وليتهم يشعرون بقلم ديدا الشهاوي
المحتويات
اخبي وشي عنهم
ابعدوا عني مش عاوزه اشوفكم ابعدوا
اهدي يامس حياه كان لازم نشيله الربو اللي عندك مدمر الرئه والتنفس بصعوبه
ابعدوا اطلعوا بره
وهنا الممرضات خرجت كل اللي في الاوضه والدكتور اداني حقنه مهدئه وخرج
خير يادكتور حالتها اي دلوقتي
المريضه محتاجه لعلاج نفسي اكتر من علاج التنفس كده بدمر نفسها هي هتنام ساعه وتقدروا تدخولها بعد كده عن اذنكم
وهنا خالد بص لمياده وداده حليمه
داده حليمه روحي الدار خليهم يكتبوا علي اجازه لمس حياه
حاضر ياخالد بيه
وانتي ياست مياده اللي حصل مش هعديه لكي خطبتي بره الدار انما حركات التطفيش اللي بتستخدميها لكل حد يجي يشتغل مش هسمح بيها مع البنت دي احمدي ربك انها عدت علي خير والا قسما بالله لو كان حصل حاجه كانت هتبقي نهايه علاقتنا
خالد اسمعني انا بغير عليك ومش بستحمل تكلم اي بنت او تتعامل بطريقتك دي
مالها ياهانم طريقتي البنت اللي جوه مش صعبانه عليكي ولو كان حصلها حاجه لو اتهمنهاا زور حرام عليكي حسي شوي بالناس اللي حوليكي الدنيا مش واقفه عندك وبس احمدي ربنا ان داده حليمه هي اللي شفتك وانتي بتحطي السلسله بتاعتك في اوضه حياه وجات قالتلي لما شافت البنت واقعه في الارض مجرد اتهامك ليها
فلاااااش بااااك
مس حياه مس حياه ياداده ياداده
ايوه خالد بيه الله حياه فوءي
اندهي الدكتور وحد
ينقلها المستشفي فورا
تم نقل حياه المستشفى ومياده راحت علي مكتبها عشان تشرف علي الدار في غياب خالد وهي متوتره من الحصل ومش عارفه اخرته ايه
في المستشفى كان خالد وداده حليمه منتظرين الدكتور يخلص كشف علي حياه
خالد بيه في حاجه عاوزه اقولها ليك مش عارفه دا صح ولا غلط بس لازم اتكلم دي روح انسانه بريئه
اتكلمي ياداده خير في ايه
انا شوفت مس مياده دخلت اوضه مس حياه بعد مادخلتها مكتبها وغابت في اوضتها ربع ساعة وبعدين طلعت وجابت عصير من الكافتريا بتاعه الدار ودخلت مكتبها
طب تعالي معايا بسرعه
افتحي باب اوضه مس حياه بسرعه ودوري كده في هدومها وفي كل حته
داده حليمه بدات تدور في دولاب حياه والكمود وكل حاجه وبترفع مرتبه سرير حياه وقعت سلسله دهب
خالد بيه لاقيت دي تحت مرتبه السرير
الله دي سلسله مياده اللي جيبهلها في عيد ميلادها
اهدي ياخالد بيه الامور تتاخد براحه
اهدي ازي البنت كانت هتروح فيها ومش عارفين حالتها اي دلوقتي ظبطي الاوضه واقفليها ومتجبيش سيره لحد باللي حصل
بااااك
مس حياه فاقت اللي حابب يدخل يطمن عليها
انا لو امكن عاوز اطمن
اتفضل هي صاحيه
خالد لوسمحتي داخل عندها ليه
ملكيش دعوه اتفضلي علي الدار ومتجيش هنا عشان وجودك ممكن يضيقها
عن اذنك
خالد راح لغرفه حياه وخبط باب غرفتها
ممكن ادخل
اتفضل مستر خالد
خالد قعد علي كرسي جنب سرير حياه وبدا يتكلم معاها
عامله ايه بقيتي احسن دلوقتي
الحمد الله
انا شيفك احسن بكتير وزي القمر
وهنا حياه بدات ټعيط وتبكي بحرقه
انت مش مجبر تتعامل معايا عشان شكلي
ماله شكلك عادي وطبيعي وقمر واحلي من القمر كمان
هنا بصت حياه لخالد
انت بس بتجاملني عشان صعبانه عليك
لا طبعا انتي مش لوحدك ربنا خلقك كده في كتير غيرك بس متقبلين نفسهم
ياعني اي
ياعني المشكله عندك فيكي مش في الناس مشكلتك ياحياه انك انتي نفسك مش متقبله نفسك واللي عندك حياه انتي معندكيش ثقه في نفسك ودا مخليكي معندكيش ثقه في اللي حوليكي
انا اهلي مكنوش متقبلني وعمرهم ماحسسوني بقيمتي او اني وحده طبيعيه كانوا ديما بيخبوني عن الناس ولا كاني عار عليهم
حياه تجي نتعامل اخ واخته وتحكيلي اللي مخبياه
حياه بتوتر انا مش مخبيه حاجه
لا مخبيه ومتاكد انك مش اسمك حياه ياريت تفتحي قلبك لاخوكي خالد
اخويا انا كان ليا اخ هو الوحيد اللي كان حنين عليا
ربنا بعدك عن اخوكي وعوضك باخ تاني اسمه خالد عشان خاطري احكيلي يمكن اقدر اساعدك
وهنا حسيت بطمانينه بكلامي مع خالد وبدات احكيله كل حاجه وكل الظروف اللي حصلتلي واختي التؤام واخويا احمد
واللي عملته فيهم واللي هما عملوه فيا وكل حاجه حتي مرواحي لبيت اسامه وتعامل امه معايا وكان مستغرب وحسيته موجوع عشاني كمان حكتله عن اشتيقايء لاهلي وانهم وحشوني ونفسي اطمن عليهم
ياااااه يا ندي كل دا شيلاه لوحدك
كل دا بسببهم عشان كانوا بيتعاملوا معايا اني عار فعشان كده سبتهم وكمان خۏفت انتقم منهم اكتر ياعالم امي حصلها اي بسببي ياتري عايشه ولا مېته ھموت من القلق والخۏف اكون السبب في اي اذي مش متخيله يكون حصلها حاجه بسببي بموووت من الخۏف
طب اهدي اهدي كل حاجه هتتصلح ان شاءلله
تتصلح ازي بس
سيبي كل حاجه عليا بس اهم حاجه متخبيش حاجه عليا اتفقنا
اتفقنا مستر خالد
وهو ممكن الدار والموظفين اللي فيه يتقبلوا شكلي كده من غير نقاب
ايوه هيتقبلوا لو انتي اتقبلتي شكلك انتي مكنتيش لابسه نقااب عشان التدين زياده لا انتي لابسه عشان تستخبي وراه ياعني وخده النقاب وسيله وربنا مرضاش بدا يتلبسيه علي اقتناع او لا وسبحان الله ربنا حابب يديكي درس انك لازم تتقبلي خلقه ربنا القمر دا
شكرا ليك مستر خالد علي كل اللي بتعمله معايا
اولا مافيش شكر بين الاخوات ثانيا انتي دلوقتي امانه في ايدي لغايه ماتتقابلي مع اهلك تاني
ممكن تاني
نتقابل وارجع وسطهم تاني
اكيد وانا متاكد من دا
مستر خالد كنت عاوزه اسالك لما جتلك المكتب ومس مياده قالتلي اهلا بالحرا
اشششش انتي مدتيش فرصه لحد يتكلم وفجاءه وقعتي الست مياده كانت بتهزر بعد ماكلمتك وبقيتوا اصحاب لسه بتقولك انك سړقتي قلبها
حضرتك فرفرتي ووقعتي بركات الست مياده بقي
بجد ياعني مافيش مشاكل بسببي
نييييفر يلا اسيبك ترتاحي بجد محتار اقولك ندي ولا حياه هفكر بقي يلا سلام
سلام مستر خالد
بعد مامشي خالد حسيت كلامه فوءني علي حقيقه اني لازم اتقبل شكلي واكون واثقه من نفسي واهم حاجه انا اللي حابب يتعامل كده اهلا بيه واللي مش حابب عمره ماهيأثر فيا رفضه
قعدت يومن في المستشفى وبعدها اتحسنت ورجعت الدار وبدات اعيش حياتي من غير نقاب واللي اندهشتله ان الكل بقي بيتعامل معايا وكاني حد عادي زي زيهم الفرق اني عندي بقع طيبه بيضا كانت ماليه قلبي ومن كترها بانت وظهرت علي وشي
مياده كانت بتعاملني شوي كويس وشويه پحده وعصبيه بس ولا فارق معايا بس بسكت وبعدي عشان خاطر اخويا خالد تصدقوا وحشني اخويا احمد اوي
وبعد مرور شهر
نادين خلي بالك من امك لغايه مارجع الاجازه الجايه واشيل عنم شوي
متقلقش يابابا ترجع بالسلامة كل حاجه مجهزهالك في الشنطه
امممممم اممممممم
امك عاوزه تقول اي مش فاهمها
بتقولك تروح وترجع بالسلامة
اشوف وشكم بخير اقفلي ورايا كويس
حاضر يابابا
وبعد مرورساعات في بيت نادين جرس الباب بيرن
ميين مين علي الباب
انا جارك في البيت عاوز طلب من حضرتك
حاضر ثواني وهنا نادين لبست طرحه علي شعرها وفتحت الباب
ايوه مع حضرتك اي خدمه
انا جاركم الجديد اسمي خااااالد
مستر خالد كان الوحيد اللي ساعدني بجد في رحلتي دي حسيته انه اخ فعلا زي اخويا احمد بالضبط مستر خالد حاول يساعدني انه يطمن علي اهلي ويحاول يلم شملنا من تاني خالد سافر مأموريه للقاهره وجمعنا انا ومياده في مكتبه
ادخلي ياحياه
حضرتك طلبتني
ايوه اتفضلي اقعدي
اهلا مس مياده
اهلا مس حياه
بصوا
خالد من امتي بتسيب المؤسسه ومعايا حد
من انهارده يامياده عشان مش عاوز ارجع الاقي مصايب بينكم وحورات انا غني عنها يامياده فهماني ولا اوضح
انا قايمه عن اذنك
انا مخلصتش كلامي يامياده
بعدين ابقي اقولهولي بعد ماتخلص مع مس حياه
وهنا خرجت مياده مټعصبه ان ازي بيعاملني زيها في الاداره
مستر خالد هتغيب ولا اي في السفر دا
هو اسبوع في مؤتمر وندوات عشان التبرعات والاعلانات في المؤسسه
تسافر وترجع بالسلامة
ندي عاوزك تعدي لمياده عشان خاطر اخوكي خالد
حاضر متقلقش
واي تصرف منها استحميله عشان خاطري لغايه مارجع اتفقنا
اتقفنا عن اذنك
سافر خالد والاداره كانت بيني وبين مياده طبعا مكنتش طيقاني كانت بتحاول تقلل مني ادام الموظفين والعمال وانا مكنش فارق معايا دا كان اللي فارق اني مزعلش مستر خالد وداده حليمه كانت الحكم اللي بتلحق اي شرار بينا
في القاهره
ماما بابا سافر خلاص تحبي ادخلك اوضتك ترتاحي
اممممممممم ام نادين شاورت براسها انها رفضه تدخل
فجاءه الباب خبط
مين مين اللي بيخبط
انا حضرتك جارك الجديد في العماره
ايوه حضرتك خير
ممكن تفتحي الباب عشان اقدر اكلمك
ثواني من فضلك وهنا نادين لبست الاسدال وفتحت الباب
وهنا اول مانادين فتحت الباب وعين خالد جات في عين نادين سرح فيهم وكانها خطفته لعالم بعيد ونسي الدنيا حتي مكنش سامع نادين
ايوه مع حضرتك استاذ استاذ
ااه متأخذنيش انا جارك الجديد في العماره وفي الشقه المفروشه اللي جنبكم
اهلا بحضرتك
والله انا مكسوف اني بخبط عليكي اعذريني انا جاي لسه حالا ودورت في المطبخ علي ملح ملقتش لو امكن شويه ملح
لا ابدا ثواني ودخلت نادين المطبخ وغابت دقايق وطلعت بكيس ملح
ياخبر كده كتير
لا ابدا خليه عندك
شكرا اوي وتاهه في عينها تاني واللي قطع سرحانه صوت امي وهنا خالد بص علي امي اللي كانت قاعده علي كرسي متحرك واټصدم وهنا نادين خدت بالها
ماما
اهلا وسهلا
وخالد وهو ماشي من ادام الباب ولسه هيدخل شقته رجع تاني هو حضرتك اسمك ايه
نادين اسمي نادين ودي والدتي
اتشرفت بمعرفتكم اسف علي الازعاج
اسامه انا عاوز اشتغل باي طريقه عاوز يكون معايا فلوس عشان اقدر اجر شقه واصرف علي نفسي
ياحمد انت مبهدل نفسك مفيش مبرر انك تسيب بيتك واهلك عشانه
اسامه هتساعدني ولا امشي واشوف اللي يساعدني انا طولت عندك كفايه لغايه كده
خلاص بكره اخدك عند كذا حد اعرفه ونشوف يمكن ربنا يسهلها
يارب
وهنا اسامه ساب احمد ينام وهنا احمد بيفكر ازي يدور عليا علي اخته
ياتري فينك ياندي بتعملي ايه ياحببتي يارب احفظها يارب دي غلبانه ومسكينه واتظلمت كتير يارب ساعدني الاقي اختي وهنا احمد غلبه النوم
خالد كان اول مره ينام في الشقه الجديده خالد مكنش مستوعب اللي حصل وازي قلبه يتخطف من نظره عمره ماحس الاحساس دا
نادين اخت ندي التؤام باين اوي شكل بعض جدا بس الفرق الوحيد البقع في وش ندي
خالد كان بيفكر ازي يبلغني بحاله امي وفجاءه باب الشقه بيخبط خبطات بسرعه من الجرس قام خالد مڤزوع وفتح الباب لاقي نادين كل عيونها دموع
الحقني يااستاذ ماما وقعت في الحمام مش قادره اشلها ممكن تساعدني
خالد اه طبعا
وجري خالد مع نادين وفعلا ساعد نادين انه ينقل ماما لاوضتها واطمن عليهم
لو عوزتي حاجه انا موجود
اسفه اني صحيتك وازعجتك
لا ابدا انا موجود في اي وقت وهو ممكن سؤال
اتفضل
انتم عايشين لوحدكم هنا
لا ابدا بابا واخويا واختي مسافرين وانا اللي قاعده مع والدتي
ااه يرجعوا بالسلامه
يارب وهنا خالد حس في دعوه نادين بۏجع علي فراق الغايب
في اسكندريه
الو اسامه اذيك وازي خالتو عاملين اي خالتو وحشتني اوي
يابكاشه انتي اللي مش بتسالي من ساعه ماتخطبتي ومحدش عارف يكلمك
علي اساس انك حضرت خطوبتي انا زعلانه منك
خلاص لما اجيلكم هصلحك وتعرفيني بالمره باللي امه دعيا عليه دا
كده يااسامه يارب تقع في شړ اعمالك وتتجوز وافرح فيك بقي
استحاله يابنتي انا عايش ملك زماني
ماشي ياملك لما اقبلك
وهنا مكتب مس
مياده خبط
ادخل ايوه داده
في مشكله في دار المسنين
مشكله اي نزيله جديد رفضه الاكل وبقالها يومن مكلتش وهي سنها كبير ودا خطړ
وانا اعملها ايه عنها ماكلت هو احنا هنأكلهم كمان
وهنا خرجت داده حليمه مش عارفه تعمل ايه وخبطت وهي بتفكر في مس حياه
داده خلي بالك انتي ماشيه بتكلمي نفسك
مش عارفه اعمل ايه في المصېبه اللي هتجي للدار
مصېبه اي اتكلمي
وهنا حكت داده
حليمه علي المشكله
داده تعالي ورايا للدار فورا
هتعملي ايه
هحاول احل المشكله كده في مسؤليه علي الدار
وفعلا رحت لدار وقابلت النزيله اللي كانت حالتها النفسيه وحشه بسبب اولادها اللي رموها في الدار ڠصب عنها
في الدار
في غرفه من غرف الدار كانت ست مسنه في اخر الخمسينات كانت قاعده علي كرسي في بلكونه الغرفه كانت سرحانه في منظر الاشجار اللي بطل علي غرفتها بس كانت حزينه طبعا الست دي كانت اللي عامله مشكله وعمله اضراب علي الاكل وصلت لغرفتها وخبطت ملقتش رد واضطريت ادخل الغرفه ولاقيتها قاعده في البلكونه بتاع اوضتها
صباح الخير اهلا وسهلا بحضرتك
هنا الست بنظره معرفش ان كانت مستغربه شكلي ومش حابه تتكلم ولا رفضه الكلام
لو مش حابه شكلي ورفضه تتكلمي معايا انا ممكن امشي
ماله شكلك ماهو حلو اهو وكويس
امال رفضه تردي السلام ليه
عشان مافيش فايده من الكلام خلاص لازم اتعود اكون لوحدي ومتكلمش مع حد حتي الاكل خلاص مالوش لازمه انا هنا ولادي مۏتوني
هو عشان جيتي هنا يبقي حياتك انتهت
امال بعدوني عنهم بقيت حمل عليهم مع اني مطلبتش من حد حاجه حتي السؤال عليا مطلبتوش
انا معرفش عملوا كده ليه وايه دوافعهم انهم يتخلوا عن امهم انا هتكلم عليكي انتي هما رموكي زي مابتقولي يبقي لازم ترميهم ورا ظهرك وتعيشي حياتك واللي كنتي محرومه منه زمان اعمليه دلوقتي
هنا الست انتبهت لكلامي
ازي اعمل كده
لا ازي دي لما نتصاحب الاول انا حياه
وانا امينه
هنا باستغراب اه طبعا اتفضلي
تعرفي بحسبك هترفضي عشان تكوني خاېفه مني ومن شكلي
عارفه ياانسه حياه انتي لازم تشوفي نفسك عادي وطبيعي عشان الكل يشوفك عادي وطبيعي
انت صح بقولك ياحجه امينه تجي نعالج بعض
وهنا بضحكه كلها تفاؤل انا انا لاحول ولاقوة
لا شكلي هحبك
موافقه بس بشرط تكلي بعدها وتخلصي اكلك كله
اتفقنا
يلا اسيبك وهرجعلك تاني بعد ماتخلصي اكل
وهنا خرجت من اوضتها في مجي مياده وهي مټعصبه ومعها داده حليمه
عملتي معاها اي
خلاص المشكله اتحلت وبدات تاكل
وهنا مياده اتعصبت وفجاءه
بقولك ايه متتدخليش تاني في اختصاصتي انتي شغلك اشراف علي العمال والموظفين بلاش امورك الخبيثه دي لو كنتي ضحكتي علي خالد بجو الصعبنيات دي مش هتتدخل عليا
لو سمحتي الزمي حدودك معايا ولياكلام مع مستر خالد لا يرجع عن اذنك
وهنا مياده شدت فستاني من كتفي
انتي راحه فين انا مخلصتش كلامي معاكي
اوعي ايدك
انا احقد
عليكي باماره ايه انتي مش شايفه نفسك الكل بيعاملك شفقه فهمتي يامبقعه ورفعت ايدها وضربتني بالقلم علي وشي
انتي انسانه مريضه مريضه وجريت علي اوضتي
الحياه ديما معانده معايا ساعات تبتسملي وساعات بتعاند معايا
بعد ما مياده ضړبتني بالقلم واتخنقت معايا وسمعتني كلام جارح محدش يقدر يستحمله يمكن استحمتله عشان سمعت زيه من اهلي واللي حوليا
مياده خلصت معايا وسبتها وجريت علي اوضتي كانت داده حليمه واقفه وشايفه اللي حصل بس مش قادره تعمل حاجه ولا قادره تتكلم وهنا مياده استوعبت ان حليمه واقفه
داده حليمه مش عاوزه اللي حصل دا يوصل لمستر خالد فاهمه
ااااها حاضر عن اذنك
داده حليمه كانت عاوزه تمشي عشان تلحقني وتطمن عليا
وهنا مياده جالها ضيف غير متوقع
مياااده
وهنا مياده الټفت ناحيه الصوت الله ايه دا اسامه حمد لله على السلامه
مياده اللي حصل ده
حصل ايه ومالك متعصب كده ليه
متعصب من تصرفك مع البنت اللي كانت واقفه معاكي ازي تمدي ايديك عليها كده
سيبك دي عامله هنا ومش بتسمع الكلام وحذرتها كتير متتدخلش في حاجه متخصهاش مافيش فايده
لا يامياده انا شايف تصرفك من ساعتها انتي اللي قاعده تزعقي والبنت ساكته
اسامه تعالي معايا المكتب نتكلم
وهنا اسامه راح مع بنت خالته مياده لمكتبها
واللي كانت سامعه كل الحوار من ساعه خناق مياده معايا لغايه كلام مياده وابن خالتها اسامه الست امينه اللي كانت واقفه ورا الباب وسامعه كل حاجه
كنت في اوضتي بعيط من القهر لاقيت الباب خبط وكنت متاكده انها داده حليمه ماهي الحاجه الحلوه في رحلتي القاسيه دي
ادخلي ياداده
حبيبه قلبي حقك عليا انا ان شاءلله تقطع ايديها اللي مدتها
عليكي
لا ياداده متدعيش علي حد ربنا يسامحها انا مقهوره ليه بتعمل معايا كده انا لابنافسها في شغل ولا في حب خالد المفروض تعرف مين يبص لحد زيي
ليه مايبصش ليه ياحياه انتي قمر ومؤدبه وبنت ناس الدنيا بس اللي ظلمتك
ياداده انتي بس بتقولي كده عشان صعبانه
عليكي
حياه احنا اتفقنا انك لازم تثقي في نفسك انتي المفروض تفهمي انك احلي بنت هو انا الجاهله اللي اقولك
في القاهره
في بيتنا في القاهره وكالعاده نادين اول ماتصحي تشوف ماما تهتم بفطرها وتغير هدومها وفجاءه الباب خبط ونادين فتحت الباب وكان حسام
صباح الخير انسه
صباح الخير اسمي نادين
معلش انا جيت اطمن علي الست الوالده اخبارها اي
الحمد الله بخير وهنا بنظره كسره في الارض كنت عاوزه اشكر حضرتك علي اللي عملته معايا لولاك مكنتش لحقت ماما وانا لوحدي
متقوليش كده احنا جيران والنبي وصي علي سابع جار
عليه افضل الصلاة والسلام
اي حاجه عوزاها خبطي عليا هتلاقيني ادامك علي طول انا ليا اخت زيك
شكرا استاذ
حسام عاوزه حاجه من بره
لا شكرا انا هنزل كمان شوي اجيب حاجات للبيت ولماما
طيب عن اذنك وهنا نظرات حسام لنادين مكنتش عاوزه تسيب نظرات نادين واللي سرحت لثواتي وانتبهت وبصت في الارض من كسوفها
في الاسكندريه وفي مكتب مياده
لا يامياده اسلوبك وحش واتفاجئت بيه كده محدش هيحبك
انا مش عاوزه حد يحبني لو وحده زيها من الشارع مش عارفه خالد جيبها منين كل يومن يجبلي بنت شكل ويقول عليها غلبانه لازم اتصرف كده
لو حصل منها حاجه وحشه اعذرك
انا مش هستني يحصل حاجه سيبك من الشغل والبنت وخالد طمني عليك وعلي خالتو اخباركم دي ماما هتفرح بيك اوي وحشها ياعم الدكتور
والله وهي كمان اقولت اطمن عليكوا واقولت اعملك مفاجاه واجيلك الشغل ويارتني ماجيت
بقولك سيبك انهارده عندنا ورق عنب نصيبك يابن الايه فاكر واحنا صغيرين كنت بتكله ازي
اه كنت احدفه واشقطه ببوءي كنت عيل وعبيط
وفاجاه موبيل مياده رن وكان خالد
مياده اخبارك ايه طمنيني عليكي وعلي المركز والدار
اهلا ياخالد كله تمام والشغل ماشي كويس
واخبارك ايه مع حياه مافيش اي خناق بينكم
هاا لا مافيش ماليش دعوه بيها هو حد قالك حاجه
لا محدش قالي حاجه بس انتي مالك صوتك اتغير كده ليه
لا مافيش علي فكره دكتور اسامه هنا جاي من القاهره وبيسلم عليك
بجد سلميلي عليه وياريت يكون مطول عشان اقدر اشوفه لما ارجع
مش عارفه ان شاءلله ترجع بالسلامة
هنا خالد اقفل المكالمه مع مياده وقلق من طريقتها وتهربها في الكلام خالد كان عاوز يطمن فاتصل بداده حليمه
داده اخبارك
عامله ايه
خالد بيه اذيك الحمد الله كله تمام
داده هو في حاجه حصلت بين مياده وحياه
حاجه اي ها اه لا محصلش
داده انا بقول انك عيني اللي مش بتكدب عليا
والله ياخالد بيه الست مياده منبهه عليا مقولكش بس عشان خاطر البنت المقهوره دي لازم اقولك
اقولي ياداده في اي
وهنا داده حليمه حكت لخالد كل حاجه حصلت واقفل معاها واتصل بيا فورا
ندي اخبارك عامله ايه واخبار الشغل
مستر خالد الحمد الله كله تمام والشغل كله تمام نقصك والله
امال صوتك ماله انتي كنتي معيطه ولا اي
لا ابدا كنت برتاح في اوضتي وشكلي نعست
ندي انتي بتكدبي عليا
مستر خالد اطمن الشغل تمام
مش بسالك علي الشغل انا بسال عن اختي ندي
اطمن متقلقش
ندي مهما حصل اوعي تسيبي المركز في غيابي فاهمه
محصلش حاجه
تمام ياندي انا هرجع علي بكره ان شاءلله وعندي ليكي اخبار كويسه سلام
سلام
في مكتب مياده
طريقتك مع خطيبك واللي شغالين هنا غلط يامياده لازم تثقي في خطيبك شوي
هحاول يااسامه
مياده كنت عاوز خدمه ليا من خالد او بالضبط لواحد صحبي وبعزه جدا
أمر يااسامه
كنت عاوز اشوف شغل لواحد صاحبي لسه مخلص جيش وهو خريج تجاره كنت عاوز خالد يشوفله شغلانه في الدار او في المركز
دا من اسكندريه ولا القاهره
لا القاهره وممكن يجي يشتغل هنا هو ظروفه صعبه وعنده هم
خلاص يااسامه انا هشغله في شركه هنا تبعنا للدعايه والاعلان مدام خريج تجاره اكيد بيفهم في المارتينج
بصي يوم ماتنوي هبعتهولك واساليه زي ماانتي عاوزه
خلاص اتفقنا يلا نروح نلتهم ورق العنب
يلا بينا
في القاهره
نادين لبست وبعد مااطمنت علي ماما انها نامت وكلمت بابا غي الموبيل تطمنه عليهم نزلت عشان تجيب طلبات البيت ولما خرجت من البيت
ولااااا ياهشام حبيبه القلب نزلت اهي
فينك اه صحيح قلبي بقي
تعالي رايح فين انت اټجننت احنا في الشارع
مش قادر ھموت عليها اوعي كده
نادين وهي ماشيه كان هشام بيراقبها وفضل وراها لغايه ماطلع فجاءه ادامها
افندم عاوز اي حضرتك وسع خليني امشي
مش قادر اسيبك تمشي انا عاوزك
احترم نفسك من فضلك عيب احنا في الشارع
طب تعالي فوق عندكم مدام عيب
انت اټجننت اوعي كده
وهنا نادين دفعته بايدها وكملت طريقها وهنا رجع اقصدها تاني
انتي لوحدك وعاوزه حد يحميكي وانا محسبوك هشام خدامك بس الجميل يلين
بقولك ايه لو ملمتش نفسك انا هقول لبابا يشوف صرفه معاك واخويا احمد
لما يرجعوا اكون اتونست بيكي
وهنا بيشد ايدها وفجاءه ظهر في وشه خالد
ااااي عيب ياكابتن تمد ايدك علي حاجه مش بتعتك وهنا نزل ايد هشام
امال بتاعتك انت مين انت بقي عشان تتكلم
ملكش فيه اتفضلي ياانسه روحي انتي مشوارك وانا هتفاهم مع الكابتن
وهنا نادين خاڤت وسبتهم وفضلت
وخالد واقف قصاد هشام دا
عيب ياكابتن بنت حتتك تعمل معها كده
وانت مالك بتتكلم ليه باي حق اصلا تتدخل
بحق الجيره انا جارها الجديد ترضي اختك يحصلها كده
وانت مالك وفجاءه هشام طلع مطوه وبدا يهوش بيها خالد
وكمل خالد
دي شطاره مثلا
اي ولو شوفتك تاني قصادي هشرحك
لا هتشوفني ولو اتعرضت ليها تاني انا اللي هقفلك
بقي كده
وهنا هوش هشام خالد وچرح ايده چرح عشان يخوفه وجري بسرعه
وهنا خالد انجرح جامد ونزل علي الارض وجرت نادين عليه
انت كويس الحقوني حد يلحقني
وهنا اتجمع الناس وخدوه في تاكسي وهنا نادين اترددت تركب ولا تسيبه بس فضلت تركب معاه
ووصوا المستشفى وخالد الاسعاف لحقوه وخيطوا ليه الچرح اللي كان كبير
حمد لله على السلامه ساعتين وتقدر تروح
شكرا ياادكتور
هدخلك قربتك ثواني
خالد باستغراب قربتي
وهنا دخلت نادين واللي اتفاجيء بيها خالد
نادين انتي هنا من امتي
انا جيت معاك بس انت كنت اغمي غليك
ازي بس كده اتاخرتي علي مامتك
هنا بحرج مقدرتش اسيبك كفايه اللي عملته عشاني
عملت ايه بس اي حد في مكاني هيعمل كده واكتر المهم خلي بالك من نفسك ولو الولد دا اتعرضلك تاني عرفيني
حاضر انا لازم امشي
استني انا هروح معاكي مش هقدر اسيبك تروحي لوحدك ليكون الولد مستنيكي
وهنا نادين و خالد رواحوا مع بعض وهشام كان مستني نادين علي القهوه واول ماشافهم الډم فار في عروقه
وبعدين بقي الواد اللي ظهر فجاءه دا
اهدي ياهشام انا اطقست وعرفت انه جارهم في الشقه الجديده
الشقه المفروشه اللي جنبهم لازء
ايوه هي
حلو طب بقولك عاوز اطفشه من البيت والحته كلها معايا
معاك
وهنا نادين وخالد قربوا من البيت ولسه هيدخلوا فجاءه هشام وقف وسط الشارع
حلو اوي الهانم والبيه راجعين مع بعض
انت اټجننت انت ازي تتكلم كده
امال اتكلم ازي ياابله نادين اسيبك علي راحتك وابوكي واخوي مش هنا عاوزه عيارك يفلت زي اختك
وهنا نادين بصوت عالي اخرص بقولك
انسه نادين اتفضلي اطلعي
انت مش سامع بيقول عليا ايه انا وانت
هنا هشام اسمعي كلام حبيب القلب واطلعي
وهنا نادين طلعت البيت
والكل اتلم وقرب خالد من هشام ومسك في ياقه قميصه كلمه زياده هجبلك البوليس وابلغ علي اللي حصل النهارده واكيد في كاميرات وبدل ما تعيب في بنت حتتك المفروض تحميها
وهنا خالد ساب هشام وطلع البيت واللي لاقي نادين واقفه بټعيط ومتوتره
انتي واقفه ليه كده مدخلتيش الشقه ليه
نادين بكل دموع واللي زودت جمال عيونها جمال اختي ماطفشت ياخالد انا اختي كويسه هي سافرت
انا عارف
نادين پصدمه عارف ايه
خالد بارتباك اقصد مش هسمع كلام واحد مبرشم ياعني اهدي وادخلي عشان والدتك
وخالد هنا اطمن علي نادين لما دخلت الشقه وهو كمان دخل شقته
عند هشام
وبعدين بقي الواد كده علم عليا انا مش هسيبه
انت اللي استعجلت اقولتك اهدي واصبر عاوزين نفكر نطفشه ازي
انا لسه هستني انا دمي بيغلي منه
بقولك عاوز حته حشېش تعرف تجبهالي
اجبلك
اسامه وصل لبيت خالته واتغدي مع خالته وبنت خالته وهنا عمل مكالمه لاحمد صاحبه اللي هو اخويا
احمد طمني عليك ارتحت كده لماسبت البيت
كده احسن واشتغلت كمان سواق في مدرسه احسن مافيش
بقي خريج تجاره انجلش يشتغل كده
هعمل ايه لازم اعتمد علي نفسي
طب بقولك تعرف تجيلي اسكندريه بكره هبعتلك العنوان علي الواتس عندي ليك شغلانه احسن من دي
ماشي هجيلك بكره
عدي اليوم نادين كانت سرحانه في خالد واللي عمله معاها وكمان كانت خاېفه من هشام دا لانه مش اول مره يتعرض ليها بس المره دي زودها وكانت پتخاف تقول لبابا عشان هشام ولد شوارعي بيتفاهم بالمطوه
نادين اطمنت علي ماما ودخلت اوضتها وفتحت مذكرتي اللي بكنت بكتب فيها كل حاجه بتحصلي
يااااه ندي وحشتيني اوي المذكرات دي لو مكنتش موجوده مكناش عارفه ايه اللي يحصلي
يوم جديد ونهار جديد
واحمد خد اول اوتبيس لاسكندريه وراح للعنوان اللي بعته اسامه وهو عنوان الدار متخيلين اخويا معايا في نفس المكان
هنا احمد وصل الدار وواول ماوصل سال علي الامن علي مس مياده واللي حرس كان عنده علم بوصول احمد وخده ووصله لمكتب مياده
في خروجي من اوضتي ومختش بالي ان حرس الامن معاه ضيف وبندهه عليه
عم ابراهيم عم ابراهيم
وهنا
نادين نزلت الصبح ولسه هتنزل البوابة لاقت هشام مستخبي في باب العماره
تاني ماتحل عني بقي
لا مش هسيبك انتي بتاعتي فاهمه ونصيحه خلي الدكر اللي ظهر فجاءه يبعد عنك والا هموتك فاهمه ياتكوني ليا ولا هموتك
عم ابراهيم عم ابراهيم
وهنا وفي
نفس اللحظه كان عم ابراهيم بيخبط علي مكتب مياده واللي استقبلت احمد اخويا ومعاها اسامه وملحقتش اشوفه ولا اعرف انه هنا اصلا
ايوه مس حياه مع حضرتك
لما تخلص شغلك مع مس حياه عوزاك ترجعلي علي المداخل بتاع الدار
حاضر انا نازل اهو انا كنت بجيب ضيف لمس مياده
في القاهره
سمعتي يااقلبي انتي بتاعتي مش هتتجوزي غيري ولو حد قرب منك هموتك فاهمه
ابعد عني انت مچنون
مچنون بيكي من ساعه ماأقعلتي النقاب وانا هتجنن عليكي وانتي مش معبره امي
عيب عليك انا بنت حتتك
عشان كده انتي بتاعتي وفي قلبي ياتكوني ليا او المۏت
وهنا نادين طلعت الشقه وهي مړعوبه من ټهديد هشام ليها ومش عارفه تتصرف ازي وهنا حست نادين اد ايه محتاجه لبابا او احمد اخويا وعملت نادين مكالمه لبابا
بابا انت هترجع امتي انا مش مستحمله اعيش كده انت وحشتني تعالي يابابا
مالك يانادين فيكي
ايه يابنتي حصل حاجه لامك
عوزاك جنبي يابابا كفايه احمد وندي بعدوا بلاش انت كمان حاول ترجع يابابا انا وماما محتاجينك
حاضر هحاول انقل شغلي القاهره انتي عارفه سفري دا عقاپ عشان اللي حصل في شغلي
وهنانادين افتكرت كلامي عن اللي عملته في عهده بابا والشغل والاوراق اللي
ضاعت في المذاكرت بتاعتي
ماشي يابابا
خلي بالك من نفسك حببتي
وانت كمان يابا
وهنا نادين قفلت مع بابا
ربنا يسامحك ياندي ويسامحنا كلنا
في الاسكندرية وفي مكتب مياده
اذيك ياحمد اظن العنوان ميتوهش
اه ياسامه اول مانزلت المحطه وركبت تاكسي لسه بقول دار السلام لاقيته بيقولي اه المركز للايتام والمسنين مشهور اوي المركز دا
طب يااحمد احب اعرفك بالاستاذه مياده بنت خالتي واختي في الرضاعه ومسؤله الدار هنا
احمد بيمد ايده يسلم علي مياده وكان شراره لمست ايده وفي قلبه اهلا بحضرتك
اهلا بيك استاذ احمد دكتور اسامه كلمني عنك كتير وبيتشكر فيك وفي اخلاقك
دا من ذوق حضرتك ودكتور اسامه بيحبني شويه وبيبالغ
انت اللي متواضع يااحمد بص بقي استاذه مياده هتعرفك بالشغل وانا بقي اقوم عن اذنك يامياده
ليه يااسامه خليك عشان نروح مع بعض
لا شوفي شغلك انا ورايا مشاوير هخلصهم وهطلع علي خالتي احكي معاها علي ماترجعي عن اذنكم
في القاهره
ونادين مڼهاره ومتوتره بعد مكالمتها مع بابا وندمها انها خلته يقلق عليها فجاءه جرس الباب رن واټفزعت نادين واستوعبت انه جرس الباب وقامت تفتح الباب موارب
استاذ خالد في حاجه
مالك في ايه وفتحه الباب ليه كده
امشي واوعي تكلمني عشان خاطري
مالك يانادين
مش خاېفه بس مش عاوزه حد يتكلم
دي مش طريقتك قبل كده اكيد في حاجه
وهنا نادين كان نظراتها پخوف علي السلم ليكون هشام واقف
عشان خاطري ياخالد ملكش دعوة بيا عشان مصلحتك
مش ماشي الا ماافهم في اي ومړعوبه من اي
وهنا نادين فتحت الباب
ادخل بسرعه
بدهشه ادخل عادي
نادين بعصبيه علي فكره ماما معايا مش لوحدي حضرتك
اقولي لنفسك كلامك من شوي غير كده
وهنا خالد دخل سلم علي ماما اللي كانت قاعده علي
متابعة القراءة
