قررت الرحيل بقلم ورده نسيم

قررت الرحيل بقلم ورده نسيم 
أنا ساميه متجوزة بقالي ١٠سنين 
جوزي وليدولد وحيد على بنتين حمايا متوفي وحماتي عايشة 
أنا والدي راجل فقير امي ماتت من زمان واللي ربتني أنا وأختي وأخويا مرات أبويا 
لما وليد اتقدملي حبيته جدا وكنت شايفاه العوض عن كل اللي شوفته 
اويت وأخويا كانوا رافضين الجواز لكن أنا أصريت واتخطبنا فعلا وكان باين عليه الحب والاهتمام بعد سنة خطوبة اتجوزنا رغم المشاكل اللي حصلت بيني وبين أخويا بسبب الجواز 
في أول الجواز كان الوضع كويس لكن بعد 4 شهور جوزي سافر وكنت وقتها حامل 
كنت عايشة مع حماتي في نفس البيت شقتي فوق شقتها وبنأكل ونشرب مع بعض من الأول كنت بحس إنها بتتضايق مني ومن أي حاجة أعملها أو أكلها فكنت أتحرج وأطلب من جوزي يقول لها إن الأكل مش معايا 
كان

أبويا واخويا بيساعدوني وبدأت أصرف من الفلوس اللي بيبعتوها
قبل الولادة طلبت من وليد فلوس أجهز بيها لبنتي قال لي أمي هتجيب 
روحت مع حماتي قالت لي اخت جوزك هتديكي هدوم عيالها اتكسرت من جوايا وزعلت جدا وروحت جبت كل هدوم بنتي وحاجتها من فلوسي 
لما ولدت حماتي كانت كرهه بنتي لأن كام نفسها اجيب ولد ما طلعتش لي ولا عبرتني ولا حتى بصت على حفيدتها 
وبعد ما قومت بالسلامة لما بنتي كانت تعيط وأجري أشيلها كانت تزعل وتزعق وتقول 
ده دلع سيبيها تعيط هيجرالها إيه هتعوديها على الدلع 
بناتها دايما موجودين في البيت وتحكمات في كل حاجة 
بقلمي ورده نسيم 
ومع الوقت كره حماتي لبنتي زاد وبقت تعاملها وحش وتحرض جوزي عليها لدرجة إنه كرهها وبقى يطلب مني أضرب طفلة وهي صغيره بحجة إني بدلعها 
مهما ضربت بنتي قدامها عمرها ما رقت لها وبتعاملني أنا وبنتي كأننا مش موجودين 
النقطة التانية 
حماتي بتخبي كل الأكل عاملة أوضة عندها حاطة فيها التلاجة والفريزر ومابتطلعش غير الطبخة اللي هتتعمل 
لو طلبت أي أكل فوق تقول مفيش وتحلف بالله 
مرة اتخانقت معايا عشان أخدت اكل لبنتي عشان كانت جوعانه
قالتلي حماتي لو دا حصل تاني هتحرمنا من الاكل
كنت مقهوره من اللي بيحصلي انا وبنتي 
وبسبب اني خد اكل لبنتي حرضت جوزي أنه مبحبش اكل ليا انا وبنتي 
جوزي كان بيجيب حاجات بسيطة جبنة بيض بطاطس 
دلوقتي خلته ما يجيبش خالص وبقى يفطر ويتعشى معاها تحت لأنها عارفة إن مفيش أكل فوق وإن ابنها هيجوع 
أنا بقوله إني بنام جعانة يقولي انزلي كلي تحت 
هو ما يعرفش إنها بتقفل لأنها قدامه بتظهر نفسها غلبانة 
ولو اشتكيت له مش هيصدقني وكل حاجة عنده حلها الضرب 
أنا بنزل كل صباح أخدمها وأشيلها ولو ما عملتش كده وليد يهددني إنه يرمني في الشارع وياخد عيالي وحاجتي 
وده اللي مخليني مكملة لأني مالياش مكان أروحه ولا ضهر ومقدرش أسيب عيالي 
وفي يوم لا أنساه
في الليلة دي ماكانش في صوت غير أنفاس بنتها وهي نايمة على صدرها خفيفة زي الريشة تقيلة زي الجبل 
كانت حاطة إيدها على ضهرها كأنها بتعد النبض مش علشان تطمن علشان تتأكد إنها لسه عايشة 
افتكرت صوت حماتها وهي بتزعق 
سيبيها تعيط ده دلع!
وافتكرت إيدها وهي نازلة على جسم طفلة مش فاهمة يعني إيه غلط ولا ليه الضرب بقى لغة 
الوجع الحقيقي مش في الإيد اللي بتضرب
الوجع في القلب اللي اتعلم يصدق إن ده طبيعي 
بنتها بطلت تعيط 
مش علشان