روايه للكاتبه أسراء ابراهيم

مين ان شاء الله 
نوح ببرود صاحب الشركة اللي انتي واقفة تزعقي فيها كأنها ملكك
نوح توقع ان نور تتصدم وتتراجع لكنه اتفاجأ بيها بتتكلم پغضب
نور بعصبية طب كويس انك جيت احب اقولك انك مدير فاشل لانك للاسف معرفتش تختار الموظفين اللي تشتغل عندك
نوح بحدة و رفعة حاجب انا لو فعلا مبعرفش اختار مكنتش وافقت علي اختك تتعين هنا في شركتي ولو متكلمتيش بأدب وقولتي مشكلتك انا هعتبر نفسي مسمعتش حاجة وهجيب الامن يرميكي برة
نوح بجدية بسيطة هشوف الكاميرات بتاعة مكتبه ولو صدق كلام اختك انا اللي هشوف شغلي معاه ده غير اني اوعدك انه مش هيشتغل في مكان تاني بعد ما يمشي من هنا
سيف اتوتر وبان عليه الخۏف ولاحظه نوح اللي شاف تعبيراته بجمب عنيه وهو باصص لنور اللي كانت هي كمان بتحاول تفهم من كلام نوح ليها انه كويس ولا ممكن يكون عشان يداري 
نوح بجدية ورايا علي مكتبي لحد ما اراجع الكاميرات
مشيت نور مع ملك وراحو معاه مكتبه ونور مشغولة من جواها بالف حاجة 
في بيت نور واخواتها
ملك وهي بتقعد بفرحة يا لهوي يا جني لو كنتي معانا ده كأنه فيلم سينما
جني باندهاش بجد يا ملك اللي حكتيهولي ده بقي نور عملت كل ده 
ملك بفرحة وفخر ايوة طبعا اومال ايه دي مهماش حتي صاحب الشركة نفسه وكانت بتكلمه بعصبية ايه جامدة اوي
جني بضحك يا خړابي طب وعملتو ايه في الاخر بقي 
ملك بفرحة بصراحة صاحب الشركة طلع راجل محترم اوي وشاف الكاميرات لا وطلبلنا عصير كمان علي ما يشوف وفعلا لقيناه اتحول لما شاف اللي حصل ونادي علي سيف وهزقه وطرده وكلم حد كدة وقاله انه ميشتغلش في مكان تاني ده غير انه اعتذر لينا تصدقي بجد جنتل مان اوي
كانت جني مبهورة بكلام ملك وفرحانة اوي باللي حصل
جني بتلقائية طب والله راجل محترم فعلا ربنا يباركله يارب والله اللي زيه قليلين في البلد دي
ملك بسخرية لا ومتعرفيش الكييرة بقي اللي عملها معانا تخيلي ايه كتب شيك بمبلغ محترم يعيشنا مبسوطين واختك رفضته وقالتله انها مش هتقبل فلوس علي حساب سمعة اختها وسابته وخدتني ومشيت شوفتي 
جني عنيها دمعت وقامت نور اللي كانت قاعدة سرحانة في اللي حصل وانضمت ليهم ملك ونور ابتسمت بحب واخدتهم في وهي بتتنهد بحيرة وعقلها مشغول بمعاد تسديد الايجار اللي معاده بعد بكرة
جني بحب ربنا يخليكي لينا يا نور انتي فعلا عوض ربنا لينا بعد ماما وبابا
ملك بدموع ايوة احنا من غيرك مكناش هنعرف نعيش ازاي ربنا يخليكي لينا
نور بحب ويخليكم ليا يا حبايبي هو انا ليا غيركم برضه يلا اكلوني بقي اجسن انا عملت انهاردة مجهود جبار وانا بزعق وصوتي حساه راح
جني بلهفة حالا والاكل هيكون قدام يا حبيبتي يلا يا ملك تعالي ساعديني
نور ابتسمت وهي متابعة اخواتها بحب وبعدين غمضت عنيها من البتعب والتفكير وهي مش عارفة تعمل ايه 
تاني يوم كانت نازلة نور من العمارة عشان تفتح المحل وكانت بتدعي ربنا انه يوفقها ويرزقها بفلوس الايجار قبل ما صاحب الشقة يكلمها اول ما خرجت من باب البيت لقت تليفونها بيرن برقم غريب فردت
نور بجدية السلام عليكم مين معايا
نوح بهدوء عليكم السلام اللي يسمع صوتك دلوقتي ميسمعوش وانتي معلياه عالاخر امبارح
نور پصدمة نوح اقصد استاذ نوح حضرتك جبت رقمي منين 
نوح بجدية اعتقد السؤال ده انا بالذات مينفعش تسأليهولي انا عاوز اقابلك
نور
بتكشيرة نعم تقابلني
بتاع ايه هو مش خلاص
القصة خلصت 
نوح بجدية اعتقد انك اكيد عرفتي اني شخصية عملية واكيد طالما كلمتك يبقي في شغل ها اقولك العنوان 
نور فكرت شوية وقالت لنفسها ان ممكن يكون رزق ربنا باعته ليها ويكون جاعل نوح سبب عشان تشتغل معاه وتسد ديونها
نور بجدية تمام اقابلك فين 
نوح بهدوء هبعتلك اللوكيشن سلام
قفلت نور وهي بتتنهد بحيرة وبتدعي ربنا يكون المشوار في فرج لكربها وشوية وجاتلها الرسالة ومشيت
في الكافيه كانت قاعد نوح بهيبته المعتادة لحد ما دخلت عليه نور اللي اتوترت اول ما شافته ووقتها قام نوح ورحب بيها وشاورلها تقعد
نور بجدية اتفضل انا سامعاك ممكن اعرف شغل ايه اللي حضرتك عاوزني فيه 
نوح بهدوء اشربي حاجة الاول وبعدين نتكلم في الشغل
نور برفض شكرا ليك بس انا لازم ارجع لورشتي ممكن حضرتك تقولي عاوزني في ايه وشغل ايه اللي كلمتني عنه
نوح بابتسامة تمام انا عرفت طبعا من السي في بتاعك انك ماسكة ورشة باباكي بعد ما اټوفي الله يرحمه وشوفت شغلك يوم ما انقذتي نرمين والحقيقة انك كبرتي في نظري بعد اللي حصل امبارح لما رفضتي الفلوس اللي كانت تعويض عن اللي حصل لاختك وعشان كدة انا بطلب منك انك تشتغلي معايا
نور سرحت في كلام نوح وافتكرت ان ممكن يكون ده عوض ربنا ليها وان الشغل مع نوح فرصة وجاتلها عشان اخواتها
نوح باستغراب سرحتي في ايه 
نور بانتباه ها لا مفيش بس كنت بفكر هو ممكن اعرف هشتغل معاك ايه بالظبط 
نوح بتلقائية طبعا بصي انا اصلا الشركة بتاعتي في الاستيراد والتصدير غير كدة بقي انا ليا بفضل الله ورشة خاصة بيا ولعربياتي فقط وانا هخليكي تمسكيها ونقدر نقول مرتب عشر الاف مؤقتا لحد ما اشوف شغلك كويس برضه
نور اټصدمت من الرقم وبصت لنوح پصدمة
نور پصدمة انت بتتكلم جد انت بجد هتديني عشر الاف جنيه في الشهر 
نوح بتأكيد ولو مش عاجبك ممكن مخليهم 15 بس اهم حاجة عندي الالتزام بالمواعيد
نور بصت لنوح وفجأة عيطت خبت وشها بين ايديها وعيطت وهي بتمتم بكلام مش مفهوم فاتخض نوح لانه اول مرة يشوف نور بالضعف ده فقام قرب منها بلهفة
نوح بلهفة نور انتي كويسة طب انا ضايقتك في حاجة انا اسف اكيد من غير ما اقصد
نور رفعت وشها وبصت لنوح اللي كان مركز في عنيها اللي احمرت من العياط
نور بحزن انا بجد مش عارفة اشكرك ازاي انا فعلا كنت محتاجة الشغل ده انا كنت هتطرد من الشقة انا واخواتي بسبب الايجار المتأخر عشان كدة كنت بشكر ربنا علي فضله
وانه بعتك ليا عشان تساعدني
نوح ابتسم بتلقائية متشيليش هم اي حاجة وأنا اوعدك اني مخلكيش انتي واخواتك تحتاجو حاجة
نور باستغراب ممكن اعرف انت بتعمل معانا كدة ليه انت مش مجبر تعمل ده
نوح بثقة انا عمري ما استقل بحد وقف جمبي وساعدني وم بنسي الجميل ابدا وانتي ساعدتي نرمين وهي واقفة اوحدها في نص الليل وكمان رفضتي تاخدي منها حساب وده خلاني ابقي عاوز اردلك الجميل اضعاف
نور متعرفش ليه اضايقت من جواها لما حست ان نرمين غالية اوي عنده كدة بس حاولت متبينش
نور بابتسامة متشكرة اوي ليك ممكن نمشي 
نوح بتلقائية طبعا بس امسحي دموعك واوعديني انك متعيطيش تاني ولو احتجتي اي حاجة تكلميني علطول فاهمة 
نور بابتسامة اوعدك
نوح ابتسم بتلقائية الشغل هيبدأ من بكرة والمرتب مقدم وده لاني واثق فيكي وعشان انتي غير اي حد هتجيلي بس الشركة
بكرة عشان نمضي العقد
وتقبضي وتبدأي شغلك علطول تمام 
نور براحة حاضر طبعا