روايه عشقت توأمها للكاتبه أسراء ابراهيم
اسكربت
عشقت توأمها
كانت قاعدة على الرصيف لابسة هدوم خفيفة ومتبهدلة وحاضنة شنطة قديمة وعينيها تعبانة بس فيها لمعة تحدي فجأة بتقف عربية فخمة قدامها وينزل منها شاب شيك جدا شكله متوتر وعينه مش مصدقة اللي شايفاه
رؤي بړعب وخوف
لو سمحت انا معملتش حاجة انا قاعدة ف حالي
اسر بيبصلها پصدمة
انتي انتي مين
رؤي پخوف
ايه ده انت كمان فاكرني سرقاك ولا حاجة انا مش هسمحلك تتهمني امشي من هنا بدل ما الم الناس عليك
اسر لنفسه
دي نسخة منها نفس الملامح نفس النظرة حتي لون العنين
رؤي پغضب
انت بقي عاجبك المنظر عاجبك تشوف حد مكسور ف الشارع وتتفرج عليه
انا بس محتاج حد يشتغل عندي يكون شغله نضيف وبعدين انتي هتشتغلي في قصر وهتاخدي مرتب محترم
رؤي بشك وضيق
واشمعني انا يعني هو مفيش غيري
اسر بتنهيدة
لأنك شبه واحدة كانت مهمة بالنسبالي ولأني بحب لما الاقي فرصة ماتفوتنيش
رؤي پغضب
وانت بقي متعود تتحكم في الناس واللي تعجبك تشتريها مش كدة
اسر بابتسامة جذابة
لما بلاقى حد يستاهل اه وبعدين انتي هتيجي ولو لقيتي اني بكدب عليكي بسيطة امشي علطول وبعدين ده مرتب محترم علي فكرة وهيعيشك ملكة بدل پهدلة الشارع
سكتت رؤي لحظة وعينيها بدات تدمع بس بسرعة بتمسحهم بطرف كمها
رؤي بصوت مكسور بس فيه تحدي
طب اسمع انا لو وافقت عندي شرط
اسر بغرور
كمان انتي اللي بتتشرطي تمام قولي خلينا نخلص
رؤي بثقة مزيفة
امي هتيجي معايا انا مستحيل اسيبها لوحدها دي مريضة قلب
اسر رفع حواجبه بدهشة وكان متردد لحظة وهو بيبصلها لانه مش واخد انه حد يتشرط عليه بس حس بصدقها
اير ببرود مصطنع
أمك اممم خلاص تمام تيجي
رؤي بتبصله بقلق
مفيش كدب ولا لعب صح
اسر بنظرة قوية
انا
لحظة صمت تقيلة بينهم وصوت الناس ف الشارع بيختفي كأنهم لوحدهم
رؤي بتنهيدة
انا موافقة بس عشان أمي ومش انهاردة سيبني افاتحها في الموضوع الاول
ابتسم اسر بغرور
تمام اوي كدة يلا عشان اوصلك
رؤي بسخرية
عشان تعرف بيتي فين مش كدة
اسر بابتسامة جذابة
لا عجبني ذكاءك عموما الاحتياط واجب
رؤي بقوة
ده لو كان امر واقع لكن انا لسة بايدي ارفض او اقبل والقرار النهائي لامي فادعي انها توافق عشان لو رفضت صدقني لو عملت ايه لا يمكن هروح معاك
اسر استغرب قوة رؤي رغم ضعفها اللي ظاهر في عنيها بس انتي انها تسمح لحد انه بستغلها وقتها بتكون اقوي بنت قابلعا في حياته وشخصيتها عجبته جدا رغم انه مكنش متخيل انها تبقي كدة
جوة العربية رؤى كانت قاعدة جنب الشباك وعينيها شاردة بره وأسر سايق بس كل شوية يبص عليها من بعيد
أسر بنبرة هادية ومهتمة
اسمك إيه
رؤى ردت بحذر
اسمي رؤى
أسر بابتسامة خفيفة
اسمك حلو لايق عليكي
رؤى ببرود
انت متعود تمدح كتير اصل انا بؤضه متعودة اسمع ومبهتمش
أسر ضحك بخفة
لأ بس لما حاجة تعجبني بقول برضه ولا ايه
رؤى بتبعد وشها وتكتم تنهيدة
خليك سايق وخلاص مش محتاج تترسم اكتر من كدة هتفرقع من الغرور
أسر فجأها
بسؤال مفاجئ
ليه كنتي قاعدة كده لوحدك
رؤى بمرارة
الدنيا ساعات بترمي البني آدم ف حتت مكنش يتخيلها وبعدين مين قال إني لوحدي
أسر باستغراب
قصدك مين معاكي
رؤى ببساطة
الكرامة لما تتبهدل بتبقى أنيس والوحدة لما تاكلك بتبقى صاحبك
أسر حس بجملة كسرت حاجة جواه فسكت شوية وبعدين قال بصوت أوطى
واضح إنك اتعذبتي كتير
رؤى بتحاول تتماسك
كل واحد و ليه وجعه وأنا
أسر حس بإحساس غريب كان عايز يحميها بس مش فاهم ليه فجأة حس إن البنت دي ممكن تكسر كل حواجزه واللي كان ناوي عليه يتبخر
وصلوا لمنطقة شعبية وشارع ضلمة وبيوت بسيطة
رؤى بحذر
هنا وقف هنا
أسر وقف العربية وبص ليها وهي بتفتح الباب فقالها بسرعة
استني خدي رقمي
رؤى بتبص له بعدم ثقة
ليه
أسر بجدية
لو احتجتي أي حاجة قبل ما نتقابل تاني أو لو غيرتي رأيك
رؤى بتاخد الرقم من غير كلمة وتنزل بسرعة تخبط باب حديدي صغير وتدخل جوة وأسر بيفضل قاعد شوية قدام باب بيتها وكان حاسس إنه مش قادر يمشي حاسس إنه مربوط بالبنت دي وهو مش فاهم ليه
في البيت من جوه رؤى داخلة بسرعة ولقت أمها هدى وهي ست كبيرة وشها باين عليه التعب قاعدة على كنبة قديمة
هدى بصوت مبحوح
رؤي اتأخرتي ليه
رؤى بحنية وهي بتجري عليها
كنت بدور على شغل يا أمي ولاقيت شغل إن شاء الله خير
هدى بتضحك بضعف
يا ريت يا بنتي أنا نفسي أشوفك مرتاحة قبل ما أمشي
رؤى بتدمع عيونها وهي ماسكة إيدين أمها
هتعيشي وتتهني بيا أوعدك
هدى بتبصلها بحب
طول ما انتي كويسة أنا بخير ها لقيتي شغل ولا برضه بعتي مناديل زي كل يوم
رؤي بتوتر
لا لقيت وبعدين انا مش عاوزاكي بعد كدة تشيلي هم حاجة صدقيني احنا هنبقي احسن
هدي بقلق
طيب انتي مقولتيليش الشغل ده فين وهتشتغلي ايه
رؤي بتوتر اكبر
اه منا هقولك بس هو اصله شغل غريب شوية
هدي بشك
غريب ازاي فهميني يا رؤي ومتكدبيش عليا
رؤي بحيرة
بصراحة كدة انا حصل معايا موقف غريب بس في الاخر يعني انتهي الموضوع باتفاقية شغل
هدي بقلق
رؤي اوعي يكون حاجة مش تمام يا بنتي انا مربياكي كويس
رؤي بلهفة
لا
هدي بنفاد صبر
ايوة اللي هو ايه بقي كلامه ده فهميني بقي علطول بلاش لف ودوران
رؤي بتنهيدة
هقولك اصله هو شكله كدة شاب غني اوي لقيته نازل من عربية زي افلام السيما بس الغريبة انه كان بيشبه عليا كأنه افتكرني واحدة تانية وبعدين بقي لما عرف اني مش هي قعد يتكلم معايا وعرض عليا اني اشتغل عنده في القصر
هدي بانفعال
يا سلام عليكي وانتي صدقتيه والشويتين دول دخلو عليكي للدرجادي انتي هبلة اكيد بيجر رجلك وبيستغل ضعفك وقلة حيلتك عشان توافقي وتروحي معاه والله اعلم بقي ناويلك علي ايه اسمعي اياكي تقفي بس معاه مرة تانية انتي فاهمة
رؤي بسرعة
لا يا ماما انتي مش فاهمة انا اكيد مش هبلة يعني عشان اصدقه انا قولتله اني هتغل وامي معايا وهو وافق بكل بساطة ومعترضش تفتكري بقي لو نيته وحشة هيوافق بسرعة كدة لو سمحتي
يا ماما وافقي خلينا نرتاح بقي وبعدين خدامة في قصر اهون من بياعة مناديل في الشارع بليل للفجر
هدي بحيرة
طيب واتفقتي معاه علي ايه
رؤي بابتسامة
اني مش هوافق قبل ما اتكلم معاكي طبعا ووقتها هبلغه رفضي او موافقتي ها قولتي ايه
هدي بحيرة
يعز عليا اخليكي تشتغلي
في البيوت يا بنتي بس برضه اهو احسن من خۏفي وقلقي عليكي من الشارع وقسوته
رؤي بحماس
هيييه خلاص انا هكلمه بكرة واقوله انك موافقة
هدي بقلق
ربنا يسترها يا بنتي يارب من اللي جاي
تاني يوم أسر كان راكن عربيته قدام نفس الشارع بيبص علي الساعة و مضايق إنها اتأخرت
فجأة يشوف رؤى خارجة من البيت لابسة حاجة بسيطة بس نضيفة و شايلة شنطتين صغيرة وإيدها ماسكة أمها بحنية
أسر قام بسرعة وفتحلهم باب العربية
هدي بتحفظ
شكرا يابني ربنا يستر
اسر بابتسامة
تسلمي يا طنط اتفضلي براحتك خالص وانتي بتركبي
رؤى بصتله بتحذير وقالتله بهمس
أي تصرف مش هيعجبني همشي انا وامي
