روايه منقذي للابد
ليل و عشان الي بتحبه يغير عليها
نعم !!! هي فاكره مشاعرك لعبه يعني !
انا حبيتها يا كريم .. اتمنييت تكون بتحبني ربع م بحبها بس طلعت بتستغلني ..
طب اهدي بس تعالا اقعد و هجبلك عصير لمون
فيه حاجه تاني اتبعتتلي مع الشاتات ..
ايه هي !
شات بين ليل و حد تاني .. فالحقيقه هي شاتات كتير بتحكي فيهم ليل عن اد ايه هي بتحبني وفيهم شاتات من ٣ سنين .. شاتات بتوضح انها فعلا بتحبني و متابعه حياتي
انا ازاي كنت اعمي و مشفتش حب ليل ليا اديت مشاعري لشخص غلط و سبت الشخص الصح .. وهي جميله اساسا و طيبه جدا ..
انا كل لما افتكر اني وقفتها فالشارع وهي بټعيط بس عشان اسألها امنيه هتوافق عليا ولا لا قلبي بيوجعني .. اكيد كان موقف صعب عليها وقتها
كريم مكانش عارف يقول ايه .. كريم فعلا حب ليل جدا و اتعلق بيها وصاحبه دلوقتي بيحكيله عنها كأنها عاجباه
بص انت دلوقتي خارج من علاقه مؤذيه ف متفكرش فالمواضيع دي دلوقتي استني كام شهر عشان تنسي عالاقل انت بس حابب ان يكون حد بيحبك مش اكتر انما انت مش بتحب ليل ولا حاجه
يا كريم اكيد انا فعلا خرجت من علاقه شايفه بس انا حاسس بحاجه ناحيه ليل من سعت معرفت انها بتحبني .. هي بنت جميله و طيبه و كانت زميله كويسه وكل الجامعه بتشكر ف اخلاقها و طيبتها
شكرا يصاحبي انك سمعتني .. انا رايح دلوقتي هفسخ الخطوبه مع امنيه
لا شكرا علي ايه انا معملتش حاجه
بعدها مازن مشي
كريم قعد عالكنبه ساند دراع علي ايد كرسي الكنبه و التاني حاطه علي وشه .. و بيقول ف سره مازن شكله بدأ يفكر ف ليل و لو اتقدملها هتوافق عليه لانها بتحبه ..
وقتها ليل
خرجت من الاوضه
انا فكرت فكلامك كويس وفعلا مش هينفع افضل فالشارع .. انا هبدأ اشتغل من بكرا ف ينفع بس افضل عندك اسبوع لغايه لما اقدر اطلب سلفه من مدير الشغل
هتشتغلي ايه
اي وظيفه مش مهم
تمام
ساكت ليه
لا ولا حاجه مرهق بس
عشان منمتش طول اليوم .. روح نام
تمام
ليل استغربت ان كلامه بقا قليل بس كانت بتقول لنفسها انه اكيد بقا كدا عشان نعسان
كريم راح نام
١٠ بالليل
كريم قام من النوم و لبس كلاسيك و كان نازل الشارع
رايح فين
..
رايح فين بقولك !
رايح الشغل
شغل ايه الي فالوقت دا
انا شرطي علي فكره يعني و بقالي كذا يوم مرحتش الشغل ف اتصلو بيا قبل لما انام و قالولي اني لازم اشتغل مكثف عشان فيه حاجات كتير اتراكمت عليا
ليل ارتاحت انه اتكلم معاها و كمان بيقولها تفاصيل .. يعني كدا هو كان بيتكلم قليل عشان كان نعسان بس فنفس الوقت استغربت انه شرطي
انت ظابط !
ايوه ..مستغربه ليه
شكلك مش
باين عليه خالص انك شرطي
ايه كنتي متوقعه مثلا واحد باين علي ملامحه القسۏه !
اه و ..
و ايه
بخجل يعني متوقعتش ان فيه شرطي يكون لطيف زيك وحلو كمان
قلتي ايه !
لا مقلتش حاجه
تمام انا خارج
خرج من الشقه وهو مش عارف يزعل ولا يفرح .. يفرح انها قالت عليه لطيف وحلو ولا يزعل عشان عارف انها بتحب مازن و ان مازن كمان بدأ يعجب بيها
راح الشغل و بدأ يشوف شغله المتراكم عليه وقرر انه هيشتغل اغلب الوقت لغايه لما ليل تمشي من بيته عشان ميتعاملش معاها و بالتالي ميتعلقش بيها بس الي ميعرفهوش انه هو اصلا اتعلق بيها وخلص الموضوع
الساعه ٢ بالليل
دخل مركز الشرطه واحد ف رجله وبيمشي بالعافيه
بصړاخ و عياط ارجوكم حد يساعد اخويا ارجوكم
ھيموتوه
كريم سمع صوته و خرج من اوضته و راح ناحيه الراجل دا
وكل العساكر راحو ناحيته بردو
بعياط يباشا هما بلطجيه معروفين فالمنطقه و الناس كلها پتخاف منهم حتي الشرطه
نعم ! شرطه ايه دي الي تخاف من بلطجيه ..
بزعيق يا ساامح تعالي هنا
ايوه يباشا
اي الي هو بيقوله دا ازاي فيه بلطجيه خطيرين بالشكل دا وانا معرفش حاجه عن الموضوع
اصل اصل
بزعيق اتكلم !!
الباشا والدك باباه كان قاضي معروف و الناس پتخاف منه ومش بتعصيله اي امر بس كريم مش بيكلمه نبه علينا كلنا اننا منقولش حاجه عن البلطجيه دول قدامك عشان هما خطيرين وهو خاېف عليك ..
بعصبيه و زعيق تاني بابا بيتدخل فشغلي !!
خدو عنوان المكان الي فيه اخوه و يلا نروح
مشي و راح ناحيه باب مركز الشرطه بس ولا شرطي اتحرك وراه
بزعيق محدش جه ورايا ليه مش بقول يلا نروح ولا فاكريني بعزم عليكم !!!
احنا عندنا ولاد يباشا و مش عايزينهم يتيتمو
بزعيق و عصبيه مش انتو عارفين خطوره الوظيفه من قبل لما تدخلوها !! لما انتو تخافو يبقا الشعب هيعمل ايه !!!
بس كلامه بردو مأثرش فيهم
بزعيق طب خلاص انا رايح وحدي خليكم جبناء كدا
راح ناحيه الراجل الجريح و اخد منه العنوان
اخد عربيته و مشي
راح للمكان
الي الراجل قاله عليه
وفعلا شاف رجاله كتير رابطين راجل فالشجره و بيضربو بيه لدرجه ان الراجل بقا كله ډم
نزل من العربيه وهو متعصب جامد
بعصبيه و زعيق انتو بتعملو ايه !!! سيبوه دلوقتي حالا
الرجاله كلهم ضحكو
بعصبيه و زعيق بتضحكو علي ايه !!
الشرطه بعتتلنا راجل واحد بس المره دي يا زعيم
انت مضحي بحياتك ولا ايه
يخساره شكله وسيم خساره ېموت
كل دا و الزعيم متكلمش بعدها خرج عن
صمته واتكلم
انت ابن القاضي بشير صح
الرجاله كلهم بصو لكريم بتركيز
وانا اقول ليه بشبه عليه
تعرف ان يشير دا اكتر واحد بكرهه فالدنيا !
بزعيق بتحكيلي قصه حياتك ليه دلوقتي !! انا بقولكم سيبو الراجل فحاله بدل م اقبض عليكم كلكم دلوقتي
الرجاله ضحكو جامد
دا بيقول هيقبض علينا
نفس عصبيه و غباء بشير بالظبط حلو اوي انك وقعت تحت ايدي عشان انتقم من بشير
مسك موبايله واتصل ب بشير و بشير رد بسرعه لان العساكر بلغوه ان كريم راح للبلطجيه ف كان قلقان جدا عليه
ابنك تحت ايدي دلوقتي يا بشير .. انت ضيعتلي حياتي و سجنتني ٢٠ سنه رغم
اني كنت برئ وقتها و خلتني اتحول لشخص مؤذي و قاسې
احنا نتفاهم احسن ..
مفيش تفاهم يا بشير .. انت ضيعتلي حياتي وانا هاخد منك ابنك الوحيد
دلوقتي
بزعيق وعصبيه قلتلك سيب ابني يمشي دلوقتي و نتفاهم بكرا ف المكان الي تحدده
وانا قلتلك مفيش تفاهم .. هتصل بيك فيديو دلوقتي رد عليا
فعلا قفل المكالمه و اتصل ب بشير مكالمه فيديو و بشير رد
بص بقا علي ابنك للمره الاخيره
كريم بعدها ضحك ضحكه عاليه
انت قاعد بتتكلم عني كأني طفل مثلا قدامك ! انت عارف انا مين اصلا ! انا كريم الي المجرمين والحراميه بېخافو بس يسمعو اسمي
وانا كمان سمعت عنك كويس بس انت متعرفش رجالتي .. كل واحد من رجالتي فنفس كفائتك و انت راجل واحد وهما ٣٠ ف مين
بزعيق و خوف يا عدلي سيب كريم فحاله وانا هجيلك بكرا واعمل فيا الي انت عايزه بس سيب ابني
ياه عشت وشفتك مذلول و خاېف يا بشير
كريم اتحرك بسرعه ناحيه الزعيم الي كان مشغول فالضحك علي بشير و خوفه و ضربه قلم شديد لدرجه ان انف الزعيم ڼزفت
كلهم بصو لبعض مش مصدقين
اما الزعيم ف اتعصب جامد جامد
انت ازاي تلمسني اصلا !!!!
قلتلك متستهونش بيا
الزعيم بص للرجاله بصه مرعبه و ادي الموبايل لواحد من رجالته عشان يصور لان الزعيم قرر يضرب كريم بنفسه
فعلا واحد فيهم اخد الموبايل
اما بشير ف كان شويه وهيعيط لان كانت اغبي حاجه ممكن كريم يعملها هي انه يضرب الزعيم
الرجاله عملو دايره حوالين كريم الي مكنش عارف يركز علي مين ولا مين فيهم
اتنين قربو منهم و ضربهم و وقعهم عالارض و اتنين بعدهم نفس الكلام وقعهم عالارض و ضربهم و اتنين تاني و اتنين تاني و تاني وتاني لغايه لما قواه اڼهارت .. مبقاش عنده القوه انه يضرب حد تاني
كنت بتقولي ان المجرمين بېخافو منك صح ! احب اصححلك معلومه ان احنا غير كل المجرمين انت اخرك تتعامل مع مچرم ضعيف او حرامي انما احنا انت متقدرش علينا
كريم بعدها ضحك بصوت عالي
انت الي ضعيف و مخلي رجالتك يمسكوني عشان تعرف تضربني .. قلت ل ٢٩ واحد من رجالتك يضربوني فنفس الوقت وفالاخر تقولي ضعيف !
الزعيم اتعصب
انا ضعيف ! طيب سيبوه يرجاله خلينا ١ ضد ١ و نشوف اي حجته
الرجاله سابوه و كريم وقع عالارض .. حاول
يقوم بس مقدرش هو اخد ضربات كتير و حاسس ان جسمه متكسر
مش قادر تقوم !
كريم اصر انه يتغلب علي كل الالم ويقوم من مكانه وفعلا نجح
سقفوله يولاد اخيرا قام
انا مسمحلكش انك تستهزء بيا بالشكل دا !!
انا اساسا لو لمستك هتقع من الالم ف بطل بقا شغل انك قوي ومش مأثر فيك حاجه
وفعلا الزعيم كان عنده حق هو اساسا وقف بالعافيه
شايف يا بشير ابنك شبهك ازاي !
بعصبيه متشبهنيش بيه ..
يا زعيم سيب ابني و انا اوعدك هعملك الي عايزه والله
سامعين يولاد حضره القاضي وهو بيتوسل ليا
كريم راح ناحيه الموبايل
بزعيق وعصبيه بطل بقا تقل من نفسك !!!
انا ميهمنيش حاجه غيرك انت ..
وانا مش عايز منك حاجه
خلو المشاكل العائليه دي بعدين
كريم طلع المسډس من جيبه
انا ھقتلك دلوقتي و اخلص الناس منك
نص الرجاله راحو حوالين الزعيم والنص التاني عملو دايره حوالين كريم
بزعيق و عصبيه اقتلوه !!!
اتنين مسكو كريم الي قواه اڼهارت ويكاد يفقد الوعي و الباقي بيضربو فيه
ربع ساعه
بيضربو فيه لغايه لما وقع عالارض
مستغربوش هو مكنش عنده قلب و
طلع بنفسه
الرجاله سندو الزعيم الي راح ناحيه كريم الي مرمي عالارض
هاتولي حزام
استنو صح انا نسيت حاجه
يلا بقا يا بشير تصبح علي خير
الزعيم والرجاله مشيو وسابو كريم
كريم بعدها حاول يستجمع اي قوه عنده عشان يمسك موبايله يتصل بس مفيش اي قوه عنده
فضل ساعه كامله يحاول يمسك موبايله ويتصل لغايه لما نجح
كان اخر رقم اتصل بيه هو ليل ف اتصل
ليل استغربت من مكالمه كريم ليها فالوقت دا كانت ٤ الفجر
بس ردت
ايوا يكريم
بصوت ضعيف و متقطع انا .. انا ..
پخوف مال صوتك يا كريم انت كويس !
شار..ع..الو..ا..دي
و اغمي عليه بعدها
هي فضلت تنادي عليه بس خلاص هو اغمي عليه ومش سامع حاجه
قلقت و خرجت بسرعه الشارع .. مهتمتش ان الوقت اتأخر ولا انها خرجت بلبس البيت
ركبت تاكسي و راحت للشارع الي هو قالها عليه و كان كريم مرمي فنص الطريق
جريت عليه وهي خاېفه جدا و بټعيط
بعياط كريم انت كويس !
بس مكنش بيرد عليها
حاولت تسنده
بعياط اي الي حصلك !
بسرعه سندته لغايه التاكسي و ركبت و راحت البيت لان المستشفي كانت بعيده جدا مسافه نص ساعه وهو كان بيفقد ډم كتيرجريت عليه وهي بټعيط وخاېفه جداا
سندته و ركبته التاكسي و راحت البيت لان المستشفي كانت بعيده جدا مسافه نص ساعه وهو اصلا كان فقد ډم كتير
نزلت من التاكسي و اخدت مفتاح الشقه من جيبه و فتحت الباب
سندته لغايه الاوضه و نيمته عالسرير
بعدها فضلت تلف فالاوضه زي المجنونه ومش عارفه تعمل ايه
ربطت مكان ب قماشه عشان الڼزيف يقف بس مع ذلك موقفش
قررت انها هتستعين بمساعده بسمه .. حياه كريم اهم بالنسبالها حتي لو هتضطر تطلب مساعده من واحده مش بتطيقها
طلعت فوق عند شقه بسمه وخبطت جامد
بسمه اتخضت لان متوقعتش حد يخبط فالوقت دا كانت ٥ الفجر
فتحت الباب
بتخبطي ليه عليا !! عايزه تباتي عندي كمان !!
بعياط كريم ..
بسمه اتخضت
ماله !!
بسمه بسرعه راحت وراها بعد لما جابت بيتادين
اول لما بسمه شافته اتخضت و مسكت دموعها بالعافيه
مين الي عمل فيه كدا !!!
معرفش .. هو اتصل بيا و قالي علي شارع و لما رحت هناك كان مغمي عليه فنص الطريق
بسمه بصت علي مكان
وبعدها راحت للمطبخ .. جابت سکينه وسخنتها عالنار و راحت للاوضه الي فيها كريم
پخوف انتي هتعملي ايه !!!
هطلعله
نعم !!! نوقف الڼزيف بعدها ناخده المستشفي وهما
هيخرجوها
وانا دكتوره علي فكره يعني وهعرف اطلعها بس فعلا عندك حق المفروض
نوقف الڼزيف و نعوض الډم الي فقده الاول
بسمه اتصلت علي زميلها متخصص فنقل الډم و قالتله يجي ويجيب معاه اكياس ډم فصيله O negative
و فعلا كان عندهم فظرف ربع ساعه ونقل لكريم الډم و وقف الڼزيف
٪ هو كدا بقا كويس بس لازم يعمل اشعه عشان يشوف عنده كسور ولا لا و كمان لازم تطلع .. هتاخدوه المستشفي صح
لا انا الي هعالجه
٪ تمام انا كدا دوري خلص اشوفك بعدين يا بسمه
بعد لما الدكتور مشي ليل بصت ل بسمه پغضب
انا مش هخليكي تجربي فيه يا بسمه !!! هيروح المستشفي احسن
عموما انا هستناه يفوق وهو يقرر بقا ولعلمك انا مصره اني انا الي اعالجه
ليل مكنش قدامها تعمل حاجه غير انها تستناه يفوق
بعد ساعتين
كريم بدأ يفوق
پخوف انت كويس !
حاول يقوم من مكانه بس حس ب الم فكل جسمه ومقدرش
متحاولش تقوم انت فيك چروح كتير ولسا مطلعناش
وقتها بسمه دخلت الاوضه
كويس انك فقت .. البت الي جايبها من الشارع دي بتقول اني هجرب فيك ومتعرفش اني دكتوره شاطره يا كريم
ليل بصت لبسمه بقرف بعد لما سمعت البت الي جايبها من
الشارع بس مرضيتش تكبر الموضوع فوضعهم دا
انا واثق ف بسمه يا ليل ..
شفتي قلتلك !! انا هروح اسخن السکينه تاني عشان بردت و جايه
متأكد انك مش عايز تروح المستشفي
اه .. اساسا مش عايز اتقل عليكم انا مش
قادر اتحرك وانتو لسا هتسندوني
مين عمل فيك كدا !!
موضوع طويل
يلا يا كيمو جاهز
اه بس ياريت تخلصي الموضوع بسرعه
اه طبعا هخلص بسرعه .. ليل ثبتيه فمكانه عشان ميتحركش لان الموضوع هيكون مؤلم شويه من غير مخدر
ليل قعدت جمبه و حطت ايدها علي دراعه و ايدها التانيه علي صدره
انتي كدا بتثبتيه مكانه
هثبته ازاي مثلا ! لو عندك طريقه تاني قولي
ما علينا كدا كدا هخلص الموضوع بسرعه
كريم وقتها كان پيصرخ من الالم
يا بسمه يلا خلصي بسرعه انا مش قادر
ليل كانت بټعيط عليه لان واضح ان الالم شديد
اما بسمه فكانت مركزه فالي بتعمله
عشر دقايق و هي بتدور عالرصاصه بالسکينه
بعياط يبنتي ناخده للمستشفي احسن حرام عليكي انتي لسا حتي ملقتيش
بسمه وقفت و بصت علي كريم
ۏجعتك جامد !
اومال انتي فاكره اي يعني ! بتحطي جوا چرح هو اساسا واجعه و كمان متسخنه علي و عايزاه ميحسش !
انا بسأل كريم علي فكره
بسمه .. انا هروح المستشفي انا فعلا مش هقدر استحمل تدخليها تاني انا عمري متألمت بالشكل دا حتي لما كانو بيضربوني
پغضب انت مش واثق فيا يا كريم !!!
واثق بس انا فعلا مش قادر .. لازم اټخدر
انت بقيت ضعيف علي فكره يا كريم انا عمري مشفتك بتصرخ من الالم قبل كدا
انا انسان واكيد هتألم
اديكي اهو بتقولي يا بسمه انك عمرك مشفتيه پيصرخ من الالم ف دا معناه ان الالم شديد اوي اوي ومفيش حد يستحمله
وانا قلت مش هناخده المستشفي وانا موجوده
كانت بسمه مصره علي رأيها
راحت تسخن السکينه تاني
اول لما خرجت من الاوضه ليل قامت بسرعه وقفلت باب الاوضه بالمفتاح
بنت خالتك دي مجنونه والله ! عايزه تثبت انها دكتوره شاطره علي حساب المك يعني !!
هي طيبه والله
اه واضح انها طيبه
استني لما تمشي من الشقه هاخدك المستشفي .. دلوقتي هستغل الوقت ف اني اطهرلك الچروح الي ف صدرك
تمام ..
متقلقش انا مش مجنونه زي بنت خالتك .. مش هوجعك يعني وبعدين انت بتعرق ليه كتير
قربت منه وبدأت تطهرله الچروح ب البيتادين
كانت قريبه منه جدا جدا يمكن كانت المسافه بينهم سم واحد او اتنين
كريم كان باصص علي وشها اما هي مركزه ف تطهير الچروح
بعدها بصتله واتوترت لما شافته باصصلها واستوعبت وقتها
علي فكره مازن جالي امبارح
عادي اكيد هيجيلك مش هو صاحبك
قالي انه هيفسخ الخطوبه مع امنيه
بصتله
بفرحه بجد !
اه .. وكمان عرف انك بتحبيه من زمان ..
فجأه وقفت عن تطهير الچروح
بس انا مش بحبه
لا بتحبيه .. وباين كمان من فرحتك دلوقتي
طيب هو عرف ازاي
حد بعتله شاتات بينك وبين واحده تانيه وانتي كنتي بتتكلمي عنه فالشاتات
دي اكيد آيه
هو قال انه معجب بيكي ..
ركز علي رده فعلها اكتر فالوقت دا
بفرحه شديده بجد !!
ايوه ..
قامت من مكانها وهي فرحانه
شكرا بجد
وبعدها اتراجعت بسرعه
انا .. انا اسفه اكيد الچروح ۏجعتك صح
لا ..
ياريت كان عندي اخ زيك كدا
اخ !
ايوه .. هو ينفع اعتبرك اخويا
كريم كان قلبه بيتخلع من مكانه وهما بيتكلمو بدايه من اللحظه الي بدأ يتكلم فيها عن مازن
اه طبعا ينفع ..
طيب كدا انا خلصت تطهير الچروح و سمعت صوت الباب من شويه ف شكل بسمه مشيت .. هطلع الصاله بس اكلم آيه وهاجي اخدك و نروح المستشفي
تمام ..
اول لما خرجت الصاله هو قام من السرير وبدأ يمشي رغم الم رجله الشديد بس هو كان وقتها مش حاسس بحاجه .. كل الي حاسس بيه ان قلبه اتكسر
فضل يمشي لغايه المستشفي مع انها بعيده
ومحسش ب اي الم
وصل المستشفي و دخل الاستقبال
و الدكتور اخده للاوضه عشان يطلعله
وقتها ليل دخلت الاوضه
قلقتني عليك ليه مشيت وحدك !! اكيد اتعذبت لغايه لما قدرت توقف تاكسي
انا مشيت .. مركبتش تاكسي
بذهول نعم !!!
هات دراعك عشان اخدرك
مفيش داعي للتخدير
الممرض بص للدكتور
ب استغراب
الالم هيكون شديد ومش هتستحمله
وانا قولت مش عايز اټخدر
يا كريم مش انت قلت بنفسك فالبيت انك هتروح المستشفي عشان يخدروك ! انت بنفسك قلت انك اتألمت الم محستهوش قبل كدا
كريم كان باصص قدامه ومش بيتكلم
طب خلاص احنا هنحترم رغبه المړيض
ليل مسكت ايد كريم
اضغط علي ايدي لما تحس ب الم
بس هو مردش عليها
الدكتور بدأ يطلعله بعد لما الاشعه طلعت و عرف مكان بالظبط
بس كريم مكنش بيحس ب اي حاجه .. مكنش بيبدي اي رده فعل ولو حتي بسيطه
كان باصص قدامه وخلاص
حتي الدكتور والمړيض استغربو جامد لان تقريبا اول مره يشوفو حد بالثبات الانفعالي دا ومن غير تخدير كمان
و ليل كانت مستغربه اكتر منهم لانها شافت حالته
فالبيت لما كانت بسمه بتطلعله
الدكتور طلع و ربطله مكان
بس كدا تقدر تمشي بعد شويه تكون استريحت شويه
لا انا همشي دلوقتي
وقام من مكانه و بدأ يمشي بسرعه
ليل جريت وراه
انت فيك حاجه غريبه بجد
بس كريم مكنش بيرد عليها
راح للبيت مشي و ليل كانت بتمشي وراه
طيب مش بتكلمني ليه انت زعلت مني فحاجه!
وصل للبيت وفتح الباب و دخل الصاله
عايز انام ف ياريت تسيبيني فحالي
طيب تعالا انت نام فالاوضه وانا هنام فالصاله
لا هنام عالكنبه
و راح نام عالكنبه و غطي وشه بالبطانيه
راحت الاوضه وحاولت تنام بس معرفتش
قامت تحضر الغدا لانه محتاج يتغذي كويس
بس اتفاجأت بعد ساعتين ان حد بيفتح باب الشقه
جريت وهي مخضوضه احسن يكون حرامي
بس اتفاجأت ان كريم خارج
انت خارج !
انتي شايفه ايه
متستريح النهارده حتي ..
ورايا
شغل كتير
طيب انت عارف تمشي كويس
انتي شايفه ايه !!
بعياط بتتكلم معايا كدا ليه
وانتي بټعيطي ليه !
عشان بتعاملني وحش
طنش كلامها وخرج من الشقه وقفل الباب جامد وراه
فضل عالحال دا يومين مش بيتكلم و بيروح بس الشغل ويرجع منه .. حتي باباه حاول يتواصل معاه كتير بس مكنش بيرد عليه
ليل حست ان فيه حاجه غريبه و اضطرت تكلم بسمه
عايزه ايه ..
كريم متغير جامد الايام دي .. حتي باباه بيتصل طول اليوم علي موبايله بس مش بيرد عليه انا رديت عشان اطمنه .. هو ماله
بصراحه انا كمان شايفاه غريب هو انسان فرفوش ولطيف مش عارفه ليه بقا انسان جدي كدا
بصي يا بسمه انا عارفه انك مش بتحبيني عشان بتغيري علي كريم بس انا فعلا بعتبره اخويا
مش بتحبيه
لا انا بحب واحد تاني اساسا
الحمدلله طمنتيني انا اسفه عالطريقه الي كنت بعاملك بيها
ليل
انا زي مبعتبره اخويا هعتبرك انتي كمان اختي
ب ابتسامه اتفقنا
بسمه نزلت تقعد مع ليل فالشقه ويتكلمو
بعد ١٠ ساعات
كانو قاعدين مع بعض و بيهزرو و كريم رجع من الشغل وقتها
يا كريم انا
اكلت فالشغل
يا سلام يا كريم انت دايما بتقولي ان اكل الشغل وحش ومستحيل تاكله مهما حصل
انا عايز انام ف ادخلو الاوضه
انت ليه بتعمل معانا كدا يا كريم !!
بزعيق عايز انام بقول
انت كمان بتزعقلنا!!
هو بعد عنها
بتعملي ايه !!
يبني انا بعمل كدا دايما كل لما تكون متضايق !!
وانا بقولك عايز انام ومش طايق اشوف حد قدامي
لحظه كدا اي الريحه دي .. انت شارب !
بزعيق انتي مالك بيا !!
خلاص يا بسمه متضغطيش عليه ..
لا استني بس
متفوق بقا اي الي بتعمله دا !! بتعاملنا وحش و كمان جاي وانت سکړان .. من امتي بتشرب اصلا!
كريم سابهم وخرج من الشقه
مكنش لازم تضربيه يا بسمه !! الامور مش بتتحل كدا
هو الي عصبني يا ليل .. من امتي وهو بيشرب اصلا المفروض كل لما بتكون حاجه مضايقاه بيجي يحكيلي
بس مكنش لازم تضربيه بردو وكمان قدامي
مش عارفه بقا يا ليل الي حصل حصل
انا هروح ادور عليه
يبنتي الوقت متأخر احنا فنص الليل
طيب تعالي معايا لو عايزه
مش هقدر اخرج بلبس البيت
تمام انا رايحه و هطمنك عالموبايل
تمام يلا روحي بسرعه قبل ميبعد
فعلا خرجت من الشقه و راحت ورا كريم
استني انت بتمشي بسرعه كدا ليه !!
اضطرت تجري جري و وصلتله
ومسكته من دراعه جامد
بتعمل معانا كدا ليه !!
فلت دراعه من ايدها ومشي
انت بتتجاهلني !!
وقفت قدامه
عايزه ايه
عايزه اعرف مالك
وانا بقول مفيش
لا انت مش كريم الي انا اعرفه .. كريم
الي اعرفه اختفي و اتحول لشخص غريب
انا عايز امشي ف ابعدي من قدامي
وانا مش هتحرك غير لما تقولي ايه الي غيرك
وفجأه
بحبك ..
بعياط انا تعبت بقا
تعبت .. تعبت من اني اشوف فرحتك كل لما تيجي سيره مازن .. انتي ليه محبتنيش انا وحش للدرجادي
افهم بقا انا بعتبرك اخويا .. انا محبتش ومش هحب غير مازن وبعدين انا وبسمه بقينا اصحاب و اعتبرتها اختي عايزني اتجوزك ! هيكون ايه الفرق بيني وبين امنيه وقتها
كريم مسح دموعه
كريم اقسم بالله لو مبعدتش لاصوت والم عليك الناس .. انت مش الشخص الي عرفته ابدا يا كريم انت اتغيرت
كريم بعد عنها و مسك عصايه مرميه فالشارع و بدأ يضرب علي رجله فنفس مكان
ليل جريت عليه ومسكت ايده الي
فيها العصايه
پخوف انت بتعمل اي !! لسا اساسا چرحك مخفش بشكل كامل
ببرود سيبيني انا لما هتألم الم جسدي هنسي الم قلبي..
ليل معرفتش تقوله ايه
انا رايحه البيت .. هاخد حاجتي وماشيه يا كريم
وفعلا سابته ومشيت بس وقفت فنص الشارع
الالم رجع مره تانيه و كان قوي جدا
راحت البيت بالعافيه و اخدت حاجتها
مالك يا ليل هو قالك حاجه ضايقتك !
اه يا بسمه قالي امشي من الشقه عشان مش قادر ياخد راحته
طب تعالي عندي واقعدي معايا فالاوضه احنا خلاص بقينا اخوات
لا مش هفضل اعيش لاجئه عند الناس يا بسمه
بجد انا هزعل لو مقعدتيش معايا
تمام هقعد معاكي بس يومين بس و انا هقدم شغل فكل حته تاني يمكن يقبلوني المره دي .. عن اذنك هدخل الحمام بسرعه
دخلت الحمام وهي پتنهار .. كانت سانده طولها بالعافيه .. غسلت وشها كذا مره و خرجت
معلش يا بسمه ينفع تطلعيلي شنطتي حاسه بدوخه شويه
اه طبعا تعالي اسندك
بسمه وصلت ليل ل اوضتها و فتحت الدولاب رتبتلها هدومها
انتي طيبه اوي يا بسمه
بحاول اكفر عن الي عملته فيكي .. اصل انتي متعرفيش كريم بالنسبالي ايه وكنت غيرانه منك عشان كنت شايفه اهتمام منه ناحيتك
ليل ابتسمت و نامت عالسرير
١٠ الصبح
كريم صحي وهو دايخ جداا
اوف انا شكلي تقلت فالشرب امبارح
بدأ يحاول يفتكر الي حصل امبارح و نجح ف انه يفتكر
قام من مكانه بسرعه و بدأ يدور علي ليل ف كل انحاء الشقه بس مكنتش موجوده
خرج الشارع يدور عليها وهو بيشتم نفسه علي الي عمله امبارح
كان راجع البيت وهو يائس انه يلاقيها بس اتفاجئ ب بسمه خارجه من شقتها و بتقوله ان ليل عندها
الحمدلله انا افتكرتها مشيت خالص
ليه افتكرت كدا
كريم اتكسف يقولها انه بالعافيه امبارح
لا لا مفيش حاجه حلمت كابوس بس
تمام بص انا رايحه الشغل و هاخد ماما لجلسه العلاج الطبيعي بتاعتها
تمام
دخل الشقه وهو بيفكر يطلع يكلم ليل ولا لا
بعد ساعتين
ليل كانت لسا نايمه بس صحيت من النوم علي ۏجع فجسمها كله .. المره دي كان اكتر من اي مره اتوجعت فيها من سعت م اكتشفت انها عندها سړطان ډم
قامت بالعافيه من السرير وكانت بټعيط
دورت علي بسمه بس مكنتش موجوده
ضغطت علي نفسها ومشيت لغايه الباب و فتحته
بعياط جامد و صړيخ حد يلحقني انا مش قادره استحمل
كريم سمع الصوت و خرج بسرعه
و جري ناحيتها
پخوف شديد مالك يا ليل
بعياط جامد مش قادره استحمل المره دي اقوي من اي مره ارجوك ساعدني انا بمۏت
پخوف شديد انا مش فاهم حاجه اهدي بس وقوليلي حاسه ب ايه
ليل بعدها بصت ل كريم كأنها عايزه تتكلم بس مش قادره وبعدها اغمي عليها وهو مسكها قبل لما تقع عالسلم
اخدها بسرعه للمستشفي الي بتشتغل فيها بسمه
پخوف شديد يا دكتور هي كانت بټعيط جامد و بعدها اغمي عليها ..
تمام انت استني هنا واحنا هنشوف مالها ونبلغك
اتصل ببسمه بسرعه وهي نزلتله فالاستقبال
مالك يكريم !!
ليل .. كانت بتتألم
جامد
و بعدها اغمي عليها
انا هدخل للدكتور اشوفها و اقولك
تمام ..
كريم كان قاعد فالاستقبال وهو يكاد ېموت من القلق
بسمه خرجت من الاوضه الي فيها ليل وملامحها متطمنش
كريم جري عليها
طمنيني مالها
بحزن شديد ليل عندها سړطان ډم و المفروض كانت تبدأ علاج من شهرين بس الدكتور قال انها جت المستشفي هنا من شهرين و رفضت تتعالج لما عرفت ان عندها سړطان ډم
پصدمه سړطان ډم !!
كريم حاول يمسك دموعه بس مقدرش
اهدي يكريم هتبقا كويسه
بعياط هي فمرحله تقدر تتعالج فيها صح
دلوقتي هي فمرحله نسبه الشفاء فيها ٥٠ ونسبه انها متستجبش للعلاج و ټموت بعد ٣ او ٤ شهور ٥٠ بردو .. لو كانت بدأت علاج وقت م اكتشفت المړض كانت فرصه الشفاء وقتها اكتر بكتير بس اهم حاجه فالفتره دي حالتها النفسيه .. لازم تتمسك بالحياه و لازم يكون عندها اراده انها تعيش
كريم سابها وهو مڼهار و اتصل علي آيه اخد رقمها قبل كدا من ليل عشان لو حصل ظرف طارئ
الو يا آيه انا كريم اكيد ليل حكتلك عني
اهلا وسهلا بيك
هي ليل مرضيتش تتعالج ليه لما عرفت انها عندها المړض دا
بحزن وقتها كان مازن خطب امنيه وهي اڼهارت لانه كان الحاجه الوحيده الي مصبراها علي حياتها
كريم كان حاسس ان قلبه اتكسر اكتر من الاول ..
هي بتحب مازن للدرجه دي
ايوه دي بتعشقه مش بتحبه وبس
طب تمام شكرااا
بعد لما خلص المكالمه قرر انه هيدوس علي قلبه بستين جزمه المهم انها تخف وتعيش
اتصل بمازن
الو يصاحبي
الو يا مازن
مال صوتك
لا مفيش .. بقولك .. انت قلتلي ان ليل عاجباك صح
اه
لسا حاسس ناحيتها بحاجه
كان وقتها كريم مستني الرد علي احر من الجمر .. كان
