العوض بقلم ايمان السيد
احمد اشتريت شويه فساتين حلوين جدآ لازم تشوفهم استنى هجبهم تشوفهم
مش وقته يا إيمان بعدين بعدين
مش هعطلك عن مشوارك هتشوفهم وتقول رائيك بس
قال وهو بيفتح باب الشقه قلت مش وقته يا إيمان سلام رديت بقلة حيلة طب طب خلي بالك من نفسك
انا وأحمد متجوزين من حوالي سنتين جوازة عن حب علاقتنا في البداية كانت كويسه جدآ لكن مع الوقت كل حاجه اتغيرت بسبب قله الاهتمام والشغف الكان موجود في الأول
علاقتنا اتغيرت جدآ او بالأصح تدهورت فاكره بداية علاقتنا كانت ازاي كان فيها اهتمام وحب وشغف
كلامه اللي كان ديمآ بيجبر بخاطري ابتسامته بعد مايدوق الأكل حتى لو مش حابه
قولي بقى اي رائيك في البانيه
كشړ وشه بتصنع وقال وحش جدآ
ضميت حواجبي وخبطه علي كتفه احمد !
ضحك وقال خلاص خلاص قرة عيني مبتعملش حاجه وحشة تسلم ايدك
اهتمامه أنه ميخلنيش انام زعلانة حتى لو زعلانة من حاجه بسيطه أو بالنسبه للبعض هايفه
الأكل جهز علي السفرة بعد ما تخلص اكل لم المواعين وډخلها المطبخ
مش هتاكلي معايا
لأ داخله انام تصبح على خير
الله اكبر نستعد للنكد
انا نكد يا احمد ! تمام
خلاص اسف ها قولي بقى اي مزعلك
مفيش انا عاوزه انام مش اكتر تصبح علي خير
قلت كده ودخلت الأوضه عارفه إنه هيجي ورايا لانه عارف اي المزعلني
انا جعان
ماتطلع تأكل
مش هاين عليا اكل وقرة عيني زعلانه مني
ازعل ليه اي الهيزعلني مثلا اكيد يعني مش
قال وهو بيكتم الضحك طب انا ذنبي اي ما الحرباية هي الكانت بتدلع قصدي بنت خالتي
وقفت علي السرير وحده قليلة الحياء والأدب والأخلاق وانت السبب انت بتعطي ليها فرصه تتعوج عليك كده
ضحك وقال انا ! طب خلاص اسف ياستي حقك علي راسي انا هقطعها خالص
باس راسي وكمل يلا ناكل بقى عشان ھموت من الجوع
اهتمامه بكل حاجه بحبها ومشاركته معايا بيها
ايدا بتتفرجي علي اي
بتفرج علي فيلم تنة ورنة الموسم الجديد
طب ثواني ادخل اجيب فشار ونتفرج سوا
فاكره الشغف والحماس اللي كان بيبقى في عينه لما كنت بشتري حاجه جديده وأخد رائيه فيها
ايدا ايدا انا شايف رواية جديده هنا
ايوه لسه جيباها انهارده هقرائها باليل
اخد الروايه مني وقال قصدك هنقرائها
غيرته واهتمامه بلبسي
معلش اي دا
اي فستان !
بالله ! يعني مش مايو !
اي يا احمد الفستان حلو جدآ استنى هلبس عليه
خمار بني هيبقى تحفه
قال بعصبية أنت شايفه أن البتاع دا ينفع يتخرج بيه اصلآ !
كمل احسنلك روحي غيري البتاع دا احسن اقسم لك مانخرج
خوفه عليا من ابسط الاشياء
كويتي القميص
اه اتفضل
حسيت بدوخة وانا بعطيله القميص فسندت علي الكرسي
انت تعبانة !
لا شوية دوخة بس
شوية دوخة ! شايفة وشك بهتان ازاي اللبسي يلا هنروح نكشف
كل دا اختفى مع الوقت يمكن اختفى لعدة أسباب زي قلة الاهتمام
انت جيت حمدالله على سلامتك هقوم احضرلك العشا
كنت نايمة علي الكنبة مستنياه أتأخر المرادي عن غير العادة قلت الكلام دا وكنت لسه بقوم صدمني بكلامه
لا انا اتعشيت برا تصبحي علي خير
بس انا متعشتش استنيتك تيجي !
معلش بقى اتعشي أنت لوحدك المرادي
اتغير ! اتغير جدآ حاولت بكل طاقتي اني ارجع حبه واهتمامه ليا لكن كل ما كنت بقرب كان هو بيبعد كان هو بيكرهني فيه انا كرهته !
طلقني
بص بلامبالاة حاضر
كذيت علي سناني بغيظ من طريقته بتكلم جد
لف وشه ليا يعني اي!
يعني طلقني عاوزة اطلق
وتطلقي ليه أن شاء الله عايشة احسن عيشية لبس وفلوس واكل وخروج براحتك عاوزة اي تاني !
وه انت فاهم أن احسن عيشة بتكون بالروتين دا مخطرش في بالك أنك عايش معايا مثلا مخطرش في بالك انك مش حاططني في حساباتك رغم اني مراتك يعني اهم من اهم شئ في حياتك !
هه وأنت عاوزة اي بقى
كنت عاوزة اهتمام وحب عاوزة احس اني مهمة عند الشخص الوحيد اللي في حياتي !
قال بسخرية
كنت ودلوقت غيرتي رأيك !
اه يا احمد غيرت رأيي طلقني يا احمد
أطلقت يمكن الطلاق مش احسن حاجة في الدنيا بس لما الست تحس انها معدتش مهمة في حياة اللي بتحبه هتيجي علي نفسها هدوس علي قلبها هتختار كرامتها علشان ترتاح وانا دوست علي كرامتي كتير ضيعت وقتي وحبي للشخص ميستحقش !
انا مش فاهمة مش فاهمة أنت اټجننتي !! دا سبب يخليكي تطلقي انت هبلة!
اه يا ماما
يابنتي اي ذنب الراجل وراه شغله ومسؤولياته اكيد مشغول
وانا اي ! ملح ! مانا من ضمن مسؤولياته ومن أهمهم مهتمش بيا ليه زي شغله واصحابه والقهوة والسهر !! ها
الاهتمام مش مهم الاحترام اهم والراجل مكناش بنشوف منه غير كل ادب واحترام
كونه مبهتمش يا أمي يبقى مبحترمنيش ميحترمش حلي اللي كان موجود ليه ميحترمش شعوري وهو بيدوق الاكل من بسرعة ومن غير نفس علشان
يلحق يقعد علي القهوة مبحترمش مشاعري لما اكون جايبة شئ نشاركة سوا وميهتمش بيه !
الاحترام لازم يكون في كل حاجة الاحترام مش بس تتكلم بأدب وتتعامل بإسلوب راقي الاحترام انك تحترم مشاعر الكل مش بس اللي بيحبوك تحترم رغباتهم تحترم آرائهم الاحترام لازم يكون في كل شئ
ازاي قصة حب سبع سنين تنتهي في يوم وليلة علشان شوية إهمال منه !
القصة م انتهت في يوم وليلة القصة انتهت تدريجي في كل مرة كان بيقل اهتمامه في كل مرة أهمل حبي في كل مرة مهتمش بمشاعري كان الحب بيقل وكانت القصة بتنتهي
بس وحبكم!
حبنا انتهى قلة الاهتمام برضوا بتؤدي الي قلة الحب الحب لوحدة مش كافي علشان العلاقة تفضل متينة الحب محتاج عوامل أساسية تساعدة علشان يفضل موجود الحب وردة والاهتمام الماية اللي بتروي الوردة دي لو الزراع نسى أو أهمل الوردة دي في يوم من الايام مع الوقت هتجف مع الوقت ورقها هيقع مع الوقت ھتموت
ياسين جارنا جاي يتغدا عندنا النهاردة
ماشي
اي اللي ماشي قومي ساعديني في الطبخ!
وقفت مع ماما اساعدها فضلت تعمل اكل كتير ! هي اصلا مبتطبخش في الأيام العادية!
