اسكريبت بقلم رنا يحيي
ماما أزود دقيق تاني ولا كفاية
كفاية دخليها الفرن وتعاليلي
بصتلها وقولت ربنا يستر
دخلت الكيكة الفرن وبصيت على الساعة عشان متأخرش عليه لقيتها لسه شوية وروحت لماما
نعم يا حبيبتي
هو الشملول بتاعك مقاطعنا مبيجيش ليه
يا ماما أنت عارفه يوسف بيتكسف
والله مش عشان سبب تاني يعني
بصتلها وأنا مالي بالأسباب التانية كفاية إنه بيحبني وأنا وأنت عارفين كده
الحب مش كفاية يا رنا صدقيني أنت اللي هتتعب بعدين أنا خاېفه عليك
متقلقيش يا ماما كله خير إن شاء الله هخش البس بقى عشان متأخرش عليه
بوستها من خدها ودخلت قفلت الباب وقعدت على السرير بحزن وقومت لبست وكانت الكيكة خلصت
حطيت عليها صوص الشكولاتة وقطعت عليها فراولة وحطيت العلبة في الشنطة ونزلت
وصلت ولقيته ساند على العربية مستنيني
ازاي الحلاوة دي كلها واقفه لوحدها كده
بصلي وضحك عيونه اللي بتقفل غمزاته اللي بتظهر مع صوت الضحكة كانت كل تفصيلة فيه بتقدر تدوبني بسهولة
مستني البرنسيسة اللي متأخره عليا
ابتسمت وأنا هتأخر من غير سبب غمض عينك
حاضر
غمض عينيه وطلعت العلبة من الشنطة وقولتله يفتح
قال پصدمة مضحكة مش ممكن! كيكة بالشكولاتة!
ضحكت جامد خلاص يا يوسف هتذلني عشان مبعرفش أعمل غيرها وكلتها مليون مرة
خد العلبة مني وابتدى ياكل كل مرة بنبهر بطعمها أكتر مزودة
قولت بإنبهار عرفت منين!
سبحان الله لسه واكلها
ضحكت وخبطه في صدره تليفونه رن ولكن كنسل ومرضاش يرد خدت نفس وكملت كلام
تعرف المرادي سبب الكيكة ايه
ايه
ابتسمت إنك اتقبلت في الشغل الجديد
وشك حلو عليا
تليفونه رن تاني بصلي
أنا آسف ثانية
لا عادي رد
خدت منه العلبة وفتح اتكلم بسرعة وقفل نفخ وجه وقف جمبي
حبيبتي أنا بجد آسف بس لازم أروح عشان أأ عشان ماما تعبت شوية
مالها
حاول يتهرب بعينيه م مش عارف بس قالتلي إنها تعبانة شوية
ابتسمت ومحاولتش أبين حزني ماشي أنا هروح
استني هوصلك
لا روحلها عشان متتأخرش مع السلامة
سبته ومشيت وروحت بدري عن معادي
ايه اللي رجعك دلوقتي ده أنت لسه نازله!
ابتسمت عادي يا ماما خلصنا وجيت
ومال وشك مكشر ليه هي جديدة عليه
هي ايه دي يا ماما اللي جديدة
إنه يسيبك ويمشي يا حبيبت أمك
بصتلها وأنا دموعي في عيني وسكت
مهما كان يا ماما دي مامته وهو لو بيعاملها وحش أنا كنت هقبل بيه
ماشي يا رنا أنا معاك للأخر قومي غيري بقى وتعالي ساعديني في الأكل
دخلت الأوضة وبصيت على الدبلة وغيرت هدومي وطلعت اساعد ماما لحد ما الوقت سرقنا
ياااه بقالنا كتير أوي زمان يوسف رن عليا أنا هقوم اشوف التليفون
دخلت ولقيته مرنش استغربت مش عادة يوسف
طلعت الصالة وابتديت أقلب في التليفون فتحت الإنستجرام
فجأة لقيت صورته في وشي! صورته مع بنت خاله وهي اللي منزلاها
قومت وقفت من مكاني وأنا الڠضب عامي عيني
رنيت عليه ورد
ايه يا حبيبتي
زعقت حبيبتك! بتكدب عليا يا يوسف
في ايه مش فاهم حاجة
افتح الواتساب يا يوسف
بعتله الصورة ولقيته سكت لثواني
رنا اسم....
قفلت في وشه ورميت التليفون على الكرسي وقعدت أعيط
رن كذا مرة قفلت التليفون خالص
اهدي يا رنا أنت بټعيطي ليه متبقيش هبلة
قولت وأنا بعيط ليه كل حاجة ضدي حتى الشخص اللي بحبه ليه مامته متحبينش ليه مش متقبلاني يا ماما مش المفروض تفرح لسعادة ابنها
عشان مش أنت اللي هي عيزاها!
غمضت عيني ودموعي زادت المرادي مختلفة المرادي الۏجع جاي من يوسف! من حبيبي!
دخلت الأوضة ونمت على السرير عدى
شوية وقت وسمعت الجرس بيرن مهتمتش لحد ما سمعت صوته!
قومت اتنفضت من مكاني بسرعة ومسحت دموعي يوسف جه ودلوقتي!! بصيت على الساعة لقيتها 11
سمعت ماما بتقوله مبنشوفش وشك غير في الخناقات!
حقك عليا يا طنط أنا آسف
فتحت باب الأوضة وخرجت قام وقف أول ما شافني
ماما قالت هقوم اعملك حاجة تشربها
قعدت بعيد عنه اتنهد بصوت وقعد في الكرسي اللي قدامي
سبت قعدتك الجميلة ليه وجيت
رنا أنا آسف والله مرضتش اقولك عشان متزعليش
ضحكت ازعل لا ازعل ليه وأنا شايفه خطيبي اللي هيبقى
دمعة خانتني مسحتها بسرعة وبصتله
يا حبيبتي أنت عارفه إني بحبك وإني مبشوفش غيرك
بتحبني بس تكدب عليا عادي أنت اصلا مش عارف تبرر
قومت وقفت وقولتله تصبح على خير
وقف ومسك ايدي رنا ممكن كفاية
اتصورت معاها ليه وأنت عارف إنها بتعمل كده عشان تضايقني
مجاش في بالي إنها هتنزلها يا رنا بجد أنا آسف حقك عليا
خلاص يا رنا متزوديهاش الواد جه واتأسف تعرف لو مكنتش جيت يا يوسف أنا رد فعلي كان هيبقى ايه خد اشرب الأول
يا طنط والله مرضتش اقولها عشان متزعلش
وهي دلوقتي بتتنطط من الفرحة مش شايف عينيها منفخة ازاي
بص على عيني وقرب وقف قدامي مسح الدموع اللي في عيني وهمس بصوت واطي
حقك عليا
لقيت ماما بتشده وبتضربه خفيف والا والا ارجع أنت هتستهبل
ضحكنا احنا الأتنين على ماما وبصلي
خلاص يا رنونتي
رنونتك
كتم ضحكته وبصلي قال بجدية
خلاص كده يا آنسة رنا
ضحكت خلاص مسامحه
غمضي عينك بقى
قولت بحماس ليه
غمضي بس
غمضت عيني ولقيته بيمسك ايدي وبيحط فيها حاجة
فتحت لقيتها شكولاتة كبيرة وجمبها وردة حمرا
بحبك أوي أوي
بص على ماما وخرج من الباب
وقفت اتصنمت مكاني ولقيت ماما بتجري وراه
خد يالا ماشي يا يوسف اما اشوفك
قال بصوت عالي وهو على
ضحكت بصوت عالي وقعدت على الكرسي وأنا ابتسامتي من الودن للودن
ماما
