اسكريبت حبيبي محمد كامل
المحتويات
بعض بقالهم خمسة وتلاتين سنة..
قام وقف لما لمحها وخد منها الشاى وقعدوا قصاد بعض وهما الاتنين مبتسمين ..
كانت صاحبة اخته...وهو شافها معاه أكتر من مرة لغاية ما حبها واتجوزها ...
مد ايده مسك اديها وهو مبتسم وباس اديها بكل لطف ...
لما عرف انه مش بيخلف حاول كتير إنه يبعدها عنه بس هى ال كانت بترفض ...بترفض عشان بتحبه
بصت للأرض بخجل يتنافى تماما مع الوقت ال قضوه مع بعض ...
وعشان كان حبهم صادق قدروا يتحدوا كل الظروف ويكملوا مع بعض ...بصى عليهم يا نسيب ...بصى على عنيهم ال بتضحك .بصى على عنيهم ال بتقول كل الكلام المخفى ....بصى على عنيهم وقوليلى شايفة ايه
رفعت وشها وابتسمتله ف ضحك بصوت عالى وصل لغاية مكانى ...قرب الكرسى بتاعه منها وميل على ودنها وهمس بكلمة مقدرتش أسمعها بس قدرت أفهمها من نظرة عنيها ....مسكت ايده هى كمان ..وبعدين بصوا لبعض وضحكوا هما الاتنين وكملوا سهرتهم اللطيفة ...
قوليلى يا نسيب شايفة ايه
دمعت عايزة أمشى
مش هنمشى قبل ما تجاوبى
بصيت فى عنيه واتكلمت وانا بعيط
لو سمحت مشينى من هنا
مد ايده مسح دموعى وبعدين اتكلم بضيق
يلا يا نسيب
ممكن تقوليلى مشينا ليه
بصيتله ودمعة نزلت من عينى والدمعة سحبت اختها واختها سحبت اخواتها لغاية ما لقتنى قعدت على الأرض فى الشارع وبدأت أعيط بصوت عالى..
قرب منى بسرعة..
نسيب اهدى حصل ايه لكل ده
ماردتش عليه لأنى ماكونتش قادرة أرد عليه ...
طب أنا آسف والله العظيم آسف مش هزعلك تانى ...
آسف ...فاكرنى بعيط بسببه !
طب أقوله ايه دلوقتي
أقوله إن بعيط عشان كل ذكرياتى اتعرضت قدامى
ولا أقوله إن بعيط عشان حاسة إن فى ڼار جوايا ...
المشهد ال شوفته من شوية ده أنا شوفته مليون مره قبل كده ...
مشهد رسمته فى خيالى مع
دلوقتي أنا بعتذرلك يا ست أم كلثوم...العيب مش فى الحب ولا العيب فى ال ضحك عليا ..
العيب فيا أنا ...
كنت صغيرة على الكلام ده ..
كنت صغيرة على الحب ..
وكنت صغيرة أوى أوى على الۏجع ...
لا دموعى هتعمل حاجة ولا أسفك هيعمل حاجة...بس على الأقل أى حاجة الواحد يطلع فيها الڼار ال جواه ..
كله كان بسببى ...كل ال حصلى كان بسببى
لو فضلنا نلوم نفسنا على غلطات الماضى مش هنعرف نعيش يا نسيب..
كنت صغيرة والله كنت مش فاهمة حاجة.
اهدى يا حبيبتي....محدش بيتعلم ببلاش لازم نغلط ونتوجع عشان نعرف نكمل بقيت حياتنا أقوياء ..
مسكت فيه جامد وانا لسة بعيط ..
أنا تعبانة أوى ...قلبى واجعنى أوى
هنحاول مع بعض
ليه بتعمل كده
عشان عايز نسيب تبقى قوية ...عايز حبيبتى تبقى قوية
أنا حبيبتك
ضحك ايوا حبيبتى ...انتى حلم كبير أوى من زمان ...ودعوة فضلت أدعى بيها سنتين كاملين ...انتى نور عينى وحبيبة قلبى ...أنا بحبك يا نسيب
هتتعب بسببى
كله يهون قصاد نظرة منك
هتفضل معايا
لغاية ما تزهقى منى
هنحاول مع بعض
ضحك هنحاول مع بعض
ومن اللحظة دى لغاية بعديها بشهرين .. والحياة اختلفت معايا 360 درجة ...
بمشى أغنى فى البيت زى الهبلة ومن غير سبب..
ببتسم تلقائيا لما أفكر فيه
وقلبى بيدق بسرعة لما حد يجيب سيرته ...
مش هقول إنى بطلت أخاف بس هقول إن وجوده مطمنى..
مش هقول إن قلبى بطل يوجعنى بس هقول إن نظرته بلسم على قلبى ..
كل رسالة ...كل مكالمة وكل كلمة مع كل حرف بيطلع منه ...بيدوا للحياة طعم
تانى ولون تانى ..
وهنا أقدر أقول إن البنى بقا بنى فاتح وان البنى الفاتح بقا كافيه والكافيه بيفتح ويفتح لغاية ما بقيت قادرة أشوف اللون الأبيض...
واقفة قدام الدولاب
بصيت على الفستان الأبيض ال اشتريته من أسبوع عشان أعمله مفاجأة...
مسكت الفستان وروحت وقفت قدام المرايا وبدأت أتخيله عليا ...
ابتسمت بغلب ورجعت الفستان مكانه تانى وسحبت فستان لونه بنى زى باقى الفساتين ...
وصلنا أنا ومحمد الفرح وسلمنا على العروسة بعدين وقفنا على جنب ...كنت واقفة بتكلم أنا ومحمد لغاية ما لمحته ...
لابس بدلة بنى نفس لون فستانى ...
بيبتسملى وهو جاى من بعيد ..
خطڤ وبيخطف وهيفضل يخطف قلبى طول الوقت..
وشكلى كده هعترف النهاردة قبل ما أروح ..
غمز نسيب هروح أنا أسلم على صحابى
وربنا يا جدعاان الواد محمد ده چنتل وبيفهم وحبيب قلبي أصلا ..
قرب عليا وابتسم بحب وهو بيتكلم
ازي حضرتك ...ممكن نتعرف
ضحكت اممم أنا جوزى راجل غيور ومش بيحبنى أتعرف على حد غريب
ضحك مش مشكلة نتعرف وأول ما ييجى هطلع أجرى
إذا كان كده ماشى ..أنا نسيب
وانا الواقع فى حب نسيب
يا جدع !
قرب منى جامد بعدين مسك ايدى وابتسم ...
أنا عشقت اللون البنى يا ذات الفستان البنى
اممم كنت عارف انى هلبس بنى
ايوا بس ماكونتش أعرف انك بتحلوى كل يوم كده
بصيت للأرض وابتسمت بكسوف
احم شكرا
عفوا يا ستى
كنا واقفين بنتكلم ونضحك مع بعض لغاية ما قربت علينا بتاعة كده زى القمر ودلوعة وحاجة استغفر الله...
انت سايبنى واقفة لوحدى وروحت فين
بصيتلها باستغراب بعدين رجعت بصيتله تانى ..
احم سكر قريبتنا.....نسيب مراتى
ضحكت هى دى مراتك !
بصيتلها بقرف وايه المضحك فى الموضوع
لا مفيش يا حبيبتي ألف مبروك
الله يبارك فيكى
المهم أنا كنت ماشية وعايزاك تيجى توصلنى
ماشية ! انتى لسة جاية
بصتلى بقرف
ومالك بتعوجى وشك كده ليه يا اختى
اتجاهلتنى وكملت كلام معاه
هتوصلنى ولا ايه
طيب حاضر اطلعى استنينى برا
خرجت وسابتنا وهو بصلى بتوتر ..
والله
أخلاقى ماتسمحليش أسيبها تمشى
وأنا مش عايزاك توصلها
هو فى ايه يا نسيب
انت مش واخد بالك اتكلمت معايا ازاى الحرباية دى
يا حبيبتي هى دى طريقتها
برضو مش عايزاك توصلها
اعمل ايه يعنى
روح قولها تمشى لوحدها
أكيد مش هعمل كده
خلاص روحلها وانا كمان هاخد أخويا وممشى ..
سيبته ومشيت راح لحقنى وشدنى من ايدى ..
انتى كبرتى الموضوع كده ليه
أنا ماكبرتش حاجة ...عايز تروحلها روحلها وانا كمان همشى
لا حول ولا قوه الا بالله
يا نسيب اكبرى من فضلك
تقصد انى عيلة
اكيد ماقصدش
يا سيدى ولا تقصد انتو كده كده كلكوا صنف واحد
اتعصب ايه ال انتى بتقوليه ده
زى ما سمعت
أنا ماشى يا نسيب بس والله كلامك ده مش هعديه كده ...مش كل مره أنا ال هسكت وأرجع أصالحك
يوم ورا يوم والايام مالهاش طعم من غير ما أسمع صوته.....إنسان مغفل أوى ...ازاى مقدرش يفهم إنى غيرانة عليه ...!
حتى لو عكيت فى الكلام ...حتى لو غلطت ..
بس برضو ما ينفعش يعاقبنى ويحرمنى من صوته كده !
وعشان أنا قلبى طيب وعشان كمان أنا ال غلطانة لازم الواحد يعتذر برضوو..
روحت أوضة محمد عشان أحاول أسرسبه فى الكلام ..
ممكن أدخل
تعالى يا نسيب
وحشنى يا راجل مابتجيش ليه
ضحك عايزة ايه
يا نسيب
اختك مزنوقة ومحتاجة مساعدة
ليه حصل ايه
أنا شكلى كده والله أعلم هطلق قريب
اتنفض اى الكلام ده يا نسيب
ماقدرتش أكتم ضحكتى فضحكت عليه بصوت عالى
بهزر بهزر كل الموضوع إن جوزى حبيبى مخاصمنى وعايزة
ضحك جوزى حبيبى
اللاه ماتكسفنيش بقا
امشى يا بت من هنا مش فاضيلك
طب قولى هو بيقعد فين لما بيزعل
فى
متابعة القراءة
