إسكريبت إمرأة لا تشعر بالهزيمة بقلم ندي الحداد
المحتويات
والله أنا اعطيني عشرة من عشرة وعليهم نجمة قمر كده.
الناس تستغرب تتكلم الناس تقول اللي تقوله مايفرقش معايا محدش حاشه عني وهو بيضربني محدش حس باللي كنت فيه أو بكل مره كان الحزام ينزل على جسمي ويسحب روحي واحدة واحدة أو ضړبته فبطني اللي خلت روحي تروح عني وتتردلي من تاني لذلك محدش هيحس بالسعادة اللي أنا فيها دلوقت.
كده ياسدرة يابنتي بردو تعملي كده.
عمتو نهال انتي معاكي حق تدافعي عن ابن اخوكي أنا مش هقولك ماتدافعيش عنه لا بالعكس دافعي عنه بس فالحق والعدل اللي عمله ده مايرضيش ربنا ولا هو حقه يضربني ولا ده عدل.
بس..
مابسش ياعمتو! أنا لو سكتت عن المره دي ابن اخوكي كان هيمد ايده علي من تاني وكل مره هسكت فيه هو هيزيد وهيبقى متوحش أكتر وأكتر أنا مش جارية أو لاقيني فالشارع ده حتى الجواري مبيحصلش فيهم كده.
براحتك يابنتي.
ما هو فعلا براحتي ياعمتو.
أصل هقول مره ومش هتتكرر لا هتتكرر وهتتكرر ومش بعيد يق تلني طب ليه وأنا بإيدي اخلص نفسي من العڈاب.
بينا طفل وهيتظلم! لا مش هيتظلم أنا هربية وهكون قد ده الراجل لما بيتسكتله عن غلطه بيزيد وبيغلط وبيغلط لحد ماكل الغلط ده يعمي على قلبه وبيعمل حاجات ولا ترضي ربنا ولا ترضي البشر.
خالتو رحاب تعالي عايزة اكلمك فالموضوع اللي قولتلك عليه.
إيه يابنتي احكيلي.
مش انتي قولتي ابن اختك عنده محل قريب من المكان ده..
آه قولت بس هو مش موجود هنا دلوقت.
عظيم أنا بقى عايزة المحل ده.
ما هو صاحب المحل مش موجود.
رنيلي عليه مش صعبة هي قوليله يجي.
يجي فين.
يجي يقعد عندك وهنشتغل كلنا مع بعض.
هقوله وأمري لله.
بحبك مۏت.
نزلت وروحت للمحل وفتحته بعد ما اخدت منها المفتاح نضفته وعدلت
هشتغل وهصرف على ابني الشغل لا هو عيب ولا حرام طول ما انتي بتشتغلي شغل محترم ويرضي ربنا ويرضيكي خلاص مفيش أى مشاكل.
بتعملي إيه عندك.
اړتعبت ووقعت المكنسه من ايدي وبصيت لصاحب الصوت
في إيه
انتي بتقوليلي أنا فيه إيه المفروض السؤال ده ليكي يا أنسة.
طبعا من كلامه باين عليه صاحب المكان فهعديها بمزاجي خرجت مني تنهيده طويلة بعد ړعب سببهولي من أولها شغل غباء استغفر الله العظيم.
كنت بنضف المحل عشان هنحط فيه هدوم في عندك مانع!
آه عندي مانع.
كټفت ايديا والله.. و إيه بقى المانع يا أستاذ!!
كرش فشعره ومعرفش يتكلم
فسبقته هيكون اتفاق بسيط عادي.
و إيه هو الاتفاق.
هاخد المحل لفترة محددة يجوز تكون تمن شهور أو أقل شوية وفلوس الايجار هتاخدها أول بأول ها قلت إيه
مد ايده على بركة الله.
بصتله بدون ما امد ايدي ومشيت لحد الباب
بداية موفقة.
رجعت البيت وقعدت على الكنبة بتعب ظاهر أوي على شكلي فركت راسي من كتر الصداع.
مفيش حاجة بتيجي بالسهل أبدا شيء طبيعي تتعب وتفكر
تحسب كل خطوة هتخطيها ولازم لازم تكون متأكد إن اللي جاي يخصك وليك فمتيأسش وقوم كمل أسعى عافر لأجل الأيام الصعبة تعدي ويجي بعدها الفرح والسعادة.
خد الحلو من الدنيا ومتخليهاش تنزفك وتاخد هي الحلو منك أو تاخد الإيجابية اللي جواك خد منها أنت متخليهاش هي تاخد منك.
طب هتعرفي تصممي الاتنين مع بعض!
هاخد كورسات وهشوف فيديوهات من اليوتيوب و إن شاء الله هقدر وهعرف.
قالت بقلة حيله اللي تشوفيه أنا معاكي فيه يا سدرة.
قربت منها وحضنتها بكل الحب والحنان اللي موجودين فالدنيا
سدرة عمرها مهتلاقي ولا هتقابل حد طيب وحنين زيك كده
حضنتني بحب وحنان أكبر ربنا يعلم بحبك قد إيه ياسدرة واثقة فيكي انتي قدها وقدود.
اكيد اكيد.
مر أسبوعين وأنا في الكورسات وبدأت اتعلم بس مش الأحسن حاجة يعني بسيط كان مساعدني فإني اتعلم فيديوهات اليوتيوب.
الموضوع مش سهل أوي ولا صعب أوي بس اللي عنده عزيمه و إسرار على حاجة بيعملها لو مهما كانت صعبة حط هدف قدامك عشان تعرف أنت عايز توصل لأى وبفضل الله ومشيئته هتوصل.
اهم حاجة تكون واثق ف ربنا ثم نفسك.
أستاذ زين شوف التصاميم وقول رأيك عشان الوقت يكون لصالحنا بص كمان تصاميم الأحذية لو في تعديل أو حاجة مش تمام قولي وأنا هعدله وفي..
بصيت عليه لقيته بيلعب فالتليفون ومش مركز معايا نهائي روحت رازعة الملف كله على الترابيزة وزعقت
احنا بنشتغل هنا يا أستاذ مش جاين نضيع وقت ونلعب ركز معايا لو سمحت.
بصلي وقال بنبرة كلها برود واستفزاز صوتك كان عالي ولا أنا سمعت غلط.
صوتي كان عالي في عندك مشكلة
تؤ! الصوت العالي بيضايقني جدا وخصوصا لو كان صوت واحدة ست.
اكتفيت بسكوتي لأن لو اتكلمت مش هيحصل كويس بالمره بس مفيش أى مانع من إني ارد عليه بطريقتي.
مسكت الملف من على الترابيزة رميته على الترابيزة للمره التانية وقولت بصيغة أمر واستفزاز
التصاميم قدامك راجعهم كويس.
إيه
سيبته ومشيت بكل برود ماهو أنا لازم أعامل الناس زي ماهي بتعاملني مش ابن علي محمد أنت عشان أعاملك معاملة أحسن من معاملتك لي.
عطيته التصاميم وهو قال هيشوفهم.
هنبدأ شغل امتي
أسبوع كده أكون جهزة أفكاري.
دخلت الأوضة وبدلت هدومي.
مسكت التليفون وفتحت الفيس على صفحة لؤه إبراهيم تحديدا ورجعت قرأت آخر حدوته
يمكن كان فاكر إن هو هيمد إيده علي وأنا هرجع اسامحه وهسكت عشان.. عشان بحبه و إن فراقه هيهزني!! وهرجع هشة وضعيفة من غيره ولكنه كان أهبل يوم مخلى التفكير العبيط ده دخل دماغة.
مش عشان بحبه أدوس على كرامتي واللي باقي مني اخليه يستقوى علي وأقول معلش هو مش آخر حته فالسوق ولا الكاريزما اللي مش هلاقي زيه.
يمكن لو على اللي شبهه وزيه هلاقي كتير أصلهم بينتشروا بسرعة كبيرة أوي.
انما الرجالة ياحبيبي ف وقتنا الحالي ده بقوا قليلين.
بعدها دخلت الحمام واخدت شاور دافي.. روحت المطبخ وعملت فنجان قهوة فرنساوي.
مكنتش بحب القهوة عموما.. بس عملتها وهبدأ أحبها زي ما مكنتش حابه فراقه وفارقته.
فتحت صفحة أيمن أمين ورجعت لحدوته كتبها من فترة وبدأت أقرأها وكل مابقرأ فيها بحسني بتبدل وبتبدل وبتبدل لحد مابقيت شخصية تانية خالص شخصية متوازنة جدا شخصية هتشوفوها بوضع مختلف فالأيام اللي جايه.
طول ما أحلام في طوعك كمل وإمشي ل قدام.
مش نهاية الكون وقوعك.
النهاية في الاستسلام.
جبت الورق اللي
هعمل عليه تصاميمي من فساتين ل أحذية سهرت وأنا برسم كل مره كنت بفشل فيها كنت برجع وبكمل برجع وبكمل لحد ماوصلت للتصميم اللي أنا حباه وراضية عنه.
ومن هنا ياعزيزي نقدر نقول عدينا أكبر مرحلة صعبة.
سدرة.
اتكلمت وأنا بحط طلاء الشفايف نعم ياست رحاب.
في محامي بره!!
خلية يستنى تحت وأنا هنزله حالا.
أنا مش بقولك عليه أنا بسألك عليه هو جاي ليكي ليه.
بهدوء هرفع قضية على ياسين.
إيه انتي مش رفعتي عليه قضية بسبب اللي عمله فيكي.
بصتلها بهدوء آه.
طب إيه لازمة القضية دي بقى.
اخدت الشنطة وقولت أهله مش مقعديني فالبيت وأنا بردو ماينفعش أقعد
متابعة القراءة
