روايه للكاتبه سوليه نصار
حقه يتجوز اللي عاوزها أنا بس هحاول ضابط أموري عشان أسافر وانسي وأحاول ابدا حياة جديدة
اللي عملته ده يا عز يعني ضحكت عليا وخدعتني عشان اجيبلك ملف للشغل وتعرفني علي أساس إني خطيبتك أنت مچنون يا بني حرام عليك تكسر مراتك.
اكسرها ايه انتي مش شايفة رد فعلها ايه دي ولا اكني جوزها.
بصتله ندي بحزن وقالت
طبعا مش هتهتم يا عز شايفة أنها ملهاش حق تحب ولا تتجوز لانها بتكون قرفانة من نفسها بسبب كلام الناس اللي بيخليها هي المچرمة بدل الضحېة.
بص عز في الأرض أخدت ندي شنطتها وقالت
أقف جمب مراتك يا عز خليها تعدي الفترة دي الواحدة فينا لو حد بصلها بصة مريبة مبتقدرش تنام ما بالك واحدة بالشكل ده فكر في كلامي يا عز.
بعدين أخدت شنطتها ومشيت.
قعد عز علي الكرسي وهو بيفكر هو مكانش حابب يأذيها بس حقيقة أنه انجبر عليها صعبةبس هي ايه ذنبها هي كمان اتجبرت عليه.. مسح دموعه بسرعة لما خرجت
الله اومال فين ندي أنا حضرت الفطار.
حطيت الأكل علي السفرة لما بصلي عز وقالي مشيت
معلقتش وقولت بصوت واطي
تمام ده الفطار لو حابب تفطر.
مش شايفة أن رد فعلك غريب.
مش فاهمة
يعني أنا جيبت واحدة في ليلة صباحيتنا وقولت أنها خطيبتي وهتجوزها بدل ما تتعصبي اتصرفتي
بصيت للارض وقولت
ليه اتعصب ده حقك أنا وانت عارفين أن الجواز ده مش حقيقي وعندك حق أنا واحدة منتهية أنت تستاهل الأحسن مني.
مسك أيدي جامد وزعق
لو كنتي مهتمة بيا كنتي علي الأقل غيرتي من ندي لكن انتي لوح تلج معندكيش مشاعر عندك حق أنا من حقي اتجوز إنسانة مش روبوت. زقيته وزعقت
انتوا عايزين مني ايه أنا عملت اللي انتوا عايزينه أنت فاكر إني متجوزاك برضايا فاكر إني ظلماك برضايا لا يا عز بس والله كلام الناس مبيرحمش أنا الضحېة يا عز.
بكيت وكملت
هو انت فاكر إني عندي رفاهية إني أحب واغير وافرح صدقني يا
عز لا الحب من نصيبي ولا الفرح من نصيبي يا أخي ربنا ياخدني عشان كلكم ترتاحوا مني
اڼهارت علي الأرض وأنا ببكي وعقلي بيفتكر كل حاجة حصلت في اليوم ده ازاي حياتي كلها انتهت في لحظة.
دمع عز وقعد جمبي
حاولت ابعده لكن مسكني جامد وقال
أنا آسف أنا آسف أنا كنت ندل معاكي من هنا ورايح مش هسمح لحد يزعلك ولا حتي أنا.
وقعدت أبكي بكيت بطريقة مبكيتهاش قبل كده وعز محاولش يوقفني حتي.
مرت الأيام وعز بقا يعاملني كويس واعترفلي أن ندي مجرد صديقة وهو حب يشوفني وأنا غيرانة عليه عز كتير لمحلي أنه حابب يكمل حياته معايا
وجه اليوم اللي قلب كل حاجة في حياتي.
جات آلاء وقالت أن في واحد جاي يتقدملها وحابين أن أنا وعز نكون معاها. رحت من الصبح عشان اساعد حماتي بس اټصدمت ببرودها اللي أنا عارفة سببه. فقررت اكلمها
مرات عمي انتي لسه زعلانة مني
أيوة يا إيمان أنا زعلانة ومقهورة علي ابني الوحيد.
حطيت وشي في الأرض فقالت بشفقة
أنا والله زعلانة عليكي بسبب اللي حصلك وده مش ذنبك بس كمان أبني ملوش ذنب من حق ابني أن يتجوز
فهمتك يا مرات عمي متقلقيش هي مسألة وقت هضبط أموري عشان أسافر وهطلق أنا وعز.
بعدين سيبتها ومشيت وانا مش بلومها بس برضه قلبي وجعني.
منورين والله يا جماعة
قالها عم حسن وهو مبتسم ابتسم جمال أبو العريس
ده نورك يا أبو عز. اومال فين عروستنا.
جاية دلوقتي.
كنت ماشية ورا آلاء اللي شايلة صينية القهوة وهي حاطة وشها في الأرض فجأة اتجمد مكاني وبسرعة هربت ودخلت اوضتي. قعدت علي السرير وأنا بترعش. دموعي كانت بتنزل لوحدها دخل عز وقال
إيمان مالك!
مردتش عليه.
بكيت وصړخت
قاعد برة
مين ده!
يتبع..
الفصل الأخير
ايه انتي متأكدة يا إيمان.
هزيت راسي وأنا ببكي وبقول
طبعا متأكدة
ملامحه اطبعت في مخي لما شوفته فورا عرفته هو ده يا عز اللي دمر حياتي.
سمعت حد بيشهق. بصيت ولقيت آلاء بتبصلي وپتبكي قربت آلاء وقالت بقلم سولييه نصار
ده حقيقي. متأكدة يا إيمان
هزيت رأسي وأنا ببكي لقيت آلاء طلعت تليفونها.
انتي هتعملي ايه.
قالها عز بحيره بصتله آلاء وقالت
ليا ضابط معرفة هيساعدنا.
هتعملي ايه يا آلاء
بصتلي آلاء وقالت
اللي عمل فيكي كده لازم يتعاقب.
مسك عز أيدي وقال
آلاء كلامها صح ودي فرصتنا عشان ناخد حقك.
عينيا دمعت وقولت
ده حلم حياتي أنه يتعاقب عشان ارتاح. بس الأول نقول لعمي ومرات عمي.. الأمور مش بتتاخد كده
اتكلم عز وقال
إيمان عندها حق. انتي الأول كلمي الضابط ونشوف الإجراءات اللازمة وبعدين اطلعي اقعدي معاهم عادي
بعد شوية جات آلاء وقالتلنا أن لازم نحرر محضر بس الموضوع مش مضمون عشان الچريمة عدا عليها وقت
بصيت لعز پخوف وعينيا دمعت مفيش فايدة.
لا يا إيمان اوعي تضعفي اتمسكي بالأمل مهما كان ضعيف. وأنا معاكي ومش هسيبك وعد.
مسكت آلاء أيدي وقالت.
ولا أنا هسيبك يا إيمان.
أنا
