رواية عشق بالصدفة كاملة لجميع فصول بقلم الكاتبة إسراء ابراهيم
كدبت عليها لازم تقولها يا فارس ووقتها القرار يرجعلها
فارس بتفكير عندك حق انت متعرفش الوقت ده عليا ازاي كنت هتجنن ووقات كنت بضعف وخلاص هتصل بيها واقولها كل حاجة بس برجع تاني واقول هي هتبقي احسن وهتتعود علي غيابي انا اسف يا يوسف اني كدبت بس صدقني غصب عني
يوسف بابتسامة متقلقش طول ما انت بتعمل اللي عليك وبتتعالج بأمر الله هتبقي كويس انت بس اهتم بصحتك يا فارس
فارس بحيرة ان شاء الله هعمل كدة انت عندك حق
بارك الله لكما وبارك عليكما وجمبع بينكما في خير
ابتسمت مريم اول ما سمعت كلام المأذون ووقتها يوسف بص لتاج ومسك ايديها وقرب منها فاتوترت هي وقلبها دق بس صوته طمنها وهو بيهمس ليها مبارك عليا انتي يا تاج
تاج بخجل الله يبارك فيك يا يوسف
زهرة بفرحة الف مبروك يا ولاد ايه يا عزة مش هتباركي لتاح مش دي بنتك برضه
عزة ببرود اه طبعا مبروك يا تاج يلا اخيرا هنرتاح من زنك ولو انك هتقطعي بيا وبالبيت
تاج في سرها قصدك مش هتلاقي حد يخدمك زيي فكملت بصوت مخنوق يوسف ممكن نمشي بقي
يوسف حس بيها فرد بسرعة ايوة طبعا شوية صغيرين بس عشان الناس واوعدك هاخدك ونمشي علطول من هنا للابد ماشي
تاج بابتسامة حزينة ماشي
عدي اليوم واخد يوسف تاج للبيت واول ما دخلت تاج اتتهدت براحة وهي مش مصدقة انها اخيرا بقي ليها بيت وعيلة جميلة
زهرة بتردد تاج يابنتي انا كنت عاوزة اقولك علي حاجة وكنت مش عارفة اتكلم معاكي انتي عارفة ان لما انتي جيتي هنا وكنتي منهارة لانهم هيجوزوكي انتي صعبتي عليا وقلبي كان بيتقطع عشانك وقتخا قعدنا نفكر ويوسف قال انه ممكن
يوسف بتدخل قولت اني عاوز اتجوزك وان كدة كدة هاخدك من البيت هناك وطمنت ماما يعني
زهرة بصت ليوسف باستغراب فغمز هو ليها ففهمت انه مش عاوز تاج تعرف اي حاجة عن كلامهم فسكتت
تاج بابتسامة انا عارفة يا ماما زهرة صدقيني وقتها انتي كنتي طوق نجاه بالنسبالي وكنت متأكدة انك لو تقدري تاخديني كنتي عملتي كدة بس الحقيقة ان ربنا بيحبني عشان بقيت فرد من عيلتكم دي بجد ده اسعد يوم في حياتي
زهرة بحنان ده احنا اللي محظوظين بيكي يا بنتي يلا يا فارس خد عروستك وادخلو اوضتكم
فعلا مسك يوسف ايد تاج ودخلو اوضته وكانت واقفة زهرة مستغربة
مريم بابتسامة طبعا عاوزة تعرفي يوسف سكت ليه مش كدة
زهرة بحيرة مش عارفة عمل كدة ليه ده انا كنت هقلوها عشانه عشان هو ميضايقش وبحس انها اتفرضت عليه
مريم بابتسامة ومش
زهرة بفرحة ده يوم المني هو انا هلاقيله احسن من تاج يارب يا مريم يكون كلامك صح
كانت مريم هترد بس قطع كلامهم خبط الباب ففتحت مريم واتفاجأت بفارس قدامها
زهرة بابتسامة فارس عاش من شافك يابني انتي فين ده انا بسأل مريم عليك علطول وقلقت احسن يكون في مشكلة بينكم لاقدر الله
فارس بابتسامة لا بعد الشر يا ماما بس متقوليش كدة هو انا اقدر اعيش من غير مريم دي ضي عيني
مريم كانت مصدومة من كلام فارس اللي اول مرة يقوله
زهرة بابتسامة ربنا يسعدكم يابني اومال ايه الغيبة دي
فارس بتنهيدة تقدري تقولي كدة كنت في مأمورية تبع الشغل والحمد لله خلصتها وجيت اخد مراتي ينفع
زهرة بابتسامة طبعا ينفع يلا يا مريم اجهزي وعلي بيتك مع جوزك يا حبيبتي
مريم بصدمة بصت لفارس فغمز ليها بعنيه وهو بيقولها طب ايه هتفضلي مبلمة كدة هاخدك بالفستان القمر ده وامشي اقولك انا بقول تيجي معايا زي ما انتي كدة وبعدين نبقي نبت ناخد حاجتك سلام يا ماما زهرة
مستناش فارس ان مريم ترد وسحبها من ايديها ومشيو ومريم مبلمة من الصدمة
تاج كانت بتفرك في ايديها بتوتر وهي قاعدة مستنية يوسف يتكلم وهو كان واقف محتار بس حسم امره وقرب منها وقعد قدامها
يوسف بابتسامة تاج انتي بتترعشي كدة ليه انتي خايفة مني
تاج بلهفة لا طبعا اقصد يعني اني عمري ما حسيت بالامان ابدا زي ما انا حاسة دلوقتي يا يوسف انا بحد متشكرة اوي علي كل اللي عملته عشاني وانك خلتني ابقي مراتك واعيش في بيتك مع ماما زهرة
يوسف كان متابع تفاصيل تاج وهي بتتكلم وكان تايه في جمالها البريئ اللي خلاه كان ساكت لحد ما فجأة قالها من غير ما يحس ٠ انا اللي متشكر يا تاج انك دخلتي حياتي وخلتيني اجرب كل الاحساس الحلو اللي حسيتو وانا معاكي
تاج بخجل يوسف انت بتتكلم جد اصلي لو في وقت تاني وظروف تانية مكنتش هصدقك انت شوفتني مرتين بس اعتقد دي حاجة ولا في الخيال ولو واحدة غيري هتقول انك بتلعب بيها
يوسف بابتسامة عندك حق بس مسير الايام تثبتلك اهم حاجة عندي انك تعرفي اني صادق في كل كلمة خارجة مني وانا برضه مقدر انك متعرفنيش لسة بس ادينا عايشين مع بعض وهتعرفيني براحتك ماشي
تاج بخجل ماشي
يوسف بابتسامة طبعا انتي منتظرة مني اني اقولك هنام عالارض وانتي هتنامي عالسرير بس ده مش هيحصل يا تاج لاني بتعب من
تاج بخجل لا طبعا انت نام عالسرير وانا هنام عالكنبة دي
يوسف بثقة ده لما تبقي متجوزة سوسن اتفضلي يلا انتي هتنامي مكانك عالسرير وانا هنام هنا يلا قومي قبل ما اغير رأيي
تاج ضحكت بخجل وقامت بسرعة وهي متأكدة انها عايشة اجمل لحظات عمرها
مريم بانفعال اول ما دخلت شقتها ممكن اعرف ايه اللي انت عملته ده انت فاكرني لعبة في ايدك تحركها وقت ما تحب فاكر انك بالكلمتين دول هتاكل عقلي وتخليني انسي اللي قولته واللي عشته سنتين من
فارس باندفاع بحبك
مريم بصدمة ايه
فارس بابتسامة بقولك بحبك يا مريم وانا اسف وانا كل اللي قولتهولك كدب انا مش بحب غيرك ولا حاجة لاني بعشقك وكنت بتعذب زي زيك بالظبط وانا بعيد عنك بس غصب عني
مريم ببهتان ازاي مش فاهمة انت بتقول ايه
فارس وهو بيمسك ايد مريم اايوة كان غصب عني يا مريم انا تعبان وعندي المرض وبتعالج كنت حاسس اني اناني وانا شايفك متعلقة بيا وكنت خايف لما تعرفي تتعبي وتتمسكي بيا اكتر لاني عارف انك هتعملي كدة وعشان كدة كدبت عليكي لانك ملكيش ذنب تعيشي مع واحد زيي
مريم كانت دموعها بتنزل ومش مصدقة اللي فارس بيقوله فبقت تضربه فجأة بايديها وهي بتتكلم وبتعيط في نفس الوقت انت ازاي كدة انت كدبت عليا انت ليه تعمل كدة انت فاكر ان ده هيشفعلك عندي انت فعلا اناني يا فارس انت خلتني عشت اسوأ ايام حياتي انت حتي مدتنيش حرية الاختيار
فارس بحزن صدقيني كنت متاكد انك هتختاريني وعشان كدة كدبت عليكي لاني عارف انك هتاخدي الموضوع علي كرامتك وهتبعدي
مريم ببحة من اثر العياط انا مش مسامحاك يا فارس انا بكرهك انت كداب انا بقي مش عاوزاك مش انت عاوز كدة انا بقي مش عاوزاك
فارس بحزن واهون عليكي تسيبي قلبي ده انتي الامل اللي بتعالج عشانه يا مريم
مريم اول ما فارس قالها كدة وبقت تعيط بحرقة وهي بتتكلم انت هتخف وتبقي كويس هتبقي كويس عشاني يا فارس لاني مش هقدر اعيش من غيرك صدقني
فارس بحب وهو مريم وانا عشانك بعمل كل حاجة يا مريم لاني اكتشفت اني كنت غبي لما بعدتك عني واني حتي لو هعيش يوم واحد يبقي اعيشه معاكي انتي وجمبك وبعد كدة مش عاوز حاجة تاني
مريم بابتسامة تفاؤل انا جمبك وهتخف ان شاء الله وهتبقي كويس انت فاهم هنبقي سوا وان شاء الله هتفضل جمبي ومعايا يا فارس
فارس براحة مش فارق اي حاجة غير وجودك يا مريم اي حاجة تانية بعد كدة صدقيني مش فارقة يا حبيبتي
بعد
زهرة بابتسامة يلا يا تاج روحي انتي غير هدومك يا حبيبتي كفايا عليكي كدة انا هكمل يلا جوزك زمانه علي وصول
تاج بابتسامة حاضر يا ماما زهرة بعد اذنك
جريت تاج علي اوضتها وكانت فرحانة اوي وهي بتجهز عشان يوسف قرب يجي وفعلا شوية وسمعت صوته فقلبها دق وابتسمت بتلقائية اول ما سمعته بيسأل امه عليها وفعلا لقته بيخبط وبيدخل
تاج بابتسامة حمدالله عالسلامة يا يوسف
يوسف بانبهار الله يسلمك قوليلي هو انتي تاج مراتي
تاج بخجل يوسف بقي بطل كلامك ده
يوسف بابتسامة انا اصلا مقولتش حاجة انتي بتخمي المهم تعالي بس كدة اقعدي عشان عاوز اتكلم معاكي في موضوع مهم
تاج بابتسامة ايديني قعدت ها قولي بقي
يوسف بصدق انا فكرت كتير وفي الاخر قررت اني اتكلم معاكي عشان تبقي حياتنا مبنية عالصدق يا تاج
تاج بقلق في ايه يا يوسف قلقتني بجد
يوسف بابتسامة متقلقيش اولا كدة وقبل اي حاجة انا بحبك
تاج بصدمة وخجل انت قولت ايه
يوسف بتنهيدة بقولك اني بحبك يا تاج ولو كنتي هتسألي اتأخرت ليه فهقولك عشان كنت مستني اتأكد من مشاعري ناحيتك رغم اني كنت متأكد لان اللي حسيته ناحيتك عمري ما حسيت بيه ناحية حد بس لازم تعرفي الحكاية كلها من الاول
تاج بابتسامة هقولك انا انت لما طلبت ايدي كان عشان تساعدني ودي كانت فكرتك عشان ماما زهرة صعبت عليك لما كانت بتعيط عشان مش عارفة تساعدني مش هي دي الحكاية اللي عاوز تقولها
يوسف بصدمة انتي عارفة ازاي
تاج بابتسامة سمعت ماما زهرة وهي بتتكلم مع مريم لما كانت بتطمن عليا بس والله من غير ما اقصد وعلي فكرة
انا مزعلتش يا يوسف لاني عذراك انت مشوفتنيش اصلا غير هي المرة دي عشان تحبني ووقتها كنت هوافق برضه وبالعكس كنت هفرح لانك عالاقل ضحيت بحيرتك عشان تنقذني من العيشة دي
يوسف بحب ذاد اضعاف تعرفي اني دلوقتي بحبك مليون مرة عن من دقايق
تاج بابتسامة جميلة وانت تعرف انك كبرت في نظري اضعاف لما جيت صارحتني وعشان كدة سعادتي دلوقتي متتوصفش وخصوصا لاني متأكدة من كلمة بحبك اللي قولتها دي بس انا بقي هقولك الجديد اللي انت متعرفوش
يوسف بفضول اايه ده بقي لا قولي شوقتيني
تاج بخجل اني انا حبيتك من اول مرة شوفتك فيها وقلبي دق وده كان سر محدش يعرفه غير مريم اختك وبس
يوسف اتفاجئ باللي قالته تاج وكان من فرحته مش قادر يعبر غير انه شدها وهو بيحمد
ومنطقش غير بكلمة واحدة بحبك يا تاج بحبك اوي
تمت
