كنت سهران مع صحابي

كنت سهران مع صحابي وقت ما مراتي اتصلت عليا ولما فتحت الخط عليها مش هي اللي كانت بتتكلم ده صوت واحده من الجيران وكل اللي قالته
حاول تيجي بسرعه مراتك تعبانه جدا وكل ما تفوق يغمي عليها
وقبل ما تخلص كلامها كنت انا قافل السكه وراكب عربيتي و ما كنتش عارف انا سايق العربيه ازاي كنت قلقان عليها جامد وخاېف ليحصلها حاجه
اول ما وصلت العماره وطلعت لشقتي ودخلت لقيت معظم سكان العماره موجودين عندي في الشقه وكتر خيرهم كانوا عمالين يفوقو في سمر مراتي
ولقيت الست ام زياد جارتنا بتقولي انها سمعت صوتها بتصرخ مره واحده في الشقه وانها كانت شيفاني وانا نازل من العماره ولما راحت تخبط سمر ما ردتش عليها علشان كده جمعت الجيران وكسروا باب الشقه
واول ما دخلوا الشقه كانت سمر واقعه علي الارض ومغمي عليها وكان التليفون بتاعها كان واقع جنب منها وكان مفتوح علي
فيلم علي اليوتيوب علشان كده ام زياد عرفت انها تتصل عليا
حاولت كتير اني افوق فيها بس حالتها كانت صعبه وكانت بتدخل في حالات تشنج
في الوقت ده كانت عربيه الإسعاف وصلت كان في حد من الجيران قبل ما انا اوصل البيت كان اتصل علي الإسعاف
ركبت معاها عربيه الإسعاف وكنت طول الطريق عمال ادعي ربنا ان هي ما يحصلهاش حاجه وهي كانت في دنيا تانيه وقبل ما نوصل المستشفي اتصلت علي هبه اختها علشان تكون معانا
وصلنا المستشفي ودخلت هي اوضه الكشف وانا قعدت في الانتظار وانا

ده كله مش فاهم حاجه ايه اللي حصلها وصلها للحاله دي احنا ما فيش ما بنا اي مشاكل وعدي عليا شريط ذكرياتي معاها وما افتكرش اني عمري زعلتها
في الوقت ده اختها كانت وصلت ولما سألتني علي اللي حصل قولتلها نفس الكلام اللي انا سمعته من الجيران
وبعد حوالي ساعه كان الدكتور خلص كشف عليها ولما سالته عن حالتها قالي انا اللي محتاج منك شويه إجابات وبدأ يسألني ان كان في مشاكل ما بنا ولا لا
لأنها اتعرضت لصدممه شديده وكان ردي عليه اني كنت برا مع صحابي وقبل ما اطلع من البيت ما فيش مشاكل حصلت
ولما سالته هو انا ينفع ادخل اطمن عليها و اشوفها
قالي هي قدامها ساعتين وتفوق علشان هي واخده حقن مهدئه بس انا عندي خبر ليك مش حلو
ولما سالته ايه هو الخبر خير يارب
قالي للاسف المدام كانت حامل في التاني وسقطت
انا سمعت الكلمه دي من هنا وزي ما يكون جردل ثلج نزل علي راسي
قعدت في مكاني مش عارف انطق ولا اتحرك وكل تفكيري ان سمر تفوق من اللي هي فيه علشان اعرف ايه الصدممه اللي وصلتها لكده
يتبع
الجزء الثاني
قعدت في مكاني مش عارف انطق ولا اتحرك وكل تفكيري ان سمر تفوق من اللي هي فيه علشان اعرف ايه الصدممه اللي وصلتها لكده
بعد اكتر من ساعتين لقيت الدكتور بيقولي اني حالتها اتحسنت واني ممكن ادخل اطمن عليها
ما صدقت انه قالي كده وقومت علي طول انا وهبه اختها علشان نطمن عليها واول ما شافتني كانت الدموع نازله من عنيها بسبب انها سقطت وبتلوم علي نفسها
ولما سألتها ايه اللي حصلها و وصلها لكده
لقتها بتقولي أنها شافت زي چن او شيطان طالع من المطبخ عباره عن حاجه اسود في اسود ونازل منه شعر مغطي كل وشه وكانت سامعه زي صوت صړيخ طالع من اوضه النوم ولما قامت علشان تجري اتكعبلت في ترابيزه الانتريه واغمي
عليها واللي زود حالتها كده انها كانت حامل وما تعرفش طبعا
انا واختها كنا في حاله ذهول من الكلام اللي هي بتقوله
بس انا طبعا اللي جه في بالي ان ده ممكن يكون نتيجه قله النوم والمهدائات اللي كانت بتاخدها بسبب زعلها علي مت والدها خاصه انه كان مټوفي من فتره قريبه
بعدها بشويه الدكتور دخل يطمن عليها وعرفني انها الحمد الله تقدر تخرج من المستشفي بس اهم حاجه لازم راحه لمده يومين في البيت
خرجنا من المستشفي و وصلنا البيت واطمنت عليها وسبت اختها معاها ونزلت انا علشان اشوف نجار يضبط باب الشقه لانه
كان انكسر
بعدها طبعا سكان العماره لما عرفوا انها رجعت البيت جم اطمنوا عليها والحمد الله حالتها اتحسنت عن الاول بكتير
بعد ما الكل مشي من البيت ما فضلش حد غير اختها علشان انا طلبت منها انها تفضل معانا اليومين دول علشان لو اختها محتاجه حاجه تجيب هالها وتخلي بالها منها دخلت انا اوضه الأطفال وقولت اسيب سمر وهبه مع بعض في اوضه النوم
وبعد حوالي ساعه كنت قايم مڤزوع علي صوت صړيخ سمر ولما دخلت عليها الاوضه كان مغمي عليها تاني وهبه كانت بتفوق فيها ولما فاقت وسألتها عن اللي حصلها
لقتها بتقولي انها شافت نفس اللي شافته قبل كده كان واقف قدام الباب وبيبص عليها و اول ما صړخت اختفي من قدامها بعد كده اغمي عليها
فضلت طول الليل قاعد جنبها انا واختها ومشغل قراءن في الشقه علشان تعرف تنام وقولت لما النهار يطلع انا لازم اشوف اي شيخ يجي علشان يشوفها
ولما الساعه جت ٨ الصبح كانت اختها عاوزه تنزل علشان عندها مشوار مهم وانا كمان عاوز انزل علشان اشوف شيخ وطبعا ما ينفعش ننزل
احنا الاتنين ونسيبها لوحدها في البيت
في الوقت ده اللي جه في بالي كانت جارتنا ام زياد انها تقعد معاها لغايه ما نرجع
وبصراحه الست وافقت علي طول
نزلت انا واختها هي راحت المشوار بتاعها وانا روحت للشيخ حكيت له علي اللي حصل كله علشان يجي معايا البيت ويشوفها
ولما رجعت انا والشيخ البيت ابتدي يقرأ قرآن في الشقه ولما شاف مراتي طمني وقالي انها كويسه وطلب منها انها تقرأ معاه قرآن و بعد كده الشيخ طمني وقالي ان شقتي نضيفه مش فيها حاجه علشان لو فيها زي ما مراتي ما بتقول كان زمانه هيحس بيه
وبعد ما الشيخ مشي بدأت اني اطمنها واعرفها ان الشقه مش فيها حاجه وان ده كله تهيؤات من خيالها بس هي طبعا
زعلت من كلامي وكانت مصممه جدا ان كل اللي بتشوفه حقيقي مش مجرد تهيؤات
ابتدي بعدها الموضوع يتكرر معاها كتير وانا مش عارف له سبب وجبت شيوخ تانيه كتير وكان كلامهم كله واحد ان ما فيش حاجه
وفي آخر مره وانا