان وهطلب البوليس يثبت حالة التهجم.. اخرج بكرامتك اللي فاضلة، لو لسه فيه منها حاجة.
جرجرت رجله لورا وهو مش مصدق إن مروة الهادية بقيت بالصلابة دي. قفلت الباب بالمفتاح.. تلات تكات.
دخلت الصالون، بصيت لصورة الفرح اللي على الحيطة. شلتها بهدوء، ومسحت التراب عن وش أمي فاطمة في الصورة.
حقك رجع يا أمي.. والبيت لسه طاهر.
دخلت المطبخ، عملت كباية شاي، وفتحت الشبابيك كلها عشان ريحة النفاق تخرج من البيت.. والنهارده، ولأول مرة، نمت في نص السرير وأنا فارده إيدي، مش خاېفة من بكرة، ولا مستنية حد يطبطب عليا.. لأني عرفت أطبطب على نفسي صح.