روايه للكاتبه هاجر نور الدين
المحتويات
أهو عملت إي فيا
إتكلم العميد وقال بحزم
مش عايز أسمع حد دي جامعه مش شارع اللي إنتوا عاملتوه دا هتتحاسبوا عليه فصل من الجامعه لمدة يومين
إتكلمت بسرعه
لا والنبي يومين كتير داما بشم هوا فيها
نعم!!
أقصد هوا التعليم دا بيغذيني من جوا
كلمة كمان وهخليها إسبوع
ولو كلمتين?
إتكلم بعصبية
إحنا هنهزر ياأستاذة
خرجنا من عنده والبنت بتبوصلي بشرار روحت أنا وسهام علي الكافتريا وقعدنا
عاجبك كدا ياهبابة إنتي أنا كان إي اللي جابني مصر مانا كنت في الكويت مع بابا أكرملي
خلاص بقي اللي حصل حصل
اي دا الدكتور جاي علينا يلا نقوم نجري
لسة هقول فين إتلاقيت اللي قعد علي الترابيزة بتاعتنا وبيبصلي بحدة وقال
كنت مفكرك أعقل وأهدي من كدا ياإسراء
بصيتله بزهول ف كمل
دانتي بوظتي مستقبل البت محدش هيبصلها بعد اللي عملتيه فيها وأنا لما شوفتك بتجري وإنتي بټعيطي إمبارح قولت البنت دي رقيقة وطيبة طلعتي متوحشة
ويت ويت بس شوفتني وأنا معيطة إمبارح ازاي?!
وإنتي طالعة بتجري من الفرح خبطتي فيا
شهقت وقولت
إنت اللي خبطت فيك طلعت الدكتور بتاعي!
وبعدين كنت ف فرح أختي ليه
العروسة تبقي أختك!
لأ انا كنت جاي لصاحبي وجارى العريس مروان
هو مروان دا ورايا ورايا ماقولنا هنقفل السيرة دي بقي ليه كل حاجة بتفكرني بيه
طرقع بصوابعه قدام عيني وهو بيلفت إنتباهي وقال
سرحتي ف إي ?
هاا..لأ مفيش
إتكلمت سهام اللي كانت بتتابع بصمت وقالت
طيب برضوا حضرتك يادكتور جاي ورانا ليه برضوا?
حسيته إتوتر وقال
جاي أقولكم إني هكلم العميد تاني عليكم وأحاول أخليه يرجعكم
بصتله سهام بمكر وقالت
أه ودا ليه ?
هو إتوتر ولا أنا بيتهيألي يجماعه?
لأ عادي عشان إنتوا الأتنين محترمين وكدا وعشان خاطر مروان صاحبي ومراته
ااه مااشي
عن إذنكم
سابنا ومشي وأنا مش فاهمة هو فعلا كان متوتر ليه إتحولت نظرة سهام من مكر ل قلق وإستفهام
كنتي بټعيطي إمبارح وطالعه تجري من فرح أختك ليه?
مفيش ياسهام دا انا عيني إتطرفت وكنت مدمعه بس وخبطت فيه وهو فكرني بعيط
إسراء إنتي مش بتعرفي تكدبي وبعدين إنتي هزرتي كتير أوي النهاردة معني كدا إنك
بصيتلها وأنا دموعي أخيرا
مسحت سهام دموعها هي كمان وقالت
يابنتي هو انتي تخلي الناس ټعيط وبعدين تقولي هما اللي عيطوكي..قومي بينا نجيب شاورما وآيس كريم ونتمشي وتحكيلي مالك بي من غير عياط عشان هنبقي في الشارع والناس هتتفرج علينا
إبتسمتلها بشكر يمكن عشان هي موجودة في حياتي جبنا شاورما وإتمشينا وحكتلها كل حاجة ومن غير ولا دمعه واحدة
يابنتي خلاص كفاية عياط بقي الناس بتتفرج علينا وعينك هتورم
رديت عليها وانا بمسح دموعي
خلاص أهو خلصت
بس برضوا مش فاهمه ليه ياسمين تعمل كدا?
ولا أنا فاهمه ياسهام بس ربنا يسعدها وكدا كدا أصلا بابا حرم عليا إني أدخل بيتها
بيت أختك التانيه تجيلي وقت مانتي عايزة ولا أنا مش أختك
إنتي أكتر من اختي والله ياسهام ربنا يخليكي ليا..تعالي نجيب آيس كريم بقي عشان نحلي
طفسة طفسة يعني يلا بينا
.
عند ياسمين ومروان
كانت الساعة 4 المغرب ومروان دخل عشان يصحي ياسمين اللي نايمة من امبارح
إصحي بقي ياياسمينتي
ياسمين وهي بتفتح عينيها بضيق
عايز اي يامروان سيبني أنام شوية
تنامي شوية إي تاني قومي المغرب هيأذن
معلش سيبني أنام شوية وبعد شوية تعالي صحيني
مروان بنفاذ صبر
يا ياسمين دي المرة الخامسة اللي تقوليلي كدا أنا زهقت وبعدين جعان
بصيتله ياسمين بعصبية وقالت
ماتاكل يامروان هو أنا هقوم أحضرلك الرضعه مفاكش إيدين تحضر أكل لنفسك ولا اي
إتصمت مروان من ردها مش هي دي ياسمين اللي كانت بتوعده بكل حب بعد الجواز واللي غير فكرته جهة إسراء بسببها وحببته فيها مش هي دي ياسمين الرقيقة اللي كانت بټموت فيه!
اي الكلام دا ياإسراء ما آي واحدة طبيعي إنها تقوم تحضر أكل لجوزها وبعدين هي دي ليلة صباحيتنا اللي وعدتيني بيها!
بقولك إي مش عايزة أتخمد أنا هقوم أعمل آي حاجة بدل وصلة الحنين اللي إنت فيها دي
قامت وسابته مصډوم منها ومن ردة فعلها بس مسك نفسه عليها وقال في نفسه
يمكن تعبانه أو في حاجة مدايقاها ف عشان كدا بتتكلم كدا راح عندها
حبيبتي متدايقة من حاجة ?
بعدت ياسمين عنه وقالت
لأ مش متدايقة من حاجة لو
يعني اي أكلي وأكلك ماطبيعي تعمليلنا إحنا الأتنين
لأ ياحبيبي أنا مش خدامة عندك كل واحد يعمل حاجته
بصيلها پصدمة وزعق وقال بنفاذ صبر
في اي ياياسمين من إمتي وإنتي كدا وإي خدامة عندك دي إنتي مراتي
قالت ياسمين ببرود
أديك قولتها مراتك مش شغالة عندك
دخل مروان الأوضة ورزع الباب وراه جامد لحد مايهدي عشان ميعملش فيها حاجة قعد علي السرير وهو بيتنفس بصوت عالي وإفتكر أول مرة كلمته
flash pakk.
كان قاعد في الكافيه اللي متعود يقعد فيه كل يوم بعد الشغل..
أستاذ مروان
بصيلها مروان بإستغراب وقال
أستاذة ياسمين أهلا إتفضلي أقعدي
قعدت ياسمين وهي بتتصنع الرقة وقالت
انا عارفة إننا مالناش كلام مع بعض بس في موضوع مدايقني أوي ومش عايزة أحكيه لحد قريب مني عشان ميزلنيش بيه بس عارفة إن حضرتك كويس وإبن ناس ف هتسمعني
أكيد طبعا أتفضلي
مثلت ياسمين البكا وهي بتقول
أنا مش عارفة أبدأ منين والله هو الموضوع يخص أختي إسراء
إتخض مروان وقرب
علي التربيزة وهو قلقان وبيقول
إسراء مالها?
بصيتله ياسمين بخبث خفي وإتأكدت إن هو كمان معجب بيها وقالت
أختي إسراء ماشية مع واحد شمام وانا خاېفة يعمل فيها حاجة ومش عارفة أتصرف وكل مااجي أكلمها تقولي بحبه ومالكيش دعوة وهو هييجي يتقدملي
بصيلها پصدمة وقال
إسراء بتحب ?!
أيوا
إتكلم بحزن واضح وقال
طيب وبعدين عملتي معاها إي
أنا بكلمك عشان تقولي أعمل إي هي بتحبه اوي ومش شايفة غيره
طيب كلميها وهي إن شاء الله هتقتنع عن إذنك عشان متأخر علي مشوار مهم
ومشي مروان بسرعه وهو بيحاول ميبينش حزنه وإبتسمت ياسمين برضا وهي بتقول
كدا بداية الطريق..مش هخليكي تتهني بيه أبدا ياإسراء ومش هخليكي تتهني بأي حاجة تتمنيها
بعدها بيومين ياسمين راحتله الكافيه تاني وفضلت تحكي معاه في آي حاجة وقد إي هي كيوت ورقيقة وحساسة وبتحكيله عن نفسها كتير ومواقف بتحصل معاها كتير ودا طبعا من تأليفها لجذب إنتباهه مش أكتر وبعد فترة إتأكد مروان إن إسراء مش بتحبه من كلام ياسمين وقرر ينساها وإنجذب لياسمين ولشخصيتها اللي هي أصلا
pakk
فاق علي صوت برا كان صوت عيلة إسراء خرج عشان يسلم عليهم وقعد معاهم شوية وبعد مامشيوا بص ل ياسمين وقال
أنا عايز أعرف إنتي كنتي بتمثلي عليا إنك بتحبيني ولا اي ?
إتكلمت ياسمين ببرود وهي ماسكة الفون
ليه ياحبيبي بتقول كدا مانا بحبك فعلا
إتدايق من تجاهلها ليه وسابها ونزل في الشقة اللي تحت عند والدته عشان يهدي أعصابه بعيد عنها..والدته أول ماشافته نازل في يوم صباحيته إستغربت وقالتله
مالك ياحبيبي نازل متدايق ليه وإي اللي نزلك أصلا في يوم صباحيتك
يتبع
الحلقة الرابعة
قرفان ياماما ومش حاسس إن دي ياسمين اللي عرفتها في الأول
أنا قولتلك من الأول إني محبتهاش وإنت كنت مفكرني عاملة عليها حما وخلاص
خلاص ياماما والنبي مش وقت تقطيم فيا أنا نازل من فوق عشان مخڼوق
تعالي ياحبيبي كلت ولا أحضرلك أكل
لأ ياماما مكالتش ياريت لو تحضريلي أكل عشان جعان اوي
يامصيبتي هي كمان مأكلتكش إستني يانور عيني هعملك الأكل دلوقتي
حضرتله الأكل وكل وجه الليل وهو لسة تحت عند مامته وياسمين مسألتش فيه لحد مانام تحت وجات الساعة 3 الفجر وكإنها إفتكرت إن هو مش في البيت دلوقتي إتصلت عليه
أيوا يامروان إنت فين لحد دلوقتي
مروان بسخرية
لسة فاكرة تسألي والله كتر خيرك عمتا أنا تحت عند أمي من الصبح وهبات تحت
وتبات تحت ليه يعني
عشان مش عايز أشوف وشك يا ياسمين عشان لو شوفتك مش هتشوفي مني خير
ياسمين يلا مبالاة
ماشي نام تحت عند أمك وإرتاح أنا داخله أنام تصبح علي خير
وقفلت من غير ماتستني رد إتعصب مروان جامد ورمي التليفون في الأرض
تاني يوم الصبح
صحيت إسراء علي صوت التليفون بتاعها بيرن بتبوص في الساعه لاقيتها 6 ونص ورقم غريب اللي بيرن ردت وهي شبه نايمة وسمعت صوت رجولي
إي كل دا نوم بقالي نص ساعه بصحي فيكي ليه إن شاء الله مقتولة!
مين معايا
دكتور هيثم
إسراء بنعاس وغباء
دكتور هيثم مين
اللي هيشيلك المادة لو مجيتيش في خلال نص ساعه
قامت إسراء بسرعه وهي مبرقة ومصډومة وإبتدت تفوق
ألو معلش مين معايا تاني
دكتور هيثم ياإسراء
وإتصلت بيكي عشان اقولك تيجي الكلية
وبعدها قفل السكة في وشي وأنا قومت أجرى وكلمتك وأدينا أهو هنضيع أول محاضرة
متابعة القراءة
