اسكريبت بقلم رنا يحيي
قعدت جمبي وابتسمتعلي في نظري أوي الولا ده
ابتسمت وأنا كمان
يلا يختي افتحي الشكولاتة دي واديني حتة
ضحكنا وقعدنا شوية نتكلم عليه ودخلت نمت
ظبطت تليفوني على معاد الشغل بتاعه ورنيت عليه
صباح الخير على الشقيان بتاعي
ضحك صباح النور يا رنونة
ها هتخلص امتى انهاردة
مش عارف ادعيلي رنا ممكن أطلب طلب
أكيد قول
ماما كانت عايزه تروح تشوف الشقة وكده ممكن تروحي معاها عقبال ما أخلص الشغل
سكت بحيرة وقولت بهزار معتقدش إنها تحب تشوفني في المشوار ده
خلاص أنا هتصرف
لا لا هروح ابقى كلمني قبلها يلا روح عشان متتأخرش
بحبك يا رنونة
ابتسمت وأنا كمان باي
مجاليش نوم قومت عملت فطار و قولت لماما اللي حصل
هتروحي
اه
خلاص هاجي معاك
جت الساعة 3 ولبست أنا وماما ونزلت كنا متفقين نتقابل قدام البيت
وصلت لقيتها هي وبنت خاله وخالته واقفين!
بصيت لماما بعصبية
بصتلي اهدي ومتبينيش إنك متضايقة
وصلنا وحاولت ابتسم ازيك يا طنط عامله ايه
نحمد ربنا
مدت ايديها وسلمت عامله ايه يا رنا
ابتسمت بسماجه الحمدلله يوسف مقاليش إنك جاية يعني
مامته ردت اه مهو يا حبة عيني في شغله الله يعينه مرضتش اقوله يلا بقى ولا ايه
طلعنا الشقة وفتحتها مكنتش مرتاحة
وقفت في ركن لحد ما يخلصوا وطبعا سامعه تعليقات
ايه اللون الباهت ده في عروسة تعمل اللون ده
دي موضة يحبيبتي
ابنك مقالكيش عليها!
ضحكت جوايا على رد ماما
يوسف رن عليا بعدت عنهم ورديت
ايه يا يوسف
أنا خلصت وجاي اهو
تعالى انجدني بسرعة ارجوك
حاضر
قفلت معاه وفضلت مستنية لحد ما جه كنت أنا واقفه في ركن على جمب سلم على مامته وماما شوفت في عيونها الفرحة أول ما جه كنت حاسه إن في دخان بيطلع من راسي
قرب عليا واقفه بعيد ليه
بصتله أنا عايزه امشي
بصلي وكأن عيونه كانت بتتأسف
سبقته وخدت شنطتي يلا يا ماما مع السلامة يا طنط
مستنتش ردها وخرجت من الشقة نزلت وقفت تحت مستنياه
أنا مش عاجبني الوضع ده يا رنا
مش وقته يا ماما عشان خاطري
نزلوا ويوسف وقفلهم تاكسي بعد ما زعلوا إنه هيوصلنا احنا مش هما! ضحكت بإستغراب على الموقف من أوله
وسؤال بيرادوني أنا بعمل في نفسي كده ليه
ركبنا العربية ومتكلمتش كلمة وصل ماما وبعد كده قالي نروح نقعد في مكان
ركن العربية عند مكان هادي ونزلنا وقفنا قدامها كان في لسعة برد والسما صافية وجميلة
رفعت راسي وأنا مغمضه عيني وكنت بحاول انسى اليوم من أوله
فضفضي يلا
فتحت عيني وبصتله أنا مبقتش عارفه حاجة حتى مش عارفه أعبر عن مشاعري ليك! دي حاجة كمان ۏجعاني أوي
بس احنا دخلنا الطريق وقولنا هنحارب سوا!
دمعت وأنا مستسلمتش
وأنا موجود ومعاك وبحبك ومش هسيبك يا رنا
دمعتي نزلت وضحكت بس محدش في عيلتك بيحبني لا مامتك ولا اخواتك ولا قرايبك
ابتسم مش مهم المهم أنا
يوسف أنت أهم حد بالنسبالي بس أنا بتحارب من كل النواحي شوية من مامتك وشوية من ماما أنا فعلا تعبت
سكت وبص في الأرض ريحت على كتفه المطر ابتدى خفيف
قولت بسرعه في ريحة بطاطا!
ضحك ادخلي العربية وأنا هجيب وهاجي
و....
هزود الملح حاضر
ابتسمت ومشي
العالم ضدي بس هو معايا وده كفاية!
عدى أيام كانت هادية نوعا ما كنت مروحة من عند صاحبتي وبكلمه في التليفون وأنا ماشيه في الشارع
الجو جميل أوي يا يوسف
روحي بسرعة عشان شكله هيمطر
وماله ده أنا ميحلاليش المشي الا في المطرة
ده أما ابقى معاك يا رنونة مش وأنت لوحدك
ضحكت هتنزلني الفجر نتمشى بعد ما نتجوز
الدنيا قلبت مرة واحدة والمطر شديد جدا
اوف يا يوسف استنى اطلع الطاقية
وقفت طلعت الطاقية ولبستها ودخلت شارع وعيني مش شايفه من كتر المايه
شوفت أنوار شديدة جايه عليا بسرعة اتسمرت مكاني
صړخت بأسمه ولقيت نفسي بتهبد على الأرض والدنيا بتضلم!
مفيش حاجة جت قدامي ساعتها غير صورته وصورة ماما كنت سامعة أصوات كتير أوي ولكن أنا مش واعيه أنا فين...
فتحت عيني ببطئ كان في ۏجع رهيب محتل دماغي
غمضت عيني
حسيت بحد بيمسك ايدي فتحت عيني كان هو
ابتسمت وأنا شبه فاقده الوعي
رنا أنت كويسه سمعاني
كانت أخر حاجة اسمعها كان صوته بعد كده الدنيا ضلمت تاني....
في مكان جميل متزين بالورد الأبيض يوسف قدامي وبيضحك وأنا بجري عشان اوصله ولكن مبوصلش!
مع إن المسافة قريبة هو قدامي! بس أنا جريت كتير أوي وكل ما اقف الاقي هي هي نفس المسافة مبتتحركش
حسيت إني بتسحب لورا كأن حد بيشدني يوسف اختفى! الورد اختفى وأنا!
أنا فين!
شهقت جامد أنا فين
فتحت عيني لقيت ماما ويوسف جمبي
ماما قالت بعياط بنتي حمدلله على السلامة ألف حمد وشكر ليك يارب
قولت بتعب ي يوسف
أنا هنا يا حبيبتي متقلقيش
عدى شوية وقت عقبال ما فوقت ايدي متجبسة وراسي ملفوفة بشاش كتير أوي وچروح في وشي
عيطت أنا أنا معرفش حصل
ايه وأنا معاك مش هسيبك
أول ما سمعت كلمة مش هسيبك افتكرت الحلم وحسيت بنغزة في قلبي ودموعي زادت
عدى يوم وأنا في المستشفى مسابنيش فيهم لحظة حتى النوم كان بينام جمبي على الكرسي
خلاص يا يوسف كفاية مش عايزه
هتخلصي الطبق يا رنا يلا
هو أنت مبتروحش الشغل ليه
بصلي واتهرب بعيونه خدت اجازة
بجد رضيوا يدوك في الأول كده
ممكن كفاية كلام وتكملي الطبق
نفخت وكملته وهو قام يغسل ايده
يلا نامي شوية وبكرة هنخرج إن شاء الله
ماما جت
روح
لا أنا قاعد
يلا عشان خاطري أنا بقيت كويسه
وافق بعد محاولات كتير مني
