روايه للكاتبه هنا سامح
أنا مش صغير ومش هابعد عنكوا أنا هاجي كل يوم.
ارجع البيت يا إمام.
أنا أسف بس مش هاقدر أنا عارف إن حضرتك بتحبيني بس صدقيني مش هاقدر.
ومش هتقدر ليه! ما انت معانا طول عمرك إيه اللي غيرك انت ابني.
زفر بإستياء من كلمة ابني مش ابنك أنا واحد من الشارع و ..
ما تكملش أرجوك انت كنت بتعتبرني أمك ليه تزعلني منك.
انت ما زلت والله بس بصي أنا وقوت وفي مكان واحد ما ينفعش.
أنا اللي مربياك وانت استحالة ټأذي قوت دي بتبعتبرك أخوها في أخ يأذي أخته
لأ مافيش أخ بيأذي أخته بس من فضلك سيبيني على راحتي.
على راحتك يا إمام.
قفل وكشر بزعل بتقولي أخوها أنا تعبت مش عارف هافضل في العڈاب ده لحد إمتى.
مش بتاكلي ليه يا قوت
بصتله ببرود وقولت باكل يا إمام شكرا كل انت.
بادلها النظرات باكل أهو مش بلعب بالأكل زيك.
ماشي.
حس بضيق هو كان عايز يحصل بينهم كلام بس هي رافضة جه
كام مرة وهي كل مرة مش بتستقبله.
قوت قامت وهو قام وراها وقال
ينفع نتكلم
نتكلم نتكلم ليه هو فيه ما بينا كلام
قوت أرجوك بطلي طريقة الكلام بتاعتك دي!
ربعت إيديها
ما هو من حقي أفهم برضو مش انت اللي قولت ما ينفعش نتكلم
ونعيش وماعرفش إيه شوية كلام فاضي كده.
كلام فاضي أنا بقول كلام فاضي
أيوة انت
تمام يا قوت شكرا.
قال كده ومشي على طول.
هو أنا زودتها
سالي صديقتها وهي بتاكل الشيبسي جدا ما كانش ينفع اللي عملتيه ده.
أنا كنت زعلانة منه أوي يا سالي.
ما هو كان جاي يصالحك يا هبلة.
هو مش ناوي يقولها يعني ولا إيه!
بغباء قالت يقول إيه
نفخت قوت بضيق بحبك مش ناوي يقولها
سكتت وبعدين قالت بصوت باكي سالي! أكيد ما قالهاش علشان مش بيحبني! سالي إمام لو مش بيحبني أنا ممكن أموت.
يا ستي ما تقوليش كده
تعابير وشها اتغيرت للجدية وكملت بصي انت من كلامك عنه ف أنا فهمت إنه شخصية حساسة نوعا ما يعني هو ممكن موضوع إنكوا مربيينوا يعني مسببله أزمة يعني على ما يكون نفسه مش عايز يعلقك بحاجة أو مش واثق مثلا إنك ممكن توافقي أو طنط يسرا توافق برضو ف مش هيجازف بعلاقته معاكوا ويطلب طلب زي ده وممكن ترفضوا ف كل شيء ينتهي أيوة أكيد ده تفكيره ما هو برضو مافيش أسباب غير كده.
سقفت بحزن معاك حق يا سالي بس احنا هنرفض ليه يعني وكلنا بنحبه!
هزت كتفها ده تفكيره بقى.
قررت أتصل بيه وأصالحه وأحاول أفهم حاجة من كلامه.
ألو.
ألو.
كشرت بضيق وقالت إزيك!
الحمد لله.
انت بتتكلم كده ليه
نفخ بتكلم إزاي ما أنا حلو أهو.
زعقت لا مش حلو.
صوته علي
مش عارفة جيبت الكلام ده منين بس قولت أنا هاتخطب كنت بتصل أعزمك على الخطوبة.
إيه!
بلعت ريقي وقولت بهمس هاستناك سلام.
قفلت معاه وحطيت إيدي على وشي يا نهار أبيض يا نهار أبيض أنا هببت إيه!
اتصلت بسالي بسرعة سالي الحقيني!
هي فين.
يسرا كانت قاعدة وبتتفرج على حاجة في الموبايل اتخضت من إمام وقالت هي مين وبتزعق كده ليه!
بنتك فين يا طنط قوت فين
قوت! قوت في النادي مع سالي حاجة حصلت ولا إيه
بصلها بزعل وقال لأ مافيش أنا ماشي دلوقت.
طب تعالى اقعد.
مرة تانية.
ركب عربيته وراح للنادي شاف قوت قاعدة مع واحد زميلها وبيضحكوا.
بتعملوا إيه! قومي معايا.
فيه إيه وسع إيدك عني.
سليم زميلها وقف وقال في حاجة يا إمام بتكلمها كده ليه
زعق ووشه احمر وانت مال أهلك ابعد من وشي.
قوت شهقت پصدمة إمام! إزاي تتكلم معاه كده!
انت تسكت خالص
لينا كلام مع بعض وانت ..
شاور على سليم وقال
مالكش دعوة بقوت نهائي تنساها.
سليم اتعصب وقرب منه ضربه بالبوكس انت اللي تبعد عنها.
إمام وقع على الارض وقوت جريت عليه إمام قوم انت كويس وانت يا سليم امشي دلوقت.
لأ يمشي إيه وهو أنا هاسيبه.
مسكه من قميصه وردله الضړبة ومن هنا
إمام! إمام فوق يا سليم انت عملت إيه!
....
انت كويس
كان نايم على كرسي العربية الخلفي وقوت جنبه بصاله بقلق.
رد باقتضاب كويس.
مسكت إيده ليه عملت كده أنا كنت خاېفة عليك أوي.
امشي من هنا محتاج إني أبقى لوحدي.
لأ مش هاسيبك مش كل مرة تبعد وترجع أنا تعبت.
لف وشه بعيد عنها وانت هتفرق معاك في إيه وجودي زي عدمه.
قال بصوت أقرب للبكاء انت بتقول إيه انت مش عارف قيمتك عندي.
بسخرية شديدة لأ إزاي أكيد عارف أخوك.
زقيت إيده وعيطت لا مش أخويا لا كنت ولا هتكون أخويا.
أمال أنا كنت إيه
انت حبيبي يا غبي.
ابتسم بعدم تصديق حبيبك!
وقفت بعيد وقعدت ټعيط ف راحلها وقال
حبيبك! وده من إمتى
...
وقف قدامها وقال بتصميم من إمتى يا قوت
من زمان بس مش أوي يعني وبعدين بتسأل ليه
قلدت طريقته وانا هافرق معاك في إيه ولا حاجة.
لأ ده انت تفرقي كتير وكتير أوي كمان.
بمعنى
بمعنى إني بحبك وعايز أكمل حياتي الجاية كلها معاك.
طب يلا.
يلا إيه
ضحكت هنروح عند ماما ونقولها كل حاجة.
كان ما زال قلقان من رد فعل يسرا ف نطق بقلق
كل حاجة كل حاجة
أيوة وماتخافش ماما مش هترفض دي بتعتبرك ابن...
قاطعها بسرعة بس! بس بس بلاش الكلمة دي جابتلي عقدة!
خلاص خلاص.
بصلها
ضحكت أكيد يا مولاي أقصد يا أخوي.
........
Hana_Sameh
Enjoy.
