روايه أحببت فتاة الملجأ للكاتبه امل عبد الرازق

والدك الله يرحمه كان دايما بيساعدنا وبيبعت لينا كل اللي احنا محتاجينه وهو اصلا اللي عمل الدار دي لوجه الله ومحدش يعرف انه صاحبها غيري انت بقى نغم بنته الوحيدة كان دايما بيكلمني عنك وفعلا انتي فيكي شبه كبير منه بس أغلب ملامحك بريئة وجميلة زي مدام فريده أبوكي كان خير أوي يا نغم ووالدتك كان قلبها كبير ومحترمه الله يرحمهم
نغم حضرتك تعرفي ماما كمان
زينه طبعا كانت كل ما تيجي اسكندرية لازم تيجي تزور الدار مع والدك أهلك كانوا احسن ناس شوفتهم في حياتي قوليلي يا حبيبتي مين اللي عمل فيكي كدا واحكيلي كل اللي حصل بالتفصيل وأنا هساعدك
نغم حاضر أنا ارتحت لحضرتك وهحكيلك كل حاجه
________
صبحي كنتي فين يا غاده وفين نغم سألت ام سعد عليكم قالتلي انك طلبتي منها تجيب حاجات للبيت ورجعت ملقتش نغم ولا انتي في البيت
غاده دخلت اريح شويه وصحيت اطمن على نغم ملقتهاش ولفيت عليها مصر كلها مش لاقياها
صبحي انتي بتقولي ايه يا غاده
غاده زي ما سمعت يا صبحي نغم هربت وسابت البيت
صبحي انطقي عملتي إيه في نغم يا غاده وبلاش تختبري صبري
غاده وأنا هعمل فيها إيه يا صبحي بدور عليها من الصبح وبرن عليك تليفونك مغلق ودا جزائي في الآخر
صبحي بنت أخويا فين يا غاده البنت صغيره هتروح فين ولمين انتي عندك بنت زيها خافي عليها حرام عليكي يا غاده
غاده هو انت شايفني إيه يا صبحي عشان اعمل كدا أنا أخري اخليها تنام في المطبخ مش ارميها في الشارع وزي ما انت قولت انا عندي ولادي زيها يعني عمري ما هفكر أعمل كدا
صبحي امشي من قدامي ومش عايز اشوف وشك تاني وبنت اخويا انا هرجعها البيت بطريقتي ولحد ما نغم تظهر انتي ملكيش عيشه في البيت دا
غاده انت بتطردني من بيتي عشان نغم يا صبحي وكمان أنا ماليش دخل في اختفائها يعني انت بتظلمني يا صبحي
صبحي بيتك إزاي! دا بيت نغم وطول ما صاحبة البيت مش موجوده انت مش هتقعدي فيه ثانيه لحد ما هي ترجع بيتها ولو فضلتي قدامي لحظة كمان هرمي عليكي يمين الطلاق 
_______
زينه يا حبيبتي يا بنتي بقى مرات عمك اللي متعرفش ربنا تعمل فيكي كل دا سبحان الله ربنا أراد إنها تيجي من القاهرة مخصوص عشان تجيبك الدار بتاعة والدك وهي مفكره إنها كدا بتبعدك عشان محدش يوصلك
نغم أنا متأكده لو رجعت البيت مش هسلم من اذاها ومش عارفه اعمل إيه
زينه إحنا هنفرغ الكاميرات ونبلغ عنها
نغم أنا بقول

لحضرتك عندي إحساس إنها سبب في الحاډثة اللي حصلت ل أهلي ولو احساسي طلع حقيقي والله ما اسكت على حق أهلي أبدا ومش هسكت غير ما حقهم يرجع وتاخد جزائها وبعدين دي كانت لابسه نظاره ومغطيه وشها والعربية دي مش بتاعتها يعني مش هعرف أثبت عليها حاجه انا مش عارفه أفكر ولا أتصرف لوحدي
زينه بس انتي بتقولي عمك طيب وبيحبك ومش هيتوه عن مراته وأكيد بيدور عليكي
نغم هو أنا ممكن أفضل هنا فترة
زينه يا حبيبتي لو مشالتكيش الأرض اشيلك فوق دماغي انت بنت الغاليين وصاحبة المكان دا أنا أمشي وانت تقعدي بس يا نغم يبقى بيتك وفلوسك واملاكك كلها موجوده وغيرك يتمتع بيهم وانتي تعيشي في ملجأ
نغم أنا زيي زي البنات اللي هنا ومش احسن منهم في حاجه وحضرتك هتساعديني بالله عليكي مش عايزه ارجعلها وأنا في حالتي دي أنا دلوقتي ضعيفه معرفش أعمل حاجه ليها انا معايا موبايل ابن عمي جايبه ليا هديه وهي متعرفش بيه وأنا قفلته عشان محدش يوصلي أنا محتاجاكي جنبي عشان ارجع حقي
زينه أنا معاك وفي ضهرك ومش هسكت غير لما حقك يرجع يا نغم بس صورة مين اللي في ايدك دي
نغم الصورة الوحيدة اللي بقيالي من ماما كنت بشيلها دايما معايا وهي متعرفش بيها
زينه حسبي الله ونعم الوكيل فيها ربنا ينتقم منها ان شاء الله حقك هيرجع بصي بقى البنات هنا بينادوني ماما أنا اصلا مبخلفش فكل البنات اللي في الدار بناتي بلاش تقوليلي حضرتك وممكن تناديني بعمتو عشان أنا مش هاجي جنب ماما الله يرحمها حاجه
نغم أنا مش هنادي لحضرتك غير بماما لأنك أول واحدة تكون حنينه عليا 
زينه يا حبيبتي يا بنتي انتي الغاليه بنت الغاليين أوعي ټعيطي ربنا هيرجعلك حقك انت في سنه كام يا نغم
نغم في ٣ إعدادي
زينه من الصبح هظبطلك ورقك عشان تكملي دراستك بس عندي فكره يا رب تعجبك
نغم اتفضلي قولي فكرتك
زينه إحنا لازم نغير إسمك وحكايتك تفضل سر بينا اختاري اسم تاني بقى
نغم أنا موافقة على الفكره جدا خلاص هختار اسم فريده على اسم ماما
زينه خلاص من هنا ورايح انتي فريده والأوراق كلها هخلي المحامي يظبطها تعالي يلا اعرفك على البنات اللي هنا قوليلي بقى عايزه تقعدي في أوضه لوحدك ولا معاكي حد
نغم لأ انتو خلاص عيلتي الجديدة وانا زي زيهم وهما اخواتي هقعد مع البنات
زينه ونعم التربية والأخلاق طبعا أخلاقك جميلة زي أهلك خلاص في ٣ بنات شطار ومؤدبين جدا هخلي سريرك معاهم
________
منه يعني دي اختنا الجديدة يا ماما زينه
زينه ايوه يا منه وفي نفس عمركم اسمها فريده مش هوصيكم عليها
شهد انا شهد ودي منى وآيات يا فريده ومبسوطين أوي انك هتكوني معانا
نغم انا مبسوطه اكتر يا شهد
زينه هسيبكم تتعرفوا على بعض هروح اطمن على باقي البنات وفي استاذة ولاء مسؤولة عنكم لما تعرفيها هتحبيها اوي يا فريده.
_________
صبحي متعيطش يا زين ان شاء الله هنلاقي نغم
زين هنلاقيها فين احنا دورنا في كل حته وعند قرايبنا ونغم متعرفش حاجه عشان تخرج لوحدها انا خاېف عليها اوي اكيد ماما عملت فيها حاجه تخليها تسيب البيت
يارا كل شويه تقولوا ماما ماما علفكره بقى نغم كانت دايما بتحاول تهرب بس ماما بتمنعها ولكن هي اخلاقها أصلا زي إللي عايشين في الشارع فبتحن ليهم
صبحي إحنا معرفناش نربيكي

يا بنتي طالعه ل أمك في كل حاجه مالهم اللي في الشارع احسن منك ومن أهلك دا بدل ما تخافي على بنت عمك وتدوري عليها احمدي ربنا ان عندك بيت تعيشي فيه وعندك أهل بتغيري منها وهي معملتش فيكي حاجه بس السم دا أمك اللي زرعته جواكي زي ما كانت بتغير من فريده الله يرحمها امشي من قدامي اطلعي اوضتك
_________
بعد مرور ٩ سنين
فريده من فضلك أنا شوفت إعلان شركتكم وجايه أقدم على الوظيفة
يسرا هاتي السي في بتاعك واتفضلي اقعدي هنا على ما المهندس زين صاحب الشركة يوصل
فريده كنت عايزه اسأل حضرتك على حاجه
يسرا اتفضلي إسألي
فريده مين البنت اللي صورتها متعلقه برا ومكتوب تحتها اللي يلاقيها ليه مكافأة مليون جنيه
يسرا دي صورة نغم بنت عم مدير الشركة المهندس زين احنا لينا فروع كتير ودا لسه جديد والاول لينا في اسكندرية وكل الفروع عليها نفس الصورة دي وناس كتير كانوا بيدعوا انهم يعرفوها وبنات كتير قالوا انهم هي