روايه للكاتبه دودو محمد
خمس سنين وعندى اخت واحده اصغر منى متجوزه وعايشه فى باريس الحاله الماديه كويسه الحمدالله اقدر افتح بيت عندى شقتى بتاعت ابويه عايش فيها ومش محتاجه حاجه جاهزه من كل حاجه الحمدالله الناس كلها بتشهد بيا مش بشرب سجاير وملتزم بدينى وبصلاتى بس هو ده ملخص حياتى
فايزه انا مش عارفه اقولك ايه بصراحه بس ادينى فرصه اسأل مى واخد رأيها ورأى اخواتها
مازن ماشى يا طنط وانا هنتظر ردك
فايزه يإذن الله
مازن وقف وقال انا همشى بقى وابقى سلمى ليا على مليكه سلامه عليكم
فايزه يوصل يا ابنى مع السلامه وفتح الباب وفى الوقت ده كان اسر على الباب هيرن الجرس
فايزه اسر تعال يا ابنى عامل ايه
اسر وهو بيبص على مازن قال الحمدالله
مازن طب استأذن انا
فايزه ماشى يا ابنى مع الف سلامه ونزل مازن من على السلم ودخل اسر وقفل الباب
اسر مين ده يا مرات عمى
فايزه ده صديق مليكه وجاى يسأل عليها وطلب منى ايد مى
وفى الوقت ده كانت مى ومها جاين
مى كانت ماسكه كوباية مايه فى ايديها واول ما سمعت كده وقعت الكوبايه من ايديها
الكل بص على مى
مى بتوتر ا ا اسفه وقعت من ايدى ڠصب عنى ونزلت تلم ازاز الكوبايه
اسر يا اختى بيضه بتعرفى تتكسفى زى البنات
مى اسر خليك فى حالك
اسر هههههههههههه ماشى هخف من عليكى النهارده كفايه التوتر اللى انتى فيه بس هو سؤال واحد انتى ايه رأيك موافقه
مى اتكسفت وقالت حاجه متخصكش ملكش دعوه
اسر هههههههههه عرفت ردك
مها سيبك منها وركز معايه انا ولا انا شفافه بالنسبه ليك
اسر شفافه ايه ده انت مالى مركزك يا وحش
مها والله
اسر بقولك ايه يا مرات عمى ما تجوزينى البت دى بقى احسن خلاص مش مستحمل بعدى عنها
فايزه طب واهلك
اسر ما انتى عارفه صعب انهم يوافقه
فايزه بس يعنى مينفعش لازم يكون اهلك موجودين
اسر يا مرات عمى اهلى صعب يوافقه وانا مش قادر اعيش بعيد عن مها اكتر من كده وبعدين انا مش حد غريب انا ابن عمها وفقى بالله عليكى
فايزه
فى فيلا فريد المنشاوى
كان فهد قاعد فى اوضه مستنى خروج مليكه من الحمام وبعد وقت طويل خرجت مليكه من الحمام وهى مكسوفه
فهد مليكه
مليكه وهى بصه على الارض نعم
فهد متزعليش
مليكه مزعلش من ايه
فهد علشان حسيت انك
مليكه وهى مكسوفه م م مفيش مشكله ا ا انت عملت الصح كده كان ممكن اندم بعد كده وثقتى تقل فيك لان بجد انا مش مستعده نهائى
فهد يعنى مش زعلانه
مليكه هزت راسها يمين وشمال
بمعنى لا
فهد انا مش مهم عندى الحاجه دى يا مليكه المهم انك تكونى معايه
مليكه ربنا يخليك ليا
فهد
مليكه فهد
فهد قلب وروح فهد
مليكه ههههههههههه انت ناوى تجنينى
فهد مش جعانه
مليكه الصراحه ھموت من الجوع
فهد بعد الشړ عليكى من المۏت يلا بينا ننزل ناكل
مليكه بس
فهد بس ايه بصى لو انتى عامله على مروه وماما متخفيش انا جمبك ومش هسمح لحد يقولك كلمه ولا تجرحك وانتى وراحتك لو
حابه اجيب ليكى الاكل هنا
اجبلك
مليكه مسكت ايد فهد وقالت لا هنزل معاك تحت
فهد بص على ايد مليكه اللى ماسكه ايده
فى شقة اسر
فايزه يا ابنى امك مش سهله وانا خاېفه على بنتى منها
اسر مټخافيش يا مرات عمى انا اقدر احميها من اى حد بس وافقى بالله عليكى
فايزه سكتت شويه
اسر ها يا مرات عمى قولتى ايه
فايزه هقول ايه ماشى يا اسر موافقه بس لو بنتى حد جرحها بكلمه مش هلوم على حد غيرك انت
اسر بفرحه لالالا متخفيش يا مرات عمى مها فى عنيه وبص لمها وغمز ليها
مها كانت فرحانه واتكسفت من غمزت اسر
فايزه شوف ايه ظروفك وهتبقى جاهز
على امته علشان افضى ليك الشقه
اسر شقة ايه
فايزه الشقه اللى احنا قعدين فيها مش انتو هتتجوزو فيها
اسر لا يا مرات عمى انا استحاله اطلعك من الشقه دى وانا من بكره هنزل ادور على شقه وهشتريها وهجهزها من كل حاجه وان شاءالله على اخر الشهر نتجوز
فايزه ايه اللى انت بتقوله ده يا اسر اخر الشهر ايه احنا لسه مش جاهزين اصبر علينا شويه
اسر انا مش محتاج حاجه من مها غير شنطة هدومها وانا هجهز الشقه من كل حاجه
فايزه لا طبعآ انا بنت لازم اجهزها من كل حاجه هى مش اقل من البنات
اسر ليه بتقولى كده هو انا غريب ده انا ابن عمها وفى مقام ابنك وبعدين ما مليكه اتجوزت فهد وفهد اخدها كده واسمه غريب
فايزه يا ابنى مليكه وفهد كانت جوزتهم ليها ظروف خاصه لكن انتو تختلفو
اسر يا ستى انا الحمدالله مقتدر ومش هيأثر معايه اللى هجيبوه وبعدين انا لو جبت الدنيا دى كلها لمها شويه عليها مها مش هتكون مجرد مراتى وبس لا مها حبيبتى وعشقتى ودنيتى وكل حاجه حلوه فى حياتى وان شاءالله ام عيالى وبصراحه كده انا مش قادر على بعدها اكتر من كده علشان خاطرى يا مرات عمى وافقى وخلى الجواز اخر الشهر
فايزه بصت على مها شافت التوتر والقلق باين عليها رجعت بصت لاسر وقالت على خيرت الله
اسر بفرحه بجد يا مرات عمى وافقتى على اخر الشهر
فايزه ايوه يا ابنى ربنا يسعدكم ويجعل ايامكم كلها حب وسعاده وهنا
عن اذنك هدخل انا ومى اوضتها و اشوف ايه رايها فى العريس
اسر ماشى يا مرات عمى براحتك
ودخلت فايزه هى ومى فى اوضتها
اسر راح قعد جمب مها وقال مبروك
مها بكسوف الله يبارك فيك
اسر خلاص كلها اسبوعين وتبقى مراتى وبتاعتى انا
مها احم ا ا ان شاءالله
اسر بتبقى قمر وانتى مكسوفه وخدودك حمرا
مها ا ا اسر بس بقى
اسر حاضر انا هسكت دلوقتى بس ربنا معاكى كمان اسبوعين من اللى هيحصل فيكى
مها اټصدمت من كلام اسر وبصت ليه وقالت اسر على فكره حرام الكلام اللى بتقوله ده انا لسه مش مراتك يعنى محرم عليا فبلاش الطريقه دى معايه
اسر انتى زعلتى مش قصدى والله انا كنت بهزار معاكى حقك عليا متزعليش
مها انا مزعلتش بس عايزه نبدء حياتنا بطاعة الله مش نغضب الله علشان يبارك لينا فى حياتنا ويجعل لينا ذريه صالحه
اسر حاضر يا ستى ربنا يبارك ليا فيكى
فى فيلا فريد المنشاوى
فى اوضت عدى
لبست مروه هدومها وقعدت
مسكت تليفون مليكه فى ايديها
مروه اظاهر كده ان ده وقتك ماشى يا مليكه انا هعرفك مين مروه لو مكنتش اخلى فهد يرميكى رميت الكلاب فى الشارع مبقاش انا وحطته فى جيب البنطلون بتاعها وخرجت من الاوضه وشافت مليكه ماسكه ايد فهد اتغاظت اكتر نزلت من على السلم وبصت لمليكه بتوعد وقرف
سهير انتى خارجه ولا ايه يا مروه
مروه ايوه يا طنط هروح مشوار وجايه بسرعه
سهير طب اقعدى كلى الاول
مروه لا يا طنط مليش نفس عن اذنك
ومشيت مروه وسهير بصت بقرف لمليكه وقالت
سهير بقرف مالك مكلبشه فيه كده ليه خاېفه يهرب منك ولا مش مصدقه نفسك انك اتجوزتى واحد زى ابنى
مليكه مسكت دموعها بالعافيه ولسه هتبعد عن فهد
فهد مسك ايد مليكه ومنعها انها تبعد عنه وقال محدش ليه دعوه والصراحه انا اللى مش مصدق نفسى ان اتجوزت واحده زى مليكه ربنا يخليها ليا ولو فضلتى تجرحى مليكه بكلامك انا هخدها وارجع تانى الشقه وشدها ومشى وقعد على السفره وقعد مليكه جمبه وقرب على ودنها وقال
فهد مليكه حقك عليا انا ولو مضيقه تعالى نرجع الشقه
مليكه لا خالص خلينا هنا علشان بابا فريد ومهما طنط تعمل فيا او تقول برضه امك وزى امى ومقدرش ارد عليها ولا اجرحها بكلمه ولازم استحملها
فهد بأعجاب كل يوم بتكبرى فى نظرى اكتر من اللى قبله
فريد ماما انتى رايحه فين
ناديه هروح مشوار وجايه بسرعه
فريد طب استنى اروح معاكى
ناديه لالا خليك انت وانا هاخد السواق
فهد طب انتى رايحه فين يا نانا
ناديه بعصبيه رايحه مشوار مش لازم كل حركه اتحركها اقولكم عليها انا لسه بعقلى مخرفتش
فهد اهدى يا نانا انا مش قصدى حاجه انا خاېف عليكى مش اكتر
ناديه انا ماشيه ومش عايزه كلام كتير ومشيت ناديه
سهير فى
وفى الوقت ده نزل فارس وقعد على السفره من غير ولا كلمه
فهد مالك يا فارس
فارس مفيش
سهير شكلك زعلان انت متخانق مع مروه ولا ايه
فارس مفيش مفيش
فريد خلاص يا جماعه سيبوه فى حالو
فارس قعد يبص فى طبقه ومش بياكل
سهير فى ايه يا ابنى انت هتفضل تبص فى طبقك كتير كده ومش بتاكل
فارس انا مش عارف انتو مركزين معايه ليه كده
سهير طب انت عارف ان مراتك خرجت دلوقتى
فارس تروح مكان ما تروح
سهير اتأكدت ان فارس متخانق مع مروه ومرضتش تزود معاه فى الكلام اكتر من كده
والكل اكل فى صمت
فى شقة اسر
فى اوضت مى
كانت فايزه قعده مع مى فى اوضتها
فايزه ايه رأيك فى مازن
مى مش عارفه يا ماما انا مشفتهوش غير مرتين وكل مره انيل من اللى قابليها
فايزه يا بنتى فى ناس بترتاحى ليهم من اول نظره وفى ناس بتحسى نفسك مش حابه تشوفيهم تانى ده بالنسبه ليكى ايه ارتاحتى ولا مش مرتاحه
مى بصى هو رغم غلاسته بس دمه خفيف ولما شوفته حسيت نفسى مش اول مره اشوفه حسيت ان انا اعرفه من زمان هو من الشخصيات المألوفه
فايزه يعنى افهم من كلامك ان انتى ارتحتى ليه صح
مى مش عارفه بقى يا ماما طب انتى رأيك فيه ايه
فايزه مش مهم رأى انا مش انا اللى هتجوزه المهم رايك انتى انتى اللى هتعيشى معا
مى بصى انا محتاجه اشوفه واقعد اتكلم معا وسعتها هقرر موافقه ولا لا
فايزه خلاص رقمه فى تليفون اختك مها هتصل بى واخليه يجى يقعد معاكى واتكلمى معا وشوفى نفسك
وخرجو من الاوضه وكان اسر لسه قاعد مع مها
اسر ايه هنستريح منها ولا لسه
مى قعده على قلبك
اسر لا خلى بالك واحده بس هى اللى قعده على قلبى ومربعه كمان مها روحى وعمرى
مى هالله هالله على الحب
اسر قل اعوب برب الفلق بلاش قر اللهى يسترك
فايزه ربنا يهنيكم يارب وبصت لمها وقالت مها معاكى رقم مازن
صح
مها ايوه يا ماما
فايزه طب
انا عايزاه
مها حاضر يا ماما
اسر قام بعصبيه وقال انا ماشى يا مرات عمى
مها بأستغراب طب مش هتتعشا معانا
اسر مردش عليها وبص لفايزه وقال عن اذنك يا مرات عمى
فايزه خليك يا ابنى اتعشا معانا
اسر معلش يا مرات عمى انا لازم امشى ومشى ولسه هيفتح الباب
مها اسر
اسر مبصش ليها
مها راحت عنده ووقفت قصاده وقالت مالك يا اسر مكنتش كده من شويه ايه غيرك فاجئه كده
اسر لا ولا حاجه لما خطيبتى يكون معاها رقم واحد غريب وحتى مفكرتش تعرفنى بحاجه زى كده مش لازم ازعل واصقف ليها وقولها برافو عليكى انتى كده صح بس انا عمرى
ما هعمل كده اصل انا مش سوسن وفتح الباب ولسه هيقفله
مها اسر انت بتشك فيا
اسر مش شك يا مها بس اللى انتى عملتيه ده قلة تقدير ليا انك حتى تعرفينى انا مش بشك فيكى انا واثق فيكى اكتر من نفسى يا مها بس بغير عليكى ومش عايز يبقى ليكى علاقه بأى راجل غيرى فى فرق كبير ما بين الشك وقلة الثقه وبين ان بحبك وبغير عليكى وقفل الباب ومشى
مها دموعها نزلت منها وطلعت تجرى على الاوضه
فايزه لا حولا ولا قوة الا بالله عملت مشكله لاختك من مفيش
مى لا يا ماما هو اللى متخلف ومعندهوش ثقه فيها المفروض يثق فيها اكتر من كده
فايزه ياربى هو الواحد مش مكتوب ليه يفرح شويه
لما اروح اشوفها
وراحت دخلت لمها فى اوضتها
فى مكان تانى
وصلت مروه لمكان فى كمبيوتر
مروه هاى
شاب ست مروه عاش من شافك
مروه اذيك يا ماهر
ماهر نحمده بس ايه الشقه الغريبه دى
مروه معايه تليفون وفى صور لواحده عزيزه عليا اوى عايزاك تظبطهم ليا فوتشوب بصور اللى يشوفها يقول عليها انها بنت شمال ومحدش يشك فيها انها متفركه
ماهر عيب انتى عارفه شغلى عامل ازاى
مروه عارفه علشان كده انا جيت ليك
ماهر انتى تأمرى يا ست الكل بس طبعآ انتى عارفه الحاجه دى هتكلفك كتير
مروه مش هتفرق اللى انت عايزه بس اهم حاجه عايزاه بسرعه
ماهر يومين بالظبط والصور هتكون جاهزه
مروه تمام يومين وهاجى اخدهم منك سلام
ماهر سلام
ومشيت مروه روحت على الفيلا
فى شقة اسر
فى اوضت مها
دخلت فايزه الاوضه وكانت مها بټعيط
فايزه وقالت حقك عليا يا بنتى مش قصدى والله ان اعكنن عليكم
مها لا يا ماما انتى ملكيش ذنب انا اللى غلطانه علشان مقولتش ليه من الاول وهو عنده حق يزعل اى واحد مكانه كان هيعمل زيه واكتر
فايزه اسر عمل كده من حبه فيكى علشان غار عليكى
مها عارفه يا ماما بس انا بحبه ومش بحب اسر يزعل منى
فايزه هو يا حبيبتى لما يهدا شويه هيتصل بيكى ولو متصلش ابقى انتى اتصلى بي وصلحيه
مها حاضر يا ماما
فايزه ربنا يهدى سرك يا بنتى ويريح قلبك وسبتها وخرجت من الاوضه
مها مسكت تليفونها وطلبت رقم اسر واستنت الرد بس محدش رد عليها سابت التليفون وقعدت ټعيط
فى فيلا فريد المنشاوى
وصلت مروه ودخلت الفيلا وكان الكل قاعد
مروه هاى
سهير هاى يا قلبى ايه اخرك كده
مروه سورى يا طنط الدنيا
كانت زحمه
فارس وقف
فريد رايح فين يا فارس
فارس هطلع اوضى انام تصبحو على خير
الكل وانت من اهله
سهير مروه انتى متخانقه مع فارس
مروه عادى يا طنط شدينا مع بعض شويه
سهير يا مروه فارس بيحبك ياريت بلاش تخليه زعلان
مروه حاضر يا طنط انا هطلع اصلحه
سهير ماشى يا حبيبتى
وطلعت مروه اوضتها
فهد يلا يا ملوكه ننام
مليكه ماشى يلا
وطلع فهد هو مليكه على الاوضه
ودخلو الاوضه وفهد قفل الباب
مليكه وقفت فى نص الاوضه وقالت انا هنام فين
فهد على السرير
مليكه طب وانت
فهد على السرير برضه
مليكه لا والله
فهد هو بيكتم ضحكته اه والله
مليكه فهد بلاش غلاسه بقى
فهد مش بغلس والله بس بجد هنام احنا الاتنين على السرير
مليكه مستحيل
فهد ليه بس ده حتى انا جوزك
مليكه ولو برضه لا
فهد هنام بأدبى والله بس هخدك فى بس
مليكه لا
فهد
مليكه بصت فى عنيه وحست بصدق كلامه وقالت م م ماشى
فهد نام على السرير وفتح دراعه وقال يلا تعالى
مليكه بصت على دراعه بتوتر وراحت ونامت جمبه
فهد
مليكه كانت متوتره بس اول ما سمعت دقات قلبه حست براحه كبيره وفى وقت قصير جدآ راحت فى النوم
فهد بعد وقت قصير حس بأنتظام نفس مليكه بيبص لاقها نامت بسها فى راسها وحط راسه على راسها وراح هو كمان فى نوم عميق
فى اوضت فارس
دخلت مروه الاوضه لاقت فارس نايم على السرير
فارس اول ما شاف مروه غير اتجاه وبص للاتجاه التانى
مروه راحت ليه وقالت لا شكلك زعلان منى اوى
فارس لو سمحتى اطفى النور علشان عايز انام علشان عندى شغل بدرى
مروه لا مقدرش على زعلك منى فروستى حبيب قلبى
فارس لا والله ده ايه سبب التغير المفاجئ ده
مروه خلاص بقى يا فهدى
فارس پصدمه فهدى
مروه اتوترت وقالت ا ا اه
اشرقت شمس صباح يوم جديد بنورها الساطع فى سماء الاسكندريه لتداعب بخيوطها الصفراء العيون البندقيه
مليكه بدءت تفتح عنيها على اشاعة الشمس وحست بتقل على كتفها بتبص لاقته دراع فهد بترفع راسها لاقت فهد لسه نايم قعدت تبص عليه وقربت
فى شقة اسر
فى اوضت مها
فتحت مها عنيها وبصت فى التليفون علشان تشوف اسر اتصل بيها ولا لا بس ملاقتش اى اتصال
قامت من على سريرها دخلت حمامها اخدت شاور واتوضت وخرجت لبست هدومها وادت فرضها وخرجت من الاوضه
مها صباح الخير
مى وفايزه صباح النور
فايزه تعالى اقعدى افطرى
مها لا يا ماما انا نازله
مى طب استنى انزل معاكى
مها لالا انا مش رايحه الجامعه انا هروح لاسر الشركه
فايزه ربنا معاكى يا بنتى
ونزلت مها وركبت تاكسى وراحت عند شركة اسر ونزلت وحاسبت
نورهان استاذه مها اذيك
مها مش انتى اللى كنتى مع اسر قبل كده
نورهان ايوه انا نورهان
مها اتشرفت بيكى يا نورهان هو اسر جه
نورهان ايوه بس على اخره ومتعصب
مها ممكن ادخل ليه
نورهان طبعآ
مها شكرآ يا نورهان وراحت عند الباب وخبطت عليه
اسر بعصبيه مش قولت مش عايز حد يدخل ليا المكتب
مها فتحت الباب وقالت حتى لو انا
اسر اتفاجئ بمها وقال مها انتى جايه ليه
مها يعنى امشى
اسر ادخلى يا مها
مها دخلت وقفلت الباب وراها وقعدت على الكرسى
اسر قعد يبص فى الورق ويشتغل ومش مدى اى اهتمام لمها
مها اسر
اسر وهو باصص فى الورق قال امممم
مها انا اسفه
اسر مفيش مشكله يا مها
مها بدموع انا اسفه يا اسر بجد مش قادره استحمل زعلك منى انا عارفه ان انا غلطانه بس علشان خاطرى سامحنى وبلاش تزعل منى
اسر صعبت عليه مها ووجعه دموعها قام من على الكرسى بتاع المكتب ووقف قصاد مها وشدها وقفها ومسح دموعها وقال انا مش قلت ليكى كذا مره مش عايز اشوف دموعك دى علشان بتوجعنى
مها بدموع علشان انت زعلان منى ومش عايز تكلمنى
اسر طب بلاش دموعك
مها يعنى سامحتنى
اسر يا مها انا بحبك وبغير عليكى
مها عارفه وانا بحبك اوووووى
اسر طب خلاص بقى يا عبيطه انتى عمرى
مها طب اثبت ليا انك مش زعلان
منى
اسر يابت بلاش تقولى كده احسن
ما اتهور
مها يا قليل الادب مش قصدى على اللى فى دماغك انا قصدى انك تعزمنى على الغدا
اسر هههههههههههه عارف بس بحب ازولك
مها طب ايه هتعزمنى
اسر طبعآ انتى تامرى
مها مسكت ايده وقالت طب يلا
اسر بص على ايد مها اللى ماسكه ايده وقال يا مهون ربنا يهون عليا الاسبوعين دول بدل ما اتهور
مها هههههههههههههههه
اسر بتضحكى طب يلا يا اختى قدامى وخرجو الاتنين مع بعض ونزلو يتغدو مع بعض
فى فيلا فريد المنشاوى
فى اوضت فهد
كانت مليكه نايمه وهى مكسوفه
فهد مبروك يا قلبى
مليكه وهى مكسوفه ا ا الله يبارك ف ف فيك
فهد ما بلاش كسوف بقى فهد
فيكى تمردك عليا ودى اكتر
حاجه شدتنى ليكى وقام من جمبها
مليكه بأستغراب رايح فين
فهد فتح الدولاب وطلع منها ورقه ومد ايده بيها
مليكه ايه ده
فهد اقريها وانتى تعرفى
مليكه بصت فى الورقه وقالت ايه ده ده عقد تمليك الشقه بتاعة بابا الله يرحمه مكتوب بأسمى
فهد ايوه عملت توكيل لباسم وخليته راح الشهر العقارى وسجل العقد بأسمك وعملتها ليكى بيع وشرى
مليكه بجد مش عارفه اقولك ايه انت اكبر نعمه ربنا بعتها ليا فى الدنيا دى ربنا يخليك ليا يا فهد
فهد ويخليكى ليا يا قلب وروح فهد
اسر المقدمه مش عجبانى بس قولى
مها بالنسبه للرقم مازن اللى معايه امسحه ولا اخليه بس يعنى اعمل حسابك ان هو هيبقى جوز اختى فا مفيش حاجه يعنى لو خليت رقمه معايه
اسر بصى طول ما هو مفيش حاجه يبقى راجل غريب عنكم انا مش عارف ازاى مرات عمى قبلت ان هى تدخله البيت عندها وهى عندها بنات بس عمومآ هاتى الرقم عندى فى التليفون وامسحيه من عندك ولو عرفت انك اتكلمت معاه هيبقى ليا تصرف تانى معاكى
مها حاضر طب لما يتجوز اختى برضه متكلمش معا
اسر لما يبقى جوزها يبقى يحلها ربنا هاتى الرقم
مها اديته التليفون علشان ياخد رقم مازن
اسر اخد رقم مازن ومسح الرقم من تليفون مها
مها هههههههههههه
اسر بتضحكى على ايه
مها منظرك تحفه وانت بتغير عليا
اسر لا والله
مها بجد انا فرحانه اوى بغيرتك دى
اسر ايوه بغير لا نقصان ولا ضعفان ولا سکړان ولا صايغ من عينى الضى ولا حد احسن منى فى شئ بس بغير واللى قالولك غيرت الراجل قلة ثقه او قلة فهم خلق حمير غيرت الراجل ڼار فى مراجل ڼار بتنور ما بتحرقش
مها الله حلوه اوى يا اسر
اسر طب لو عندك حتة ماس هتخليها مداس للناس ولا هتقفلى عليها اوضه بمية ترباس يمكن حتى تأجرى ليها جوزين حراس يبقى لا انا غافل ولا جاهل بس بغير
مها لالالا انا بحب شاعر كمان
اسر انا فى حبك بقيت كل حاجه تتوقعيها يا مها
مها وانا بحبك اوووووووى يا اسر
اسر مها انا عشت عمرى اللى فات على امل انك بس تبتسمى ليا ابتسامه واحده انا لحد دلوقتى مش مصدق نفسى انك بقيتى معايه وبتاعتى خاېف لكون بحلم
مها مسكت ايده وقالت لا يا اسر انا معاك وبتاعتك وبين ايديك وبتمنى رضاك وبتمنى اعيش عمرى كله جمبك وفى ومبعدش عنك ولو للحظه واحده
اسر ربنا يخليكى ليا
مها ويخليك ليا يارب
فى اوضت فارس
صحيت مروه وبصت بقرف على فارس
وقامت دخلت الحمام واخدت شاور وطلعت من الحمام لبست هدومها وخرجت من الاوضه ونزلت وكانت سهير قعده
مروه صباح الخير يا طنط
سهير صباح النور يا حبيبتى
مروه امال فين الباقين
سهير كلهم فى الاوض بتاعتهم
مروه طنط احنا بقالنا كتير محطناش الحبوب لزفتت الطين دى وانا خاېفه لتحمل وسعتها مش هنعرف نبعدها عن فهد
سهير تصدقى ان انا نسيت الموضوع ده طب ايه الحل
مروه هدخل المطبخ احضر العصير ليها وهحط ليها الحبايه فى العصير وهعمل القهوه لفهد وهبعتهم مع الشغاله وتقولهم ان نانا هى اللى بعتاها ليهم
سهير تسلم دماغك
وراحت مروه على المطبخ وعملت العصير والقهوه وبعتتهم مع الشغاله
وطلعت الشغاله خبطت على باب اوضت فهد وشويه وفتح فهد وهو متعصب وقال
فهد بعصبيه ايه عايزه ايه
الشغاله ست ناديه بعته ده ليكم
فهد اخدهم منها وقال ماشى انزلى حضرى لينا الاكل وهاتى هنا فى الاوضه
الشغاله پخوف ح ح حاضر
ونزلت الشغاله ودخل فهد بالعصير والقهوه
مليكه مين يا فهد
فهد ده نانا بعته لينا ده واداها العصير
مليكه والله نانا دى عسل جه فى وقته الصراحه
فهد اشربى العصير وانا قولت للشغاله تحضر لينا الاكل وتجيبه هنا
مليكه ايه ده هو احنا مش هننزل خالص النهارده
فهد لا انتى مش هتنزلى النهارده من الاوضه وانا هنزل نص ساعه وهاجى
مليكه هتنزل ليه بقى ان شاءالله
فهد كده واشربى العصير يلا
مليكه قامت وقفت وهبطت برجليها فى الارض وقالت والله ده ظلم يعنى انت تنزل وتسبنى انا محپوسه هنا فى الاوضه
فهد هههههههههه شبه الاطفال وانتى بتعملى كده
مليكه طفله طفله بس خدنى معاك
فهد ههههههه لا
مليكه يووووووه بقى
فهد مش هغيب والله
مليكه ماشى يا فهد وشربت العصير وفى الوقت ده جه الاكل وقعدت مليكه وفهد ياكلو
وبعد شويه انتهو من الاكل ودخل فهد اخد شاور وخرج لبس هدومه ونزل من الاوضه ركب عربيته ومشى
عند اسر ومها
وصلو للبيت وطلعو رنه الجرس بتاع الشقه وفتحت ليهم مى
مى جوز كنارى يا اخواتى
اسر بس بقى امبارح كنا هنولع فى بعض بسبب عنيكى يا اوزعه تقوليش شراره يااختى
مى هههه خفه يا زرافه
مها تعالو بس ندخل الاول وبعدين اعملو اللى انتو عايزينه
ودخلو وقفلو الباب وراهم
فايزه ربنا يسعدكم يارب ويهدى سركم
اسر اللهم امين
فايزه بس معلش يا ابنى عايزه الرقم بتاع مازن اكلمه وبعدين تبقى تمسحه
اسر انا مسحته من على تليفونها الرقم معايه انا هتصل انا بى وهبلغه باللى انتو عايزينه واهو يعرف ان معاكم راجل
فايزه طبعآ يا ابنى ما انت ابن عمها وفى مقام اخوها
اسر طبعآ يا مرات عمى وطلع تليفونه وطلب رقم مازن وانتظر الرد
مازن السلام عليكم
اسر وعليكم السلام
مازن ايوه حضرتك مين معايه
اسر انا اسر ابن عم مى
مازن ايوه اتشرفت بيك
اسر الشرف ليا
مازن ايوه اتفضل
اسر بالنسبه لموضوع مى فهى طلبت انها تقعد معاك علشان تتعرف عليك اكتر
مازن اه طبعآ شوف حضرتك عايزينى اجى
اسر ممكن النهارده بعد العشا ان شاءالله
مازن بإذن الله هكون على الموعد موجود
اسر فى انتظارك مع السلامه
مازن الله يسلمك
وقفل اسر مع مازن وبص لفايزه وقال
اسر حلو كده المعاد يا مرات عمى
فايزه الله ينور عليك يا ابنى بس خليك معانا بقى علشان تقعد معا
اسر ايوه طبعآ انا هستنا معاكم
فايزه ربنا ما يحرمناش منك يا ابنى
اسر ولا يحرمنى منكم يا مرات عمى انتو اهلى اللى بحق وحقيقى
فى فيلا فريد المنشاوى
فى اوضت فهد
كانت مليكه قعده بتتفرج على التلفزيون والباب خبط قامت فتحت الباب لاقتها ناديه
مليكه تعالى يا
نانا
ناديه دخلت وقالت عرفت ان الولا فهد نزل قولت اجى ادردش معاكى شويه
مليكه تنورينى يا نانا
ناديه ده نورك يا حبيبتى المهم الولا فهد عامل معاكى ايه
مليكه كويس اوى يا نانا
ناديه هههههه عنيكى باين فيها كل حاجه ربنا يهنيكم يا حبيبتى
مليكه ربنا يخليكى يا نانا ما الفضل يرجع ليكى فى الاول وفى الاخر فكره لما جيتى
ليا وعرفتينى ان فهد ملمسنيش ده
اكتر حاجه خلتنى اوافق ان اتجوزه وانا واثقه ان مش هيقدر يأذينى وانا مراته
ناديه وفكره لما قولتلك ان فهد طيب اوى
مليكه فعلا فهد طيب اوى وحنين عليا واللى يقرب منه ويعرفه يعشقه وميقدرش يبعد عنه
ناديه ربنا يسعدكم ويبعد عنكم ولاد الحړام ويرزقكم الزريه الصالحه
مليكه اللهم امين
ناديه وقفت وقالت لما اروح انا بقى انا قولت اطمن عليكم والحمدالله فرحتى قلبى
مليكه ربنا يخليكى يا نانا وشكرآ على العصير
ناديه بأستغراب عصير ايه
مليكه العصير والقهوه اللى بعتيها لينا من شويه
ناديه بس انا مبعتش ليكم حاجه
مليكه ازاى دى الشغاله قالت لفهد ان انتى اللى بعتاهم لينا
ناديه يبقى اكيد ده ملعوب من العقربتين
سهير ومروه بس يا ترى حطين ليكى ايه فى العصير
مليكه پخوف مش عارفه
ناديه ايه حاجه تيجى ليكى الاوضه اوعى تكليها ولا تشربيها لحد ما نشوف هما بيحطو ليكى ايه
مليكه انا خاېفه اوى يا نانا ليكونو بيحطو ليا نوع مخدر ولا حاجه
ناديه متخفيش وزى ما قولتلك اوعى تخدى حاجه منهم
مليكه حاضر
ناديه انا وفريد وفهد معاكى متخفيش محدش هيقدر ېأذيكى
مليكه ربنا يخليكم ليا
ناديه هسيبك انا بقى وخرجت من الاوضه وقابلت فهد وهو طالع من على السلم
فهد نانا انتى كنتى عند مليكه
ناديه اه يا حبيبى كنت بطمن عليها علشان منزلتش انهارده
فهد بضحكه لا ما انا عامل ليها حبس انفرادى
ناديه بحنيه ربنا ميحرمكمش من بعض فهد تعال معايا فى اوضى عايزه اقولك حاجه
فهد ضرورى يعنى بقولك انا
ناديه مش هأخرك تعال ورايا
فهد فى سره يادى النيله الواحد مش عارف ياخد راحته فى الفيلا دى ياريتنى كنت طلعت على شقتى كنت هبقى براحتى اكتر من كده اااااه مليكه واحشتنى اووووووووى
ناديه فهد فهد
فهد ها
ناديه هههههههه اللى واخد عقلك
فهد هو فى غيرها يا نانا مليكه طبعآ
ناديه طب ادخل واقفل الباب وراك
ودخل فهد وقفل الباب وراه
فى شقة اسر
مر الوقت ووصل مازن فى المعاد وطلع رن الجرس وفتح ليه اسر
مازن السلام عليكم
اسر وعليكم السلام اتفضل
مازن دخل وقال انا مازن
اسر اهلا بيك وانا اسر ابن عم مى
مازن اتشرفت بيك
اسر اتفضل اقعد
مازن قعد وقال احم انا كنت طلبت ايد الانسه مى من طنط فايزه
اسر ايوه مرات عمى قالت ليا ومى طلبت تقعد معاك علشان تتعرف عليك اكتر علشان تقدر تاخد القرار الصح
مازن انا تحت امرها طبعآ
اسر عن اذنك ثوانى وسابه وطلع وقال مى تعالى معايه يلا
مى بتوتر مسكت ايد مها وقالت مها تعالى اقعدى معايه
اسر شد ايديها من ايد مها وقال تيجى تقعد معاكى فين يا اما انتى عبيطه ادخلى ابت قدامى والله وجه اليوم اللى اشوفه فيكى يا اوزعه
مى اللهى يجيبو ويحطه عليك يا اسر يا ابن ام اسر
مها ههههههههههه مجنونه والله
ودخلت مى مع اسر وقعدت وبصت على الارض وكانت متوتره وعماله تفرك فى ايديها
اسر احم هروح اخليهم يجيبو ليكم حاجه تشربوها
وخرج اسر وبص مازن على مى لاقها متوتره وبصه على الارض كتم ضحكته وقال
مازن سبحان الله كنتى قطه شرسه ايه قلبك لقطه سيامى كده
مى ل ل لو سمحت اتكلم عدل
مازن وانا قولت ايه مش كان لسانك قد كده معايه المرتين اللى شوفتك فيهم ايه اللى حصل القطه اكلت لسانك ولا بلعتيه
مى كده طب انا مش موافقه عليك
مازن بثقه لا هتوافقى وهتجوزك برضاكى
مى يابارد يا غلس مش هتجوزك
مازن طب عينى فى عينك كده يعنى عايزه تقنعينى انك مش معجبه بيا من اول مره شوفتينى فيها
مى ده ايه الثقه الزياده اللى فيك دى ده انت واحد مغرور زياده عن اللزوم
مازن بثقه بس استاهل صح شاب
امور ولقته لاى واحده
مى يخربيت غرورك
وفى الوقت ده دخل اسر وقال
اسر ها ايه اخبار العرسان
مازن انا عرفت رأى العروسه
اسر هههههه هى لحقت تقوله ليك
مى لا انا م
مازن قطعها وقال خلاص يا مى انا هقوله هى عايزه تقولك انها موافقه
مى انا مش
مازن حاضر هقولو هى عايزه تقولك ان احنا اتفقنا ان مش هنتأخر فى مدة الجواز خلال شهر هنتجوز
مى اټصدمت وفتحت بؤقها من كتر الصدمه
مازن وهو بيكتم ضحكته على منظر مى قال ها يا استاذ اسر ايه رأيك
اسر
والله هى فكره حلوه وممكن نعمل فرحنا مع بعض اصل انا برضه فرحى على اختها اخر الشهر بس برضه الرأى رأى مرات عمى
مازن انا عندى الشقه جاهزه من كل حاجه ومش نقصها غير شنطة هدومها
مى لسه مصدومه من اللى بيحصل
اسر طب ثوانى اسأل مرات عمى وارد عليك وخرج اسر
مازن هههههههههههههههههه طب اقفلى بؤق علشان منظرك تحفه
مى ا ا انت ازاى تقول ان انا موافقه
مازن حط رجل على رجل وقال والله انتى ليه معترضيش على كلامى
مى انت ايه جبله بقولك مش موافقه عليك
مازن انتى خلاص وافقتى ودلوقتى ابن عمك هيجيب الموافقه من امك وشوفى هترفضى ازاى
مى عااااااااااا بارد انت طلعت ليا منين
مازن الحظ رما اختك فى سكتى علشان اشوفك انتى
مى ساعه سوده ومنيله بطين ده من بختى الاسود
مازن ههههههههههههه عسل
عند اسر وفايزه
اسر انا والله يا مرات عمى شايفه كويس وشارى مى ومى شكلها مرتاحه ليه
فايزه بس يا ابنى اخر الشهر برضه طب انت وافقت انك تجيب كل حاجه علشان فى الاول ولاخر ابن عمها لكن ده واحد غريب ازاى هخليه يجيب كل حاجه
اسر هو مش هيجيب هو عنده فعلا الحاجه موجوده
مها وافقى يا ماما واخلصى منها وارتاحى
فايزه طب اتأكد من رأيها يا اسر
اسر ايوه يا مرات عمى العريس قال ليا رأيها وهى كانت موجوده ومعترضتش يعنى هى اللى قايله ليه رأيها وواضح عليها انها موافقه
مها وافقى بالله عليكى يا ماما
فايزه ماشى على خيرت الله
مها لولولولولولولولوى
ودخل اسر بلغ مازن بالموافقه
مى الصدمه مأثره عليها من كل اللى بيحصل
اسر مبروك يا اوزعه حتى يوم فرحى مشركانى فيه بس يلا مش مهم
مى ها
اسر مالك يا بنتى
مازن الفرحه مأثره فيها
وقرو الفاتحه وشويه ومشى مازن ودخلت مى اوضتها وقفلت الباب وراها وحطت ايديها على قلبها وقالت
مى لقلبها اهدا شويه كنت هتفضحنى وتعرف الناس ان انا فرحانه اوووووى
عسل ابن الايه هو صحيح مغرور وبيغلس عليه بس دمه زى العسل المكرر عايز يتاكل اكل ابن اللذينه ونامت على السرير ومسكت المخده وغنت وقالت وبحب الواد الشيك الواثق من نفسه مهما بقابل وبشوف عندى محدش بينفسه عارفين دوابنى ازاى زى السكر فى الشاى انا رايحه معا لو رايح انا جايه معا لو جاي
وبعدين قالت هييييييييييح ده الحب حلو اوى يا جدعان
فى فيلا
خرج فهد من اوضت ناديه وراح على اوضه واول ما فتح الباب
مليكه جريت عليه وقالت كل ده يافهد انا زعلانه منك ومخصماك
مليكه علشان انت يا فهد سايبنى قعده لوحدى كل ده
فهد معلش كنت بعمل ليكى مفاجئه
مليكه وقالت مفاجئه مفاجئت ايه دى يا فهد
فهد يعنى انا لو قولتها ليكى هتبقى مفاجئه ازاى
مليكه
مليكه انت غلس يا فهد
فهد طلع باكو الشكولاته وقال بما انى غلس كنت جايب ده لواحده بس خلاص بقى مش هدوهلها اصل
انا غلس
مليكه الله شكولاته ده
انا بحبها اوى
فهد بس هو مش ليكى
