حطيت كاميرا في اوضة نومي لقيت جوزي داخل ومعاه بقلم رحاب القاضي

اخد الفلوس واتكل على الله امشي من هنا
في الوقت ده خرج نعيم من جوه وقال
_اسكت مش ما فيش فلوس تاني خلاص انا زهقت من بنتك خدها معاك وانت ماشي يلا
ايه الكلام الفارغ اللي انت بتقوله ده هو الموضوع بالنسبه ليك كان تسليه وبس كلام ايه ده با حج نعيم وانا مجوزك بنتي عشان تتسلي بيها شوين وترميهالي تاني
_انا مش عايز رغي كتير انا رايح اخطب واحده تانيه وارجع ما لقاكش ولا انت ولا بنتك هنا مفهوم يا جدع انت ولا لا
_قال كلامه وبعدها سابهم ودخل الاوضه دخلت وراه وفاء وقالت بدموع
ابوس ايدك يا حج نعيم انا عشت خدامه تحت رجلك بالله عليك ما تسيبني امشي معاه خليه يمشي وانا همشي ومش هتشوف وشي ثاني بس بلاش ارجع معاه هو مش ابويا بس انا الشارع بالنسبالي احسن مليون الف مره من العيشه مع ابويا
معقوله الكلام اللي انتي بتقولي عليه ده مش عايزه ترجعي بيت ابوك تاني ده انا قولت ان انتي زهقانه من القاعده معايا هنا وما هتصدقي
بصراحه انا متضايقه ان انا متجوزه واحد اكبر مني بكتير بس في نفس الوقت القعده هنا رحمه ليا من بيت ابويا هيبيعني تاني لاي واحد يدفعله وخلاص مش هيفكر فيا ولا في مصلحتي ارجوك ما تخلنيش اروح معاه والنبي
على العموم انا هعملك كل اللي انت عايزاه اطمني يا وفااء 
وبعدها خرج ورما لابويا قرشين والاب خدهم ومشي وما اهتمش ايه اللي هيحصل لبنته وبعدها دخل نعيم ل وفاء وقالها
خدي فلوس دي خليها معاكي ولو عوزتي اي حاجه كلميني وهبعتلك
_بجد مش عارفه اشكرك ازاي بس هو انت هتطلقني ولا ااا
ايوه هطلقك خدي شقن ايجار في اي مكان وانا هدفع تمنها ما تقلقيش
وبعدها فعلا اخذت وفاء شقه ايجار قدام شقة منه وفضلت قاعده فيها ونزلت تشتغل وفي يوم شافت منه وقالتلها 
ازيك عامله ايه انا جارتك اللي ساكنه جديد في الشقه اللي قدامك انا عايزه اتكلم معاكي في موضوع مهم اووي
خير يا حبيبتي اهلا بيكي انا سمعاكي تحت امرك
انا على طول بشوفك نازله من البيت وما اعرفش انت بتروحي فين 
انا قولت اقولك عشان تاخدي بالك وياريت ما تجبيش سيرتي في الموضوع انا واحده في حالي ومش عايزه مشااكل بس انا اتظلمت كتير وما ارضااش لحد بالظلم وخصوصا انك بنت نااااس ومحترمه
هو انتي اكيد بتهزري هشام بيخوني انا طب ليه كنت عملت ايه علشان يعمل فيا كده انتي اكيد متلخبطه اكيد مش هشاام جوزياللي بيعمل كده
_

بالله عليكي انا مش عايزه اي مشاكل طلعيني انا من الحوار ده انا قولت اقولك بس علشان تاخدي بالك عايزه تصدقي براحتك مش عايزه كاني ما قولتش ليكي حاجه 
باااااااااااااااااك
وفي شقة منه هشام رجع البيت وبعدين فضل ينادي ويقول
يا منه منه انتي فين يا منه
_ وبعدها الباب خبط وراااح فتح وكانت وفاء فبصلها بضيق وقال
خير يا استاذه وفاء في اي حاجه منه مش موجوده مش هينفع اقولك اتفضلي
ما انا عارفه ان هي مش موجوده راحت عند اهلها وقالتلي اجي اقول لحضرتك عشان لو اتأخرت 
_تمام شكرا بس ياريت تلعبي في دماغها مدام هي صحبتك 
انا ما قولتش غير اللي بشووفه وبنصحها عشان مراتك بنت حلال وطيبه بعد اذنك
قالت كلامها وبعدها مشيت وهو دخل اوضه النوم وعند اهل منه كانت قاعده جنب ابوها اللي قالها 
يا بنتي بلاش كل يوم والثاني تسيبي جوزك وتيجي هنا علشان انا تعبان انا كويس الحمد لله
هو في ايه يا بابا انت متضايق من وجودي هنا ولا ايه لا طبعا ما ينفعش اسيبك ولا انت ولا ماما
بجد والله انا اكثر حاجه مفرحاني وجودك في حياتي بحس ان انت بتحبيني وبتخافي عليا جدا مش زي بقى اللي ما تتسمى اللي لحد النهارده ماشي بعارها اللي شيلته علي اكتافي
ردت عليه ام منه وقالت
هو انت كل شويه تتكلم في الموضوع ده انا مش عايزاك تجيب سيره البنت دي تاني انت سامع ولا لا
انا اللي مجنني ان لحد النهارده ما اعرفش هي ليه سابت البيت ومشيت ليه عملت فينا كده
خليك في صحتك وبس وبلاش تجيب سيره البنت دي تاني وانتي حبيبتي قومي يلا البسي وروحي عند جوزك اكيد هو رجع دلوقتي وعايزك
لا يا ماما لو سمحتي سيبيني ابات عندكم النهارده بعد اذنكم انا داخله جوه
وبعدها دخلت منه اوضتها وشويه ودخلت عندها مامتها بالظبط وقالت
_في ايه بالظبط انا مش فاهمه موضوع اللاب توب اللي انت على طول سايباه عندنا وعلى طول بتيجي قاعده عليه ده وريني كده انت بتعملي ايه وو
واتصدمت مامت منه اول ما شافت اوضة نوم منه قدامها في اللابتوب وقالت
_هو ايه اللي بيحصل بالظبط انتي حاطه كاميرات في شقتك ليه انا مش فاهمه حاجه ازاي تعملي كده ايه اللي في دماغك مش كفايه اللي عملتو اختك انتو عايزين تعملو فية وفي ابوكم ايه تاني
لو سمحتي يا ماما وطي صوتك انا مش عايزه بابا يسمع اي حاجه وبصراحه كده انا متأكده ان هشام مش أمين وانا لازم اكشفه عشان هجرجره في المحاكم
_لا حول ولا قوه الا بالله العلي العظيم مين اللي قالك الكلام الفارغ ده يا بنتي احنا عارفين جوزك اد ايه راجل محترم وبيحبك وبيخاف عليكي من الهوا الطاير عمره ما يفكر يعمل اي حاجه غلط
بالنسبه ليكي انتي بس هشام اتغير يا ماما ما بقاش هشام بتاع الاول انتي مش عارفه اسلوبه معايا بقى عامل ازاي اللي انت شايفاه قدامك ده الستاره علشان خاطر يداري على اللي هو بيعملها انا اكتر واحده عارفه جوزي يا ماما وحاسه ان فعلا في واحده في حياته تصرفاته اخر مره تقلق ما بيتكلمش قدامي في الموبيل يمسك الموبيل بالسعات واسأله بتعمل ايه يقولي شغل قال ومن كام يوم شوفت واحده نازله من العماره شكلها مش تمام وانا متأكده انها كانت عنده هو لما انا كنت عندكم
_انا مش مصدقه ان انتي بنتي لا انتي حد لاعب في دماغك وعايز يخرب بيتك وانتي عبيطه وبترمي ودنك للنااس
ارجوك يا ماما سيبيني بدماغي وانا بكره هاكدلك ان كل كلمه بقولها حقيقي
حرااام عليكي بقالك اياام بتيجي تقعدي تراقبي اوضة نومك خلاص بقي اطمني جوزك مش بيخووونك يا شيخه اتقي ربنا
_لا يا ماما انا اكتر واحده اعرف هشام ومتأكده مليووون في الميه انه اول ما بسيب البيت بيجيب ستات الشقه
استغفر الله العظيم يارب بقولك ايه انا قايمه اجهز العشا احسن ابوكي يطلقني فيها ويبقي خراب من كل ناحيه
وسابتها مامتها ودخلت راحت المطبخ وفضلت منه قاعده مراااقبه اوضة نومها وفجأه شافت هشام جوزها داخل انقبض قلبها بخوف واول ما شااافت ده برقت وقالت بصدمه
مش معقول مستحيل ي ماما تعالي بسرعه شوفي المصيبه اللي انا فيها
جات مامتها وشافت المنظر اللي شافته منه وقالت
_هند مم
وانا اعرف منين بقي يا ست ماما
وفي الوقت ده في بيت هشاام اول ما دخلت عنده هند قالها بضيق
_هو انا مش قولتلك تلبسي حاجه غير القرف ده المحزق والملزق
قال كلامه وقاام ودخل الاوضه عشاان يجيب الموبيل بتاعه وفجأه هي قاامت ودخلت ورااه وقالت 
_بقولك ايه البضاعه معايا ووو 
انتي ايه اللي دخلك هنا ورايل انتي اتجننتي اطلعي بره يا فيفي
_في ايه يا هشاام انا داخله اقولك اني جيبت البضاعه معايا نظبط احنا كل حاجه قبل كريم ما يجي
_بس دي اوضة نومي وما حدش يدخلها غير مراتي يا فيفي
استني هي دي صورتك انت ومراتك
بص هشاام للصوره اللي متعلقه فوق السرير وقال
ايوه دي منه مراتي يلا بس بينا نطلع بره تعرفي منه بقيت بتشك فيا في حاجات ما حصلتش زي مثلا لو شافت اي واحده غريبه خارجه من العماره تقزلي دي كانت عندك الغبيه مش فاهمه ان انا روووحي فيها
طلعت هند وقعدت بره وكانت في حالة صدمه وقالتله بعصبيه
_ازاي ما قولتليش انك متجوز منه ازاي ما اخدتش انا كمان بالي من حاجه زي دي
وانتي تعرفي منه مراتي منين ايه الحكايه يا هند انا مراتي محترمه وبنت نااس هتعرف واحده زيك منين
_معاك حق بس بعد كده بالله عليك خلينا نتقابل يا عندي او عند كريم
هو انا يعني اللي عايزكم تيجو هنا اووي بس هنا المكان امان اكتر كل واحد في حاله وما حدش بيشك في حد
_لا انا مش عايزه اجي هنا تاني
هي ايه الحكايه انتي من لما شوفتي صورتي انا ومراتي وانتي اتغيرتي كده في ايه ما تتكلمي يا فيفي
_هي مرااتك ليها اخت مش كده
ايوه بس بنت مش كويسه طفشت يووم فرحها واهلها متبريين منها بس انتي بتسألي ليه انتي تعرفي اختها دي
_انا هند يا هشاام اخت منه بنت استاذ صلاح
انتي بتقولس ايه ازاي يعني انتي اخت منه قولي بقي انتي بتقربي مني وقولتيلي انك بتحبيني عشان تفرقي بيني وبين اختك بتكرهيهم اووي كده ليه منه دي احسن منك مليون مره وهي اللي محافظه علي شرف اهلها وو
_انت مين انت عشاان تحاسبني يا هشام انت اللي الشرف مقطع بعضه معاك ما انا وانت في الهوا سوا وبنشتغل في الزفت الممنوع بنتجمع هنا من ورا مراتك عشان نكيس البضااعه ونبيعها للشباب وعمال تقول انا مش والكلام ده ليييه هو انت اللي بتعمله ده مش واطينه لما تبقي عايشن معاك وهي فاكره انك راجل محترم وبيخاف ربنا وانت في الحقيقه فاسد ومعيشها بفلوس حرااام وعلي فكره انا ما كنتش اعرف انك جوز منه والا ما كنتش هقرب منك خالص لا قي شغل ولا في اي حاجه غيرها
امشي يا فيفي ولا يا هند قومي امشي واجلو شغل النهارده لبكره ونشوف هنتجمع فين غير هنا اختك لو جات وشافتك هنا هتبقي مصيبه
_لا مش هينفع الشغل النهارده لاوم يخلص احنا في عندنا تمن بضااعه لاوم يتدفع نخلص اللي معانا دول وبعدين كل واحد يشتغل علي حاله
وفضلو قاعدين مستنين كريم وكل واحد فيهم ساكت وفجأه الباب اتفتح ودخلت منه وهما اتصدمو وبصو لبعض بخوف هما الاتنين ومنه قالت بغضب
_والنبي ما انتو قاييمين خليكم زي ما انتو
اهدي يا منه انا والله ما كنت اعرف انها اختك
_بطل بقي كدب انا شوووفت كل حاجه وفااااء قالتلي وما صدقتش بس كان قلبي متأكد انك فعلا بتخوني فجيبت كاميرا