نصفي الاخر بقلم سارة

ابتسملها ومسك ايدها وقال
انا جنبك لو احتاجتيلي شاوريلي وهتلاقيني ماسك ف ايدك..
صحيت ورحت الجامعة كالعادة وخلصت المحاضرات بس
مكانش فيها دكتور عمر.. بس للصدفة شوفته وهو جاي ليا!..
ايه اخبارك النهاردة ي ريم..
قولت بابتسامة
احسن بكتير شكرا لسؤالك..
ايه رايك نروح نشرب قهوة ..
قلت بتوتر
انا م عندي مشكلة بس الناس ف الجامعه بيت...
كلام الناس آخر همي ي ريم.. 
هزيت راسي وابتسمتله..
ماظنش ان حد زيك ممكن حد يكرهه ي ريم..
ابتسمت بحزن
بس دا حصل جدا
ازاي.. انتي كنتي عايشة عند مراد وانتي
صغيرة
شربت م كوباية القهوة اللي قدامي واتنهدت 
لما كنت صغيرة ماما كانت عند ربنا 
وكان عندي ابن خالتي وكنا صحاب اوي وكان هو صديق طفولتي الوحيد..
بس مراد ابن عمي كان طول الوقت مش بيحبني وبيحقد عليا اوي وانا مكنتش عاملة اعتبار للموضوع عشان عارفة انه مش هيقدر يعمللي حاجه ف وجودي مع بابا وصديق طفولتي اللي دايما جنبي..
ابتسمت بكسرة وكملت
علفكرة هو اسمه عمر زي حضرتك..
وبعد فترة عمر سافر وسابني لوحدي.. 
ومن بعدها وزين بقا بيتنمر عليا كتير ويضربني ويخليني اعيط كتير وانا صغيرة بدون سبب وبقيت كل ما اروح احكي لبابا م يصدقني لانه طيب.. وف المدرسة خلاني متوحدة ومش ليا حد وبقي عندي عقد كتير اوي منه وكملت طفولتي كلها كدا..وبعد ما بابا عرف وعمل مشكلة مع عمي.. سافرنا وجينا قعدنا هنا..
طيب والدك موجود دلوقتى..
سكتت شوية وقالت بحزن اكتر بان ع ملامحها
بعد ما دخلت الجامعة ب بابا كمان سابني وراح ومبقاش ليا حد..
وخالتو بعد ما عرفت اللي حصل طلبت مني اعيش عندها..وانا رفضت لاني مش عاوزة اتعلق بحد 
اتنهدت وقلت
ا انا خاېفة اتعلق بحد و.. وف الآخر يسبني ويمشي زي الباقي! ..
وانتي شايفة ان البند دا متطبق ع عمر صديق
طفولتك
انا م عارفة ممكن ييجي يوم وارجع اشوفه تاني ولا لا.. وهو فاكرني ولا
بس م وقت ما هو مشي
وانا باعاني
بص ف عيوني وقال بنبرة هادية
طب ولو كان عمر طول الوقت مافارقتيش تفكيره من وقت ما كنتو صغيرين.. وهو كان بيحبك من ساعة ما كنتو اطفال ولغاية دلوقتي
لسه حاطط امل انك هتبقي ليه و.. ولسه م مصدق انه شافك بعد الوقت دا كله وحاسس ان الدنيا مش سايعاه وهو باصص لعيونك..
ركزت ف عيونه كتير وقلت بنبرة حزينه
ع عمر!...
ابتسم وقال وعيونه بتلمع
عمر الروح ما بتنسي صاحبها ي ريم..
دموعي نزلت وانا مش مصدقة.. وبافتكر قبل 15سنة.. 
يعني خلاث هتسيبني ومش هشوفك تاني ي عمر
لا ي ريم انا هفضل معاكي مهما بعدت عنك
بس كدا انت هتنثاني
مسك ايدي وقال
خليكي فاكرة ان عمر الروح ما بتنسي صاحبها ي ريم.
قولت والدموع ماليه عيني
وريم عمرها ما نسيتك ي عمر
مسك ايدي وقال مراد مش بيكرهك انتي ي ريم.. دا كله بسببي انا.. هو كان شايف انه لما ييجي عليكي ف كدا هو بييجي ع اغلي حاجه عندي..
وانا مكنتش اعرف كل دا وانا ماشي..
بس صدقيني دلوقتي هو م هيقدر يضايقك تاني بعد اللي حصله..
بص لعيوني وقال بحزن واضح
انا آسف بجد ي ريم.. آسف ع كل حاجه.. عارف اني اتاخرت بس اوعدك اني هاعوضك ع كل دا..
وقلت وانا باصه لعيونه
حتي لو بعدت لآخر العمر هستناك من غير حتي ما أمل..
وهو الحب إيه غير نظرة من عينيه..
تمت
نصفي_الآخر