سلفتي منقوله

سلفتي عايزة تاخد هدوم ابني وسريره اللي مات فيه وهو في بطني يوم عزاه 
_______
أنا وجوزي اوس كنا طايرين من الفرحة لما عرفنا إني حامل. جهزنا كل حاجة دهنا الأوضة واشترينا أحلى سرير ولبس واخترنا اسم وليد.
لكن للأسف في الأسبوع ال 34 حسيت إن الحركة قلت. رحت المستشفى وهناك سمعت الجملة اللي دمرت حياتي مفيش نبض.
ولدت ابني ليس وهو متوفي . الألم كان لا يوصف. رجعنا البيت وإحنا شايلين صندوق صغير بدل البيبي ودخلنا الأوضة اللي بقت فاضية ومرعبة.
بعد الجنازة بأسبوع واحد العيلة كلها جت تعزينا. سلفتي جيجي اللي حامل في الشهر السادس كانت موجودة.
وإحنا قاعدين في الصالة جيجي بصت لي وقالت بهدوء
يا

منال أنا عارفة إن ده وقت صعب بس كنت عايزة أسألك عن عفش أوضة وليد
أنا بصت لها ومش مستوعبة.
هي كملت أصل أنتي عارفة إننا ميزانيتنا ضيقة وبما إنك.. يعني.. مش هتستخدمي السرير ولا اللبس ولا العربية فكنت بقول لو ينفع أخدهم لابني اللي جاي. حرام الحاجات دي تتركن وتجمع تراب وتفكرك بالحزن.
أنا حسيت إن الدم اتجمد في عروقي. هي بتطلب حاجة ابني اللي لسه ميت من أسبوع بتطلب سريره عشان تنيم فيه ابنها
جوزي أوس كان في المطبخ وسمع الكلام خرج وشكله كان مرعب.
أوس لما سمع كلامها ملامحه اتحولت.
دخل الصالة وقال ل جيجي بصوت واطي ومرعب اطلعي برة.. حالا.
جيجي حاولت تبرر وقالت أنا قصدي أوفر عليكم! الحاجات دي هتزعلكم لو شفتوها!.
أوس صرخ فيها دي حاجات ابني! دي الحاجة الوحيدة اللي باقية من ريحته! أنتي إزاي تفكري كده.
طردها هي وجوزها أخوه برة البيت.
المصيبة إن حماتي أم أوس اتصلت بينا بعدها وبدل ما تعتذر قالتلنا جيجي خانها التعبير بس هي عندها حق أنتوا لازم تتخلصوا من الحاجات دي عشان تعرفوا تعيشوحياتكم وتجيبوا طفل تاني والخير يروح لابن عم وليد.
يعني العيلة شايفة إننا أنانيين عشان متمسكين بسرير ابنا الميت!
أنا دخلت أوضة وليد وقفلت الباب على نفسي وقعدت في السرير بتاعه أعيط وأشم ريحة اللبس الجديد.
قررت إني مش هفرط في مسمار واحد من أوضته غير لما أنا أكون جاهزة وحتى لو كنت جاهزة مستحيل تروح ل جيجي.
أوس راح بيت أهله وقالهم أي حد هيجيب سيرة أوضة وليد تاني أو هيطلب مليم واحد أو خيط من لبسه يعتبر نفسه ميت بالنسبالنا.
قطعنا علاقتنا ب جيجي تماما وحظرناها من كل حتة.
_____
التحديث بعد سنة
مرت سنة صعبة جدا. أنا و أوس رحنا علاج نفسي عشان نقدر نتعايش مع الفقد.
قررنا نتبرع بجزء من لبس وليد لمستشفى خيري للأطفال عشان نحس إن اسمه عمل خير بس احتفظنا بالسرير واللعب في صندوق ذكريات.
عرفت إن جيجي ولدت وإنها لسه بتحكي للناس إني ست حقودة وحسودة عشان مردتش أديها العفش.
أنا حاليا حامل تاني ومرعوبة بس أوس واقف جنبي.
والأهم البيبي الجديد هينام في سرير أخوه وليد.. لأن ده حقهم هما الاتنين ومش حق حد تاني.
_منقوله___
تمت