اسكريبت بقلم رنا يحيي
ومن ماما نمت شوية وصحيت على صوت ماما بتقولي إن أم يوسف هنا
دخلت وسلمت عليا
ألف سلامة
ابتسمت الله يسلمك
ماما قالت هتروح تجبلها حاجة تشربها
يوسف لسه ماشي من شوية هو عارف إنك جايه
لا ميعرفش ومش عايزاه يعرف
بصتلها بإستغراب
يوسف اترفد من الشغل الشغلانة اللي كان بيحلم بيها من زمان وما صدق إنها جتله وكل ده بسببك أنت
بصتلها پصدمة وكملت
ابني مش هيبعد عنك ابعدي أنت عن ابني انتوا مش لبعض
هتبقي مبسوطة لو بوظتي حياة ابنك
وأنت بتعمليله ايه غير إنك بتبوظيها خسر شغله بسبب قعدته معاك وإنه مبيروحش وهيخسر امه بسببك
عيني دمعت وسكت
قامت وقفت لو بتحبيه فعلا ابعدي متخلهوش يخسر عيلته كلها
قامت مشيت وأنا كنت في حالة صدمة من كلامها دموعي كانت بتنزل بس وأنا بتتردد في دماغي كلمة واحدة إنه
كانت أصعب ليلة تمر عليا في حياتي وخدت فيها أصعب قرار ممكن اخده
يلا جاهزه عشان نخرج
جاهزه
وقفت وسندني غمضت عيني بۏجع بس المرادي كان ۏجع قلبي مش ۏجع الحاډثة
يوسف
نعم
عايزه اتكلم معاك
ماشي هنتكلم في البيت في ايه
هزيت راسي بماشي ووصلنا البيت
قعدت وقعد قدامي
فضلت ساكته شوية وكنت بحاول اسيطر على دموعي
قلعت الدبلة ببطئ وأنا بتجنب ابص في عينه
أنا مش هقدر أكمل.
تابعت ريأكشناته ضحك بصوت عالي
أنت فيك حيل تهزري يا رنا
مسحت دموعي أنا مبهزرش
بطل ضحك وبصلي يعني ايه مبتهزريش يبقى اټجننت
للأسف أنا كنت غلط من البداية كنت فاكره إني هقدر اواجه واتعامل بس خلاص
صوته علي شوية تواجهي ايه هو حصل ايه الخبطة
عيطت بحبك وعشان بحبك أنا بعمل كده مش هخليك تخسر عيلتك بسببي بعد ما خليتك تخسر شغلك كمان
بصلي پصدمة أنت مين قالك الكلام ده ماما
يوسف كل حاجة خلصت وأنا مش هكمل
هو بمزاجك هتاخدي القرار ده لوحدك
اه لو سمحت متكلمنيش تاني وعيش حياتك وأنا هعيش حياتي ولا كأننا دخلنا حياة بعض
هو أنت رنا اللي حبتها
غمضت عيني بۏجع
أنا مش عارفك!
قومت وقفت زي ما قولتلك احنا دخلنا في ماتش خسران كنت فاكره إني حبي ليك هيغير كتير بس مفيش حاجة اتغيرت بالعكس كل يوم كان بيزيد سوء أنت الحاجة الوحيدة اللي كانت بتهون عليا حياتي بس أنا مش هبقى أنانية مش هخليك تخسر كل حاجة مقابل حبي ليك أنا ممتنة لكل لحظة قضتها معاك وكل مرة حسستني إني اتحب فعلا بس كالعادة الحياة عمرها ما كانت في صفي.
.
الساعة 4 ونص بعد الفجر وقفت قدام المرايا رفعت شعري
وخدت كرسي وقفلت باب الشقة ونزلت
وصلت على البحر فتحت الكرسي وقعدت عليه أتابع شروق الشمس
فضلت قاعده بهدوء صوت البحر شكل الشمس
الماية اللي بتلمس رجلي الهوا وصورته!
ابتسمت بعد السنين دي كلها أنا هنا عدى أربع سنين من ساعة اليوم ده مشيت أنا وماما وقررنا نعيش في اسكندرية بصيت حواليا الشاطئ كله فاضي مفيش غيري أنا والذكريات..
جالي نوتفيكيشن بإن انهاردة عيد ميلاده
قررت إني افتح الأكونت بتاعه اشوف مين نزله
أول ما دخلت الأكونت لقيت بوست خطوبة!
صورته هو وهي مامته في الخلفية بتضحك من قلبها
بس هو! مكنش يوسف اللي أنا حبيته كأني شايفه شخص تاني ولكن مش مهم!
قفلت التليفون ومسحت الدمعة اللي نزلت مني وابتسمت وكملت فرجة على شروق الشمس.
لو كان الأمر بيدي كنت سأقلب
بقلم رنا_يحيى
