شبيه جوزي بقلم ايمان شلبي
اسكريبت بقلمي إيمان شلبي
جوزك متجوز صاحبتك
كانت قاعده في مكتبها بتخلص اوراق مهمه وفجأه جاتلها ماسدج من رقم مجهول
اول ما شافت اللي مكتوب قلبها دق بسرعه رهيبه وكأن دقاته في سباق عقلها وقف عن التفكير عيونها لا اراديا لمعت بالدموع!
فضلت تقرأ الماسدج اكتر من مره وهي في حاله من عدم الاستيعاب
هزت راسها اكتر من مره برفض
لا لا لا عاصم ميعملش كده لا
ضغطت علي الرقم بأيد بتترعش وانتظرت الرد علي احر من الجمر لكن للاسف زي ما توقعت مكانش في رد
ضغطت للمره العاشره وهي بتهبد علي المكتب بعصبيه ودموع
رد بقي رد
الو
بلعت ريقها بتوتر وردت بصوت مهزوز
ا انت مين !
رد بابتسامه خبيثه وهو بيرجع ظهره لورا
فاعل خير
صړخت بصوت مبحوح
انت كذاب وانا هبلغ عنك و.....
قاطعها ببرود
محدش هيعرف يوصلي يا مدام رنا
ولو عايزه تتأكدي من كلامي هبعتلك لوكيشن تروحي وتتأكدي بنفسك
مجرد ما انهي كلامه قفل السكه في وشها ومفيش ثواني إلا وبعتلها اللوكيشن في ماسدج
اترمت علي اقرب كرسي ليها وبدأ نفسها يضيق بالتدريج
رنا كنت عايزك تترجمي الورق ده ضروري و.....
ايه ده رنا مالك!
قالها فريد زميلها في الشغل بقلق أول ما شاف حالتها وهي بتحاول تاخد نفس وكأنها بټصارع المۏت!
رمي الورق وجري نحيتها بلهفه وخوف
رنا ردي عليا في ايه مالك!
ردت بصعوبه
ن نفسي م مش قادره اخد نفسي ا....
البخاخه بتاعتك معاكي
هزت راسها بتعب وهي بتحاول تخلي عيونها مفتوحه لكن التعب والصدمه كانوا اكبر من طاقتها
طلع فريد البخاخه من شنطتها وجري نحيتها وقعد علي ركبه قدامها وحطهالها بأيد بتترعش وعيون بتلمع بالدموع!!
دقائق ورجع نفسها ينتظم لحد ما أصبحت في حالتها الطبيعيه من جديد
بقيتي احسن
سألها وهو بيقف وبيبصلها بنظرات غريبه مزيج ما بين الخۏف الحب العتاب!
هزت راسها وردت بهمس
الحمد لله
سأل وهو محاوطها بنظراته
ايه اللي حصل وصلك للحاله ديه
هزت راسها وهي بتحاول متعيطش
مفيش
سأل پحده
رنا ايه اللي حصل
حطت وشها في الأرض وهي بتفرك في ايديها بتوتر والدموع بتلمع في عينيها
ف في رقم بعتلي م ماسدج قالي أن عاصم ومتجوز واحده صاحبتي
رد بذهول
نعم وانتي تعرفي الشخص اللي بعتلك ده
هزت راسها بنفي
لا ولما رنيت علي الرقم رد واحد معرفش صوته قالي انا فاعل خير و ولو عايزه تتأكدي أن كلامي صح هبعتلك لوكيشن تروحي تتأكدي
سأل بهدوء
وبعتلك
هزت راسها بنعم وهي بتضغط علي شفايفها علشان متنفجرش في العياط
سأل وهو بيقفل عيونه نص قفله
وانتي مصدقه !
ضغطت اكتر علي شفايفها وهزت رأسها بنفي
اومال ايه سبب الدموع ديه
رفعت عيونها وردت بنبره كلها عياط
المفروض لما اشوف ماسدج زي دي ابقي عادي
هز أكتافه بحيره
معرفش بس لو انتي بتحبي عاصم وواثقه أنه عمره ما يخونك اعتقد انك هتكبري دماغك
اي ست لو شافت حاجه زي كده طبيعي حتي لو بتحب جوزها وواثقه فيه هتقلق
رد بلا مبالاه
وليه تفضلي قلقانه وانتي في أيدك تتأكدي
يعني ايه!
يعني مش اللوكيشن معاكي
ايوه
روحي اتأكدي بنفسك
بلعت ريقها وسكتت لحظه تفكر في كلامها بعدها ردت بتوتر
ب بس بس افرض طلع فخ أو حد مش كويس و....
قاطعها بثقه
وانتي فاكره اني هسيبك تروحي لوحدك
سألت ببراءه
هتيجي معايا
طبعا مش انا اخوكي الكبير زي ما بتقولي
ردت بابتسامه مهزوزه
ط طبعا ا انت اكتر من أخ انا لو كان عندي اخ اعتقد مكانش هيقف معايا ويبقي في ظهري زيك
ابتسم ابتسامه حزينه وهز رأسه بحسره
طب يلا حضري نفسك وانزلي وانا هروح استأذن من المدير وهحصلك علي العربيه
ت تمام
بعد شويه كانت
قاعده جنبه
خاېفه
سألها من غير ما يبصلها وهو بيسوق وجواه بيتمني لو الكلام حقيقي!
ردت ودمعه شارده نازله علي عيونها
ابقي بكدب لو قولتلك لا مش خاېفه
انا مړعوبه وفي جوايا الف سيناريو كلهم اسوء من بعض
وليه خاېفه انتي مش واثقه في جوزك!
واثقه لكن الشيطان شاطر
وفي نفس الوقت بقول لنفسي جايز يكون الكلام حقيقي
جايز اكون آثرت معاه في يوم ومقومتش بدوري كزوجه ف اضطر يدور علي الاهتمام في حد تاني
ابتسم بسخرية وذهول
انتي بتبرري خيانته ليكي لو كانت حقيقه يا رنا!
ردت بحزن
معرفش انا جوايا صراع
قلبي بيقولي لا هو بيحبك وعمره ما يخونك
وعقلي بيقولي جايز يكون خانك وان كل اللي فات كان كڈب!
رد بهدوء
لو بيحبك بجد عمره ما يخونك ولا يفكر في واحده غيرك من اساسه وبعدين يا رنا انتي مش بتشوفي نفسك في المرايه!
سألت بصوت مهزوز وملامح كلها قلق
تفتكر متجوز فعلا
اتنهد تنهيده طويله وهو بيركن العربيه وبيبص علي العماره اللي المفروض عاصم فيها
دلوقتي نعرف كل حاجه
انا عايز افهم حاجه هو احنا ليه بنعمل كل ده!
ردت بنت ببرود
لا بقولك ايه احنا لما اتفقنا معاك تمثل دور جوزها افتكر وقتها أننا قولنالك متسألش كتير
انت جاي تنفذ عمليه وتقبض تمنها مش عايزين كلام كتير بقي يا حيلتها
رد بضيق
طب خلاص انتي ډخلتي فيا شمال كده ليه
بصيتلها بقرف من فوق لتحت وهي بتحط رجل فوق التانيه وبتاكل لبان بطريقه مستفزه
همس بضيق
ياستار شكلك زي القرود
انا لولا الحوجه مكنتش وافقت علي العمليه الهباب ديه بس هنقول ايه الفقر بيذل البني آدم
اتنهد وهو بيسند ظهره علي الكنبه اللي وراه
انا اسف يا مدام رنا اني هوهمك
ثواني والباب خبط
اتنفضت البنت من مكانها وفضلت تعدل في هدومها وشعرها وهي بتبصله
مستعد
هز رأسه ببرود
ايوه
غمزتله بوقاحه وطلعت تجري علشان تفتح الباب
رنا!!!
رنا وهي بتتنفس بسرعه
ا انتي ا انتي يا ندي
ندي وهي بتتصنع الخۏف والتوتر
ا انا ايه
زقيتها و اندفعت وهي بتبص يمين وشمال بلهفه وخوف
هو فين
هو مين ده مفيش حد هنا
دخلت الصالون واول ما شافته الوقت وقف في اللحظه ديه
اتنفض من مكانه پصدمه
ر رنا
فضلت ترجع لورا وهي بتهز رأسها بنفي وبتعيط بهستريه
لا لا لا لا ل....
وقفت كلام أول ما حست انها خبطت في جسم صلب
لفت وشها وأصبحت في حضڼ فريد اللي كان واقف بثبات وماسكها من كتفها وبيبص لعاصم پحقد وغل
رنا اسمعيني انا ....
حطت ايديها علي ودانها وهي بتهز رأسها بهستريه اكبر وبتدفن رأسها في كتف فريد
لا لا مش عايزه اسمع ولا كلمه مش عايزه اسمع حاجه اه اه
اتنفست بسرعه اكبر وهي بتحط ايديها علي قلبها
ف فريد الحقني يافريد ا الحقني يافريد خرجني من هنا م مش قادره اخد نفسي ا اه
وفي لحظه سكتت كل حاجه من حولها وفقدت الوعى بين ايدين فريد
يتبع
شبيه_جوزي
إيمان_شلبي
٢٧٢٢٠٢٤ ١٠٢٤ م Emy البارت الثاني بقلمي إيمان شلبي
انتوا مين وعايزين مني ايه
صړخ بيها عاصم وهو بيحاول يفك الرباط اللي كان مقيد أيده ورجله
فضل يحرك نفسه پعنف علي الكرسي الخشبي اللي موجود في اوضه صغيره وضلمه وبعيده كل البعد عن الناس!
توء توء اهدي يا عصوم العصبيه مش حلو علشانك
عاصم وهو بيقفل عينه نص قفله بشك
انا عارف الصوت ده كويس اوي انت فريد!
وفجأه
حل النور مكان الظلام وظهر وهو بيسقف بابتسامه خبيثه وسخريه
برافووو عليك كسبت معانا مليون جنيه
حرك عاصم نفسه پعنف وجنون
فكني يا زباله وحياه امي
سحب كرسي وقعد عكس عكاس وهو بيمط شفايفه بحزن مصطنع
لا بلاش غلط علشان انا بتقمص
صړخ پعنف وعروق رقبته بارزه من الڠضب
فكني بقولك
رد وهو بيبصله بلا
