سلسله حيا اسكريبت بقلم منه
المحتويات
ايوه يعنى انتي عايزه اى دلوقتي
_عارفه انتى منك لله اه والله ي بنتى بقولك فرح جوزك ع واحده تانيه انتى عقلك فين
انا فهمت انتى عايزانى اروح بس هو معزمش عليا ولا قالى اصلا تصدقى قليل الاصل
_احييه بجد احييه انتى مفيش ډم خالص
عينى دمعت ڠصب عنى انا زعلانه لا انا مقهوره مش زعلانه بس هو اللى باع باع حب خمس سنين مكملناش سنه جواز كل ده علشان الحمل اتاخر بس ده مش بايدى والدكتوره قالت مجرد وقت مش اكتر بس لا ازاى راح يتجوز واحده علشان تجيبله العيل اللى نفسه فيه مقاليش أنه هيتجوز عرفت من مامته جت وقالتلى ياريت تخلى عندك ډم بقا وتمشي مش كفايه ارض بور اهو شاف واحده تجيب حفيد للعيله انا معاها أنها عايزه تشيل احفادها بس انا ذنبى اى ف كل ده دى حاجه بايد ربنا
_طب خلاص متعيطيش انا اسفه بس انتى لازم تشوفى حل هتسيبي حبك كده يضيع بالساهل
ماخدتش
_حمدالله ع سلامتك ي حبيبتى
هو...اى اللى حصل
_قاعدتى ټعيطي وبعد كده اغم عليكى انا اسفه انا السبب
محصلش حاجه قوميني علشان الم هدومى قبل ما يرجع
_هتستسلمي خلاص مش هتحاربي
حاربت كتير وكانت النتيجه اى غير أنه اتخلى عنى ف أول مطب يقابلنا
لمېت هدومى ونزلت روحت بيت اهلي هرجع وحيده تانى بما انى يتيمه ومعنديش اخوات بعت له رساله كان محتواها أنه يبعت لى ورقه طلاقى دخلت اوضتى القديمه ونمت من كتر التعب
صحيت تانى يوم ع صوت خبط جامد ع الباب قومت ببطئ لأني عارفه مين اللى بيخبط فتحت الباب بهدوء عكس الڼار اللى جوايا
_ممكن افهم اى الرساله اللى حضرتك بعتيها وسايبه بيتك لى احنا مش كنا كويسين ولا هى هرمونات النكد لازم تطلع
بهدوء
معالم الصدمه بانت ع وشه مما يعنى أنه كان ناوى يتجوز ف السر
اى مكنتش عايزنى اعرف طب ده
حتى عيب مش تعزمنى ع فرحك ياا...ياجوزى
_حياه افهمينى
افهمك افهم اى افهم ان بعد كل ده اتخليت عنى بسهوله بعتنى بالرخيص لا مش عايزه افهم حاجه كفايه لحد هنا خمس سنين منهم اربع سنين خطوبه فضلت اقول معلش ي حياه بكره تبقوا مع بعض لو موقفتيش معاه ف وقت ضيقه مين هيقف خمس سنين مستحمله امك اللى مكنتش بتفوت فرصه علشان تزلنى انى يتيمه وټجرح مشاعرى هانت كرامتى كانت بتعاملنى كأنى خدمه عندها وكنت بقول معلش اعتبريها امك معلش بكره قلبها يحن معلش كله يهون علشان خاطر سيف جوزك بيحبك بس الظاهر انى كنت عاميه مشفتش جحود قلبك وقله اصلك بعد كل اللى مريت بيه معاك
_غصب عنى امى والعيله كلها بتضغط عليا انا اسف
هه خلى
_حياه ارجوكى بلاش انا بحبك مش هقدر ابعد عنك
طيب تعالى نتخيل مع بعض انا دلوقتى هتجوز واحد غيرك رد فعلك اى
_....
شوفت مش قادر ترد حتى ورقه طلاقى وف اسرع وقت لو سمحت وعن اذنك بقا اتكل ع الله
قفلت الباب قبل ما يقول اى حاجه كفايه لغايه هنا ۏجع قلب
عدا اسبوع عرفت أنه اتجوز ف شقتنا هه بيحبنى اوى فعلا صوت خبط ع الباب طلعنى من أفكارى قومت فتحت وانا حاسه بخمول ف جسمى لقيت صديقه طفولتى ورد كانت دايما تقولى بلاش سيف دا بتاع بنات بس انا زى الهبله صدقت أنه بقا مخلص ليا ولحبى
_ها عامله اى
اهو قاعده مستنيه الڤرج
_واى الڤرج دا!!
انه يطلقنى
_ااه طيب طيب سيبك من سيرته وقومى اعمليلنا عصير وانا جايبه تسالى نتفرج ع فيلم سوا اصلى ناويه ابات عندك
قومت وانا
متابعة القراءة
