روايه للكاتبه هاجر نور الدين

لينا واللي هي بتاعته بأم المواصلات دي مش كنا دخلنا جامعه أقربلنا
يعني هو بمزاجنا ياإسراء إتهدي بقي خلينا نوصل من غير رغيك
وصلوا بعد نص ساعه كمان وكانت المحاضرة بدأت بقالها تلت ساعه وإستأذنوا وإعتذروا عشان تأخيرهم وهيثم دخلهم
بعد المحاضرات بتاعت اليوم كله خرجت من الكلية مع سهام وأنا مېته خلاص
نروح ناكل بقي إحنا لو بنعذب نفسنا مش هنفضل كل دا من غير أكل
جه صوت من وراهم
وعشان كدا كنت عامل حسابي ف تعالوا ورايا
بصينا ناحية الصوت بإستغراب وكان دكتور هيثم القمر دا
ردت سهام بمكر وقالت
إي حضرتك عامل حسابك ليه وجايب أكل يعني!
عادي يعني إنتوا مش طلبة عندي ولازم نهتم بيكم وبصحتكم
بصيتله سهام بنفس المكر وبإبتسامة وقالت
ياريت كل الطلبة زي إسراء قصدي ياريت كل الدكاترة زي دكتور هيثم ياإسراء
حسيته إتوتر بس رديت أنا بغباء وقولت
أيوا فعلا بيحس بإننا جعانين ها بقي جايب أكل اي
حسيتها كانت هتتشل جنبي بس مش مهم معدتي أولي روحنا كلنا وكان جايب شاورما وإي ياناس الدكتور القمر داا
بعدها بشهرين أصبحنا تقريبا شبه صحاب بقينا بنفطر مع بعض في الكلية ولو محضرتش محاضرة بيراجعهالي لوحدي أو أنا وسهام وسهام قالتلي إنه باين جدا أنه بيحبني بس أنا بتوه مش عايزة أحب حد تاني ولا أتعلق بحد ولكن لو دخل البيت من بابه ممكن أفكر..إي في اي متبوصوليش كدا ماهو كل شخص محتاج فرصة برضوا ألااه!
عند ياسمين ومروان بعد مرور شهرين
مروان بزعيق
دي مبقتش عيشة دي البيت زي الزفت وبرجع من الشغل مفيش أكل ومفيش آي مسئولية وبقيت حاسس بخنقة طول مأنا في البيت
ردت ياسمين ببرود كالعادة
وطي صوتك وإنت بتكلمني يامروان وبعدين مانا قولتلك هات شغالة تنضف البيت وتعمل الأكل لإني مش بعرف
هو اي دا اللي مش بتعرفي ياهانم مش بتعرفي تتعلمي لكن مش تقوليلي مش بعرف وإي اجبلك شغالة دي ياهانم إنتي ست معفنة اللي تسيب بيتها بالشكل دا تبقي مهملة ومتستاهلش البيت اللي هي قاعدة فيه أصلا
علت صوتها وقالت
بقولك إي يامروان أنا قولتلك من الاول إني مش شغالة عندك هاتلك شغالة تروقلك البيت وتعملك الأكل اللي إنت عايزه ياحبيبي غير كدا معنديش كلام أقوله
ماشي يا ياسمين وديني لأعمل شئ مش هيعجبك نهائي وإبقي أرجعي إندمي بقي
ياسمين بلا مبالاة بعد ماقعدت وكملت المانكير
أعمل اللي يريحك
نزل عند مامته وقال
ماما..أنا موافق أتجوز البنت اللي كلمتيني عليها بنت جارتنا
أيوا كدا هو دا إبني حبيبي إكمن حالك مش عاجبني من ساعة مإتجوزت اللي ماتتسمي دي هكلمها النهاردة وهنخليها فرح علي طول من غير خطوبة وكلام فاضي إحنا جيران من زمان وعارفين بعض مالهاش لازمة
رد مروان بتوهان
إن شاء الله ياماما عن إذنك هنزل أشم شوية هوا
نزل مروان يتمشي علي النيل وإكتشف قد إي هو كان مغفل وصدق ياسمين وبعد عن إسراء اللي بيحبها بعد ماإتجوزها وشاف طريبتها وشخصيتها الحقيقيى إكتشف إنها كدابة وإنها كانت بتمثل قدامه شخصية مش شخصيتها كانت بتمثل شخصية إسراء عشان تعجبه هو مش عارف السبب اللي خلاها تعمل كدا ولكن النتيجة واحدة إتمني لو الزمن يرجع بيه ومش هيصدقها وهيروح لإسراء..في الوقت دا كانت إسراء ماشية مع سهام وهما بياكلوا غزل البنات وبيضحكوا راحلها بسرعه وهو مبتسم وقال
إسراء إزيك عامله إي
شوفته وسمعت صوته بس كان عادي مش مبهر زي ماكنت شيفاه غالبا مبقتش أحبه يمكن عشان بقي جوز أختي ويمكن عشان أنا قررت أنساه ونسيته فعلا رديت
الحمدلله كويسة ياأستاذ مروان وإنت
حس إنها مستتقلة الكلام معاه بس إبتسم وقال
أنا بقيت كويس لما شوفتك..أاا أقصد يعني إني كويس الحمدلله مجتيش ليه عندنا لحد دلوقتي
عادي ورايا كلية ومحاضرات ومعنديش وقت
إزاي
يعني إبقي تعالي وأه صح عامله إي في دراستك
حسيت بخنقة من الكلام معاه وحبيت أقفل الموضوع ومسكا سهام من ايديها ومشيت وأنا بقوب
أه كويسة عن إذنك بقي عشان متأخرين علي واحدة صحبتنا
إتنهد بعد مامشيوا وإتأكد إنه خسرها خالص وكله بسبب ياسمين اللي كرهه ليها في قلبه كل يوم بيكبر عن اللي قبله هي السبب في كل حاجة وحشة في حياته رجع البيت ودخل ينام من غير مايكلمها وهي مادتلهوش إهتمام
عند إسراء وسهام
كلمتيه بالطريقة دي ليه يابنتي
عادي ياسهام وبعدين دا جوز أختي اللي محرم عليا كدا كدا مش هينفع أكلمه ومبقتش بطيقه مش عارفة ليه
أحسن برضوا سيبك منه خلينا في دكتور هيثم القمر دا
خلصت كلامها بغمزة بصيتلها بتوتر وقولت
علي فكرة أنا وهيثم صحاب بس
ماشاء الله بقينا نقول هيثم بس أهو من غير دكتور
هو اللي قالي أقوله كدا يارخمه
ماشي هعديهالك كدا كدا أصلا أنا عارفة إن نهايتها يادبلة الخطوبة وعقبالنا كلنا ويايايا ياسهر الليالي
ضړبتها في كتفها وقولت
بس يارخمه هانم ويلا بقي علي بيتك أنا وصلت أهو
بتطرديني من الشارع وعشان مين عشان هيثم!!
ضحكت عليها وقولت
يلا يابت بقي سلام
أول مادخلت لاقيت بابا بيقولي
جهزي نفسك عشان متقدملك عريس وأنا وافقت
إتصدمت وقولت
وافقت إزاي يابابا من غير ماتاخد رأيي!
ماتنسيش إني حلفت إن أول حد هيخبط ع الباب هرميكي ليه وبعدين هو كويس
بكيت وأنا بقول
يابابا حرام عليك متعملش فيا كدا لو كلام أختي صح شوفتني قربت مت بيتها ولا حاولت أتواصل معاهم متضيعش مستقبلي والنبي وسيبني أنا اللي أختار
إتكلم بابا بحزم وقال
أنا قولت اللي عندي وإديت كلمة للراجل وهتقابلوا بعض بالليل في الرؤية الشرعيه ولو عملتي آي حاجة تخليه يطفش هندمك طول عمرك ياإسراء فاهمة
يتبع
الحلقة الخامسة
دخلت جري علي الأوضة بتاعتي وأنا مڼهارة من العياط هو ليه بيعمل معايا كدا أنا من حقي إني أختار الشخص اللي هكمل معاه حياتي أنا إبتديت أحب هيثم مش معقول قلبي هيتكسر مرتين وفي المرتين من أقرب الناس ليا مرة أختي ومرة بابا دخلت ماما بعدها بشوية عشان تقولي أحضر نفسي عشان العريس قرب ييجي حاولت أستعطفها وقولت
ياماما عشان خاطرى إعملي آي حاجة أكيد مش هتجوزوني ڠصب عني يعني ياماما
أبوكي قال كلمته وبعدين دا أبوكي هو هيعمل حاجة تضرك أكيد عارف مصلحتك يلا بقي عشان ورايا حاجات كتير هعملها في الشقة وإجهزي بسرعه قبل ما الراجل ييجي
وسابتني وخرجت وانا قعدت مصډومة وأنا دموعي لسة مستمرة في النزول عدا ساعه والعريس جه سامعه صوت والدته وسامعه صوت عيلتي وهما بيسلموا عليهم وبيضحكوا مكنتش لسة لبست دخلت ماما وشهقت من منظرى وقالت
إي اللي إنتي عاملاه في نفسك دا هتقابلي الراجل ازاي بمنظرك دا كدا
كانت عيوني وارمة من العياط ووشي منفوخ ومحمر رديت عليها ببرود وقولت
أنا هقوم ألبس واطلع عن إذنك
وروحت زقيتها وطلعتها برا وقفلت الباب ولبست وأنا بعيط ڠصب عني وطلعت وأنا باصة في الأرض وفضلت قاعدة باصة في الارض مش سامعه صوت للعريس دا هو بتاع بابي ومامي ومكسوف ولا اي لسه هتجرأ واعرف عيني سمعت بابا بيقول
نسيبهم بقي مع بعض شوية
وسابوني معاه وخرجوا ومجاليش الجرأة إني أرفع عيني عليه وإحنا لوحدنا
للدرجة دي رافضاني ومش عايزاني?
ثانيه ياجماعه هو أنا بحلم!!
هو دا صوته ولا انا بيتهيألي!
بصيتله بسرعه وكان فعلا هو وإتصدمت وقولت
هيثم!
إنت بتعمل اي هنا
لأ ابدا مفيش كنت جاي أشم هوا وإنتي
رديت بغباء
دا بيتي أصلا
بصلي بغيظ وقال
دا علي اساس إن دا مكان بييجوا يشموا فيه هوا جاي أطلب إيدك ياغبية
بس.. بس إنت مقولتليش حاجة زي دي
مش لازم أقولك يعني حبيت أعملهالك مفاجأة بس شكلك رافضاني
رديت بسرعه من غير تفكير
لأ مش رافضاك
ركزت فياللي قولته وإتوترت وهو إبتسم ف قولت بسرعه
قصدي يعني مكنتش مفكراك إنت
برضوا بنيل الدنيا تاني فضلت السكوت عشان لو إتكلمت تاني غالبا هقوله بحبك وقد اي هو زي القمر بالبدلة السودا والقميص الأبيض وشعره الجميل دا بس لأ أنا مش مركزة معاه خالص
طب أطلع أقولهم إني رافضة
ماخلاص بقي إنت إستحلتها قوت مش رافضاك
بعدين كملت بإبتسامة سخرية
وحتي لو رافضاك هتجوزك برضوا
يعني إي مش فاهم
لأ مفيش حاجة
دخل بابا والكل بعد ماخلصت علي طول وسأله بابا
هاا يابني نقول مبروك
إبتسمله هيثم وقاله وهو بيبوصلي بحب
قول ألف مبروك مش مبروك واحدة
أتكسفت من نظرته وبصيت في الأرض وأنا من جوايا فرحانه جدا ويمكن دي الحاجة الوحيدة اللي هشيلها جميل لبابا رغم إنه مش عارف بموافقتي عليه من قبل ماييجي أصلا
حددوا ميعاد الخطوبة الخميس الجاي يعني فاضل 4 ايام يادوب ألحق دخلت نمت وأنا مبسوطة جدا تاني يوم صحيت علي خبط علي باب الأوضة قومت فتحت وإتلاقيتها ياسمين بصيتلها ببرود وقولت
عايزة إي ياياسمين
ياسمين بخبث وإبتسمة شيطانية
مش