العين فلقت الحجر بقلم الست نور

ولادك ماتوا إزاي
ملحقتش أداريهم 
كانوا بيقولوا لو ابنك كبر داريه وأنا ربنا رزقني ب اتنين من البنات واتنين من البنين كل ولد وبنت في بطن كانوا الكل بيحسدوني عليهم 
صبرتي ونولتي يا أم التوائم 
يختي ده أنت أكتر واحدة عارفة لفيت كعب داير عالخلفة وصرفت قد أي!
أيوة أيوة على يدي وأهو ربنا كارمك آخر كرم بتجيبي بالاتنين في البطن الواحدة لا تعولي هم تجيبي عيل عيل ولا غيره 
قالتها بنبرة مرتاحلتهاش بس مركزتش وقولت يمكن بتهزر علشان كنت لسة والدة آخر توأم ياسين ومكة واستقبلت الضيوف ولما مشيوا قومت أريح شوية وسيبت ماما وأخواتي مع العيال 
نور قومي 
فيه أي
حماتك وعيالها جايين يباركولك 
طيب قدميلهم حاجة يشربوها عقبال ما أفوق 
حماتي دي كانت أكتر واحدة تنتقدني في الرايحة والجاية وتقول عليا أرض بور ومش مهنية ابنها بالخلفة بس أول ما جبتله التؤأم بقيت على الحجر وطيبة الدنيا فيها بس بناتها هم اللي مش برتاحلهم ولا عمرهم اتقبلوني بينهم 
مبارك عليك يا نور يتربوا في عز أخويا إن شاء الله 
الله يبارك فيك يارب عقبال ما ربنا يرزقك بالذرية الصالحة يا إيمان 
قصدك أي يعني بكلامك ده
مش قصدي حاجة والله بدعيلك 
لأ أنت قاصدة وقاصدة أوي كمان! علشان يعني لسة مخلفتش ربنا قادر ياخد منك ويديني 
لا حول ولا قوة إلا بالله أي قلبك ده وأي دخلني في

حياتك وياخد مني ليه هو علشان ربنا يديك لازم أنا أتحرم روحي الله يسامحك 
الدنيا قامت مقعدتش واتخانقنا واتقلبت القعدة لصوت عالي وغلط فيا وفي أهلي وجوزي جه منصرنيش وقالي أنا اللي غلطت فيهم وهم في بيتي والمفروض كنت أعدي الموقف لحد ما يمشوا 
يعني مش هتروحي بيتك يا بنتي
بعد ما غلطوا فيا قدامكم وافتروا
علشان عيالك وچرحك اللي لسة جديد 
ياريتهم راعوا ده كنت قولتلك أعدي وأهو كلها بتفوت 
أمي اتنهدت وهي خارجة وضړبت كف على كف
ربنا يصلحلك الحال يا بنتي يارب 
آمين يا أمي يارب
يومها مكملتش في بيت أهلي ساعة وجوزي جالي يراضيني
نصرتهم عليا وغلطتني وأنا مش غلطانة 
مسكوني أول ما وصلت البيت مراتك عملت وسوت وعموا عيوني عن غلطهم ومسكت في رد فعلك بس 
ويا ترى حكولك بعد ما مشيت ولا زودوا كلام عني
لأ أمي حكتلي اللي حصل وهي مغلطة أختي وأنا أول ما عرفت جيتلك 
والله ما كان قصدي حاجة وهي اللي كبرت الموضوع بقى أنا أعايرها ده أنا معتبراها أختي 
حقك عليا أنا وآدي راسك أبوسها 
لا زعل بيطول ولا خصام بيدوم وحمدت ربنا
على نعمة الزوج المتفهم وبيرجع عن غضبه ورجعت بيتي بولادي بس من وقتها وابتدت رحلة عذابي 
الحقني العيال تعبانين 
طب أنا جاي حالا 
سيبت التؤأم الكبار في البيت مع حماتي وروحت بالتؤأم اللي لسة مولودين المستشفى واتحجزنا بيهم وشوفت بعيني يعني أي عيالي النن بتاع عينهم يروح ويرجع والنفس يتقطع ويرجع والعيال
بدل ما ترجع عادي ترجع ډم والإبر والحقن قطعت جسمهم وبقى أزرق 
دكتور عايزة دكتوررر الولاد بيموتوا مني 
فيه أي فيه أي
الدكتور دخل بسرعة يكشف عليهم وبعد كده رفع سماعته وقال بنبرة أنا عارفاها كويس وكنت متوجسة منها
البقاء لله يا مادام ربنا أعطاك بعد فقد ورجع استرد أمانته التؤأم جم الدنيا مع بعض ومشيوا منها شابكين إيديهم في إيدين بعض ساعة الۏفاة 0222
بعد ما كنت رايحة بولادي يتعالجوا وجوزي مشي كان جاي تاني يوم ليا بلبس ليهم وليا منتظرتوش لما ييجي وسبحان مين قواني ودخلت عليهم بولادي
جايباهم بكفنهم داخلة علينا بكفنهم! هان عليك وقلبك طاوعك
قلبي! هو حد سامع صوت الكسرة اللي أنا فيها طب حد شاف عيني اللي پتبكي بدل الدموع ډم
هاتي يا نور! الولاد لازم يتدفنوا 
لا لا ابعد أيدك عنهم محدش هيقرب من ولادي أنا هخليهم في حضڼي ومش هخلي حد يقرب منهم 
كأن كلمة يتدفنوا دي هي اللي صحتني وفوقتني من الغيبوبة وبدأت وقتها أبكي ب هيستيريا وأصرخ والناس كلها بقت تبكي على حالتي حالتي كان تصعب ع الكافر زي ما سمعت منهم 
اهدي يا نور ربنا يعوضك عوض الصابرين 
ولادي يا عمتي! ولادي استلمتهم چثة في أيدي! عارفة يعني أي
قولي الحمدلله يا بنتي إن ربنا رضاك وخلاك شيلتيهم على أيدك غيرك مش لاقي وأنت أحسن من غيرك!
وأشيلهم چثة يا عمتي هو ده اللي شايفاه أنا أحسن من غيري
أيوة أحسن من غيرك لما تلفي عالدكاترة وتلاقي اللي يروح وييجي معاك أحسن من اللي يسيبك تحتاسي بيهم 
لو مكنش جوزي اللي يلف معايا على تعب ولادي أومال هروح لمين
الجملة مخلصتش لقيت الرجالة داخلين ب جوزي وقع من طوله في العزا وحاولوا يفوقوه فاق بالعافية بس كأنه مكنش معانا 
إحنا لازم نروح للدكتور 
لا لا أنا كويس 
كويس أي وأنا شايفاك كده
كلامي من كلامك يا نور يا بنتي ده حالته لازمها دكتور 
نادي أخواته يا حماتي يجيبوا عربية ونروح نكشفله 
روحنا أنا وحماتي وأخوات جوزي الرجالة ودخلنا عند الدكتور واللي أول ما عرف إنها حالة ۏفاة قالنا البقاء لله وبعدها طلب مننا تحاليل لجوزي 
نور 
معاك
زعلانة مني
هزعل منك ليه
في أي حاجة عملتها عايزك تسامحيني ومتشيليش
في قلبك مني 
عمري ما أقدر أزعل منك ده أنت جوزي وأبو عيالي 
لأول مرة أشوفه هزيل ومريض سند راسه لحد ما التحاليل تظهر وأنا بطبطب عليه وأنا بدعي من جوايا يطمن قلبنا ويرحم ضعفنا برحمته من الدوامة اللي إحنا فيها دي 
للأسف التحاليل متبشرش بالخير وحضرتك لازم تشد حيلك لان الفترة الجاية هتبدأ علاج بالكيماوي 
يعني أي ليه جوزي ماله يا دكتور
جوزك مريض سړطان يا مدام 
الدوامة لفت بينا أكتر وكنا بنزق الأيام وبنحاول نقوى على قد ما نقدر حتى ولادي وقفت بكا عليهم علشان اللي باقي مني يسند جوزي
في محنته كنت أبقى من