المغسله بقلم هوايدا زغلول

المټوفية جسمها بيتكسر وقت الغسل والسبب
وقبل ما نبدأ الحكايه اعرفكم بنفسي انا ام احمد المغسلة طبعا عارفني كويس انا هحكي لكم النهاردة حكاية غريبة حصلت معايا وانا بغسل بس قبل ما اروح البيت اللي في المتوفيه ام سعيد جارتي قالت لي
شوفتي يا ام احمد اللي بيحصل في الدنيا واللي بنسمع عنه الطمع اول امبارح سمعت ان في واحد قتل ابوه عشان الورث قال ايه مكنش عايز يكتب له ورث قام خلص عليه
ام احمد
لا حول ولا قوة الا بالله العلي العظيم ده ايه الزمن العجيب ده يا ام سعيد لا ده احنا بقينا في زمن صعب ياحبيبتي ربنا يعافينا يارب
ام سعيد
ايوه والله يا ام احمد انا مش عارفه الدنيا دي رايحة بينا على فين ربنا يخرجنا منها على خير يارب
ام احمد
اه والله ياختي ربنا يحسن ختامنا جميعا انا تعبت من كتر اللي بشوفه من الناس ربنا يسترها ويعديها على خير ده الواحد مبقاش عارف يقول ايه ولا يعمل ايه بس
ام سعيد
يلا هنقول ايه ربنا يكملها علينا بالستر يارب الا الشيخ أحمد عامل ايه ومراتة وابنة ده انا بقالي فترة مش بشوفهم يعني
ام احمد
ابدا يا ام سعيد هما موجودين بس ابنهم كان تعبان شوية ياحبيبي وكانت حنان مش بتخرج من البيت بسببه ربنا يشفيه ويعافيه يارب
ام سعيد
يارب يا حبيبتي بقولك ايه انا هاقوم بقا امشي عشان انتي كمان تقومي تشوفي مصالحك يلا بالاذن انا ياحبيبتي
ومشيت ام سعيد وانا فضلت مستنية لحد يبعت لي عشان اروح اغسل وبعد ساعتين لقيت تليفوني بيرن وقولت الوو ردت عليا هانم اللي بتغسل زي وقالت لي
ازيك يا ام احمد عاملة ياحبيبتي انا كنت عايزاكي ضروري يا ام احمد بالله عليكي
ام

احمد
خير ياهانم في ايه قلقتني انتي كويسة يا بنتي مالك كده
هانم
ايوه انا كويسة الحمد لله انا بس كنت عايزاكي في حاجة مهمة اوي انا في واحده بغسلها بس في حاجات غريبة بتحصل كل لما احط عليها مايه الغسل
ام احمد
ياساتر يارب ازاى يعني يا هانم وايه اللي بيحصل بالظبط قولي لي يابنتي
هانم
لا انتي تيجي وتشوفي بنفسك عشان احنا محتارين وعايزين نعرف الست دي كانت بتعمل ايه بالظبط في حياتها مع ان الناس كلها كانت بتشهد لها
ام احمد
طيب طيب اسمعي اديني العنوان وانا هاجي لك عشان استفسر منك اكتر واعرف ايه اللي بيحصل بالظبط
وفعلا رحت العنوان اللي قالت لي عليه هانم وهناك دخلت على الناس وقولت السلام عليكم ورحمة الله وبركاته ورد عم المتوفيه وقالى
وعليكم السلام ورحمة الله اهلا ياست ام احمد اتفضلي دخل ام احمد ياجماعه الاوضة اللي فيها الغسل
ودخلت وجوه لقيت هانم ومعاها ستات من قرايب المتوفيه وهانم قالت لي
تعالي يا ام احمد شوفي اللي بيحصل ده ايه ياختي احنا احتارنا في أمرها
ام احمد
هو ايه اللي بيحصل يا هانم قولي لي
هانم
اللي بيحصل اني كل لما احط شوية ماية على ايديها او دراعها يقوم يتكسر في أيدي زي ما انتي شايفه كده مش عارفين تغسلها وخايفين
ام احمد
لا حول ولا قوة الا بالله طيب وهي كانت بتشتغل ايه يا يابنات الست دي وانتو تقربو لها ايه بالظبط
ردت واحده من اللي واقفين وقال لي
دي كانت ست ولا كل الستات دي كانت ونعم الناس ياست ام احمد انتي عارفه دي كانت بتحفظ قران وكانت كل الناس بتحبها
ام احمد 
ازاى الكلام ده الست دي عملت حاجة والحاجة دي كبيرة اوي وهي دي اللي

مخليها سبب في انها تتعذب العڈاب ده
هانم 
ما أنا قولت لهم محدش هيعرف سرها غيرك يا ام احمد احنا كلنا عارفين انك الوحيدة اللي هتعرفي تتكلمي معاها وتعرفي لنا منها هي عملت ايه في حياتها وايه السر اللي كانت مخبياه عن الكل
ام احمد 
طيب ياهانم انتي عارفه اني مش بعرف اشتغل وانا في حد معايا انتي عارفه اني لازم اكون معاها لوحدنا وبعدين السر اللي هعرفه انا مش هاقوله غير للمقربين منها اوي وبس
هانم 
ماشي ياست ام احمد يلا بينا ياجماعه عشان ام احمد تشوف شغلها وهي تعرف بطريقتها ايه الحكايه دي
وخرجت هانم واللي معاها وكلهم من الاوضة اللي انا فيها انا والمتوفيه وانا قولت لها 
دلوقتي تقدري تعرفيني سرك مفيش حد غيري لازم اعرف انتي عملتي ايه في دنيتك وازاي كنتي بتحفظي قران وسيرتك كويسة كده بيحصل كده في جسمك
في اللحظة دي قامت المتوفيه ووقفت قدامي وهي بټعيط ومڼهارة وقالت 
انا قولت احفظ قران وأقرب من ربنا يمكن ربنا يكفر عني كل اللي انا عملته في حياتي بس الظاهر كده ان ربنا مش رايد لي اني اتوب عن الذنب
ام احمد 
ياساتر يارب وهو ايه اللي حصل بالظبط منك احكي لي
هي 
انا أسمي زينب وعندي 40 سنة عشت حياتي كنت بحلم ببيت وحياه حلوه بعيدة عن أي مشاكل أو أي ضغوطات تانية وكنت بفكر علطول ازاى هعيش كده ده انا عمري كنت يتيمة وعايشه في بيت عمي اللي مكنتش بشوف منهم غير ذل وبس عدي عمري التلاتين سنه واتقدم لي واحد
فلاش باااك
العم 
اسمعي يا زينب انتي في واحد عايز يتجوزك هو جالي المحل وطلب ايديكي مني وانا الصراحة واقفت ماهو انتي مش هتفضلي عايشة العمر ده كله من غير جواز ولا ايه
زينب باستغراب 
واحد مين ده ياعمي وانا اعرفه ولا لا
العم 
ايوه ده الراجل ده اللي اسمه فوزي اللي بيشتغل ميكانيكي في أول البلد انتي عارفه انه راجل كسيب ومقتدر وعنده فلوس بالهبل ومعندوش غير بت هبله كده متخلفه يعني
زينب 
وانت بقا ياعمي عايز تجوزني واحد كان متجوز ومخلف كمان لا لا طبعا انا مش موافقه على الكلام ده انا مش عايزة اتجوز بالطريقة دي
وفي الوقت ده ردت مرات عمها وقالت لها 
وهو بمزاجك ولا بمزاجك يابت لااا انتي تقولي حاضر وبس انتي سامعه ولا لا وبعدين انتي تحمدي ربنا ان في حد اصلا عبرك وجالك مش بدال ماكنتي تعنسي وتفضلي قاعده لنا كده زي البيت الوقف
زينب 
حرام عليكي يامرات ماهو انا جالي عرسان ياما وانتو اللي كتتو بترفضو قال ايه عشان مش عارفين تجهزوني اعمل ايه انا انتو السبب في ان السن عدي بيا ومحدش فيكم كان حاسس بيا خالص
مرات عمها قالت لها 
واحنا بقا ياختي ان شاء الله كنا هنجهزك منين ما انتي شايفه عمك اهو وعلى ا حاله ومش لاقي ياكل عياله عشان يجهزك
زينب 
طيب وليه بقا وافقتو على ده دلوقتي وهتجهزوني منين ان شاء الله طالما مفيش فلوس لاي حاجة
العم 
لا ما هو فوزي عايزك كده بشنطة هدومك وبس ولو كمان مفيش هدوم هو راضي عايزك كده بس من غير حاجة خالص
مرات العم 
والله كتر خيره راجل وبيفهم انتي هتبقي عايزة ايه اكتر من كده ياختي بقولك ايه يابت انتي لازم توافقي ڠصب عنك عشان ياختي احنا ورانا هم ما يتلم اهو انتي شايفه كوم اللحم اللي ورانا هو مفيش غيرك ولا ايه
زينب 
خلاص ياعمي اللي تشوفوه انا موافقه عليه انا هاقول ايه يعني