اسكربيت دكتور ولكنه عاشق بقلم أسراء ابراهيم
المحتويات
قدامه وعارضت جوازه من البنت دي
مكنش زعل واتعصب ونزل من البيت وحصل اللي حصل
فتون بسرعة لا يا انكل متقولش كدة ده انت بتصلي وتعرف ربنا وعارف ان ده نصيب وهو كان لازم ده هيحصله واهم حاجة انها جت علي خير يلا تعالي بقي هستناكم
محمود بتنهيدة عندك حق يا بنتي استغفر الله العظيم يلا مسافة السكة
قفلت فتون واتنهدت براحة وهي مغمضة عنيها وحست ان جبل وانزاح من علي كتفها
زين من وراها شكلها كدة عدت علي خير
فتون بابتسامة رقيقة اه الحمد لله متعرفش انا كنت خايفة ازاي بس ربنا يستر بجد بقي من رد فعل خالتي حنان ام معتز
زين بفضول احم هو ممكن اسألك سؤال واعذريني بس عندي فضول افهم
فتون باستغراب اكيد اتفضل اسأل
زين باستفهام هو ازاي قولتي ان معتز اخوكي وبتقولي علي ابو معتز انكل
فتون بتردد انا هفهمك اصل معتز مش اخويا شقيقي وانكل محمود مش بابايا انا اصلا معرفش مين بابايا
زين استغرب اكتر وكان هيتكلم بس قاطعه صوت حازم من وراهم بغضب
حازم بغضب حضرتك هنا وانا قالب عليك المستشفي
زين ببرود خير يا دكتور حازم ما انت عارف اني مبقعدش في مكتبي اصلا ودايما بمر علي الحالات
حازم بنفس غضبه ممكن اعرف ايه الاوامر الجديدة اللي انت اخدتها دي بأي حق تبلغهم اني مبقتش مسئول عن قرارات المستشفي
زين بجدية بصفتي رئيس المستشفي وصاحب اكبر نصيب فيها يا دكتور حازم واوعي تنسي ده ومتنساش كمان اني كنت مديك صلاحيات انت عمرك ما حلمت بيها ومع ذلك انت استغلتها صح وبقيت بتتعامل علي انها مستشفي استثمارية عشان تدخل فلوس وبس والناس مش مهم بقي يموتو
حازم بسخرية قول كدة بقي كل ده عشان الحالة اللي الاستقبال
زين ببرود والله دي حاجة تخصني واي عجز هيحصل انا اللي هشيله مش حضرتك واتفضل روح شوف شغلك بقي وبعدين نتكلم
حازم رمي نظرة علي فتون وبعدين مشي بغيظ وزين نفخ بضيق ورجع تاني بص لفتون
فتون باحراج انا اسفة اوي اني حطيتك في الموقف ده انهاردة الحساب هيتدفع انا بس كنت عاوزة اطمن علي معتز الاول
زين بحسم لا طبعا مفيش حساب هتدفعيه لاني خلاص خلصته وسيبك من كلام حازم ده الطبيعي بتاعنا
فتون كشرت باستغراب نعم يعني ايه مفيش حساب هدفعه وحضرتك ليه تدفع حسابنا انا مقبلش حاجة زي دي لاننا مش بنشحت وحساب المستشفي احنا نقدر ندفعه بعد اذنك
زين نفخ بضيق وشتم حازم في سره عشان بوظ كل حاجة ولانه قطع عليه لحظة معرفة باقي قصة فتون فاتنهد بزهق ومشي راح مكتبه
...................................
عدي يومين كانت حالة معتز اتحسنت فكانو كلهم في اوضة معتز بيضحكو بعد ما اطمن محمود علي ابنه فاستغل ان فتون خرجت تجيب شاي من الكافتريا وحنان بتوضب شنطة معتز اتكلم هو معاه
محمود بندم حقك عليا يا معتز يابني انا عارف انك بتقول اني السبب في اللي حصلك وليك حق
معتز بلهفة لا يا بابا العفو متقولش كدة ده نصيبي وانا اللي كنت ماشي ومبصتش حواليا قبل ما اعدي الطريق
محمود بتنهيدة اسمعني يا معتز انا لو كنت معارض فده خوف عليك يا حبيبي من الناس اهل البنت دي لانهم بتوع مشاكل بس دي حياتك ولو انت مصمم عليها فخلاص انا صدقني
معتز ربنا يخليك ليا يا بابا عموما الموضوع خلاص اتحل لوحده نادين سابتني يا بابا
محمود بصدمة يا خبر سابتك ليه وامتي ده
معتز بخزلان تخيل بقالي كام يوم هنا مفكرتش تسأل عليا ولما فوقت شوية وبقيت كويس كلمتها مامتها ردت عليا وقالتلي انها اتخطبت لواحد غني ومعاه فلوس مش شحات زيي
محمود بضيق اخس عليهم ناقصة متزعل يابني واعرف ان ربنا منع عنك شر واشكره انه عرفك حقيقة البنت دي واهلها
معتز بابتسامة باهتة الحمد لله انا راضي وانا متأكد ان ربنا هيعوضني بأذن الله
محمود بفخر عين العقل يابني ان شاء الله ربنا هيعوضك خير عنها هو البت فتون اتأخرت ليه كدة كل ده بتجيب شاي
معتز بهدوء تلاقيها قاعدة في الكافتريا شوية سيبها براحتها يا بابا كفايا تعبها معايا اليومين اللي فاتو دي كانت مبتنامش عشان لو احتجت حاجة
محمود بابتسامة ربنا يباركلها والله بت اصول صحيح ربنا يهدي امك بس عليها
...................................
فتون بغضب يا ستي انا مش نوران والله انتي ليه مصممة بقالي ساعة بقنعك
هايدي بصدمة ازاي مش نوران هو انا هتوه عنها معقولة يكون في حد شبها اوي كدة
فتون باستغراب يا حبيبتي يخلق من الشبه اربعين ليه لا اكيد شبه صاحبتك دي ولا حاجة
هايدي بحزن ازاي بس يعني يوم ما الاقي نوران وتكون شبها بالملي تطلع مش هي وواحدة شبها طب فكري شوية يا انسة بصي قوليلي اسمك ايه طيب
فتون بزهق اللهم طولك يا روح انا اسمي فتون ها اتأكدتي
زين من وراهم هايدي في حاجة ولا ايه ايه ده فتون كمان انتو تعرفو بعض
هايدي بابتسامة هاي زين ازيك انا ببتلك السلام مع رامي اخويا
زين وهو بيبص لفتون انا الحمد لله تمام واه طبعا رامي بيقولي هو يقدر ميوصليش سلامك برضه هو في حاجة ولا ايه
هايدي بحزن لا مفيش ده سوء تفاهم اصل الانسة فتون افتكرتها روان اختي انت عارف انها مختفية من سنة بس اتصدمت لما لقيتها بتقولي انها واحدة تانية مش هي
فتون تنحت اول ما هايدي قالت كدة وبعدين عنيها دمعت وكان متابعها زين باستغراب
زين بهدوء اكيد ممكن تكون تشابه مش اكتر احيانا بتحصل
فتون بتهرب ايوة هو كدة بعد اذنكم بقي
سابتهم فتون وجريت وكان متابعها زين باستغراب
هايدي باصرار معقولة يا زين في حد يكون شبه حد بالملي حتي في لون الشعر والعيون انا فرحت وقولت اني اخيرا لقيتها
زين بغموض انا فاكر رامي كان قالي علي اختك روان وانها اختفت فجأة
هايدي بتلقائية ايوة كانت نازلة تروح الچيم بتاعها زي كل يوم ومرجعتش دورنا في كل حتة ومفيش فايدة ماما كمان حالتها صعبة اوي من وقتها
زين باستغراب طب معاكي صورة لاختك
هايدي بثقة وهي بتفتح فونها اه طبعا اهي بص كدة
اتصدم زين لانها نفس شكل فتون بالملي وسرح وهو بيفتكر توتر فتون وحزنها
.....................
حنان بسخرية اهلا يا هانم كل ده بتجيبي كوبايتين شاي ايه كنتي بتعمليهم بنفسك
فتون بهدوء معلش يا خالتي بس كان زحمة فاتأخرت
معتز بعتاب ما خلاص يا ماما مش كفايا انها نازلة بنفسها تجيب الشاي وانها تعبانة معايا من بدري
حنان بغضب بقي هي تعبانة معاك يا معتز طب وامك ده انت حتي مفكرتش تقولي تسلم ايديكي عالشنطة اللي لميتها
معتز بيأس لا ازاي برضه يا حبيبتي تسلم ايديكي
حنان بصت لفتون بغيظ ودورت وشها وفي
زين بابتسامة بطلنا عامل ايه انهارده يارب تكون
متابعة القراءة
