روايه أحببت فتاة الملجأ للكاتبه امل عبد الرازق
صبحي تعالي يا نغم واقفه بعيد كده ليه يا حبيبتي نفسي مرة تقعدي تاكلي معايا وتبطلي الكسوف دا
زين أنا سمعت ماما بتقولها لو شوفتك مرة قاعده معانا هجيبك من شعرك وكمان نزلت اشرب امبارح لاقيتها نايمه في المطبخ مع الشغاله
غاده اسكت يا زين انا مش عايزه اسمع صوتك ايه الكلام اللي بتقوله دا
صبحي الكلام اللي بيقوله زين دا مظبوط يا غاده
غاده دا عيل ميعرفش حاجه اكيد انا مش هعمل كدا في بنت اخوك يا حبيبي
صبحي مش بس بنت اخويا دي كمان يتيمة يا غاده ابوها وأمها ربنا توفاهم في نفس اليوم بسبب الحاډثة اللي عملوها ومنجاش منها غير نغم تخيلي بقى لو انت بتعملي فيها كده عقابك عند ربنا هيكون عامل ازاي
غاده واحنا هنعمل ايه بالبنت دي بقالنا اكتر من شهر سايبينها في بيتنا وأنا كفايه عليا ولادي زين ويارا
صبحي شكلك نسيتي ان دا بيت نغم واحنا اللي ضيوف فيه احنا جينا هنا عشان خاطر نغم ما تبقاش قاعده لوحدها وخلي بالك ان الفيلا دي باسم نغم وكل املاك اخويا فارس الله يرحمه باسم بنته فاحترمي نفسك وراعي ربنا في البنت وانت يا نغم ما توقفيش بعيد كده تعالي يا حبيبتي
نغم نعم يا عمو
صبحي قوليلي يا نغم هي طنط غاده عملت معاكي اللي زين قال عليه
نغم ايوه يا عمو وكمان قصت شعري امبارح عشان يارا عيطت وبتقول ان شعري احلى منها لانه طويل فطنط قالتلها ما تزعليش نفسك وقامت قصاه وكل يوم بعد ما الكل ينام تنزلني من اوضتي وتخليني انام تحت في المطبخ على الأرض وخلت اوضتي ليارا عشان عاجباها وقالتلي ان لو شافتني قاعده معاكم على الاكل هتحلقلي شعري كله
غاده متصدقهاش ولا تصدق دموع التماسيح دي بنت كذابه زي أمها
نغم بس ماما مش كذابه حضرتك دلوقتي اللي بتكذبي ومن فضلك متقوليش على ماما كده
غاده انت بتردي عليا يا بت انت كل الكلام اللي قالته كڈب وبص بقى يا صبحي يا انا يا البنت دي في البيت ده
زين لا يا بابا نغم مش كذابه وكل الكلام اللي قالته بجد وكمان ماما بتاخد منها المصروف اللي انت بتديه ليها وانا بديها من مصروفي وساندويتشاتي في المدرسه
صبحي وابنك كمان هيكذب مصلحت الاطفال دول إيه لما يكذبوا أنا عايز افهم طفله لسه مكملتش ١٤ سنه بتعملي فيها كدا ليه اذيتك في إيه هي حرام عليكي خافي ربنا دا إحنا قاعدين نايمين شاربين في بيتهاانطقي عملتلك إيه البنت اليتيمة اللي أهلها مكملوش شهر في قبرهم دا اللي بيمسح على راس يتيم ثوابه عند ربنا كبير ما بالك لو عاملتيها زي ولادك انا عارف انك كنت پتكرهي امها وبتغيري منها عشان هي دايما كانت احسن منك بأخلاقها النبيلة وطبعا مركزهم وفلوسهم بس فارس اخويا عمره ما حسسنا بكده وشغلني معاه في شركته وجابلنا احسن بيت هنا يبقى دا جزاء بنته وتردي الحسنة بالسيئة
غاده انا اسفه يا صبحي انا فعلا غلطانه ومش هعمل كده معاها تاني الغيره وكرهي لامها عموا على عيني متزعليش مني يا نغم انت زي يارا عندي
صبحي متزعليش من طنط يا حبيبة قلب عمو وحقك عليا أنا وهي مش هتعمل كدا تاني وهاتي حضڼ كبير ليا ويلا عشان أنا جعان ومش هاكل غير معاك
نغم انا مش جعانه يا عمو
زين بس
انت ما اكلتيش من
يارا و انت مالك هي كلت ولا لأ
صبحي بصي يا يارا نغم دي اختك احترميها واحترمي نفسك عشان ما ازعلكيش وانت يا زين ليك عندي مكافأه عشان انت راجل وبتحب اخواتك وأنا مش هاكل غير ونغم معايا كل يوم واوضة نغم ترجعلها وأظن كلامي واضح للكل
____________
اليوم الثاني
صبحي يلا نادي للاولاد بسرعه عشان اوصلهم المدرسه وانا رايح الشغل
غاده يلا يا زين بسرعه إلبس شنطتك وخدي يا يارا ساندويشاتك بسرعه بسرعه عشان بابا متأخر على شغله
صبحي امال هي فين نغم انا مش شايفها
غاده نغم تعبانه جالها دور برد امبارح فمش هتعرف تيجي المدرسه
صبحي طب ازاي متعرفينيش عشان اجيبلها دكتور انا هطلع اطمن عليها الاول
غاده لأ هي خدت العلاج وأنا سيبتها نايمه محبتش اصحيها روح يلا وصل الاولاد عشان ميتأخروش
صبحي نغم أمانه في رقبتك خلي بالك منها يا غاده اوعي تزعليها وقبل ما تخافي مني خافي من ربنا
غاده خلاص بقى قلبك أبيض يا صبحي انسى كل اللي فات وقولتلك نغم زي يارا خلاص
زين أنا هجيب ليها هديه وأنا جاي من المدرسة
غاده ركز انت في دروسك ومذاكرتك يا بتاع ٣ ثانوي وسيب الهدايا عليا
يارا اصلا زين بيحب نغم ومستني لما يكبر عشان يتجوزها
زين لا طبعا مافيش كدا وبطلي تقولي كلام زي دا نغم بحبها زي اختي مش اكتر
صبحي بسسس انت وهي يلا هنتأخر
______
غاده اصحي يلا يا نغم عشان عندنا مشوار مهم
نغم هي الساعة كام خاېفه أكون اتأخرت على المدرسة
غاده نموسيتك كحلي يا حبيبتي دول لسه ماشيين لأنهم لو استنوكي كانوا هيتأخروا يلا قومي وأنا هوصلك
نغم حاضر هلبس
_______
صبحي يلا يا زين وصلنا خلي بالك من اختك يا زين وشد حيلك عشان تدخل كلية حلوة وتيجي تساعدني في الشغل ومتنساش تروح ل اختك مدرستها تجيبها
زين حاضر يا بابا بس الشركة دي بتاعة نغم وإحنا لينا جزء بسيط فيها أنا عايز يبقى لينا شغل خاص بينا
صبحي احنا ونغم واحد وعمك الله يرحمه عاملي توكيل وكل حاجه تخص نغم أمانه في رقبتي وخلي بالك لو عندك النية وفي قلبك حاجه اتجاه نغم أنا معنديش مشكلة بس لما نغم تكبر شويه عشان تعرف تاخد قرار وانت تتخرج على خير وتكون ناضج
زين ان شاء الله يا بابا
_______
غاده يلا انزلي يا نغم
نغم بس دي مش المدرسة يا طنط
وقفت نغم في الشارع ټعيط بس كل اللي شاغل تفكيرها ان غاده ليها يد في الحاډثة اللي حصلت ل أهلها ولازم تعرف كل حاجه وتجيب
حقها وتاخد كل املاكها منهم وتطردها برا بيتها زي ما هي طردتها بس ازاي وهي بقت مشردة في الشارع قاطع تفكيرها صوت ست بتقولها مالك يا بنتي واقفه بټعيطي كدا ليه فين أهلك يا حبيبتي ومين اللي كانت بتشدك جامد ونزلتك من العربية دي أنا خدت رقم العربية لو في مشكلة قوليلي وأنا هبلغ عنها والكاميرا اللي قدام البوابة سجلت كل حاجه حصلت
نغم هو ممكن حضرتك تساعديني
زينه لو هعرف اساعدك يا حبيبتي اكيد مش هتأخر بس فهميني إيه اللي حصل الأول تعالي ندخل جوا من الشمس
نغم ندخل فين
زينه مټخافيش يا حبيبتي أنا اسمي زينه مديرة دار الايتام للبنات وكل اللي هنا بنات زيك لو شوفتيهم هتحبيهم أوي انت اسمك إيه بقى
نغم أنا اسمي نغم فارس المسيري
زينه اي دا انت بنت المرحوم
نغم أيوه أنا بنته
زينه يا حبيبة قلبي يا بنت الغالي
