حدث_بالفعل حنين زهران
قبل فرحي بشهر كنت بعمل الكشف الصحي ما قبل الزواج انا وخطيبي وحب عمري كنت فاكرة الكشف هيبقى شىء روتيني وكده ولكن بالصدفة اكتشفنا ان فيه دكتورة واخدة التكليف جديد وماشية كل حاجة بالخطوات والقانون وبتراعي ربنا ف شغلها وبرغم استعجالنا إلا إننا استسلمنا للأمر الواقع وروحنا كشفنا جه دوري فالكشف ولقيت الدكتورة قاعدة تبص لجهاز السونار بطريقه غريبة وقالتلى ممكن تعملي التحاليل دي وتجيلي تاني قولتلها تمام ماشي هو فيه حاجة يعني ولا ايه لا متقلقيش مفيش حاجة دي اجراءات تبع الورق بس
طلعت من اوضة الكشف وروحت انا وخطيبي ونعمل التحاليل سحبت العينة وبعدها ب ربع ساعة النتيجة طلعت لقيت دكتور التحاليل جي مبتسم مبروك يا مدام الله يبارك فيك بس انا لسه آنسة نهارك اسود يا آنسة ده انتي حامل
رديت بضحك وهزار على طريقة ماشي هات التحليل لقيت خطيبي اتكلم بأنفعال ! انت بتتكلم بجد اكيد التحاليل اتبدلت او حصل حاجة تاني يافندم انا متأكد 100٪ انها تحاليلها
لقيت قلم نزل على وشي بقوة شديدة مش عارفة ليه وازاي
ومحستش بحاجة غير صوت زعيق من خطيبى
وعملالي فيها البت المحترمة اللي مفيش منها اتنين وانتي طلعتي زبالة كنت هتجوز واحدة عشان اربي عيل من راجل تاني كنتي عايزة تستغفليني!! وعاملة نفسك بتحبيني الحمدلله اننا مكتبناش الكتاب وسابني ومشي وكل ده انا مذهولة من الموقف وشكل الناس حواليا وهي بتبصلي من تحت لتحت وكلامهم والهمس والنظرات كلها كانت بتاكل ف بيا اتكسر بخاطري من اقرب
قومت من مكاني ومشيت لحد البيت وكأني مغيبة وصلت البيت بأعجوبة نمت يوم كامل وكنت بتمنى اني اصحى من الکابوس ده أو لو كان حقيقة أموت مش عايزة اعيش تاني خلاص صحيت على صوت زعيق فالبيت خطيبي كان بيزعق ل بابا وعايز ياخد الدهب انا اتكلمت بحاول افهم فيه ايه!
ما بلاش اقول فيه ايه ولا الحج عارف!
عارف ايه انت ليه كلامك مش مفهموم ايه اللي حصل ما انتو بتتخانقوا ليل ونهار ايه اللي حصل جديد بلاش لعب العيال ده ده انتو فرحكم كمان شهر لا ماهو مبقاش فيها فرح خلاص بنتك حامل شوف حامل من مين وجوزهاله
بابا قاله اخرس انت اټجننت انا بنتي اشرف من الشرف وافتكر انك كنت ھتموت بس عشان تخطبها عموما بنتي حتى لو طلعت حامل هبقى متأكد مليون فالمية ان فيه كل حاجه غلط الا ان بنتي تكون كده اسمع يا واد انت انت تاخد دهبك وحاجتك على الجزمة مش عشان انت عندك حق بس ما يشرفناش انك تطول تبقى جوزها وقبل ما تتبلى او تجيب سيرتنا بالۏحش زي ما عملت وخليت الناس فالبلد ماشية تتلفت عليا وتتكلم عليا ف ضهري ومكنتش عارف السبب اعمل حساب العشره والعيش والملح اعمل حساب الاصول واعمل حساب انك بتتكلم ف شرف وعرض بنت عايز حاجتي و فعلا أخد حاجته ومشي لقيت ابويا بصلي وقالي هو ايه اللي حصل حكيتله اللي حصل
انتي متأكدة ان الدكتور قال انك حامل ورجعتي للدكتورة ولا لا
هو متأكد اني حامل بس ما رجعتش للدكتورة تاني
طيب تمام بكرة هنروح للدكتورة دي في تاني يوم
في تاني
ملامح الدكتورة اتغيرت للحزن ووجهت الكلام ل بابا ممكن يااستاذ ايمن اتكلم مع حضرتك كلمتين بره اكيد اتفضلي
مر حوالي خمس دقايق وكانوا اصعب دقايق عدوا عليا ف حياتي كلها لقيت بابا دخل واخدني ف حضنه بدون كلام وبيعيط
مالك يا بابا ايه اللي حصل!!هو فيه ايه طيب
مفيش حاجه ياعيون بابا طب طمنوني انا ازاي باين اني حامل فالتحاليل انتي بترضي بقضاء ربنا صحاكيد طبعا
اللي عندك ده مش حمل يا حنين منا عارفة يا بابا انه عمره ما هيكون حمل هو ايه بقى اللي خلاه يظهر ان فيه حمل
الدكتورة اتكلمت بصي فيه حالتين بيظهر فيهم الحمل
لو فعلا الست حامل او هرمون ال HCG اللي هو هرمون الحمل اتفرز بكمية كبيرة فالجسم طيب وفيها ايه عادي
احمم ماهو الهرمون ده مش طبيعي انه يتفرز بالكميات دي غير لو حصل Uterine cancerايه سړطان
بابا رجع اخدني ف حضنه وانا كنت عاجزة عن الكلام والتعبير
افرح ان الحمدلله سمعتي وشرفي اتثبتت برائتهم
ولا ازعل اني داخلة حرب عارفة ان آخرتها مۏت
رغم استسلامي لقضاء الله لكن عيني ما بطلتش بكى وحزن
الوقت كان بيجري بسرعة عدى اسابيع كان مليان بترتيبات الورق والعلاج عشان متعشمين اني ممكن ارجع سليمة تاني
اتحددتلي اول جلسة كيماوي فاليوم اللي المفروض كان هيبقى فرحي اليوم اللي كنت المفروض هلبس فيه الفستان الابيض وافرح بقيت لابسه لبس المستشفى وپتألم لحظات صعبة صعبة جدالدرجة ان صعب الكلام يوصفها ۏجع قلبي على اللي جرالي
بابا رفض انه يعرف حد اني مريضة کانسر عشان عارف اني بكره نظرة الاستعطاف او الشفقة من حد واصبح محدش عارف عن مرضي غير امي وابويا واخواتي و الدكتورة وبس
و ف يوم نازلة اشتري حاجه من السوبر ماركت ولقيت اللي كان خطيبي هيثم جاي ناحيتي اهلا اهلا بالعروسة اقصد ام المولود
ناوية تسميه ايه انا لحد دلوقتي مش قادر اسامحك
انتي ازاي قبلتي انك تغفليني وتزيفي مشاعرك ناحيتي
بس ما شاء الله عليكي طلعتي ممثلة هايلة
انا ممثلتش ولا زيفت وانا مش حامل
هنكدب ده انتي الكدب بيجري ف دمك انا لما شوفتك جيت بس اعرفك اني خطبت وهتجوز واحدة محترمة
ربنا يتمملك بخير سيبته ومشيت ومش متخيلة ليه الناس مازالت شايفاني وحشة ليه محدش افترضلي الخير ليه ما حدش جه حاول يعرف الحقيقة ليه بقى من السهل اننا ننهش فالاعراض واحنا قاعدين على المصطبة وروحت ف غيبوبه لمدة تلات شهور مكنتش حاسة بيهم ومش فكراهم بس هما قالوا اني بقالي تلات شهور محجوزة فالعناية المركزة
يمكن دي كانت تجربة بسيطة ليا للمۏت
انا ارتحت فالتلات شهور دول اكتر ما انا مرتاحة وانا عايشة
دعيت من كل قلبي ان ربنا يكتبلي الوفاة لو خير ليا لاني تعبت
وجاية النهاردة بعد اربع سنين علاج ومحاربة اقولكم اني انا انتصرت على السړطان
رحلة طويلة ربنا يعين كل اللي بيعيشها
ومش هنسى حد ظلمني وافترى عليا ف يوم
وعند الله تجتمع الخصوم
اتعود ما تحكمش
حدث_بالفعل
حنين زهران.
