اسكريبت بقلم بسمله احمد
أنت قفلتي الإمتحان دة إزاي يا تاليا
زي الناس يا مستر عادي يعني
تاليا
ضحكت وأنا باصة لملامحه وبحط ورقة الإمتحان في الشنطة
والله حليته عادي ومتوقعتش إني هقفله أصلا
طول عمري بقول عليكي ذكية زيادة عن اللزوم
ودي حاجة حلوة ولا وحشة
حلوة طبعا
راقبته وهو بيطلع علبة صغيرة من درج المكتب وبيمدها ناحيتي
خدي
ايه دة
دي هدية بمناسبة إنك قفلتي الإمتحان
فتحتها لقيت جواها سلسلة عليها أول حرف من إسمي.. بصتلها بإنبهار وأنا بسأله
دي تحفة يا مستر حضرتك جبتها منين
ملكيش فيه المهم إنها عجبتك
عجبتني جدا.. أنا مش هقلعها من رقبتي أصلا
طب حيث كدة بقى تعالي أساعدك تلبسيها
شكلها حلو أوي عليكي
حقيقي يا مستر شكرا لحضرتك أوي
إياكي أشوفك جاية يوم من غيرها
لأ متقلقش
ابتسم بخفة وهو بيتناقش معايا في كذا حاجة خاصة بالمنهج لغاية ما معاد الحصة بدأ ودخلنا القاعة.
علاقتي أنا ومستر عز صداقة من نوع خاص نتكلم سوا ونهزر مع بعض وأحيانا نخرج.. بينا صفات مشتركة كتير وبنعرف نتفاهم بالكلام إلى حد ما.
تاليا
ايوا يا ماما
هو أن... ايه السلسلة اللي في رقبتك دي!
ماشاء الله عليكي يا ماما بتلاحظي كل حاجة
اخلصي
أبدا ياستي
لقيت ماما قعدت جمبي وفضلت ساكتة شوية وبعدين بدأت تتكلم
مش ملاحظة إن علاقتك بمستر عز دة بدأت تستهبل شوية
ماما حضرتك عارفة إن مستر عز أخويا الكبير عادي
مش هيفضل أخوكي الكبير دايما يا تاليا
بمعنى
أنت فهماني كويس
حسيت إني مهما لفيت ودورت مش هعرف أهرب منها.. نمت على رجليها عشان تلعبلي في شعري زي زمان وبدأت اتناقش معاها
قولي اللي في قلبك يا ماما
هتحبيه يا تاليا ودة شيء أنا واثقة منه
وايه المانع
إنه مش هيحبك
وأنا كمان مش بحبه
العلاقة كلها غلط يا تاليا.. الهزار والضحك والهدايا كل دة غلط
ماما أنا عيزاكي تطمني كويس أنا ومستر عز مجرد أصدقاء مش أكتر
بصتلي بلوم وبعدين طلعت برا ولقيت نفسي فجأة بمسك السلسلة بتاعته وبحسس عليها.. هزيت راسي بعنف وأنا بقنع نفسي إني أكيد مش هحبه.
هو مستر عز فين يا بنات
مجاش النهاردة وقالوا إن الحصة هتتلغي
غريبة يعني مجاش ليه
تعبان شوية
حسيت بقلق عليه وأنا بتصل بيه ولقيته مش بيرد.. ركبت تاكسي وقررت أروحله البيت أسأل عليه وبمجرد ما إيدي كانت هتلمس الجرس رجعت في قراري في آخر لحظة
نزلت بسرعة وأنا بلوم نفسي إزاي كنت هدخل بيت واحد كدة وياترى
روحت البيت وبعتله مسدج بطمن عليه فيها وبعدها بنص ساعة رد عليا
روحتي السنتر على الفاضي صح
مش مهم يا سيدي المهم إنك تبقى كويس بس
الحمد لله بقيت أحسن من الصبح بكتير متقلقيش
طيب حيث كدة بقى أسيبك تنام شوية عشان ترتاح
تاليا
نعم
شكرا إنك سألتي عليا
العفو
قفلت الشات وأنا مبتسمة وكل شوية أفتح أقرأ جملته وكإني بحفظها جوايا.. بعد نص ساعة لقيته باعتلي
تاليا هو أنا دلوقتي جعان والبيت كله نايم.. المفروض آكل ايه
ضحكت على الرسالة وأنا متخيلة حالته دلوقتي.. أكتر حاجة عز بيكرهها هي إنه يجوع
ساندوتش جبنه مثلا
غيره
تونة
مش بحب السمك يا تاليا وأنت عارفة
عندك إستعداد تنزل
يعني أعتقد إني هقدر
حلو أنزل بقى وهاتلك أي نوع فراخ كرسبي
تاليا أنت جامدة
كنت واثقة إنه عايزني أقوله الخيار دة من الأول عشان لما حد يكتشف الجريمة دي بكرة يجيبها فيا.
فضل غايب حوالي أسبوع بقينا بنتكلم فيه بشكل يومي وفي أي وقت وبقيت دايما سرحانة ودايما بستناه يبعتلي بقيت بحوش ضحكتي وابتسامتي لكلامنا سوا.. الشات اتحول وبقى فون بدأت أتغير من غير ما آخد بالي ومستر عز بقى عز بس.. الألقاب اختفت وبعد ما كنا بنتكلم
بدأت أحلم وأرسم وأتخيل حاجات كتير بس معاه هو.. حاولت أبعد الشعور دة عني وأأكد لنفسي ولماما إني مش هحبه بس مقدرتش!
مقدرتش لما لاحظت إني مبقدرش أعدي يوم غير ما أكلمه.. مبقدرش أطمن غير لما أسمع صوته.. مبقدرش ابتسم غير معاه ساعتها بس عرفت إني مقدرتش أمنع نفسي من إني أحبه.
أخيرا نزلت
اعملي حسابك الحصة الجاية امتحان
أرحم نفسك بقى أنت لسة خارج من دور عيا
وهطلعه عليكوا وحياتك
فضلت بصاله فترة كبيرة وهو قاعد يراجع شرح الحصة.. بقيت دايما سرحانة في حصصه ومركزة في ملامحه بس بقفل امتحاناته!
وقررت إني لازم أواجه.. لازم أحدد موقفي يإما أقرب يإما أبعد.
عز
الألقاب اللي اتشالت!
والله
ماشي شليها عادي أنا أصلا مستر فرفوش وبحب اصاحب الطلبة بتوعي
بس أنا مش طالبة!
طبعا يا عبيطة أنت مش طالبة..
ابتسمت بأمل ومستنياه يكمل الجملة على أحر من الجمر ابتسملي بلطف وهو بيقولي
أنت أختي الصغيرة يا تاليا ومكانتك في قلبي كبيرة
ابتسامتي اختفت وبدأت ارتعش وأنا بسأله من غير استيعاب
أختك الصغيرة!
تحبي تبقي الكبيرة
أختك الصغيرة إزاي
زي الناس يا تاليا مالك فيكي ايه لتكوني صدقتي
بس أنا بحبك
طب ما أنا بحبك برضه
مش
