المغسله بقلم هوايدا زغلول
لله الأمر من قبل ومن بعد
وبعدها دخلت زينب اوضتها ومرات عمها قالت لعمها
انا هدخل للبت دي عشان انصحها شوية ياعبده اصل بنت اخوك دي عامله زي الهبلة كده ومش عارفه مصلحتها كويس
عبده
ماشي يا نعيمة بس اسمعي انا عايزك توصيها علينا البت دي تعرفيها ان احنا لينا فضل عليها كبير مش تروح بيت الراجل وتعيش في العز والنعيم ده كله و تنسانا لا عرفيها اننا لينا فيه زينا زيها
نعيمة
بس كده ده انا هخليها لك تعمله قرده عشان خاطر يكتب لها كل حاجة عنده
عبده
ايوه كده ده على قلبه اااد كده الله يخربيتة
ودخلت عندها مرات عمها وقالت لها
انتي عارفه يا زينب اني انا وعمك عايزين مصلحتك من الجوازة دي
زينب
طيب وانا مصلحتي ايه من الجوازه دي يامرات عمي اصلا انا هيعود عليا بايه وهو اصلا شكلة واخدني خدامة لبنته اللي هي متخلفه دي
نعيمة
الا مصلحتك ايه ده انتي يابت هتعيشي في نعيم وهتشوفي الراحة كلها ان شاء الله هتعيشي عيشة مفيش واحده في البلد كلها عايشها
زينب
انا مش عايزة غير الستر وبس انا مش عايزة حاجة ابدا
نعيمة
ليه ياموكوسة انتي يابت افهمي وصحصحي كده معايا انتي دلوقتي هتتجوزي فوزي ده اللي عنده بيت كبير وورشة وكمان عنده فدان أرض انتي عارفه الفدان دلوقتي يسوي كام
زينب
انا مالي بكل ده يامرات عمي انتي بتقولي لي كده ليه هي مش دي حاجاتة هو انا مالي انا
نعيمة
مالك ازاى ياعبيطة الا مالك دي انتي لازم تروحي وعينك على كل حاجة عنده لازم تقشطيه وتخليه يكتب لك كل حاجة باسمك هو معندوش غير البت العبيطة المتخلفه دي يعني لا حد هيقولك فين ولا بكام
زينب
يعني بنته
نعيمة
اسمعي يابت وبطلي تبقى هبله كده انتي كمان انتي دلوقتي هتتجوزي الراجل المقتدر ده وتخلفي له حتة عيل وياسلام لو العيل ده طلع كده كويس وسليم هو ساعتها هيشيلك من على الأرض شيل كده
زينب
حاضر يامرات عمي انا هحاول اخلف منه بس ربنا يسهل بقا واخلف مش عارفه انا هلحق اصلا ولا لا انتي عارفه اني كبرت في السن
نعيمة
حتى لو مخلفتيش انتي لازم تخلي كل العز والنعيم اللي عنده ده يبقا في عبك انتي اوعاكي حاجة تروح منك لا لاخواته ولا بنتة خليكي ناصحة يا زينب ومتنسيش بقا ان عمك ليه الفضل عليكي انك اتجوزتي جوازه زي دي ماشي
زينب
حاضر يا مرات اي أوامر تانية ممكن بقا تسبيني انام عشان عايزة اقوم الصبح اشوف البيت واروقة قبل الناس ماتيجي
نعيمة
حاضر ياختي يلا اتخمدي عشان الصبح تخلي البيت ده بيبرق من النضافه عايزاهم يقولو يازين ما ربيتي يانعيمة
زينب
تصبحي على خير يامرات عمي
وتاني يوم الصبح فضلت زينب تشتغل في البيت وتنضفه لحد الليل ماجه فوزي وطلب ايد زينب وبعدها كتب الكتاب وراحت زينب مع فوزي البيت وقال لها
اسمعي بقا يا زينب انا جبتك هنا عشان عايزك تبقى ام لبنتي سعاد الغلبانة دي البت يتيمة وانتي هتبقي امها عشان كده عايزة تبقى حنينه عليها
زينب
اطمن ياسطى فوزي سعاد بنتك دي في عيوني الاتنين انا هاخد بالي منها واخليها تحبني زي امها بالظبط اطمن انت عليها
فوزي
وده العشم برضو يا زينب انتي شايفه حالتها عامله ازاي وانتي كل خير هتعمليه معاها
شاء الله
زينب
حاضر يا سطي فوزي انت هتوصيني على سعاد دي كفايه انها بنتك انت وانت باين عليك راجل طيب وقلبك كبير
فوزي
انا كل ما الاقي سعاد مبسوطة معاكي انتي متعرفيش انا هعمل معاكي ايه انا هخليكي ملكة يا زينب
زينب
ربنا يخليك ياسطى فوزي ان شاء الله انا هخليك تبقا مبسوط علطول انت وسعاد تعالي ياسعاد ايه رايك اجيب لك تاكلي انتي شكلك جعانة
سعاد
اااه انا جعانة انتي اسمك ايه انا عايزة انام معاكي هنا في السرير ده انتي شكلك حلو
زينب
انا أسمي زينب وانا هخليكي تنامي معايا في السرير ده بس الاول تعالي نعمل الاكل عشان تاكل انتي وابوكي ايه رايك
سعاد
ماشي يلا نجيب الاكل عشان ناكل انا جعانة اوي ياسعاد يلا بينا
كل ده وفوزي كان مبسوط من اللي سعاد بتعمله مع بنته وقال لها
انا شايف ان سعاد هتاخد عليكي علطول يا زينب الحمد لله انا كنت خاېف لتيجي تقول انها مش عايزاكي واضح انك معدنك كويس يا زينب اصل سعاد بتحس باللي بيبقا كويس واللي بيبقا وحش
زينب
الحمد لله ياسطى فوزي يلا بقا انا هدخل احضر الاكل عشان سعاد تاكل
وبعدها فعلا سعاد اخدت على زينب وفي يوم فوزي رجع وقال لزينب
تعالي يا زينب شوفي انا جبت لك ايه انتي وسعاد شوفي العبايه دي كده ايه رايك فيها
زينب
الله دي حلوه اوي يا سي فوزي والشال والطرحة والهدوم دي كلها عشاني انا ربنا يخليك لينا يا رب ياخويا لا وكمان هدوم سعاد زي العسل
فوزي
طب الحمد لله ان الحاجة عجبتكم والله انا كنت خاېف لايطلع زوقي وحش ومش يعجبك بس الحمد لله انه عجبك
زينب
دي حاجات جميلة
فوزي
والله يا زينب انا نفسي اوي اكل كوارع كده من ايدك عشان الكوارع انا بحبها ها هتعرفي تعمليها يازينب ولا ايه
زينب
طبعا ياسي فوزي الا هعرف اعملها دي ان شاء الله هعملك احلى كوارع في الدنيا كلها انت بس كده روح ورشتك هترجع تلاقي الاكل جاهز
فوزي
ماشي ياستي وعلى العموم تسلم ايديكي مقدما اسمعي خودي الفلوس دي يازينب عنيهم في مكان محدش يعرفه غيرك ماشي دي فلوس شغل وخودي دول عشانك
زينب
ياااه كل دول عشاني ياسي فوزي انشالله يارب منحرمش منك ابدا ابدا بس ده كتير اوي
فوزي
مفيش حاجة تكتر عليكي وانا بديكي فلوسي كلها اهيه عشان كمان تاخدي بالك منها انا عارف انك أمينة
زينب
دول في عنيا ياخويا اطمن ياسي فوزي اشيلهم حاضر
وبعدها مشي فوزي راح علي شغله وراحت لها نعيمة وقابلت فوزي وقالت
ازيك ياسطى يارب تكون البت زينب كويسة معاك اوعي ياخويا تكون مزعلاك لو مزعلاك قولي بس وانا اقطم لك رقبتها البت دي تربيتي
فوزي
لا لا خالص دي زينب دي مفيش منها ابدا ياريت كل الناس زيها دي كفايه ان سعاد بنتي بتحبها اوي ودايما بتحب تفضل معاها
نعيمة
طب الحمد لله ياسطى فوزي انا كنت موصياها عليك انها تاخد بالها منك ومن بنتك
فوزي
كتر خيرك ياست نعيمة روحيلها هي البيت هناك روحي تنوري
ومشيت نعيمة راحت عند زينب وقالت لها
ها يابت عامله ايه مع فوزي ده انا لسه مقبلاه وانا جايه لك دلوقتي وبيشكر فيكي اوي ايوه كده ارفعي راسي انا وعمك واعمليهم على الراجل وكمان عشان
زينب
اعمل ايه عليه يا مرات عمي انا بعامل الراجل هو وبنته
