روايه سداسي وقعو في الحب بقلم ايمان صالح

بجد 
الاب اتكلم بهدوء وقال _ فعلا سلمى كويسه ومتربية بس انت ايه رايك يا اياد 
اتكلم بضيق _ انا مش موافق على سلمى دي مش شبهي يا بابا بس جدي مصمم 
رد الاب بهدوء_ وانت مشكلتك فيها ايه البت كويسه ومش هتلاقي زيها وبكره تعرف ولا تحب جدك يبيع كل حاجه وانتوا تدوروا على شغل برا يا تلاقوا يا لا فكر كويس يا بشمهندس قبل ما تقول قرارك
في أوضة سلمى كانت واقفه قدام اهلها بعصبية 
_ازاي يعني يا بابا عايزني اوافق على اياد 
الاب بجديه_اسمعي الكلام جدك بيختار كويس اياد العريس المناسب ليكي 
_مناسب ايه يا بابا اياد مش شايل أي مسؤولية ده شخصية لا يعتمد عليها اصلا ازاي هقبل اتجوزوا
_هتقبلي يا سلمى وبعدين ازاي ميعتمدش عليه وهو شايل مسؤولية 
_فين المسؤولية دي ده انسان مستهتر 
اتكلم الأب بحزم _ وانا قولتلك جدك بكره تقوليله انك موافقه انا سيبتك تدخلي حقوق زي ما انتي عايزه مع إن كنت عايزك تدخلي تجاره ولا هندسه وتمسكي الشركه بس انتي هبله ومش هقرر غلطي تاني هتتجوزي اياد حتى لو ڠصب عنك 
الام اتكلمت بهدوء _ البنت عندها حق اياد مش من النوع المعتمد عليه وبعدين هي حقها تختار 
الاب زعق وقال_ انا قولت اللىي عندي وكلامي هيتنفذ بالحرف الواحد فاهمين
أما ملك فكانت مختلفه تماما هي كانت فرحانه بأسر و اهلها كمان وافقوا طالما مش هيطلعوا من الشركه شركة المنشاوي ....
تاني يوم اتجمعوا كلهم عند جدهم بعد ما زين بلغ أبوه وهو وافق طبعا مستحيل يضيعوا الشركه من أيديهم الجد كان قاعد وكلهم حواليه مع ابناءه وزوجاتهم طبعا بصلهم وقال 
_انا جمعتكم عشان اعرف قراركم بس قبل ما تقولوا انا جبت المحامي عشان يكون شاهد على كلامي لو الموضوع متنفذش هبيع كل املاكي بس مش دلوقتي هتكون وصيه ل دار الايتام ولو اتنفذ وقتها هسيب كل حاجه ليكم بس بشرط هتنزلوا كلكم تشتغلوا واللي عندو شغل تاني يشتغل بس جنب شغل الشركه ودلوقتي اسمع رايكم
ابو سلمى اتكلم _ وهما ليهم راي سلمى بنتي موافقه طبعا مش هتكسر كلمتك
بصله بتحذير وسلمى بصتله بضيق ف الجد قال _ مش مستني رايك انت انا مستني رايهم هما 
بص ل اسر وقال _ هنبدا ب الدكتور اسر وملك 
اسر بص ل ملك وبعدها بص ل جدو _ كلامك سيف على رقبتي انا موافق يا جدي 
الجد بص ل ملك وقال _ وانتي يا استاذه
الكل بصلها واياد بص ومنتظر الاجابه پخوف و ام اسر بصت عليها بضيق لما قالت بخجل _ وانا موافقه يا جدي 
ابتسم الجد بهدوء وقال _ كده كويس وانت يا بشمهندس اياد ايه رايك بجوازك من سلمى
بص اياد على ملك وحس إن روحه انسحبت وبص على سلمى بضيق وقال _اللي تشوفوا يا جدي انا موافق 
بص الجد ل سلمى _. انتي يا استاذه سلمى ايه رايك 
سكتت سلمى والكل منتظر اجابتها فبصت على اياد بغيظ _ انا موافقه يا جدي
ابتسم الجد بسعاده اكبر وبعدها بص ل زين وچيهان 
_ وانتوا رايكم يا بشمهندسين 
بص زي ل چيهان وابتسم بمكر _ انا عن نفسي موافق يا چدي هو انا هلاقي زي البشمهندسه پتخاف من القطط 
بصتله پحده _ انت بتقول ايه 
ضحك بهدوء وبعدها الجد
قالها _ وانتي يا بشمهندسه
بصتله بضيق وقالت _ موافقه يا جدو
صقف الجد بفرحه وقال _ كده تمام إن شاء الله الاسبوع الجاي كتب الكتاب بتاعكم واللي بعده الفرح إن شاء الله 
ايمان_صالح
بصولوا بذهول ف اياد اتكلم _ مش حضرتك قولت خطوبه 
_ لا انا قولت خير البر عاجله كده كده موافقين جهزوا نفسكم وكل واحد بعد الشغل ياخد عروسته واختاروا حاجات كتب الكتاب بعد كتب الكتاب يلا على شغلكم چيهان و زين مع بعض و اياد و سلمى مع بعض و اسر و ملك مع بعض
اسر اتكلم وقال _بس يا جدي انا دكتور هفهم ايه في شغلكم 
بصلوا الجد وابتسم _ ما هي ملك معاك وعارفه كل حاجه عن شغلنا وهتفهمك 
قالت سلمى _ حضرتك انا محاميه ازاي هفهم في الشغل ده
_اياد معاكي يا استاذه يلا اتفضلوا روحوا الشركه واستلموا شغلكم
كل واحد خد خطيبته وراحوا الشركه اياد دخل المكتب وهو متضايق وسلمى دخلت المكتب بعصبيه ازاي يعني هتفهم منه ده انسان مستهتر زي ما قالت قعدت على المكتب ومسكت الورق بإيديها اللي جابه عمها ابو اياد ..نفخت بضيق وقالت 
_ انا مش فاهمه اي حاجه خالص
بصلها اياد واتنهد بزهق وقال 
_هاتي الورق ده كده
مدت أيدها وهي متأكده أنه مش هيعرف حاجه بصت عليه وعطته الورق باستهزاء خده منها وهو متأكد انها مش هتفهم حاجه دي خريجة حقوق ايه فهمها في شغلهم !
قرب الكرسي منها شوية وهي اتوترت وبصتله بعدم فهم ف اياد اتكلم بسخريه 
_فتحي دماغك معايا وقللي العصبيه عشان الشغل ده محتاج هدوء ماشي يا استاذه
هزت راسها وبدأت تسمع منه وهي مندهشه لما هو فاهم في الشغل كده ايه كمية الاستهتار الي بتشوفها فيه ده هو كمان بيشرحلها وهي بتتجاوب معاه وفعلا اعجب بدماغها وتفكيرها مكنش متخيل انها هتفهم بسرعه كده
اسر دخل مكتبه مع ملك ومش مرتاح للوضع الجديد ازاي هو دكتور هيفهم في شغلهم من بنت عمه اللي طول عمره شايفها صغيره انها تفهمه شغلهم بسهوله عكسها تماما انها اخيرا هتكون مع أسر في الشغل وبعد اسبوع هتكون مراته راسمي 
اسر كان قاعد بيقرا ورق كان قدامه وبيحاول يفهم هو الشغل بتاعهم ماشي ازاي في نفس الوقت كانت ملك قاعده بتبص عليه وعيونها بطلع قلوب مكنتش متخيله أنه وسيم كده وهو مركز في الشغل كانت دائما بتشوفوا وهو بعيد بس مكنش حلو كده فاقت على صوته 
_ ملك يا بنتي روحتي فين 
_ ها معاك يا دكتور اسر 
ابتسم بهدوء_ قوليلي اسر وبس 
ابتسمت بخجل _ حاضر 
_ركزي بقى وقوليلي النقطه دي كده 
بصت في الورق وبعدها قالتله_ لا الورق ده ناقص ثواني
مسكت موبايل المكتب وقالت 
_ محمد هات الورق اللي عندك محتاجينه ضروري اها في مكتبي سلام
قفلت معاه وهو بصلها فقالتله 
_ دقيقه الورق هيوصل وهشرحلك
بعد شوية محمد جاب الورق وخدته منه قبل ما ترجع للمكتب محمد قالها حاجه وهي بصتله وضحكت ورجعت ل اسر تاني فبصلها باستغراب 
_بتضحكي على ايه 
وقفت ضحك وقالتله _ اصل محمد بيقولي اني 
_ انك ايه 
_يعني حلوه شوية وشكلي مختلف وانا بتعامل معاه بجد 
بصلها اسر وكشر _ وانتي فرحانه أنه قالك كده 
ردت بسرعه _ لا طبعا بس انا استغربت طريقته عشان دايما بيتعامل معايا جد فاټصدمت 
اتكلم بجديه _ متتعمليش معاه تاني 
بصتله بدهشه _ ليه بقى على فكره هو عفوي شوية مش قصده حاجه 
اتكلم بحده_ وانتي تتعاملي ليه اصلا معاه
ولا غيره انا
موجود اهو وانا اللي اتعامل ماشي 
ابتسمت بهدوء_ حاضر يلا عشان هقولك الورق ده ايه
هز راسه بهدوء وهو مركز معاها بطريقتها في الشرح ودماغها وتفكيرها بالإضافة لشكلها اللي اول مره ياخد باله منه يمكن عشان متعملش مع بنات قبل كده بس
ايه الاحساس ده