روايه للكاتبه رزان عز الدين
الجمعة
روحت المطعم في الوقت بتاع كل مره وشوفته هو وريان واقفين مع بعض
سلمت عليهم وريان سألني
اعملك بيتزا
لأ انا جيت عشان اساعد زياد وهمشي
ريان بصله باستغراب وقال
ااااه طيب همشي انا بقا
ومشي انا وزياد بقينا لوحدنا
هي فين
هي مين
البنت
ااه تعالي بس اقعدي احكيلك عنها عشان لما تيجي تعرفي تحببيها فيا
قعدت ڠصب عني وهو بدأ يحكي
كنت في يوم زي اي يوم عادي بعمل العجينة
وهي كانت واقفة بتتفرج عليا
اول ما شوفتها ارتبكت بدون سبب
وللأسف العجينة طارت علي وشها
اضطريت اقولها اني برتبك لما حد يبصلي
بس الحقيقة انها الوحيدة اللي ربكتني
عدت الأيام وبقت تيجي كل يوم بقيت محتار ده اعجاب...ولا حب
بس انا اتأكدت انه حب عارفة ازاي
لما بشوفها
ضحكتها بتخليني ابذل كل جهدي عشان اشوف حلاوتها
حبيتها
حبيتها اوي ياسما
اكتر من نفسي
بنت جميلة
رقيقة
هادية
اسلوبها حلو
عاقلة
فيها كل الصفات الحلوة
كنت حابسة دموعي ومستنياه يخلص كلامه
انا عمري ما حبيت حد كده
ڠرقت فيها متفهميش عملتلي سحر ولا ايه بالظبط
بس اللي فاهمه اني وقعت ومش عارف اقوم
هي الوحيدة اللي حبيتها في حياتي
هي اللي...
دموعي نزلت ڠصب عني
فهو وقف كلام وسألني باستغراب
انت...بټعيطي ليه
قومت ومسحت دموعي
آسفة يازياد
انا مش هقدر اساعدك
بعد اذنك
سما!
سيبته ومشيت
مارجعتش تاني المطعم ولا عديت من قدامه حتي
ماكنتش هقدر اواجهه تاني...
عدت شهور والحقيقة
عدت
زياد اتصل بيا كتير بس انا غيرت رقمي
في يوم وانا راجعة من الشغل شوفت حد قاعد علي الرصيف وبيعيط
كان ضامم رجله باديه وحاطط راسه عليها وحاطط زعبوط الهودي اللي كان لابسه فماشوفتش وشه
بس كنت سامعه صوت شهقاته موضوح
اترددت اني اروحله بس استسلمت وروحتله
حضرتك محتاج مساعده
رفع وشه وبصلي
زياد!!!
اټخضيت جدا عليه وقعدت جنبه
مسكت وشه بين ايديا وسألته وانا بقلق
في ايه مالك!!
قال بصوت سمعته بالعافية
س...س...سابت...سابتني...
اللي بحبها سابتني!!
ليه!
م...مش عارف!
اسأليها!!
معاك رقمها طيب
اسمها ايه
م...مش معايا
اس...اسمها...سما
سيبتيني ليه!!
سيبتيني ليه يا سما!!
اتجمدت مكاني
ماكونتش عارفة اعمل ايه
زياد...
انت..
كانت انت...
ملحقتش اقولك وسبتيني!
الدموع بدأت تنزل من عيني وقولتلها
انا...انا آسفة
آسفة يا زياد!!
معرفش فضلنا قاعدين قد ايه علي الرصيف منغير كلام
كان عياط بس
لغاية ما سابني وقال
دلوقتي اقدر اقولك...
انا بحبك ياسما
زياااااااااد
نعم
اعمل بيتزا مارجريتا
يووه بقا عايز ايه ياسليم
بصلي ببراءة
شيليني يا ماما
تعالي
شيلته وبصيت علي حمزة اللي بياخد الطلبات والبنات بتعاكسه
ريان ونورا اللي كانوا بيوصلوا الطلبات وريان كل شوية ينكشها ماهم كتبوا الكتاب خلاص
بس حمزة طبعا كل شوية يتخانق معاه عشان غيران
بعدين بصيت لي كان بيلعب بالعجينة كالعادة
زياد
بصلي
عيونه
انا بحبك
العجينة طارت منه و وقعت علي وش الزبون
جري عليه وشال العجينة واعتذرله
بعدين بصلي وانا بضحك
جيه ناحيتي وهمسلي
مش اكتر مني يا مزة
تمت
رزان_عزالدين
رأيكوا مهم
