طردني من بيتي بقلم نور محمد
طردني من بيتي اللي فرشته بفلوس ورثي بعد 4 سنين كفاح معاه.. ومن غير مقدمات، لقيته واقف قدامي وبيقولي ببرود خليكي عاقلة يا نور ولمي هدومك، أنا هتجوز نيفين بنت صاحب الشركة، ومحتاجين الشقة عشان مستواها.. إنتي عارفة إن طموحي أكبر من عيشتنا دي.
ماتكلمتش.. ولا كلمة. لمېت اللي فاضلي في شنطتين وسيبت البيت وروحت عند أختي.
دلوقتي بقى، فجأة التليفون مابيبطلش رن، وعايزني أرجع بأي تمن حصري على صفحه الكاتبه نور محمد مش عشان وحشته، ولا عشان ندمان وإفتكر عيش وملح ..... لأ، عشان الإنذار القضائي اللي وصله على مكتبه في الشركة.
طردني بعد 1460 يوم بالظبط من جوازنا.
فاكرة الرقم ده كويس.. عديته يوم بيوم في غربتي معاه.
مرة لما بعت دهبي كله عشان يأسس مشروعه..
والمرة التانية ليلة ما قالي بكل بساطة سيبي شقتك لزوجتي الجديده.
الست كان اسمها نيفين..
بنت عندها 28 سنة، لبسها كله ماركات ومغرورة ب فلوس أبوها الزايدة، ومن قبل ما تعتب باب العمارة وهي بتقول على شقائي وتعب سنيني العش بتاعنا.
أنا كان عندي 30 سنة.. كنت لسه برتب الكوبايات اللي اشتريتها طقم طقم من مصروفي.. كنت لسه بصحى على أمل إني أشوف نتيجة صبرنا وتعبنا بتكبر قدام عيني.
الۏجع جوايا كان بيكوي.. زي الڼار اللي بتاكل في الهشيم ومبترحمش.
بس جوزي؟ ولا كان هنا.
وقف
نيفين متعودة على مستوى معين.. والشقة دي قريبة من النادي بتاعها، روحي إقعدي عند أختك اليومين دول لحد ما أشوفلك حل.
أشوفلك حل؟!
الشقة اللي مفيهاش مسمار ماتدقتش فيه روحي.. المكان اللي سهرت فيه ليالي أعمله دراسات الجدوى لمشروعه، واللي أي حد غريب بيدخل يشهد بجمالها.
بصيت له بذهول وقلت له
يعني عايزني أسيب شقتي وتعب عمري؟
إتعصب وشخط فيا
ما تقولليش شقتك.. دي شقتي وأنا حر فيها، والمرحلة الجاية محتاجة واجهة تليق بيا.
وهنا كانت الصدمة..
بالنسبة له.. أنا كنت مجرد سلمة داس عليها عشان يوصل.
بالنسبالي.. البيت كله كان حتة مني زرعتي اللي في البلكونة، مكان سجادتي في الصالة، ريحة البخور بتاعي اللي لسه معبقة في الستاير وكأنها بترفض تمشي.
هو كان بيحاول يمسح ماضيه ب حاضر كداب.. وحياة ب حياة.. قبل ما حبر قسيمة جوازنا حتى يبهت.
نيفين دخلت من وراه، وبصوت متعالي ومستفز قالت
يا حبيبتي، الحياة فرص.. وإحنا بس محتاجين نتعامل مع الواقع الجديد بذكاء.
نتعامل؟
قصدها تستسلمي.. أنا مكنتش من النوع اللي بيستسلم.
فوافقت.. وده اللي خلاه يتجنن.
مفيش خناق.. مفيش صويت.. مفيش مشهد درامي يرضي غرورهم.
لمېت شنطتين، شوية أوراق، اللاب توب بتاعي، مصحفي اللي متعودة أقرأ فيه، وعلبة
كلمت أختي مها اللي كانت قايلالي من أول يوم لو حسيتي إنك لوحدك، ضهري سندك قبل بيتي.
وتاني يوم الصبح.. كنت مشيت فعلاً.
نيفين خدت شقتي..
وعاشت
دور الزوجة الراقية اللي كانت بترسمها..
وطليقي خد المركز الإجتماعي اللي كان بيحلم بيه.
عدّى شهرين.. وكل حاجة كانت ماشية سمن على عسل.
لحد ما الإنذار القضائي ده وصله.
وفجأة.. طليقي بقى بيكلمني پهستيريا، وصوته في التليفون كان بيترعش.
مش عشان اشتاقلي.. ولا عشان الشقة ضلمت من غيري.
عشان كان مړعوپ من اللي قراه في الورق.
لأن اللي كان جوه الإنذار..
ماتطلعش قضية نفقة.. ولا قايمة منقولات.. ولا حتى طلب طلاق رسمي.
الکاتبه_نور_محمد
دي كانت... دعوى طرد للغاصب من الشقة، ومرفق معاها إنذار بوقف نشاط شركته بالكامل پتهمة الڼصب والاستيلاء على حقوق ملكية فكرية!
أيوه، زي ما قريتوا كده.
هو كان فاكرني ساذجة؟ كان فاكر إن ال 1460 يوم اللي عشتهم معاه كنت بس بطبخ وبمسح وبسمع كلامه المعسول عن مستقبلنا؟
لما بعت دهبي وورثي عشان أقف جنبه، مادتلوش الفلوس في إيده يبعزقها.. أنا اللي اشتريت الشقة وسجلتها باسمي، وهو كان عارف، بس من كتر غروره وتكبره، كان متخيل إني أضعف من إني أطالبه بيها، أو إن النسخة المضړوبة اللي هو احتفظ بيها في درجه هتحميه. مكنش يعرف إن
أما الشركة بقى.. فدي حكاية تانية.
المشروع اللي كبره وراح أتقدم بيه ل نيفين عشان يثبت لأبوها إنه رجل أعمال وعنده طموح، كان قايم بالكامل على دراسات الجدوى والبرمجيات اللي أنا سهرت ليالي أعملها. ولأني كنت دايماً بحب الشغل المظبوط، كنت مسجلة كل فكرة، وكل سطر كود، وكل خطة عمل باسمي أنا في حقوق الملكية الفكرية. هو كان مجرد واجهة.. مدير تنفيذي لشركة، المالك الحقيقي لأصولها هو... أنا!
التليفون رن للمرة العشرين.. رديت أخيراً، وصوتي كان أهدى من التلج.
ألو؟
صوته كان مخڼوق، بيتنفس بصعوبة كإنه بيجري في ماراثون
إنتي إتجننتي؟! إيه الورق اللي وصلني الشركة ده؟ إنتي عايزة تفضحيني قدام نيفين وأبوها؟ الشقة دي أنا اللي دافع نص تمنها، والشركة دي أنا اللي كبرتها!
ابتسمت ببرود وقولتله
النص اللي دفعته في الشقة ده كان تمن أكلك وشربك وخدمتي ليك 4 سنين.. وبالنسبة للشركة، إنت مجرد موظف عندي يا باشمهندس، وللأسف.. أنا قررت أصفي أعمالي وأطرد الموظفين اللي كفاءتهم قلت، وأخلاقهم انعدمت.
سمعت صوت خبطة جامدة عنده، كإنه رمى حاجة على المكتب، وزعق
أنا هرفع عليكي قضية تزوير! أبو نيفين مش هيسيبك، ده راجل واصل وممكن يمحيكي من
ضحكت ضحكة قصيرة مستفزة، وقولتله وأنا
