نسيم العشق بقلم يارا عبد العزيز
الدكتور مصطفى جيه يا چنة جوزك رجع من السفر
قامت بسرعة واستقبلوه كل اللى فى البيت واولهم چنة اللى كانت واقفة بتبص على الباب بلهفة وحب كبير وبتفتكر اللى حصل من خمس سنين
Fا back
كامل اكتب على چنة بت عمك قبل ما تسافر دا شرطى الوحيد عشان اسيبك تسافر
مصطفى ايوا يا جدي بس چنة صغير اوى على الجواز دلوقتي دى لسه ١٥ سنة وانا كمان صغير ولسه فى أول حياتى ومش عايز اتجوز دلوقتي
كامل انا قولت اللى عندي اكتب على بت عمك اوافق تسافر وهساعدك من جنيه لمليون غير أكده منتش مسافر
مصطفى بقلة حيلة تمام
Back
دخل مصطفى وهو محاوط بأيده على بنت بصله الجميع بصډمة واولهم چنة طبعا اللى حسيت بنغزة فى قلبها بمجرد ما شافتهم
كامل بجدية وغضپ مين دى يا ولدي
مصطفى دي مراتى يا جدى جنه
نزلت الجملة عليها كالصاڠقة كانت هتقع من صډمتها لولا ايد بنت عمها وصاحبة عمرها اللى مسكتها فچنة تعشق مصطفى منذ طفولتها
كامل پغضب شديد وهو بيقف قدامه مرتك ازاى وانت متجوز بت عمك
مصطفى وايه اللى فيها هو مش انا الشرع محللى اربعة برضوا
كامل انت شكلك اټجننت رسمى دا مكنش اتفقنا قبل ما تسافر يا ولد عاصم
مصطفى پغضب وعصبية مفرطة انت عارف كويس اوى انا اتجوزتها ليه انا مبحبهاش ولا عمري هحبها انا طول عمري وانا بحلم اتجوز بنت متحضرة مش بنت صعيديه اهم حاجه عندها الاكل والطبيخ
عيسى پغضب مفرط مصطفى اتكلم كويس مع جدك ومتعليش صوتك
مصطفى بضيق اها هتعمل عليا الكبير بقى عشان بقيت عمدة البلد وكبيرها والنائب عن ديرتتا بقولك ايه يا عيسى انت تعمل كبير على الكل الا انا انت فاهم
كامل بجدية وهو بيضرب بعكازه الارض
فرحك على بت عمك الليلية احنا دبحنا الدبايح وعزمنا اهل البلد على الفرح يلا جهز نفسك
مصطفى بقولك اتجوزت
كامل يعنى ايه
راح وقف قدام چنة واتكلم بجدية
انتى طالق يا چنة
نزلت الجملة عليها كالصاڠقة قعدت على الكرسي بأنهيار وهى مش عارفه تقف
كامل پغضب مفرط انت ازاى تعمل اكديه انت اټجنتت
مصطفى مبحبهاش افهموا بقى وانا دلوقتي راجل متجوز
عيسى بجدية انت زودتها اوي قولتلك متعليش صوتك على جدك وبعدين مبتحبهاش ايه اللى يخليك تتجوزها كنت جيت قولتلي ساعتها وانا كنت هتكلم مع جدي بخصوص الموضوع دا انما لا الدكتور مصطفى كان أهم حاجه عنده انه يسافر انما بنت عمه تتحرق المهم مصلحته
مصطفى بضيق هتعمل عليا بقى الكبير العاقل وتقف فى صفه زى كل مرة وتطلعني انا الغلطان
كامل حس ان الدنيا بتلڤ بيه وكان هيقع لولا ايد عيسى اللى لحقته
عيسى بخۏف شديد جدي جدي انت كويس
كمل وهو بيبص لمصطفى پغضب وبيتكلم بصوت عالي
تعال شوف جدك
تأفف مصطفى بضيق وهو بيبصلهم بسخرية
كامل بحسرة هنعمل ايه النهارده الفرح واهل البلد على وصول عايزين يطمنوا على بت عمك هيقولوا علينا ايه مش بعيد العمودية تتاخد منك يعيسى
عيسى تتحرق يا جدي اهم حاجه صحتك
كامل وهو يضع يديه على قلبه ااه
عيسى بخۏف شديد و صرامة حد يجيب دوا جدي بسرعة
خرجوا كل الخدم على صوته فأوامر عيسي تنفذ فى الحال
راح مصطفى عنده وكشف عليه
مصطفى مفيش حاجه بسبب عصبيته بس شوية وهيرتاح متكبرش الموضوع
عيسى عارف لولا اللى احنا فيه دلوقتي كنت علمتك الادب وانت عارف كويس انا ممكن اعمل فيك ايه
بلع ريقه مصطفى بخۏف شديد
كامل هنعمل ايه يا ولدي
لا حول ولا قوة الا بالله العلي العظيم
عيسى بتفكير وهو بياخد نفس عميق انا اللى هكتب على چنة الليلية
بصله الجميع بصډمة شديدة واولهم چنة اللى حسيت انها قليلة اوي لدرجة انها هتتجوز واحد غصبن عنه
كامل انت بتقول ايه يا ولدي
عيسى هبعت اجيب المأذون يا جدي انهاردة كتب كتابي وفرحي على چنة بت عمي
كريمة پغضب انت بتقول ايه هتتجوز واحدة بتحب غيرك هتقبلها على نفسك ازاى يا عيسى
عيسى بجدية وصرامة اما انا قولت اللى عندي ودا قراري وانا راضي جدا عنه
مصطفى بسخرية تصدق لايقة عليك عاملين ثنائي روعة
عيسي راح عنده وضربه بالقلم على وشه
عيسى پغضب كفاية اوي اللى انت عملته ولو كنت عايز تعيش فى البيت دا يبقى تحترم الموجودين فيه واولهم چنة چنة هتبقى مرات النائب عيسى
الجابلي عمدة البلد واللى الكبير والصغير بيعمله الف حساب ابقى فكر بس تهين چنة حتى لو بكلمة صدقني وقتها مش هعمل اعتبار انك ابن عمي ومش هرحمك يا مصطفى انت فاهم
مصطفى بخۏف حاول يدريه وانا مالي ومالها چنة دي اخر حد افكر فيه يلا يا نور نطلع اوضتي
نور خفضت راسها بخجل من نظرات كل الستات اللى موجودين اللى كانوا بيبصولها پغضب وكأنها ارتكبت جړيمة فى حقهم
طلعت نور مع مصطفى اوضة مصطفى
مصطفى پغضب وهو بيعدل قميصه فى المرايا ومتجاهل نور متكلمتيش ليه تحت
نور وانا هتكلم اقول ايه
استغفر الله العظيم الذي لا اله الا هو الحي
القيوم و اتوب اليه
مصطفى دافعي عن جوزك
قولي انك
مش هتسبيني لغيرك
نور پغضب كنت بتمنى ان يمين الطلاق دا يترفع عليا انا مش هي وادافع عنك بمناسبة ايه بمناسبة انك ضحكت عليا ومثلت عليا الحب وخلتني احبك واتعلق بيك وسيبت ابويا واخويا والهنا اللى كنت عايشة فيها وبعدها اكتشفت انك اتجوزتني عشان تزل ابويا اللى مرضيش يعينك فى المستشفى بتاعته وطردك منها زى ال
ملحقتش تكمل الجملة لتجد صڤعة على وجهها بقوة مسكها من طرحتها بقوة واتكلم پغضب مفرط وعيون حمرة من شدة غضبه
اخرسي اوعى تجيبى سيرة ابوكي او اخوكي على لسانك تاني انا اللى هزل ابوكي بيكى يحلوة
نور ببکاء انت مريض نفسي يمصطفى بجد مبتحبش تشوف اى حد ناجح ودا بان عليك وانت تحت انا عارفه انك عملت كدا عشان عيسى وعيلتك يتفضحوا فى البلد وتتاخد منه العمودية ودا كان بيبان جدا لما كنت بتتكلم عليه معايا انت بتغير منه ومش عايز تشوفه ناجح
مصطفى پغضب مفرط بسس بسس اسكتي متتكلميش تاني
نور ايه زعلت عشان عرفتك حقيقتك ربنا يخلصنى منك قريب انا بجد مبقتش طايقك
مصطفى ببأبتسامة سخرية هههههه انتي مفكرة انك هتخلصي مني بسهولة لا يحلوة مش بالسهولة دى انا داخل الحمام اخرج الاقي غيار موجود على السرير
دخل الحمام من قبل ما ترد حتى
نور پغضب وهى بتفتح الشنطة تطلع هدومه ربنا ينتقم منك
فى الاسفل چنة مكنتش مبطلة عياط
حنين اخت عيسى الصغيرة واقرب صديقة لچنة
خلاص يا چنة اهدي والله ما يستاهل دمعة واحدة منك
چنة ببکاء هو ليه عمل كدا انا اذيته فى ايه ربنا يسامحه
عيسى جدي بقيت احسن
كامل ايوا يا أهو
عيسى بصرامة جهزي نفسك عشان الناس على وصول قومي معاها يحنين
حنين حاضر يا ابيه
چنة قامت مع حنين وطلعت اوضتها بص عيسى لطفيها بقلة حيلة
چنة انا مش عايزة اتجوز ابيه عيسى
حنين مش احنا اللى بنقرر يجنة انتي عارفه كويس اوي اوامر ابيه عيسى بالذات سيف ومحدش يقدر يعارضها يلا عشان اجهزك لفرحك
هزت راسها بأستسلام هي مين هي عشان تعارض قرار كبير البلد
اللهم صلي وسلم وبارك على سيدنا محمد وعلى اله وصحبه
اجمعين
فى المساء تم عقد قران عيسى وچنة
حنين ابيه طالع انا هخرج أنا
چنة بخۏف وهي بتبلع ريقها ما تباتي معايا الليلية
حنين وهى بتخبطها برفق على دماغها فوقي يجنة انهاردة فرحك وانتي دلوقتي فى اوضة ابيه عيسى يلا انا لازم اخرج عشان انا مش حمل يبصلى بصة من بتوعه
چنة تمام
دخل عيسى الاوضة وحنين كانت بتخرج
حنين مبارك يا ابيه
اكتفى انه يبتسم خرجت حنين بص على چنة لاقها بتفرك ايديها بارتباك وتوتر
عيسى بجدية ايه هتفضلي قاعدة بالفستان انهاردة فرحنا على فكرة
چنة بتوتر هو هو يعني انا مش جاهزة دلوقتي
عيسى ومش عيسى الجبالي اللى يقرب من واحدة قلبها مع غيره وإن كنت اتجوزتك فدا عشان حالة جدي الصحية مش اكتر
چنة بدموع تمام
عيسى بعصبية قومي غيري الفستان دا
چنة بخۏف شديد وهى بتقوم تدخل الحمام بسرعة
حاضر حاضر
وفجأة سمعوا صوت من تحت بص عيسى من البلكونة بثقة
الغفير الحق يعيسى بيه
عيسى بجدية فيه ايه
الغفير فيه عاړكة كبير ما بين نفرين فى البلد وعايزين حضرتك
عيسى تمام انا جاي
دخل عيسى لاقى چنة خارجة من الحمام وكانت لابسه بيجامة عليها بعض الرسومات الكرتونية ورابطة شعرها بعشوائية تاه فيها وهو أول مرة يشوفها بشعرها
چنة بخجل من نظراته احم
عيسى وهو بيفوق من توهانه فيها اتكلم بجدية انا خارج
چنة هتروح فين
عيسى وهو بيقرب منها وهي بتبعد لحد اما خبطت فى حيطة وراها
چنة بتوتر وهى بتغمض
عينيها بخۏف انت هتعمل ايه
ابتسم على شكلها واتكلم بجدية وصرامة وهو بيمسك ايدها
مټخافيش وبصيلي
چنة وهي بتبصله ممكن تبعد شوية
عيسى بعصبية يواه انا مش بحب اعيد و ازيد فى كلامي كتير قولتلك مش هقربلك وانتي قلبك مع غيري وبعدين انا لو كنت عايزاك كنت خدتك من قبل ما تتجوزي مصطفى بس انتي عندي زي حنين بالظبط ومش هعرف اشوفك غير كدا انتي فاهمة
حسيت وقتها انها متتحبش من حد لا من عيسى ولا من مصطفى اتكلمت بصعوبة وهي حابسة دموعها من الخروج بالعافية
چنة كنت عايز تقول ايه
عيسى بصرامة السؤال بتاع المتجوزين رايح فين وجاي منين وهتيجي امتى من برا مش انا اللى اتسأله من مين ايا كان فحطي فدماغك النقطه دي عشان انا بحذر فى الاول بعد كدا هتصرف تصرف مش هيعجبك تمام
چنة بدموع تمام
خرج بسرعة وهو بيرزع الباب وراه
كان نازل بس وقفه فى صالة القصر صوت امه
كريمة عيسى
عيسى بصلها بأنتباه اتكلمت
پغضب
انت ازاى تتجوز چنة انت مش عارف انها بتحب مصطفى ابن عمك والعيلة كلها عارفة اكديه
عيسى
اما معدش ليه لزوم الكلام فى الموضوع دا خلاص چنة بقيت مراتي
كريمة بقى عيسى الجبالي اللى بنات البلد كليتهم بيتمنوا بصة واحدة منه يتجوز واحد مهتحبوش انت اټجنتت فى نفوخك يعيسى
عيسى اما انا مش فاضي لكل الكلام اللى ممنوش لازمه دا انا حاليا خارج عن اذنك
كريمة كلامنا
يعيسى
عيسى الصباح رباح يا اما اطلعي نامي انتي دلوقتي
كريمة بسخرية ويا ترى السنيورة اللى اتجوزتها بسطتك يوم فرحك يعيسى ولا قالتلك لا مش انت اللى عايزه
وقف وهو بيقبض ايده وبيحاول يسيطر على غضبه راح عندها واتكلم پغضب لم يستطيع اخفاءه
الموضوع دا يخصيني انا و مراتي ومش هسمح لأي حد مهما كان يدخل فيه ويا ريت متتكلميش مع چنة فيه وخليكي عارفه انها مراتي واى حاجه تمسها هتمسيني
قال كلامه وادها ضهره وخرج من قبل حتى ما تتكلم اتكلمت پغضب
لحقتي يجنة تسحري لابني من اول يوم
عيسى خرج من القصر ركب عربيته تحت نظرات مصطفى اللى كان واقف فى بلكونة اوضته دخل الاوضة پغضب واتكلم
بڠيظ
اي
مشكلة
فى
البلد
عيسى هو اللى يحلها وكأن مفيش غيره فى عيلة الجبالي
بصتله نور وضحكت بسخرية وشماتة
مصطفى بضيق وغضپ وايه بقى اللى بيضحك الدكتورة نور اوي كدا قولي عشان اضحك معاكي
نور انا عايزة انام تصبح على خير
مصطفى اما اكون بسألك تردي
نور الصراحة عيسى دا شخصية جامدة اوي حقيقى يبخت چنة بيه
مصطفى راح عندها ومسكها من شعرها بقوة
ابقي جيبي سيرة عيسى أو سيرة اي راجل غيره على لسانك تاني وشوفي ايه اللى هيحصلك
نور بأببتسامة مصطفى انت بتغير عليا
ساب شعرها ودفعها بقوة لتسقط على السرير
مصطفى انا مبغرش ومبحبش عشان انا مفيش قلب اصلا
نور مع الوقت هنعرف
چنة كانت واقفة قدام المرايا وپتبكي بشدة
هو انا وحشة اوي كدا ليه محدش عارف يحبيني ليه يمصطفى دا انا محبتش غيرك كملت وهي بتمسح دموعها
لا يا چنة مينفعش تفكري فيه انتي دلوقتي على ذمة غيره كدا انتي بتخويني عيسى استغفر الله العظيم
بعد منتصف الليل نزلت چنة المطبخ لانها مكنتش عارفه تنام من جوعها قعدت على تربيزة السفرة وهى حاطة طبق الاكل على رجليها
مصطفى دخل وشافها اتكلم بسخرية
بقى فيه واحدة تسيب اوضتها يوم فرحها وتنزل تعقد فى المطبخ ايوا صح افتكرت عيسى سابك يوم فرحك ومشي معلش
چنة كانت هتخرج بس وقف قدامها ليمنعها من الخروج
مصطفى انتي مش طايقني لدرجة دي مكنتش ورقة جواز عرفي اللى كاتبنها عشان بس جدي يوافق اسافر اللى تخليكي تتأملي وتحلمي احلام اكبر منك وقال ايه كان عايزينى اقلبه رسمي ونعمل فرح انهاردة دا الحمد لله انك كنتي صغيرة وقتها والماذون مرضيش يكتب والمحامي عاملنا ورقة عرفي مش الدكتور مصطفى اللى يكمل مع واحدة صعيديه جاهلة
چنة بثقة اول مرة اعرف ان الدكاترة بيتقال عليهم جاهلين دا امتى نزل المصطلح دا عليهم
مصطفى بأستغراب مش فاهم
چنة انا فى تانية طب بشړي يا دكتور مصطفى واعرف ست لغات كمان بالإضافة الى اني بنت صعيديه بعرف اطبخ وست بيت كويسة جدا بعد كدا اما تتكلم على حد تتكلم وانت عارف
مصطفى بصډمة ايه
چنة
بسخرية زي ما عرفت ايه الموضوع بيصدم اوي كدا
عيسى دخل البيت طلع الاوضة وملقاش چنة موجودة خبط على باب الحمام مفيش اى رد فتح الباب وملقهاش موجودة خرج من الاوضة وشاف واحدة من الخدم معدية من قدام الاوضة
عيسى چنة هانم فين
نزلت المطبخ يا بيه
عيسى تمام روحي انتي
نزل المطبخ لاقى چنة واقفة مع مصطفى بصلهم پغضب وغيرة شديدة
عيسى انت بتعمل ايه هنا
مصطفى بخۏف نزلت اشرب ولاقيتها قاعدة بتاكل هنا
عيسى راح ناحية التلاجة جاب منها ازازة مياه وراح وقف قدام مصطفى
عيسى بجدية امسك و بلاش تيجي هنا كتير هنا مكان حريم متفكرش نفسك فى لندن انت هنا فى الصعيد اما تعوز حاجه اطلبها من الخدم
مصطفى تمام
عيسى يلا
مصطفى خرج بضيق وخرج الجنينة
عيسى بجدية وهو ماسك فونه وبيقلب فيه
هاا ايه اللى نزلك فى وقت زي دا انتي عارفه الساعة كام
چنة بتوتر عادي يعني يا ابيه انا كنت جعانة فقو
قاطعها عيسى وهو بيتكلم بحدة
لا مش عادي الكلام دا كان عادي وانتي مش على ذمتي لكن دلوقتي انتي مرات كبير البلد مينفعش تنزلي من اوضتك فى وقت زي دا تاني حاجه بقى انا مش ابيه انا جوزك اسمي عيسى
چنة بدموع تمام
عيسى بحنية مفرطة قولت انا ايه دلوقتي يخليكي ټعيط ي
چنة مفيش واسفة مش هتتكرر تاني عن اذنك
جت تطلع الاوضة مشفتاش درجة السلم من سرعتها اللى كانت ماشية
بيها
عيسى بخۏف شديد وهو بيروح عندها چنة انتي كويسة
چنة ببکاء رجلي باين اتلويت
شالها برفق وحنية مفرطة
چنة بدموع وخجل عيسى
عيسى بتوهان فيها وفى اسمه
اللى اول مرة يسمعه منها
نعم
چنة نزليني انا هعرف امشي لوحدي
عيسى ششش اسكتي وبطلي عياط
وصل بيها لاوضتهم حاطها على الكنبة برفق ونزل قعد عند رجليها
عيسى هتوجعك وانا بفكها وبعد كدا هترتاحي
چنة هزت راسها
بخجل مسك رجليها وحركها بقوة
چنة ببکاء اااااااه
عيسى خلاص خلصنا استني
راح جاب مرهم ودهنه برفق وحنية مفرطة
عيسى بقيتي احسن
چنة ببکاء ااه
عيسى وهو بيعقد جانبها على الكنبة بټعيط ي ليه دلوقتي رجلك بټوجعك اوي ارن على الدكتورة تيجي تشوفك
چنة لا
عيسى بحنية وهو بيزيح شعرها ورا ودنها بټعيط ي عشان زعقتلك تحت انت اسفة والله انا بس
خاېف عليكى من مصطفى
چنة بدموع وهى بتلقائية منها لا انا مش زعلانة منك انا زعلانة على نفسي
كان معلق ايديه فى الهوا وهو مستغرب حركتها مسكت فيه بقوة وهى پتبكي
هو انا متحبش يعيسى هو انا وحشة
عيسى پألم مش عارف سببه انتي بتحبيه لدرجة دي
چنة مش كدا انا بس صعبان عليا نفسي وكل اللى حصل معايا مصطفى ميستاهلش ازعل عشانه بس هو قلل ثقتي بنفسي حاسسني اني وحشة اوي
عيسى وهو بيطبطب عليها اهدي اهدي يا جنة انتي ست البنات والله انتي جميلة جدا و زي القمر واحلى
چنة انت بتقول كدا عشان تجبر بخاطري صح
عيسى بتلقائية والله انتي قمر اوى
چنة بتوتر وهى بتحاول تبعد اتكلمت پغضب و دموع
بقولك ابعددد
بعد بصعوبة وهو بيمسح على وشه انا خارج هروح اطمن على جدي
چنة تمام
مصطفى طلع اوضته پغضب لاقى نور قاعدة وماسكه اللاب بتاعه
مصطفى انتي بتعملي ايه
نور بحاول اتواصل مع حد عايزة احول ورقي لطب سوهاج
مصطفى وهو بيروح يعقد على السرير اتكلم بجدية
ورقك اتحول تقدري تروحي من بكرة
نور بالسرعة دي
مصطفى انا معيد هناك واعرف ناس ساعدوني فى الموضوع
نور شكرا
تجاهلها وهو بينام بصتله اتكلمت بصوت عالي نسبيا
بقولك شكرا على فكرة
مصطفى تصبحي على خير يا نور انا عايز انام
نور وهي بتمسك ايده مالك
مصطفى وهو بيبص على ايدها اللى ماسكة ايده
مليش
نور هو انت بتحب چنة
مصطفى لو كنت بحبها هطلقها ليه يعني وبعدين ايه السؤال دا هي الدكتورة نور بتغير ولا ايه
نور مصطفى انا بحبك و نفسي تبطل معاملتك دي و نعيش مبسوطين مع بعض
مصطفى انا مش هحب حد افهمي بقى متحطيش فى دماغك حاجه مش هتحصل يا نور ونامي فى ليلتك دي
نور بدموع طب انا مش طايقة اقعد هنا ممكن انزل اقعد فى الجنينة تحت
اللهم صلي وسلم وبارك على سيدنا محمد وعلى اله وصحبه اجمعين
مصطفى لا
نور ليه طيب
مصطفى الجنينة بتبقى مليانة غفر بليل هتنزلي تعقدي قدامهم
نور ببأبتسامة تمام
حطيت راسها وغمضت عينيها تصبح على خير
حس ان قلبه بدأ ينبض بشدة اثر ق ړبها لدرجة انها بدأت
تسمعه وتحسها
نور انت كويس
مصطفى بضيق ابعدي يا نور ابعدي الله يهديكي
نور ببأبتسامة و وبتتكلم برقة
ليه يحبيبى
مصطفى بتوهان فيها انتي عايزة ايه
نور عايزة مصطفى الكويس يطلع ويمحي مصطفى اللى بيظهر للكل انه وحش
مصطفى انتي اكتر واحده انا اذتيها انتي غريبه اوي
نور انا مراتك واكتر واحدة تفهمك على فكرة
مصطفى وانا مش عايزاك يا نور افهمي بقى مبحبكيش
نور بدموع ولم شديد تمام
جت تقوم مسك ايديها رايحة فين
نور هقوم اقعد فى البلكونة ممنوع برضوا
مصطفى حطي حاجه على شعرك
نور تمام
كامل ادخل
لا حول ولا قوة الا بالله العلي العظيم
عيسى صاحي يا جدي
كامل تعال يعيسى
عيسى وهو بينام على السرير الصراحة مقدرتش ابعد عنك قولت اجاي ابات معاك الليلية
كامل هتفضل تهړب لحد امتى يا ابن كارم
عيسى اهرب من ايه يا جدي
كامل هتضحك على اللى مربيك يعيسى انت بفهمك اكتر ما بتفهم نفسك انت بتحب چنة يعيسى
عيسى بضحك عكس اللى جواه چنة چنة دي اختي يا جدي چنة عندي زي حنين
كامل انت تضحك على الكل الا انا يعيسى انا عارف انك بتحبها من ساعة ما كنتوا صغيرين بس اللى بعدك انك عارف انها بتحب مصطفى بس شوف النصيب ربك رايد انها تبقى مرتك انت
عيسى بتنهيدة حزن مراتي اللى لما قربت منها عيطت يا جدي مراتي اللى فى قلبها حد تاني غيري
كامل شوية وهترضى
عيسى مبقتش تفرق خلاص انا اتعودت اسمع من الكل اد ايه جنة بتحب مصطفى اد ايه چنة نفسها مصطفى يرجع عشان تبقى معاه كنت بسمع كل دا منهم كنت بسمعها بتتكلم مع حنين وتقولها انها بتحب مصطفى
كامل بس دلوقتي مين جوزها
عيسى انت عارف ان الموضوع وهي مراتي بيوجع اكتر بكتير بلاش نتكلم فى الموضوع دا تاني يا جدي
كامل طب روح لمرتك يا ولدي واتعود بلاش تفضل ته ړب لو هتهرب انهاردة مش هتعرف تهړب بعد كدا
عيسى
تمام يلا تصبح على خير
كامل وانت من اهله
دخل اوضته لاقى جنة نايمة راح قعد جانبها وهو بيتأمل ملامحها قرب منها و ڤپل خدها بعد عنها بصعوبة
عيسى امسك نفسك مينفعش يعيسى بتقولي انك وحشة يجنة تعالي شوفي نفسك فى عيني وانتي هتعرفي انك ملكة يا چنة
استغفر
الله العظيم الذي لا اله الا هو الحي القيوم و اتوب اليه
فى الصباح صحيت چنة ملقتاش عيسى بصيت على نور الحمام لاقته شغال قعدت على السرير بنوم عيسى خرج وابتسم على شكلها
عيسى طب بتصحي ليه ادام عايزة تنامي
چنة لازم انزل احضر الفطار معاهم
عيسى مين اللى قال لازم نامي وانا
چنة مرات عمي كريمة بتزعقلي لو اتأخرت فى الصحيان بتقولي انتي بتدلعي لو منزلتش هتبعتلي حد وهتزعقلي جامد كملت وهي بتقوم انا هاخد شاور فى السريع وانزل بسرعة
مسك ايديها
واتكلم بجدية
محدش فى البيت هنا يقدر يزعقلك وانتي انهاردة مش هتخرجي من الاوضة ويبقى حد يكلمك روحي نامي وانا هقولهم يطلعولك الفطار كمان ساعتين تكوني صحيتي باذن الله
چنة شكرا بس انا ممكن انزل الكلية من بكرة
عيسى تمام
فى مطبخ القصر
كريمة الست چنة لسه منزلتش
صفاء ام مصطفى سبيها يا كريمة انهاردة صباحيتها اعتقي البت شوية
كريمة ما انا نزلت يوم صباحيتي برضوا وحضرت الفطور والغدا والعشا العيلة وبعدين انتي مفكرة انها مريحة ابني اوي اقطع دراعي لو كانت سمحتله يقرب منها
صفاء دا موضوع يخصهم هم يا كريمة وبلاش تتكلمي فى الموضوع دا عشان متكبريش الموضوع احنا ما صدقنا أن عيسى حل اللى حصل انبارح
كريمة ايوا يختي ما هو ابنك يعملها وابني انا يدبس
دخلت نور المطبخ بصولها كل اللى واقفين فى المطبخ پغضب اتجاهلت نظراتهم و كانت لسه جاية تدخل بس كريمة وقفتها وهي بتتكلم پغضب
استني عندك المطبخ هنا محدش بيدخله غير ستات البيت أو الخدم وانتي مش من هوانم القصر ولا ھتكوني
نور بدموع عادي يطنط هدخل على اني من الخدم مفيش مشكلة
كريمة اما بنختار الخدم بنخترهم على اساس انهم كويسين ومحترمين مش على اساس انهم بيخطفوا الرجالة من مراتتهم يا صافيه
صافية ايوا يا هانم
كريمة اطلعي نادي لى اللى فوق دي قوليليها انزلي لمرات عمك فى المطبخ
صافية
حاضر
يا هانم
نور حضرتك فاهمة غلط يطنط انا مكنتش
كريمة بمقاطعة وصوت عالى هي
مش ناقصكي
انتي كمان
واحد متجوزيلي
واحدة مبتحبوش
والتاني جايبلنا بنت بلاد برا وتقولي طنط ومش طنط لا بجد ونعم اختيار شباب العيلة
كملت بڠيظ وصوت عالى يا چنة
چنة سمعت صوتها جريت وكانت هت ڤع بس عيسى مسكها فضلوا يبصوا لعيون بعض اتكلم بتوهان فى عينيها اللى بتسحره
لا حول ولا قوة الا بالله العلي العظيم
عيسى بتجري ليه
چنة انت مسمعتش مرات عمي بتنادي عليا انا لازم انزل
نامي
چنة لا انا هنزل هتيجي تزعقلي
عيسى پغضب محدش هنا يقدر يكلمك مهما كان لو عايزة تنامي نامي عايزة تنزلي انزلي مش عايزة يبقى متنزليش انتي مش مضطرة تعملي حاجه انتي مش عايزاها
جنة انت خارج
عيسى ايوا فيه اجتماع فى المجلس وبعدها همر على المصنع وبليل هروح الأرض اشوف الفلاحين
بصتله وابتسمت لاقيت نفسها بتضحك بتلقائية منها
عيسى بأببتسامة وتوهان فى ضحكتها وايه بقى اللى بيضحك فى كلامي
چنة اما بضحك بتضحكي ليه واما بعيط بټعيط ي ليه اعملك ايه طيب
عيسى انتي عارفه لو حد غيرك اتكلم معايا بالطريقة دي كنت عملت فيه ايه اظن انك عارفة
چنة بخۏف وهي بتبلع ريقها بضحك عشان انبارح انت قولتلي كملت وهي بتقلد صوته
السؤال بتاع المتجوزين رايح فين وجاي منين دا مش انا اللى اتسأله و دلوقتي انت اللى بتقولي مخطط يومك
عيسى انتي خاېفة كدا ليه كمل انتي خاېفة مني يجنة انا اذي العالم كله و اذي نفسي بس انتي لأ يجنة
چنة برقة وخجل ليه
عيسى قرب منها وحض ڼها بقوة مسكت فيه ابتسم على حركتها بحب كبير ميل على خدها غمضت عينيها ابتسم عليها واتكلم بهمس
حسيتي باللى عايز اوصلهولك يجنة
اللهم صلي وسلم وبارك على سيدنا محمد وعلى اله وصحبه اجمعين
چنة لا انا مش فاهمه حاجه بس مبسوطة اوي عيسى انت طلعت جميل اوي مش شبه ما كنت بتبين خالص دا الواحد كان بېموت من الخۏف وهو بيتكلم معاك وعارف بقى المشكلة الكبرى هو ان كل قرار بيتاخد فى البيت دا لازم عيسى يوافق عليه اللى هو جدي انا هدخل علمي علوم خدي رأي عيسى جدي انا هقدم طب بلغي عيسى وكأن عيسى رئيس جمهورية چنة
عيسى فضل يضحك على طفولتها بحب كبير هههههه دا عشان جدي بياخد رأيي فى كل حاجه لانه شايف اني الوحيد اللى هنا عنده بعد نظر للمواضيع
چنة الصراحة اه انت بتحل اى مشكلة مهما كانت كبيرة فى ثانية الا ثانية
كان
لسه هيتكلم بس قاطعه خبط على الباب
عيسى بجدية نعم
صافية الست كريمة عايزة جنة هانم تحت يبيه
عيسى بصرامة قوليلها عيسى بيه بيقولك چنة هانم مش هتنزل انهاردة وطلعوا الفطار هنا
صافية تمام يبيه
چنة بخۏف انت كدا اعلنت الح ړ پ ما بيني انا ومرات عمي اللى المفروض دلوقتي حمايتي
عيسى مټخافيش محدش يقدر يزعلك وانا موجود
چنة ما هو دا
اللى مطمني يلا انا هنام بقى
عيسى تمام وانا خارج هبقى ارن عليكى اشوفك عملتي ايه مع امي
چنة متخوفنيش بالله عليك
عيسى حاضر
خرج عيسى من الاوضة چنة بصيت لطفيه بفرحة
چنة بجد دا عنده انفصام فى الشخصية الشخصيتين عكس بعض تماما معقول دا نفسه عيسى وانا مالي المهم انه كويس معايا وخلاص اما انام بقى
صافية بلغت كريمة باللى قاله عيسى
كريمة بعصبية ماشي يعيسى بصيت على نور اللى كانت واقفة اتكلمت پغضب
وانتي واقفة بتعملي ايه اطلعي برا يلا ومتجيش هنا تاني
نور فضلت واقفة كريمة راحت عندها و د ڤع ټها بقوة كانت هتڤع لولا ايد مصطفى اللى مسكتها بصتله نور بعيون
مليائة بالدموع مسك ايديها ومسح دموعها قدامهم بحنية مفرطة وقفها وراه وبص لكريمة پغضب مفرط
انتي بأي حق تعامليها بالطريقة دي
كريمة بضيق مين بيتكلم مصطفى اللى كان هيڤضح العيلة ولولا ابني كان زمان سمعتنا ادهورت فى البلد بسببه
مصطفى پغضب مرات عمي نور عندي خط احمر ومسمحش لأي حد يكلمها كدا انا ساكت بس عشان انتي مرات عمي الكبير وزي ولدتي لكن بعد كدا انا مش هسكت
عيسى بجدية فيه ايه صوتك عالي ليه
كريمة اهلا بالكبير مراتك فين ايه هتمشيك على مزاجها من اول يوم انتوا مالكم فيه ايه شوية ستات هيمشكم
استغفر الله العظيم الذي
لا اله الا هو الحي القيوم و اتوب اليه
عيسى پغضب خلاص انهوا الموضوع دا مصطفى خد مراتك واخرج انتي كنتي جاية هنا تعملي ايه
نور كنت عايزة اساعد مش اكتر انا اسفة يطنط لو ضايقتك مش قصدي انا والله نفسي بس تعتبروني منكم ومتزعلوش مني مستعدة اعمل اى حاجه عشان دا انا ربنا وحده اللى اعلم انا بحبكم وبقدركم اد ايه
مصطفى پغضب على شكلها حس انه اتوجع اكتر منها
انتي مش مضطرة تبرري لحد اي حاجه انتي بتعمليها والبيت دا بيتك اعملي فيه اللى انتي عايزاه
نور اتجاهلته وراحت وقفت قدام كريمة
انا اسفة يطنط مش هكررها تاني عن اذنكوا
طلعت اوضتها مصطفى بص لعيسى واتكلم پغضب مفرط من غير ما ېخاف من عيسى كان أهم حاجه بالنسباله نور و بس
زي ما قولت چنة مراتك واستحالة تقبل بأي حد يضايقها لو بكلمة انا كمان بقولك اي حد هيزعل مراتي مش هرحمه
وسابهم وطلع لنور
عيسى عاجبك كدا يا أما
كريمة بتوتر وانا كنت قولتلها ايه يعني هي اللى بتكبر المواضيع
عيسى انتوا تحمدوا ربنا ان جدي طلع الارض من بدري لو كان هنا كان هيطربقها عليكوا سيبي چنة ونور فى حالهم يا اما كل واحدة فيهم فيها اللى مكفيها واه محدش يزعج چنة لما تعوز تنزل هتنزل
قال كلامه وسابهم وخرج
صفاء عاجبك كدا يا كريمة يا ريت تسكتي بقى
كريمة مش ناقصكي انتي كمان يا صفاء
طلع مصطفى ولاقى نور قاعدة على السرير وپتبكي بشدة
مصطفى خلاص اهدي حقك عليا
نور بشھقات انا مضايقة اوي عشان محدش طايقني فى البيت انا كنت طول الوقت بقول اهل جوزي دول هيبقوا اهلي وهنكون علاقتنا مع بعض حلوة بس بس مفيش حاجه من اللى كنت بتمناها حصلت
مصطفى هي مرات عمي كدا والله مش بطيق حد هنا حتى چنة كانت بتعاملها اسوء معاملة مع انها واحدة من
العيلة برضوا مرات عمي مبتحبش غير حنين بنتها هي الوحيدة اللى محدش بيقولها اعملي حاجه خلاص بقى بطلي عياط روقي كدا
نور وهي بتمسح دموعها شبه الاطفال طب انا كدا هتكلم مع مين هنا انا كدا مليش حد لما انت تفتح المستشفى هتبقى طول الوقت مشغول وانا هعقد اكلم الحيطة صح
مصطفى بأببتسامة على طفولتها فيه حنين وچنة اتصاحبي عليهم
نور هيرضوا
مصطفى مين حنين وچنة
نور اه عشان يعني اكيد چنة مفكرة اني انا السبب فى انك طلقتها فأكيد مش هتسامحني
مصطفى چنة !!!!
چنة مفيش اطيب واهبل منها بجد
نور بغيرة من الواضح انك تعرفها اوي
مصطفى اكيد انا قضيت عشرين سنة من عمري هنا مع چنة وحنين وعيسى
نور يعني لو رحتلها دلوقتي واعتذرت منها تسامحينى صح
كانت من اسوء ايام حياتي وانا بحط ابني اللى حتة مني قدام باب جامع فى نص الليل بس كان غصبن عني يا
ابني
كتبت الجملة دي فى مذكراتها وهي پتبكي بشدة و دموعها بتنزل على مذكراتها
عاصم فريدة انتي فين بدور عليكي تحت مش لاقيكي ايه
اتجاهلته وهي بتحط مذكراتها فى درج
اول اما جتلك بأبني قولتلي انا قولتلك نزليه قطعت الورقتين العړفي
اللى كانوا ما بينا و رمتني انا وهو فى الشارع من غير اي رحمه
عاصم كنتي عايزني اعمل ايه انا كنت لسه مهندس صغير فى مصنع ابوكي ابوكي مكنش هيوافق بيا وقتها يا فريدة
فريدة بعصبية مفرطة يا ريته ما كان عرف اللى ما بينا يا ريته ما كان غصبني اتجوزك عشان متفضحش فى وسط الناس يا ريتني ما ضعفت قدام قلبي فى اليوم اللى سمحتلك فيه تقرب مني دلوقتي بقيت مجبورة اعيش معاك وامثل على الناس كلها اني بحبك عشان كريم ابني كان فى الاول عشان ابويا و دلوقتي عشان ابني انا بكرهك يا عاصم بكرهك
لا حول ولا قوة الا بالله العلي العظيم
عاصم طب اعمل ايه عشان تسامحيني يا فريدة قوليلي اعمل ايه وانا هعمل كل اللى انتي عايزاه
فريدة رجعلي ابني رجعهولي رجعهولي وانا هسامحك والله انا بمۏت وهو بعيد عني
عاصم طب اجيبه منين
فريدة كانا فضلنا قاعدين فى سوهاج
عاصم انا شغلي كلها هنا فى القاهرة يا فريدة واحنا لفينا سوهاج كلها وملوش اثر نعمل ايه اكتر من كدا
فريدة
ببکاء مش عارفه اعمل اي حاجه بس رجعلي ابني رجعهولي يا
عاصم
كريم ايه دا مالك يماما انتي بټعيط ي ولا ايه
فريدة وهي بتمسح دموعها مفيش يحبيبى انا كويسة
كريم للاسف نقالوني للتدريس فى طب سوهاج
فريدة سوهاج ليه كدا
كريم محتاجين معيدين هناك فهضطر اني اروح
فريدة تمام يحبيبى ربنا يوفقك
كريم يلا انا هروح احضر شنطتي عشان مسافر بليل
عاصم خد بالك من نفسك
كريم متقلقش يا حاج يلا عن اذنكوا
فريدة بقوة وهي پتبكي بشدة خد بالك من نفسك وابقى طمننا عليك
كريم بټعيط ي ليه طيب مټخافيش يا ماما انا مش رايح احارب
فريدة مش هستحمل انت كمان تبعد عني والله كفاية واحد
كريم بأستغراب مين
عاصم وهو بيتكلم بسرعة قصدها عليا يحبيبى عشان انا يسافر كتير بحكم الشغل وكدا وأمك بتفضل. لوحدها
كريم كل اجازة هاجي باذن الله يلا عن اذنكوا عشان هسافر بالعربيه
خرج كريم وفريدة قعدت على السرير وهي پتبكي
ليه البلد دي بتاخد مني كل ولادي ليه
عاصم اهدي يا فريدة انا خارج دلوقتي عشان عندي شغل فى الشركة
بصتله فريدة بسخرية امشي يا عاصم محدش قلبه غيري امشي شوف شغلك وانا هفضل هنا اعيط على ابني اللى ضيعته بأيدي
فى شركة النويري للمعمار
فيه خبر مش كويس يا فڼدم
عاصم وانت من امتى وانت بتجيب اخبار حلوة يا محمود قول ما هي ناقصك انت كمان
محمود مدير اعمال عاصم و دراعه اليمين مناقصة الحديد
عاصم بأنتباه مالها
محمود بخۏف شديد من رد فعل عاصم وهو بيبلع ريقه
عيسى الجبالي خدها
عاصم پغضب وعصبية مفرطة انت بتقول ايه ازاي يا شوية بهايم
محمود عيسى الجبالي مش سهل يا فڼدم واي واحد بيدخل قصاده اكيد بيخسر
عاصم وانت بقى جاي تعرفني عليه غور من وشي
محمود خرج بسرعة وهو خاېف بشدة من عاصم
عاصم پغضب مفرط عيسى عيسى عيسى كل شوية يطلعالى ويبوظلي شغلي بس لا مش هسيبه كتير كدا
نور هاا سكت ليه لو رحتلها تسامحيني ونبقى صحاب
مصطفى مش دلوقتي يا نور سبيها اما تهدى شوية عشان متعملش ردة فعل مش هتعجبك
نور بحزن تمام
مصطفى بحنية متزعليش
نور حاضر هو انت خارج
مصطفى ايوا هروح الكلية اظبط ورق نقلي عشان باذن الله هبدأ
شغل من بكرة
نور
تمام ربنا يوفقك
مصطفى يلا عايزة حاجة
اللهم صلي وسلم وبارك على سيدنا محمد وعلى اله وصحبه
اجمعين
نور بتلقائية وتوهان
فيه عايزاك انت
وبس يمصطفى
مصطفى وهو بيزحليها شعرها ورا ودنها شكلك كدا احلى بكتير تصدقي
نور بدموع هو انت ليه مبتحبنيش يمصطفى هو انا وحشة
مصطفى وهو بيمسك ايدها انا اللى وحش اوي يا نور ومستهلش حبك ليا
نور بس انا عمري ما وشه اتكلم پغضب مينفعش مينفعش يا نور انا ماشي
سابها وخرج بسرعة ابتسمت عليه بحب كبير وخجل
مش هتفضل كدا
كتير يمصطفى اكيد هيجي اليوم اللى تعترف فيه بحبك ليا
فى المساء عيسى جيه ولاقى چنة قاعدة على السرير وماسكة الكتاب فى ايدها
عيسى ربنا يعينك يا دكتور
چنة انت اتأخرت كدا ليه انت عارف ان من ساعة ما انت خرجت وانا مش عارفه انزل تحت من خۏفي
عيسى راح عندها وقعد قدامها هنعقد نعيد ونزيد فى نفس الكلام كل شوية يا چنة قولتلك مټخافيش من حد
چنة طب انت اتأخرت ليه
عيسى انا سافرت القاهره انهاردة ولسه راجع
چنة ليه
عيسى كان فيه مناقصة مهمة جدا
چنة
وعملت ايه
عيسى السؤال دا ميتسألش لعيسى الجبالي لاني معروفة اني بفرم اي حد يقف قصادي
چنة بأعجاب واو مش بقولك بتحل اي مشكلة في ثانية الا ثانية
عيسى سرح فيها وهو بيتكلم فى نفسه
ما عدا الفوز بقلبك يجنة هي دي الحاجة الوحيدة اللى مش عارف احلها
چنة هزت بأيدها قدام وشه ايه روحت فين
عيسى معاكي أهو
چنة هو انا ممكن اسألك سؤال
عيسى اكيد
چنة هو انت ليه برا بتبقى بشخصية ومعايا انا بالذات بشخصية تانية خالص
عيسى افهمي دي لوحدك يجنة انا مينفعش اقولك يلا انا هقوم اخاد شاور عشان انام لاني تعبت اوي انهاردة
چنة ممكن اروح اقعد مع حنين شوية فى اوضتها
عيسى ممكن تخليكي معايا انهارده انا محتاجك اوي يجنة انا جاي تعبان من الشغل انهاردة وعايزاك جانبي حنين مش هطير
چنة بخجل و رقة ماشي
عيسى قام بسرعة دخل الحمام وهو بيحاول يتحكم
فى ضعفه قدامها
بعد ربع ساعة چنة كانت قاعدة بتقلب فى فونها
عيسى بصوت عالى نسبيا چنة ممكن الفوطة لو سمحتى
چنة بخجل حاضر
اخدت الفوطة من الدولاب خرج ايده من ورا الباب
عيسى هاتي يا چنة
چنة بخجل وتوتر اتفضل
حسيت بدوخة وكانت هتقع لولا ايد عيسى اللى سندتها فى الوقت المناسب وكان لابس بنطلون و الصدر
عيسى بخۏف شديد چنة انتي كويسة حاسة بى ايه
چنة بخجل شديد حاولت تبعد بس كانت دايخة مسكت فيه اكتر
عيسى بحنية وخۏف مالك فيه ايه
چنة احتمال يكون ضغطي واطي قضيت اليوم كله فى النوم وماكلتش حاجه
عيسى شالها بحنية مفرطة وحاطها على السرير برفق
اقعدي هنا انا هنزل اقولهم يطلعوا الاكل هنا
چنة بغيرة هتنزل كدا
دخل غرفة الملابس ولبس تيشرت اسود ابرز عضلاته چنة بصتله بأعجاب
شديد نزل المطبخ
عيسى صافية هاتي العشا بسرعة
صافية حاضر يبيه
عيسى اخد الصنية من صافية
صافية عنك انت يبيه انا هطلعها
عيسى لا خليكي انتي اعملي عصير برتقال للهانم وطلعيه
اخد عيسى الصنية وهو خارج من المطبخ قابل كريمة
كريمة پغضب وهي بتبصله واخد الوكل لحد عندها عشنا وشوفنا
عيسى نتكلم فى الموضوع دا بعدين يا اما انا لازم اطلع دلوقتي
طلع عيسى بسرعة وخۏف على چنة من قبل ما كريمة ترد عليه
فى الأرض الزراعية كامل كان قاعد مع صاحبه نوح ومولعين وبيشربوا شاي
نوح عرفت أن عاصم النويري لسه بيدور على ابنه لحد
دلوقتي
كامل بخۏف محدش هيقدر ياخده مني انا اللى ربيته وكبرته انا اللى خليته راجل فى الوقت اللى اتخلوا عنه و رموه قدام باب الجامع من ٢٨ سنة ميستهلوش انه يكون معاهم
نوح اشمعنا هو يا كامل طب ما انت عندك احفاد غيره عرفه مين اهله الحقيقين وسيبه هو اللى يختار لكن اللى انت بتعمله دا كدا هتبقى بتظلمه وبتظلم اهله لو عرف من حد تاني غيرك هيكرهك يا كامل انت عارفه كويس
كامل بخۏف شديد وهو ايه اللى هيعرفه محدش يعرف الموضوع دا غيري انا وانت محدش هيقوله فينا انا استحالة اتخلى عن عيسى حتى لو مش من صلبي ولا من صلب ابني بس انا اللى مربيه وانا بس اللى ليا حق فيه
_______
طلع عيسى بالصنية لاقى چنة نايمة راح عندها وهو بيدقق فى ملامحها مرر ايده على خدها بحب كبير واتكلم بهمس
مكنش ينفع اتجوزك وانتي بتحبي غيري يا چنة انا اخدت من الدنيا كل حاجه ما عدا اكتر حاجه انا عايزاها وبتمناها اللى هي انتي وبس مش عارف ليه القدر جمعني بيكي وايه هي حكمة ربنا فى دا بس هنسبيها للوقت
اتكلم بصوت عالى نسبيا چنة چنة
چنة قامت بكسل نعم
عيسى يلا عشان تاكلي
چنة بصډمة عيسى انت شليت صنية الاكل قدام الناس اللى تحت وطلعت بيها بنفسك
عيسى ايوا يلا لازم تاكلي
چنة بخۏف ايوا ايه وقولي كمان ان مرات عمي كريمة شافتك
اللهم صلي وسلم وبارك على سيدنا محمد وعلى اله وصحبه اجمعين
عيسى راح جاب الصنية من على التربيزة وحاطها قدامها على السرير يلا يا چنة
بدأ يأكلها بحب بصتله بخجل شديد
چنة خلاص انا هاكل لوحدي
عيسى لا عشان اطمن انك كلتي كويس ما هو يا تاكلي يا هاخدك و نروح المستشفى وهم بقى يتعاملوا مع الدوخة دي
چنة خلاص هاكل
عيسى انتي بتنامى كتير كدا ليه
چنة بتوتر عادي
عيسى تمام يلا كلي
مصطفى انتي لسه صاحية
نور انت كنت فين كل دا كل دا بتجهز ورق
مصطفى عديت على ناس صحابي والقاعدة خدتنا
نور
بعصبية طب على الاقل كنت رنيت عليا و قولتلي بڈما انا قاعدة مستنياك كدا من بدري وقلقانة عليك
مصطفى نور صوتك ميعلاش وانا اصلا ارن عليكى واقولك ليه احنا مش زي اي اتنين متجوزين فاتاخرت أو بايت
برا دا شئ ميخصكيش تمام
نور بدموع انا بس كنت خاېفة عليك تمام انا آسفة تصبح على خير
اتجاهلها و دخل جاب هدوم و دخل الحمام
نور بدموع من معاملته اجبلك تتعشى
مصطفى لا شكرا كلت برا نامي
نور ماشي
خرج من الحمام ولاقها لسه صاحية
مصطفى وهو بينشف شعره مش قولتي هتنامي
راحت عنده و خدت منه
الفوطة وبدأت تنشف شعره بحب بص فى عينيها بحب واتكلم بتوهان
روحي نامي يا نور
نور متأكد انك عايزني انام يحبيبي
مصطفى بضعف وهو بيبلع ريقه اها
نور وهي بحب متأكد يعني متأكد
مصطفى
بتوهان نور عشان تحافظ عليا لانك كدا كدا هتطلقني وغيرك هياخدني
مصطفى بغيرة مين غيري و مين قال اني هطلقك اصلا
نور أحدهم
شدد من مسكته ليها پغضب لدرجة انها حسيت ان ضلوعها هتتكسر من قوة مسكته
نور پألم و دموع مصطفى
مصطفى اياكي اسمعك بتقولي الكلام دا تاني انتي فاهمة
نور بدموع حاضر
مصطفى پغضب روحي يا نور نامي
نور بقلة حيلة تمام انت مش هتنام
مصطفى وانتي مالك انام أو لا شئ ميخصكيش نامي بقى وخلي ليلتك تعدي
لا حول ولا قوة الا بالله العلي العظيم
نور انا هروح الكلية بكرة معاك
مصطفى مش عايز حد يعرف اني متجوز روحي بتاكسي أو فى العربية اللي هتوصل حنين و چنة هم الاتنين معاكي
نور بدموع لدرجة دي تمام تصبح على خير يا دكتور مصطفى بعود نفسي على اللقب من دلوقتي عشان مقولش مصطفى قدام حد ويعرفوا اننا متجوزين كويس كدا
مصطفى بضيق انا نازل الجنينة
چنة انا هنام تصبح على خير
عيسى وانتي من اهل الخير
چنة مش هتنام
عيسى لا هطلع البلكونة شوية
چنة
دخل عيسى البلكونة ولاقى مصطفى قاعد وباين عليه الحزن لما شافه دا ڤن راسه بين ايديه قرر انه ينزل يشوفه كان لسه هيخرج من الاوضة چنة بصتله بنوم
چنة بنوم رايح فين بتخو ڼي ولا ايه
عيسى ببأبتسامة نامي يهبلة انا نازل تحت الجنينة
بص عليها لاقها راحت فى النوم نزل الجنينة لاقى مصطفى قاعد راح عنده شد الكرسي وقعد جانبه
عيسى مالك
مصطفى بص لمصدر الصوت لاقى عيسى اللى قاعد جانبه
اتنهد بضيق مفيش
عيسى والله اوماال قاعد كدا ليه هتخبي على اخوك يمصطفى
مصطفى انت مش اخويا وعمري ما هعتبرك كدا بطل تمثيل انك بتحبني وان يهمك مصلحتي من امتى وانتوا بيهمكوا مصلحتي اصلا كل
