روايه للكاتبه رزان عز الدين
دخلت محل بيتزا بعد يوم شاق من تصوير العرايس في فرحهم
الكاميرا كانت متعلقه علي رقبتي وباقي العدة شايلاهم علي ضهري
دخلت وروحت للكاشير
لو سمحت
اتفضلي
عايزة بيتزا سوبريم
كبيرة ولا صغيرة
كبيرة
تمام الحساب 350
طلعت الفلوس واديتهاله وهو خدها وراح يعمل حاجة
كنت هروح اقعد علي طربيزة بس لفت انتباهي الشاب اللي بيعمل البيتزا عشان المطبخ مفتوح علي الكاشير وهو بيعجن العجينة
كان شاب قمحاوي وعامل شعره كيرلي ملامحه حلوة
بس اللي لفتني اكتر فيه الحركات اللي بيعملها بالعجينة
كانت سريعة جدا وحسيت انه مستمتع وهو بيعملها
كأنه بيلعب
قررت اني اصوره عشان شكله كان حلو اقصد وهو بيعمل الحركات مخك يا عزيزي القارئ ميروحش لبعيد
رفعت الكاميرا وبدأت اخد كذا صورة ورا بعض لغاية ما لف وهو بيعمل حركة وبصلي وفجأة...
العجينة طارت علي وشي وعلي الكاميرا
فجأة جري عليا وشالها وقال
انا آسف جدا والله ماكونتش اقصد
قولتله وانا بشوف الصور اللي علي الكاميرا
افتكرتك متمكن بالحركات اللي انت بتعملها دي
هو انا متمكن فعلا بس بتوتر لما حد يبص عليا
طيب انا صورتك تحب تشوف الصور
اكيد
وريتهاله وكان مبهور بيهم
زياااااااااااااد
بص وراه وكان الشاب اللي حاسبته
انت مش بتعمل البيتزا لييييه!
هعملها اهو بس...
قاطعه مسكه من قفاه وقاله بتوعد
حسابك معايا بعدين
فانا قولت
انا اللي كنت بوريه حاجة
اه تم...هو ايه ده يازياد!
وشاور علي العجينة اللي محطوطة علي الكاونتر
هفهمك والله
روح اعمل البيتزا يا زياااااد
ضحكت
وبعد فترة جابولي البيتزا والشاب قال
اتفضلي يا آنسة واحممم يعني بعتذرلك عن اللي زياد عمله
مافيش مشكلة هو انتوا اخوات
اه ده اخويا الصغير
ماشاء الله شاطر
فعلا
جيه صوته وهو واقف قدام الكاونتر
حد بيجيب سيرتي
ونط من عليه وجيه اتجاهنا وهو بيقول
ده انت كده ماشوفتيش مهارات لازم تشوفيني وانا ب...
زياااااد!!!!
ارجع المطبخ!!
هقولها بس...
ارجعععع المطبخ!!
يووه ماشي
ورجع وهو بيبصله بغيظ حك رقبته بحرج وقالي
آسف مرة تاني هو بس فراك شوية
لأ عادي والله ده لذيذ خالص
هو عنده كام سنة
26
نعم!!!
يعني مش 18!!
لأ كله بيفتكره صغير عشان شكله وتصرفاته
فعلا ربنا يخليكوا لبعض
تسلمي يا...
طلعت ريحة شياط فجأة
زياااددد انت بتولع في ايييييههه!!
اهلا
انا سما
عندي 24 سنة وشغالة فوتوجرافر
من صغري وانا شاطره في التصوير لذلك قررت اني اشتغل كده
شخصيتي غريبة عن اهلي
انا انسانة هادية جدا مش بتكلم كتير واخواتي فراكين ودي اكتر حاجة مش بحبها
عندكوا مثلا
سمااااااااااااااا
بصيتله بخضه بعد ما فتح الباب فجأة
في ايه ياحمزة!
في كل خير ياسوسو
مش هتصدقي ايه اللي حصل فالج...
قاطعه زعيق اختي نورا
حمززززززززةةةةةةة
انت خدت من المقشر بتاعي تانيييي!
حمزة بصلي پخوف
مش هتصدقي ايه اللي حصل في الجامعة
وايه اللي هيحصل فيا دلوقتي
وطبعا اتخانقوا
وبصفتي اختهم الكبيرة لازم انا اللي افض الخناقة عشان بابا وماما علطول مسافرين عشان الشغل
كل يوم بعد الشغل
وخناقتهم بتضحكني جدا
السلام عليكم
وعليكم السلام عاملة ايه ياسما
الحمدلله ياريان اخبارك ايه
الحمدلله كويس...
جيه صوت زياد من المطبخ
مافيش عامل ايه يا زياد
وجيه سند علي الكاونتر وهدومه متبهدله دقيق
ابستمت وقولتله
عامل ايه يا زياد
الحمدلله يامزة
ريان زاعقله
زياااااااد
احمم اقصد الحمدلله يا سما
ريان بصله بقرف بعدين سألني
كالعادة ولا هتغيري الطلب
كالعادة
ماشي اعمل يا زياد بيتزا سوبريم
اشطا
و وقف يعملها وانا كالعادة بتفرج عليه
جت زبونتين جنبي واضح انهم صحاب واحده فيهم قالت
بصي الولد اللي بيعمل البيتزا
مز اوي بجد
لسبب ما اتدايقت لغاية ما جيه صوت ريان
اتفضلي يا آنسة تطلبوا ايه
اتنين بيبيروني
تمام زياااد
زياد رد
نعم
اتنين بيبيروني
حاضر
عملي البيتزا وبعدين بدأ في الاتنين التانيين وباقي الطلبات طبعا وقف يريح شوية بعد ما خلص ومكانش في حد تاني طلب و راح سند علي الكونتر
خلصت اكلي و وقفت معاهم كنا بنتكلم
تحفة كالعادة
عيب عليك مش بعمل حاجة وحشة
قال
ريان
نفسي تخف الغرور ده شوية
يابني الغرور ده صفة مبتتغيرش فيا
اومال
بعدين البنت اللي كانت بتقول لصاحبتها ان زياد مز جت وقفت قصاده وقالت بدلع
هاي
وعليكم السلام
ضحكت وقالت
البيتزا تحفة بجد تسلم ايدك
ابتسم وقالها
تسلمي
انت اسمك زياد صح
ايوا
انا سيليا
اتشرفت
فضلت تهزر معاه وتضحك وهو يضحك وانا كنت بغلي
ريان بصلي باستغراب وهمسلي
وشك
قولتله وانا بجز علي سناني
انا
لأ خالص مافيش مش متدايقه ولا اي حاجة
بس انا مسألتكيش
ادااا انت غيرانه
انا
غيرانه
انا غيرانة
مستحيل انت اټجننت ولا ايه
اومااال انت هتقوليلي
فجأة سمعت البنت بتقول
انت مرتبط
لأ
وانا كمان ماتيجي نرتبط!!
هنا مقدرتش امسك نفسي ودبيت علي الكاونتر ولمېت حاجتي ومشيت وسط دهشتهم كلهم
ليه عملت كده
معرفش
او عارفة وبستهبل
روحت وانا متعصبة جدا
ايه دا في ايه ياسما
ابعد عني ياحمزة
دخلت الاوضة ورزعت الباب
غيرت هدومي وقعدت علي الكرسي وبعد خمس دقايق
طق طق طق
ادخل...
كان حمزة زي ما اتوقعت
قعد جنبي بهدوء وقال
احكي
رغم ان شخصيتنا مختلفة إلا انه بيفهمني جدا
انا معجبة بحد
اعجاب ولا حب
مش عارفة اعرف ازاي
لما بتشوفيه بتحسي بإيه
فكرت شوية وبعدين قولتله
بحس براحه...
كملي
حتي لما بشوفه من بعيد بحس براحه وكمان بتبسط حتي منغير ما اكلمه
يبقي وقعتي في الحب يا آنسة سمااا
قوليلي بقا متدايقة ليه برضو
واحده جت عاكسته وتتدلع عليه وهو بيضحك والضحكه من الودن للودن
وقال ايه بتقوله انت مرتبط
وهو رد قال ايه
معرفش خرجت قبل ما اسمع رده بس اكيد وافق
وانت متدايقة عشان حاجة انت مش متأكده منها
هزيت راسي ببراءة راح قام وقالي وهو خارج
الله يهديك ياسما
عدت الأيام وبطلت اروح المطعم
بصراحة ماكنتش طايقة خلقته فاتجنبته
بس في يوم كنت تعبانه جدا ومحتاجة اكل بيتزا فروحت احمممم اكيد يعني ماروحتش عشان وحشني اومال
السلام عليكم
وعليكم الس.
اه تخيل
مختفية يعني
عادي مشغولة شوية عامل ايه
الحمدلله كويس وانت ايه اخبارك
بخير الحمدلله
ها كالعادة ولا هتغيري
كالعادة
زيااااااااد
قاله وهو طالع من المخزن
ايه
بيتزا سوبريم
انت كنت
