جبروت اخت جوزي بقلم اماني السيد
خدامين ليكي
نجوى وشها بقى لونه أزرق وحاولت تغير نبرتها فورا وتعيط
يا حبيبي يا عمران إنت فاهم غلط دول هما اللي استفزوني و..
قاطعتها نورا وهي بتطلع الموبايل من الفازة
محدش استفزك يا نجوى.. إنت قلتي اللي في قلبك. والرجالة سمعوا ودنهم إزاي إنت بتخربي بيوتهم عشان تعيشي ملكة.
حسين جوز مي اللي كان أكتر واحد بيدافع عنها قرب منها وقال بك سرة نفس جروبى بقلم امانى سيد
أنا مديت إيدي على مراتي عشانك.. كنت فاكرك المظلومة والوحيدة. اطلعي بره يا نجوى.. اطلعي من البيت ده والميراث اللي إنت حاطة إيدك عليه المحاكم هي اللي هتفصل فيه من بكرة.
نجوى حاولت تصرخ وتستنجد بحماتها بس الحما نفسها لما شافت قوة ولادها والشر اللي طلع من بنتها سكتت ووطت راسها في الأرض.
خرجنا إحنا ال 4 سلايف من المطبخ قلعنا مريلة المطبخ ورميناها قدامها على الأرض. بصيت لها وقلت لها بمنتهى الهدوء
الجدول
خرجنا من الشقة وإحنا رافعين راسنا ولأول مرة من سنين نحس إن الهوا في بيت العيلة بقى له طعم الحرية.
بعد ما الرجالة خرجوا نجوى من الشقة الدنيا لفت بيها ووقعت في شر أعمالها. مملكة الأفاعي اللي بنتها على قفا سلايفها اتهدت فوق دماغها في ليلة واحدة
بعد أسبوع واحد نجوى كانت قاعدة في شقة إيجار قديمة شقة مفيش فيها خدامات يلمعوا السيراميك ولا سلايف يطبخوا المحشي. كانت قاعدة وحواليها شنط هدومها اللي اتلفت في ملايات وريحة المكان تراب لأنها مابتعرفش تمسك مقشة.
ال 4 سلايف اتفقوا إنهم يروحوا لها زيارة أخيرة.. مش حبا فيها بس عشان يدوها درس العمر.
دخلنا الشقة كانت نجوى لابسة عباية بيتي مبهدلة وشعرها منكوش وأواكر إيديها باين عليها تعب غسيل المواعين لأول مرة في حياتها. بصتلنا بغل وقالت بصوت مبحوح
جايين
نورا الكبيرة طلعت من شنطتها ورقة ورمتها على الترابيزة المكسورة قدامها وقالت ببرود
لا يا نجوى إحنا جايين نديكي الجدول الجديد.. بس المرة دي مش بتاعنا ده جدول ديونك. المحامي حجز على نصيبك في الميراث عشان يسدد المبالغ اللي لطشتيها من حسابات إخواتك السنين اللي فاتت بالتوكيلات المزورة.
نجوى قامت وقفت وهي بتترعش
إخواتي مش هيعملوا فيا كده.. دول بيحبوني!
ضحكت أنا وقلت لها بصوت هادي يحرر الوجع اللي عشته
إخواتك دلوقتي بيصلحوا اللي إنت أفسدتيه يا نجوى. عمران جابلي طقم دهب بدل اللي بعته عشان أسدد ديون الشركة اللي إنت كنت بتسحبي منها وحسين صالح مي وسفرها تصيف عشان تعب الحمل اللي إنت كنت بتهديه في خدمتك. إنت مكنتيش بتحبي إخواتك إنت كنت بتحبي السلطة اللي بيديها لك ضعفهم قدامك.
مي السلفة الصغيرة قربت منها وحطت في إيدها علبة
خدي دي يا حبيبتي.. عشان لما تحبي تولعي نار الفتنة تاني تولعيها في البوتاجاز وتطبخي لنفسك.. أصلنا سمعنا إنك بقالك يومين عايشة على الجبنة والعيش الناشف لأنك مابتعرفيش تولعي نار غير في بيوت الناس.
نجوى انهارت وقعدت على الأرض تعيط وتصوت بس المرة دي مكنش فيه عمران ولا حسين يجري عليها ويقول لها حقك علينا يا أختي. الكل كان قرفان منها.
وإحنا خارجين نورا لفت وبصت لها بصه أخيرة وقالت
على فكرة يا نجوى.. إحنا النهاردة عاملين عزومة كبيرة في بيت العيلة والكل معزوم حتى حماتنا.. بس الفرق إننا طبخنا بحب ومفيش حد فينا كان خدام عند التاني.. إحنا كنا عيلة بجد العيلة اللي إنت كنت مانعانا نكونها طول السنين دي.
قفلنا الباب ورايا وسمعنا صوت صرختها وهي بتنادي على حد يغسل لها المواعين.. بس مكنش فيه غير صدى صوتها هو اللي بيرد عليها.
نزلنا السلم وإحنا بنضحك
تمت.
