روايه للكاتبه امل عبد الرازق
صبحي تعالي يا نغم واقفه بعيد كده ليه يا حبيبتي نفسي مرة تقعدي تاكلي معايا وتبطلي الكسوف دا
زين أنا سمعت ماما بتقولها لو شوفتك مرة قاعده معانا هجيبك من شعرك وكمان نزلت اشرب امبارح لاقيتها نايمه في المطبخ مع الشغاله
غاده اسكت يا زين انا مش عايزه اسمع صوتك ايه الكلام اللي بتقوله دا
صبحي الكلام اللي بيقوله زين دا مظبوط يا غاده
غاده دا عيل ميعرفش حاجه اكيد انا مش هعمل كدا في بنت اخوك يا حبيبي
صبحي مش بس بنت اخويا دي كمان يتيمة يا غاده ابوها وأمها ربنا توفاهم في نفس اليوم بسبب الحاډثة اللي عملوها ومنجاش منها غير نغم تخيلي بقى لو انت بتعملي فيها كده عقابك عند ربنا هيكون عامل ازاي
غاده واحنا هنعمل ايه بالبنت دي بقالنا اكتر من شهر سايبينها في بيتنا وأنا كفايه عليا ولادي زين ويارا
صبحي شكلك نسيتي ان دا بيت نغم واحنا اللي ضيوف فيه احنا جينا هنا عشان خاطر نغم ما تبقاش قاعده لوحدها وخلي بالك ان الفيلا دي باسم نغم وكل املاك اخويا فارس الله يرحمه باسم بنته فاحترمي نفسك وراعي ربنا في البنت وانت يا نغم ما توقفيش بعيد كده تعالي يا حبيبتي
نغم نعم يا عمو
صبحي قوليلي يا نغم هي طنط غاده عملت معاكي اللي زين قال عليه
نغم ايوه يا عمو وكمان قصت شعري امبارح عشان يارا عيطت وبتقول ان شعري احلى منها لانه طويل فطنط قالتلها ما تزعليش نفسك وقامت قصاه وكل يوم بعد ما الكل ينام تنزلني من اوضتي وتخليني انام تحت في المطبخ على الأرض وخلت اوضتي ليارا عشان عاجباها وقالتلي ان لو شافتني قاعده
غاده متصدقهاش ولا تصدق دموع التماسيح دي بنت كذابه زي أمها
نغم بس ماما مش كذابه حضرتك دلوقتي اللي بتكذبي ومن فضلك متقوليش على ماما كده
غاده انت بتردي عليا يا بت انت كل الكلام اللي قالته كڈب وبص بقى يا صبحي يا انا يا البنت دي في البيت ده
زين لا يا بابا نغم مش كذابه وكل الكلام اللي قالته بجد وكمان ماما بتاخد منها المصروف اللي انت بتديه ليها وانا بديها من مصروفي وساندويتشاتي في المدرسه
صبحي وابنك كمان هيكذب مصلحت الاطفال دول إيه لما يكذبوا أنا عايز افهم طفله لسه مكملتش ١٤ سنه بتعملي فيها كدا ليه اذيتك في إيه هي حرام عليكي خافي ربنا دا إحنا قاعدين نايمين شاربين في بيتهاانطقي عملتلك إيه البنت اليتيمة اللي أهلها مكملوش شهر في قبرهم دا اللي بيمسح على راس يتيم ثوابه عند ربنا كبير ما بالك لو عاملتيها زي ولادك انا عارف انك كنت پتكرهي امها وبتغيري منها عشان هي دايما كانت احسن منك بأخلاقها النبيلة وطبعا مركزهم وفلوسهم بس فارس اخويا عمره ما حسسنا بكده وشغلني معاه في شركته وجابلنا احسن بيت هنا يبقى دا جزاء بنته وتردي الحسنة بالسيئة
غاده انا اسفه يا صبحي انا فعلا غلطانه ومش هعمل كده معاها تاني الغيره وكرهي لامها عموا على عيني متزعليش مني يا نغم انت زي يارا عندي
صبحي متزعليش من طنط يا حبيبة قلب عمو وحقك عليا أنا وهي مش هتعمل كدا تاني وهاتي كبير ليا ويلا عشان أنا جعان ومش
نغم انا مش جعانه يا عمو
زين بس
انت ما اكلتيش من امبارح يا نغم
يارا و انت مالك هي كلت ولا لأ
صبحي بصي يا يارا نغم دي اختك احترميها واحترمي نفسك عشان ما ازعلكيش وانت يا زين ليك عندي مكافأه عشان انت راجل وبتحب اخواتك وأنا مش هاكل غير ونغم معايا كل يوم واوضة نغم ترجعلها وأظن كلامي واضح للكل
اليوم الثاني
صبحي يلا نادي للاولاد بسرعه عشان اوصلهم المدرسه وانا رايح الشغل
غاده يلا يا زين بسرعه إلبس شنطتك وخدي يا يارا ساندويشاتك بسرعه بسرعه عشان بابا متأخر على شغله
صبحي امال هي فين نغم انا مش شايفها
غاده نغم تعبانه جالها دور برد امبارح فمش هتعرف تيجي المدرسه
صبحي طب ازاي متعرفينيش عشان اجيبلها دكتور انا هطلع اطمن عليها الاول
غاده لأ هي خدت العلاج وأنا سيبتها نايمه محبتش اصحيها روح يلا وصل الاولاد عشان ميتأخروش
صبحي نغم أمانه في رقبتك خلي بالك منها يا غاده اوعي تزعليها وقبل ما تخافي مني خافي من ربنا
غاده خلاص بقى قلبك أبيض يا صبحي انسى كل اللي فات وقولتلك نغم زي يارا خلاص
زين أنا هجيب ليها هديه وأنا جاي من المدرسة
غاده ركز انت في دروسك ومذاكرتك يا بتاع ٣ ثانوي وسيب الهدايا عليا
يارا اصلا زين بيحب نغم ومستني لما يكبر عشان يتجوزها
زين لا طبعا مافيش كدا وبطلي تقولي كلام زي دا نغم بحبها زي اختي مش اكتر
صبحي بسسس انت وهي يلا هنتأخر
غاده اصحي يلا يا نغم عشان عندنا مشوار مهم
نغم هي الساعة كام خاېفه أكون اتأخرت على المدرسة
غاده نموسيتك كحلي يا حبيبتي دول
نغم حاضر هلبس بسرررعه
صبحي يلا يا زين وصلنا خلي بالك من اختك يا زين وشد حيلك عشان تدخل كلية حلوة وتيجي تساعدني في الشغل ومتنساش تروح ل اختك مدرستها تجيبها
زين حاضر يا بابا بس الشركة دي بتاعة نغم وإحنا لينا جزء بسيط فيها أنا عايز يبقى لينا شغل خاص بينا
صبحي احنا ونغم واحد وعمك الله يرحمه عاملي توكيل وكل حاجه تخص نغم أمانه في رقبتي وخلي بالك لو عندك النية وفي قلبك حاجه اتجاه نغم أنا معنديش مشكلة بس لما نغم تكبر شويه عشان تعرف تاخد قرار وانت تتخرج على خير وتكون ناضج
زين ان شاء الله يا بابا
غاده يلا انزلي يا نغم
نغم بس دي مش المدرسة يا طنط
غاده دا ملجأ يا قلب طنط وبيتك الجديد مش عايزه اشوف وشك تاني خالص ولو لمحتك تاني مش هتسلمي من شړي ومش بعيد اعمل معاكي زي ما عملت مع أبوكي وأمك معرفش انت نجيتي منها ازاي زي القطط بسبع أرواح
نغم عملتي مع أبويا وأمي ايه
غاده ولا حاجه يلا انزلي مش عايزه اشوف وشك تاني ابدا
نغم بالله عليكي ما تعملي فيا كدا أنا معملتش فيكي حاجه مستعده اشتغل خدامه في بيتنا بس مش عايزه اعيش في الملجأ ابوس ايدك سيبيني اكمل دراستي واوعدك بعدها مش هتشوفي وشي
غاده انا قولت اللي عندي انزلي يلا بدل اهينك أكتر من كدا وخلي بالك لو لمحت وشك تاني هتزعلي مني جامد وأنا زعلي وحش أوي ودا يبقى درس ليك عشان تبقي تقولي لصبحي أنا بعمل معاك إيه وتشوهي صورتي قدامه يلا انزلي واحمدي ربنا ان أنا سيبتك
وقفت نغم في الشارع ټعيط بس
