رواية دماء بريئة للكاتبة ولاء حامد كاملة
المحتويات
ومين في البلد ميعرفوش داه من عين أعيان البلد وسمعته زي الطبل بيتغني بيها الكبير والصغير
نعيمه بإرتياح طيب هما أهل بيت محترمين ومرتاحين وكده يعني
مسعود شهاده حق هما
بيت كرم و المال عندهم بالشمال لو وقوفو عليه يقولو السمس ليه بتسألي وكتر اللف والدوران داه وراه ايه
نعيمه بإطمئنان بص يا حاج من قيمه كام يوم كده جات مراته محمله شيئ وشويات وطلبت ايد سمر لابنهم وطلبت ناخد موافقتك عشان ييجي الرجاله
مسعود اتنتر من مكانه بعصبيه وهي الحريم اللي بتتكلم في الأمور دي
نعيمه بتصحيح بسرعه لا يا حاج ويمين الله هما عرفوا انك بترفض كل اللي يدق بابك وخاڤت تكسف الرجاله لو جم طلبوها فلو رفضت يبقى النفوس متشيلش من بعضها ويبقى الموضوع بين الحريم هو انا بردوا هبله عيب عليك والله دانتا كبيرنا ومفيش كلمه بعد كلمتك ولا شو بعد شورك
قعد مسعود مكانه بإرتياح تاني قصر الكلام البت لسه صغار وغاويه علام
نعيمه طيب يا حاج نصبر بس لما تخلص ونشوف ايه رائيك حرام ترفض عريس زي داه ابن اصل ومحترم والبلد كلها تشهد ليه ولأهله ودي فرصه متتكررش قبل ما ترفض صلي وأسأل واطقس
مسعود سيبيها على ربنا
دخلت نعيمه وتاني يوم الصبح بعد ما
مشي الكل على اشغاله نادت حريم أولادها وطلعوا شقت ليلي وحكتلهم كل اللي حصل
ليلي بتفكير مادام مرفضش يبقى في أمل بس حتت علامها دي اللي طالعه في دماغه
هاجر قصدك إيه ممكن يرفض
ليلي جايز
نعيمه لا والله العريس داه لا يمكن يطير ولا نسب زي داه يتسيب
نورا طيب والحل
شروق خالتي تفضل
تمدح في الواد وأهله
ليلي مش كفايه جوز خالتي عايز حاجه قويه اوي عشان هو اللي يصر ويجوزها
نعيمه قصدك إيه يابت
ليلي بتفكير وشړ يعني ايه الحاجه اللي تخلي عمي يوافق يقعدها ويجوزها
نعيمه بعدم انتباه انها تلعب بديلها وسمر هبله لا ليها في الطور ولا في الطحين
ليلي بتركيز لاء الموضوع داه عايز تمخيخ على كبير
نعيمه بإستفهام قصدك إيه يا بت
ليلي يعني امخمخ
واقولك
نعيمه اي حاجه الا اللي يمس بنتي
شروق بتزغلله عين لحماتها يا خالتي انتي مشوفتيش البت نسمه مرات ابنهم الوسطاني يا لهوووي دول جابو لأمها طقم دهب وهدايا تفتح صاغه ايوه والله
نعيمه بطمع بس بردوا دي بنتي
ليلي سا خالتي امخمخ واقولك وماتخافيش مفيش ايوتها حاجة هاتمس سمر دي بردوا مننا واللي يمسها يمس البيت والعيله كلها
نعيمه بإرتياح طيب ماشي شوفي وقوليلي
نزل الكل وفضلت ليلي تفكر واخر ما غلبت اتصلت على اخوها
عزت ايوه يا بت ها طمنيني
ليلي جوز خالتك يا اخويا كا العاده دماغه جزمه بس خالتك بتحاول تلينها بس عايز زقه جامده
عزت بعصبيه وزعيق يكاد يكون جعير ماليش فيه يا بت دانا داخل معاه مصلحه هاكل من وراها الشهد كله والهطه لهط
ليلي بتعوجه بوق يمين وشمال مش كنت عايز تتجوزها اوام كده منتا اللي عايز تجاوزها لغيرك
عزت لا يا أختي الحريم على قفا من يشيل بس المصلحه دي مش هاتيجي مرتين يا هبله الواد داه اللي ماسك كل مصالح وشغل وفلوس عيلته وكلمته مسموعه والمال كله تحت ايده فهمتي با ام دماغ زنخ
ليلي بطمع طيب وانا هستفاد إيه من داه كله
عزت بنفخه ونفر اخلصي من الاخر عايزه إيه
ليلي نصيبك في بيت ابوك يتكتب بإسمي
عزت بزعيق ليه يا اختي هاتجيبي الديب من ديله
ليلي براحتك خلاص هاته انتا وليك عليا انا اللي هاقنع جوز خالتي يرفض
عزت بسرعه بسلام بيت ابوكي الكل هيسال ليكي عليا الشقه اللي كنت عاينها لمزاجي هاكتبها بإسمك قولتي إيه
ليلي بتفكير بسيط اتفقنا اسمع بقا
البت دي عشان جوز خالتك يوافق ملهاش الا حل واحد انه يشوف بعينه حاجه مش مظبوطه على بنته ويقول آمين
عزت بسرعه يابنت الشياطين فعلا طيب اسمعي بقى
الواد محروس صبي القهوه على قبل المدرسه انا هاخليه كل يوم يوقفها بحجه انه بيسألها على حاجه وانتي تخلي جوزك يجيب ابوه من الطريق داه كيف وازي دي بتاعتك وهاخليه يكتب جواب حب وكلام من اللي بيضحكوا بيه على عقل البنات وانتي تحطيه في شنطه مدرستها وكام جواب تاني وكام ورده وهديه وتحطيهم في دولابها
ليلي بشړ يخربيتك داه كده حور خالتك هايموتها
عزت مټخافيش خالتك هاتبقى معانا على الخط وهاتلحقها
ليلي يبقى كده استبينا
وقفلت مع اخوها ونزلت جري على تحت
ليلي خالتي تعالي عايزاكي
شدت ايد خالتها ودخلت اوضتها وقفلت الباب بالمفتاح
ليلي بهدوء اسمعيني بقى
وحكتلها كل حاجه دارت بينها وبين عزت ماعدا جزء مصلحتها ومصلحه عزت
ليلي
شدت خالتها قعدتها تاني يا خالتي الحوار هايكون بينا جوه البيت ومحدش هايشم خبر حتى الواد بتاع القهوه مش هايعرف غير انه هايسألها كل يوم سؤال وجوز خالتي يشوفه وبس يعني ميعرفش حاجه وكملت بعد ما حست ان خالتها اطمنت وهديت يا خالتي دول أعيان البلد ويا بخت من كان العمده خاله ودول كلمتهم مسموعه في كل مكان واهانبقى مناسبين الاعيان وعيله من أكبر ناس في البلد ليها شنه ورنا
نعيمه الحاج ممكن ېموتها فيها
ليلي انتي بقى دورك تهديه وتقنعيه بجوازها وسترها وان الحمد لله انها اتلحقت وكويس انه مرفضش وكلمتين تلينيه ونبقى ضربنا كل العصافير بحجر واحد
تاني يوم صحيت سمر وفطرت ولبست وراحت مدرستها ومشيت الرجاله على الأرض وجه عزت بعد ما اتأكد انه مفيش حد في البيت غير الحريم واتصل على أخته نزلت بسرعه
ليلي ايه يا عزت نزلتني على ملا وشي في ايه ومطلعتش ليه
عزت اسمعي يا ام مخ زنخ داه عقد الشقه اهو
خطفته ليلي بسرعه وبصت فيه وضحكت
طلع من جيب العبايه بتاعته داي الجوابات والحاجات اللي قولتلك عليها
ليلي طيب ومطلعتش ليه تديهاني فوق
عزت عشان محدش من سلايفك يشوفني وممكن يربط الحوار ببعضه خلينا في الأمان فهمتي يا ام مخ زنخ
ليلي بتفهم عندك حق وشروق بذات بتلمع اوكي بضمير أوي وسوسه هاتفضل تنخور لحد ما تعرف اللي فيها
عزت طيب يلا طريقك أخضر
وطلعت شقتها من غير ما حد يشوفها
في الامتحان عند سمر تعبت جدا وجالها مغص شديد
المراقبه مالك يا بنتي
المدرسه بتفهم طبعا تعالي واخدت ورقه الاجابه من سمر ونزلت الحمام وطلعت ولسه المغص مستمر
خلصت الامتحان برغم الألم والمغص
عزت وصل المدرسه وعطي فلوس لفراشه في المدرسه
تروح لابو سمر تبلغه انها تعبانه في المدرسه ومتقولش لحد مين اللي باعتها ولو سألها تقوله الابله اللي عليها
وفعلا خدت من الفلوس وهي طايره من الفرحه وطبعت جرس على أرض مسعود
وقف عزت على جمب وضحكه خبيثه مرسومه على وشه
فلاش باك
ليلي بالليل اخوها اتصل بيها
ليلي خير يا عوت في حد حصله حاجه
عزت لا كلنا بخير اسمعي مني الكلمتين
ليلي ېخرب مطنك يا بعيد دانتا الشيطان يقولك يا معلم من عنيا بس الصبح يكون
معاك عقد الشقه ماشي
عزت من عينا نفع واستنفع
نهايه الفلاش باك
عزت فضل واقف في حته متداريه يتابع كل حاجه بعنيه من
بعيد لبعيد
وشاف سمر طالعه من المدرسه بعد مده بسيطه فضل ماشي وراها براحه ومن غير ما حد ياخد باله وأول ما مرت على القهوه سمعت صوت بيناديها
ست سمر ست سمر وقفت واتلفتت ايوه انتا بتنادي عليا
محروس ايوه ياست البنات كنت سمعت ان الحاج عايز انفار في الارض واخويا كان عايز يروح
سمر معرفش والله تقدر تسأل ابويا او حد من الرجاله بالاذن
جات تمشي وقفها محروس طيب لو مفيهاش اساءه أدب تسألي الحاج وتردي عليا
سمر قولتلك تقدر تسأل حد من الرجاله وسابته ومشيت
في الوقت داه كان جه مسعود جري بعد ما سمع من الفراشه ان بنته تعبانه
وهو جاي شاف بنته واقفه تتسامر وتتكلم مع صبي القهوه اټصدم ورجع لورا حس ان رجليه مش شيلاه
مسعود لنفسه لا يا راجل بنتك متربيه يمكن كان برساله على حاجه ولا عايز حاجه بلاش تسوء الظن في بنتك دي تربيه ايدك
روحت سمر وهي تعبانه
نعيمه مالك يابت وشك اصفر زي الليمونه
سمر بۏجع بطني بتقطع يا أما مش عارفه مالي
نعيمه طيب خشي ريحي وانا هاغليلك حبه نعناع ولا كراويه يريحو بطنك
سمر حاضر يا أما
دخلت سمر تنام وهي مش حاسه غير بۏجع
لا تعلمي يا صغيرتي ما تخبئه الأيام لكي في جعبتها فقد اتحدت الشياطين عليكي
نامت سمر بعد ما شربت الأعشاب اللي أمها عملتها
رجع مسعود وهو شايل هموم الدنيا فوق كتافه وشارد وعقله مش مستوعب اللي شافه
اتحط الأكل وكل العيله اتجمعت ماعدا سمر
وقعد مسعود وهو شارد شافته ليلي وفرحه غريبه اتمكنت منها بعد ما اخوها اكدلها انه شافه بنته وبلع الطعم
ليلي بمكر الأفاعي اومال فين سمر يا خالتي
مسعود انتبه ليهم لما سمع اسم سمر
نعيمه بعدم فهم في اوضتها جات تعبانه ووشها زي الليمونه الصفرا غليتلها تلقيمه نعناع وكرويه وشربتهم ونامت ولما تصحي تبقى تاكل
مسعود عقله هايشت فضل باصص للأكل والكل حواليه بياكل ولا هامه وصوت المعالق اللي بتخبط في الصحون بيرن يسمع حواليه من السكات اللي عامل البيت خلص الأكل وزي كل يوم كل واحد خد مراته وعياله وطلع شقته ومسعود سحب نفسه وطلع على المصطبه لما حس بنفسه بيضديق عليه وضلوعه هاتخنق قلبه من الۏجع
مسعود لنفسه اسألها طيب هاتقول إيه هاتكدب
قلبه بنتك تربيت ايدك عمرها ما تعرف الكدب
عقله وليه لاء يمكن ضحك عليها ومن كتر قسوه أمها ماصدقت حد حن عليها
قلبه بنتك بريئه يمكن كان بيسألها على حاجه
عقله لو كان بيسألها كانت جات وقالت لأبوها
قلبه وهو كان سالها عشان يعرف
عقله خلاص يراقبها ويشوف كان سؤال وموقف وعدا ولا ليهم كلام وحكاوي
قلبه ماشي بس خليك فاكر انها عمرها ما عملت حاجه غلط
غمض عنيه وتعب السنين حل عليه
طلعت نعيمه وشافت جوزها كده قلقت عليه وهي عارفه السبب بس بررت لنفسها انها بتعمل الصح عشان تستر بنتها ومتعنسش جارها
حطت نعيمه صنيه الشاي وحطت ايدها على كتف جوزها مالك يا حاج من ساعت ما جيت وانتا شارد بيك إيه
مسعود انتبه من شروده ها بتقولي ايه يا حاجه
نعيمه پخوف مالك شايل طاجن ستك على راسك وزاعق إيه اللي جرا
مسعود بص قدامه وعنيه كانت هاترغي دموع بس مقدرش دموعه تنزل ولا حاجه شكلي تعبت شويه من الغيط والشمس كانت حاميه
سكتت ومفكرتش تزود عليه ودعت من قلبها ان الموضوع يمر على خير للكل هي كل همها ان بنتها تتجوز وتستر في ضل راجل وزي ما بيقولو ضل راجل ولا ضل حيطه
مر اليوم وسمر ملازمه سريرها وتاني يوم قامت وحست انها احسن
طلعت تجهز الفطار مع أهل البيت ولما أتجمعوا على غير العاده ابوها مكانش مهتم بيها وخلصت شغل البيت وأبوها راح على الأرض وعقله شارد وباللي قعدت تكمل مذاكرتها
وتاني يوم راحت المدرسه بعد ما كل أهل البيت راحوا الغيط ودخلت الامتحان بإجتهاد حلته بسرعه
وقبل نص الوقت كانت خلصت وكعادتها تفضل تراجع وتذاكر كل جزء
كتبته لحد ما تطمن ان كل اجابه نموذجيه ومش ناقص فيها حرف وطلعت من الامتحان وهي فرحانه انهارده كان آخر يوم في الإمتحانات وهاتفضل مستنيه على ڼار النتيجه عشان ترفع رأس أبوها
في الارض مقعدش الا شويه صغيرين و ساب عياله
جلال رايح فيني يا أبا
مسعود بهم تعبان شويه هاروح الاجزخانه اشوف حاجه للتعب
جلال پخوف فطري على ابوه طيب انا جاي معاك
مسعود بحسم لاء خليك مع اخواتك وانا مش هاعوق
سابه ومشي متلفتش وراه وطلع واقف قرب مدرسه بنته وفضل مستني فتره طويله لحد ما شاف بنته وكام بنت تانيين طالعين من المدرسه لقاها ماشيه وشها في الارض زي ما هي متعوده حس ان قلبه بداء يرتاح شويه لحد ما
عدت على القهوه وسمعت صوت تاني استخير مسعود بعيد جمب شجره بحيث يشوفهم بس للأسف مكانش سامعهم
سمر أتلفت لمحروس خير يا عم كل يوم توقفني الوقت دي قولتلك لو عايز حاجه أسأل الرجاله مش حريم البيت احترم نفسك بقى
محروس پخوف وحرج طيب بصي وطلع ورقه من جيبه داه رقمي اديه لابوكي او حد من اخواتك وبالله عليكي خليه يكلمني اهو اخويا يشوف شغله يسترزق منها بدل مهو قاعد عوالي وينوبك
ثواب بلاش تكوني من قطاعين الأرزاق
سمر بهزه رأس ماشي وخدت الورقه وحطتها في الشنطه ومشيت
عزت من بعيد تابع كل اللي بيحصل وشاف جوز خالته وهو ماشي ورا بنته وبسرعه طلع تليفونه واتصل على أخته
عزت اسمعي بسرعه أول ما سمر توصل تدخلي بسرعه هتلاقي ورقه في شنطتها فيها رقم الواد محروس خديها واحرقيها وحطي مكانها الجواب اللي معاكي فاهمه
ليلي ماشي بس إيه اللي جاب رقم محروس مع سمر
عزت حكي لاخته
قعد عزت على القهوه ولا يا محروس الا قولي إيه أخبار الواد حميده اخوك
محروس بغلب نحمده على كل حال يا معلم
عزت لسه ملقيش شغل
محروس لا والله مع انه معاه دبلون واشتغل حبه على عربيه في الموقف وصاحب العربيه قاله بدل منتا بتقاسمني رزقي انا هاطلع عليها
ودور حني يشتغل على توكتوك كل واحد شغال في ماله
ومن يومها وهو قاعد زي الولايا في البيت
عزت بمكر بقولك حوز خالتي سمعت انه عايز انفار للأرض وهو بيدفع كويس حاكم أرضه كبيره اوي وهو وعياله مش سادين
محروس بفرحه بجد والنبي يا معلم طيب متكلمه ينوبك ثواب
عزت بمراوغه لو عايز اللي يضمنلك
محروس مكدبش خبر وعمل كده ولما سمر مديتوش وش رجع لعزت وهو خايب الرجا
عزت ولا يهمك بص اديها رقمك وخلي حد من أخواتها ولا ابوها يكلموك وانتا تقوله
محروس طيب منا أرواحلهم واخد الواد حميده معايا
عزت بسرعه خاف لحسن لعبته تتكشف وتبوظ بسببه يا غشيم اتصعب ليها وانه ثواب وهي هاتلين رأس ابوها
محروس بعدم فهم عندك حق يا معلم تلسم وربنا يجعله في
ميزان حسناتك
ليلي بضحك وفرحه يخربيتك يا شيخ والله انا نفسي صدقتك
عزت طيب يلا متتأخريش
ليلي حمامه يلا اللحق بسرعه
دخلت سمر البيت بفرحه ودخلت غيرت هدومها وطلعت المطبخ تشوف أمها دخلت ليلي وراها تتسحب ودخلت فتحت الشنطه بتاع المدرسه ودورت لقيت الورقه خدتها وطلعت الجواب وحطته مكانها وطلعت بسرعه قطعت الورقه ورمتها في الحمام من غير ما حد ياخد باله
مسعود حس بۏجع وكسره وخذلان من بنته واللي شافه
مسعود لنفسه الورقه دي فيها إيه
شيطانه اتملك منه وطلع جري على البيت مش منتبه لحاجه
الحلقة السادسة
وصل مسعود لبيته وشړ الدنيا وشياطين الأرض بتلاحقه
خبط الباب ودخل جري على البيت وبعلو صوته سمررر يا سمرررر
طلعت سمر جري من المطبخ خير يا أبا في إيه مالك
مسعود پجنون شدها من شعرها ليييه ليييه الكسره وقطمت الضهر تيجي منك ليييه دانا كنت بتباها بيكي واقول بنتي لايمكن تعمل الغلط ليييه
اتجمع كل اللي في البيت على الصوت
نعيمه واقفه على باب المطبخ والخۏف بينهش في قلبها نهش
وليلي واقفه باصلها بشماته
وهاجر وشروق
ونورا واقفين ومحدش فاهم حاجه
مسعود بۏجع وكسره ليييه يا بنتي ليييه قوليلي لييه قصرت معاكي في إيه
وكمل بدموع وانتحاب ليه تسودي وشي وتطاطي رأسي
سمر بدموعاني وكتاب الله محصل
نعيمه پخوف في ايه يا حاج عملت إيه البت فهمني سوئت عليك حبيبك النبي تفهمني ايه اللي جرا وجايبك من الغيط بدري
وبصت لبنتها پخوف عليها من اللي جاي عملتي ايه يا بت انطقي
سمر پخوف وړعب والله يا أما معملت حاجه انا جيت من الإمتحان على البيت
مسعود اتعاد المشهد تاني قدام عنيه بس بس يا سافله بس ليييه ملقتيش الا الواد بتاع القهوه هو داه اللي شغل دماغك
سمر پخوف لا والله يا أبا مش زي منتا فاهم وكتاب الله ما حصل
ليلي بخبث معقول يا عمي سمر بتعرف رجاله يالهوووي يا لهووووي هتكون سمعتنا على كل لسان
مسعود الڼار وصلت جواه لچحيم هايحرق الأخضر واليابس ايه الورقه اللي عطهالك دي يابت وحطيتيها في شنطتك
سمر پخوف وعياط وشحتفه داه داه ط ط طل
مسعود بزعيق اخلصي لسه هتهتهي انطقي يابت
ليلي بمكر خلاص يا عمي نشوف شنطتها ومستنتش
دخلت جابت شنطه سمر وكبتها على الأرض ووقع معاها الجواب ليلي وطت على الأرض وجابتها وبشهقه ومصطنعه الدهشه ايه داه يا سمر
ليلي بسرعه خلاص يا عمي احنا هاندخل ندور في اوضتها خلينا نفهم الفوله
نعيمه پخوف لأنها متعرفش ايه اللي ليلي بنتكلم عنه
نعيمه افتكرت اللي حصل من كام يوم
لما ليلي اخدت خالتها ودخلت
اسمعي بقى يا خالتي عشان حمايا يوافق على جوازه سمر يبقى لازما ولابد انه يشوف عليها شيئ شين
ويتأكد منه كمان
نعيمه بشهقه جرا ايه يا بت انتي هاتنسي نفسك عايزاني اسواء سمعة بنتي
ليلي بخبث الافاعي يا خالتي اقعدي واسمعي والموضوع مش هايطلع بره عتبه باب الدار اسمعي بس يا خالتي الله يرضى عليكي كل الفوله ان الواد محروس بتاع القهوه هيوقفها يسألها وحمايا هايشوفها واحنا نحطلها ورقه مكتوب فيها كلمتين حب وكلام فاضي وخلص الموضوع وانتي تقنعي عمي انه يسترها ويجوزها لابن الاكابر ولا من شاف ولا من دري
نعيمه بخبطه
ليلي على نفس النغمه يا خالتي الموضوع مش هايتم الا كده واديكي شوفتي الواد وأهله شاريين وهايجيبو من السما نجمه لو طلبتوا ويا بخت من كان النقيب خاله
وعلى رآي المثل اللي ليه ضهر ميضربش على بطنه ودول مش اي ضهر دول سند وعزوه متينه والكل يعملهم الف حساب وحساب هما واللي منهم واللي مناسبينهم
قدرت ليلي تقنع نعيمه
نعيمه واقفه مش فاهمه حاجه ليلي مجابتش سيره جوالات تانيه ولا اي حاجه وفيها ايه الورقه دي جنن جوزها كده
دخلت ليلي بسرعه قبل ما حماتها تفوق من صډمتها ودخل معاها شروق ونورا وهاجر والكل قلب اوضه سمر فوقاني تحتاني لحد ما طلعوا كل اللي مستخبي واتعمدت ليلي انها تخلي حد تاني يلاقيه وفعلا طلعوا بالحاجة بره لحماها وأول ما شافهم خطفهم وفضل يقلب فيهم زي المجذوب اللي فقد عقله وفضل يقلب في ورقه ورا ورقه لحد ما اخر ذره في صبره ومعاها عقله نفد
سمر بصړاخ وۏجع وحرقه وكسره وكتاب الله يا أبا مظلومه والله ما اعرف عنهم حاجه روح اسأله هتيقولك انه اداني ورقه فيها رقمه كان عايز يشغل اخوه في الارض قال انك عايز انفار
مسعود بعيون وعقل عميهم الڠضب اسأله يا سافله واخلي سيرتنا على كل لسان يتشدقوا بيه النسوان في حكاوي المصاطب
نعيمه وهي بتحاول تحمي بنتها سوئت عليك حبيبك النبي اللي زرت بيته وملست على شباكه تسيبها وكتاب الله اللي ما بيفارق ايدك هاتموت في
ايدك
مسعود پجنون وصړاخ التافهه ټموت الخاطيه ټموت وملهاش لا عزا ولا حزن
ليلي بشماته معقوله يا خالتي تكون فرطت في شرفها مع الواد داه
مسعود سمع كده واټجنن اكتر ونزل بالاقلام والشلاليت عاى بنته
نعيمه بصه ليلي بشړ على الكلام اللي قالته
نعيمه حطت ايدها
مرت أيام ووراها أيام لحد ما مر أسبوع وكانت سمر طول الأسبوع طريحه الفراش وكان بلغ مسعود أهل جمال بالموافقه
في يوم جديد نزلت ليلي تتمختر اصباح الخير يا خالتي
نعيمه بصتلها من فوق لتحت ومردتش
ليلي بشړ بقولك يا خالتي ابعتي سمر تروق الشقه وتغسل السجاد وتنضفها اصل الشقه وشها وانا تعبانه
نعيمه قامت بشړ الدنيا بتقول ايه يا بنت الكلب مين دي اللي تطلع تخدمك يا عايبه يا اللي محسوبه من دون النسوان مره يا بياره خرا
ليلي ببرود بنتك يا خالتي ولا تحبي اقلب الطربيزه عليكي واقول لحماية ان اللي حصل لعبه منك عشان يوافق على نسب الاعيان وأولاد الاكابر
نعيمه بشړ موازي لشړ ليلي وماله قوليله وانا ارسيه على الفوله واخليكي تطلعي من هنا بجرسه غوري على شقتك يا عايبه
طلعت ليلي شقتها بتغلي
ونعيمه تحت على مراجل من ڼار بسبب عملتها كسرت بنتها وكسره نفسها وخلت واحده زي ليلي تشكت فيها وتحط صباعها تحت ضرسها
نعيمه بشړ ومااله صبرك يابنت ال ولا بلاش اصبري مش عايزه شړ انا هافرجك
فضلت طول النهار قاعده على ڼار وكل ساعه والتانيه تدخل تبص على
سمر تلاقيها شارده في ملكوت ربها والدموع
سمر بشرود والله يا أما ما حصل والله مظلومه انا عمري ما كلمت حد دانا كنت بروح في حالي وارجع في حالي ليه يا أما الظلم سهل اوي كده عند الناس
نعيمه بۏجع قولي يارب
سمر بدموع وۏجع حسبي الله ونعم الوكيل نعم المولى ونعم النصير
نعيمه قلبها اتهز وخاڤت والخۏف اتملك منها
وقامت منطوره من جمب بنتها نامي يا ضنايا
وريحي جسمك نامي وربك يحلها من عنده
الكل رجع من الغيط واتحط الأكل والكل قعد ياكل من سكات وكل واحد منهم دماغه شارده في ملكوت ربه
قبل ما يقوموا من على الطبليه مسعود اعملو حسابكم يوم الجمعه الجايه بيت علام الشلاواني جايين يقروا فاتحت سمر
الكل بص لبعضه وسكت الا ليلي رقعت زغروده ورا زغروده ورا زغروده لحد ما نفسها اتقطع بس حبت تحط لمستها الشيطانية طيب يا عمي بلاش تجيبلهم سيره اللي حصل من سمر دي عيله وداه
طيش عيال
مسعود ميل رأسه في الأرض بۏجع وساب الأكل وطلع مكانه المفضل على المصطبه قدام الباب
قامت نعيمه منطوره حسن تعالي عايزاك
حسن بإستغراب خير يا أما
نعيمه بفزعه قوم يا ولا واخلص
ليلي ببوادر خوف خير يا خالتي
نعيمه بشړ كل خير يا نن عين خالتك اصل نويت والنيه لله ارضع كل عجل من بز أمه
وسابتها ودخلت غسلت ايديها ووراها حسن وخدت ابنها وقفلت باب الأوضه
حسن بهدوء خير يا أما ايه اللي حصل حاسك مش على بعضك
نعميه بدموع اااااه
يا حسن اااااه
حسن پخوف في ايه يا أما لو على موضوع سمر ربنا ستر واهي زي الفل وهاتتستر وسكت دقيقه وكمل پخوف ولا هي مش بخير وانتي قولتي كده ل
نعيمه بدموع اخرس اختك اشرف من الشرف سمر غلبانه وبريئه انا والشيطانه مراتك وابليس اخوها السبب يا ابني مش قادره احط عيني في عينها واقولها سامحيني واللي زاد وغطي مراتك نازله عايزاني اطلعها سمر تخدمها يا تروح تقول لابوك وټفضحني
حسن پصدمه انتي السبب ازي مش فاهم انتي عملتي ايه يا أما وليلي ايه ډخلها في الموضوع داه
نعيمه بتحيب ااااه يا ۏجعي اااه مراتك دي اس البلاوي هي اللي اقنعتني
حسن أما أنا على اعصابي فهميني الفوله فيها
إيه بالظبط
نعيمه بحزن حكتله كل شيئ من أوله لأخره
حسن بۏجع على ۏجع اخته غمض عنيه يمنع دموعه انها تنزل يااااااه يا أما وهانت عليكي هانت يا أما
حسن تسامحك طيب تسامحك على ايه ولا إيه وانا اسامح مين ولا مين امي ولا ابويا ولا مراتي ولا مين
نعيمه بحسره كان نفسي استرها والله كان نيتي خير معرفش انه هايتقلب عليها وعليا كده سامحني يا ابني الجهل وحش
حسن وهي ذنبها ايه تتكسر كده ذنبها إيه سمعتها اللي دوستيها انتي وبنت اختك في الارض هاااا
ميلت نعيمه رأسها في الأرض وسكتت
الكل في صوت واحد خير يا حسن في إيه
حسن بهدوء ممېت تعالو معايا مشوار يلا
طلع الاربعه من البيت وحسن طول الطريق شارد وعقله مش مستوعب اللي عملته أمه ومراته وبيسأل نفسه الف مره ومره ليه ليه الدنيا دايما بتيجي على الغلبان
اخواته ماشيين وراه ومحدش فاهم هو في إيه وايه اللي مزعل حسن كده ومخليه شارد
جلال بحمحمه مالك بس يا ابو على شايل طاجن ستك فوق راسك على قوله أمك
حسن اتنهد بۏجع ولا حاجه يا جلال
مصطفي بإستغرتب من حالت اخوه يا ابني فهمنا في إيه ومالك عامل زي اللي شايل جبل فوق ضهره حانيه ماشي مكسور اوعي يكون موضوع البت سمر خلاص بقى الحمد لله ربنا ستر وابوك لم الموضوع بدري بدري قبل الفضايح بس عارفين وكتاب الله ما مصدق البت سمر العيله اللي پتخاف من ضلها تعمل كده
قطعه محمود معاك فعلا يا درش حاسس ان
الموضوع فيه ان
حسن غمض عنيه بۏجع وكتم الدموع من انها تنزل الكل حط على الچرح ملح وداس عليه بالقوي من غير ما حد يحس
محمود بتكمله ولا انتا ايه رائيك يا حسم تفتكر سمر فعلا كانت مغفلانه زي ما مراتك بتقول ولا طيبه وهبله والموضوع فيه ان زي ما احنا حاسين
الحلقة السابعة
مصطفي بفزع مالك ياض انشف كده ووحد الله في ايه فهمنا عليا الطلاق فيه حاجه وحاجه كبيره كمان
حسن بتعب سيبني في حالي الله لا يسيئك
مصطفي عليا الطلاق من اهل بيتي ماهحلك الا لما أفهم
حسن پخنقه تفهم حاااضر تعالوا معايا مادام الفهم ناقح على بابكم اوي كده وقام من الارض نفض عبايته واتحرك والكل ماشي وراه ومحدش فاهم هما رايحين فين وفضلو ماشيين ومع كل خطوه الشمس بتغيب لحد ما الليل فرد ستاره الأسود على مدد البصر واختفي النور وبقت الدنيا ضلمة زي قلوب بعض البشر ومع كل خطوه قلب حسن بيوجعه اكتر على ظلم اخته وظلومتها من أقرب ما ليها أمها وبنت خالتها اللي مراته لحد ما وصلو القهوه اللي قبل المدرسه
مصطفي وقف وشد حسن وبعصبيه شديده بانت على عروق وشه اللي نفرت من كتر كبتها انتا اټجننت يا حسن جاي تخانق في الراجل هنا وسط قهوه ووسط خلق الله بتقول ياللي متعرفشي أعرف
حسن بصله بۏجع واخد نفس وطلعه محمل بكل هموم الدنيا اللي جواه لاء يا ابن ابويا منيش جاي اخانق مع حد انا جاي افهمكم الحقيقه من غير اي كلمه زياده الكل يقعد ويسمع من سكات من غير ما ينطق بحرف
الكا بص لبعضه وسكتت ومحدش فاهم الفوله فيها إيه ودخل الاخوه الاربعه على القهوه ورموا السلام على الموجودين وفي اقل من دقيقه كان جه محروس
محروس تشربوا إيه إيه معلمين
حسن بص لاخواته هاتلي كوبايه قهوه وصايه بن تقيل
وهاتلهم هما دور شاي
محروس شاور على عنيه من عنيا تمروا بحاجه تاني
حسن لا وقبل ما يتحرك محروس
الا بالحق يا محروس سمر كانت قالتلي إنك قولتلها على شغل لخوك
محروس وقف وعنيه بتلمع من الفرحه ايوه الله يسترك يا معلم داه الواد حميده من بعد ما خد الدبلون وقاعد زي الولايا وما صدقت عرفت انكم عايزين انفار في الأرض
حسن هز رأسه بس عرفت منين داحنا لسه كنا بنفكر في الموضوع وقولنا قدام حد الا كام واحد معرفه
محروس بحسن نيه المعلم عزت الله يستره هو اللي قالي وانا مكدبتش خبر
حسن طيب يا محروس مكنت جيتلي ولا مكسوف مني يا راجل
محروس بهزه رأس لا يمين الله انا قولت للمعلم عزت قالي سمر ليها دلال على أبوها وانا لو قولتلها هو بيحبها اوي ومبرفضلهاش طلب وانا وحق كتاب الله قولتلها كلمتين وربك والحق اختك اديتني اللي فيه النصيب مع اني يعلم الله لولا الحوجه وحتى من يومها استنيت حد يرن ويكلمني محدش عبرني قولت يبقى العباره مفيهاش شغل وسكتت واستعوضت ربنا
حسن بهدوء يعني الورقه اللي ضاعت من سمر كان
فيها إيه أصلها قالت إن الورقه ضاعت وماعرفش فيها إيه
محروس بسرعه داه كان رقمي قولتلها تخلي حد من الرجاله يرن عليا وكمل بكسره زي ما انتا عارف يا ملعم
حسن بص لاخواته وسكت طيب
يا محروس هات الطلبات وانا هاشوف شغلانه محترمه لاخوك
محروس بفرحه الله يكرمك ويعلي مراكبك قادر يا كريم وبضحك وصوت عالي وعندك واحد قهوه
متابعة القراءة
