اسكريبت حبيبي محمد كامل
قومى البسى
ليه
جوزك هيعدى عليكى
جوزى مين
انتى عبيطة يا بنتى كتب كتابك كان امبارح
ااااه تقصد العريس ال انت غصبتنى عليه
ايوا العريس ال غصبتك عليه
عمرى ما كنت أتخيل إنك ممكن تعمل فيا كده
أنا خاېف عليكى
تقوم تجوزنى !
بكره هتشكرينى على كل ده
انت أنانى أوى
أنا عارف إنك مدايقة وده حقك بس أنا كان لازم أساعدك
تساعدنى فى ايه
تبطلى تفكرى غلط
حرية الرأي راحت فين
برضو هتيجى وهتشكرينى
اخرج برا يا محمد ...اخرج برا من فضلك
خرج برا وأنا قومت عشان ألبس....
واقفة قدام دولابى بختار أى حاجة وخلاص على عكس ال المفروض أى بنت مكانى تعمله ...
طب هو ازاى مطلوب منى أكون فرحانة وانا أصلا ماكونتش عايزاه ..
وان جيت للحق أنا ماكونتش عايزاه ولا عايزة غيره ...
صاحب محمد المقرب شافنى معاه فى كام مناسبة أعتقد وبعديها جه واتقدم واترفض فاتقدم واترفض فاتقدم تانى بس المرادى محمد أخويا غصبنى عليه ...
هو مصر ومحمد مصر وشكلك انتى ال هتروحى فى الرجلين يا نسيب هانم !
خلصت لبس ونزلتله بعد ما رن وقالى إنه واقف تحت البيت
السلام عليكم
قمر بيتكلم ...ده بجد !
رد سلام ربنا طيب
وعليكم السلام ورحمة الله وبركاته
هنروح فين
انتى عايزة تروحى فين
أنا عايزة أطلع البيت دلوقتي حالا والله
حلو أوى نطلع أنا وانتى دلوقتي وكده كده محمد نازل واهو نبقى لوحدينا شوية
كمل كلامه بابتسامة خبيثة ..
ولا انتى ايه رأيك
الكورنيش ودينى الكورنيش
ضحك يلا بينا
وصلنا الكورنيش فنزلنا وبدأنا نتمشى بهدوء
أنا جوزك على فكرة
ماتقولش جوزى بس
هو المأذون ال كان فى بيتكوا امبارح ده مالفتش نظرك
ماتفكرنيش بقا ده كان أسوأ يوم فى حياتى
حرام على فكرة
استغفر الله العظيم
طب أنا كنت عايز أقولك إنه كان أحسن يوم فى حياتى كلها
بصيتله وسكت فكملنا مشى لغاية ما وصلنا عند المكان ال متعودة أقعد فيه كل مره
تعالى نقعد هنا
ماشى
قعدنا
مش طبيعي وربنا ماطبيعى
حد جه جنبك دلوقتي
أصلك بتضحك من غير سبب
لا أكيد فى سبب
مبسوط لأنى موجودة
ايوا
غريب أوى
وايه الغريب
انت يا إما عنيد يا إما عبيط لا مؤاخذة يعنى
وده ليه
أصلك يا بنى آدم اتقدمت مرتين واترفضت ايه ال يخليك تتقدم تانى
اتنهد حاجة للأسف انتى ماتعرفيهاش يا نسيب
وايه الحاجة دى
قرب منى وكان باصص جوا عينى ومركز وبعدين مسك ايدى واتكلم
أغنية من كلمة واحدة ...كلمة واحدة بس ...فيها نغمة بس مافيهاش مزيكا
ايه
قولتلك للأسف ماتعرفيهاش
طب عرفنى
ماينفعش
ليه
عشان لازم قلبك ال يقولها
ازاى
مش مهم ازاى
اومال ايه المهم
انك تفهمى
أفهم ايه
كل حاجة.....كل حاجة يا نسيب
مع انى مش فاهمة برضو بس مش مشكلة.. قوم بينا نتمشى
مش انتى ال كنتى عايزة تقعدى
عادى غيرت رأيى
قومى ربنا يهديكى
قومنا تانى والسكوت برضو رجع تانى لغاية ما هو اتكلم ...
حلو فستانك
شكرا
ولونه جميل عليكى
أنا مش بلبس غير بنى على فكرة
مرة لبستى أسود على فكرة
ضحكت أصلى بحب الفواتح
البنى بيليق عليكى
شكرا
بس هتكونى أحلى لو جربتى تلبسى أبيض
بتحب الأبيض
لونى المفضل
يبقى عمرى ما هلبسه
بجد
ايوا بجد
هو انتى بتكرهينى أوى كده
مش بكرهك بس ده مايمنعش انى مش طايقاك
ليه
مش هتفهمنى ...محدش فهمنى عشان انت تفهمنى
جربى
فيك مين يكتم السر
فيا
أنا مانفعكش ولا أنفع لغيرك
بصلى باستغراب ايه الكلام ده
خدت نفس عميق وخرجته بهدوء وانا بستعد إنى أعترفله لعل وعسى يحس بيا ويبعد عنى .
انت تعرف إنى كنت مخطوبة قبلك صح
أكيد عارف
وعارف ايه كمان
محمد قالى إنك مارتحتيش معاه ف سبتيه
دى كانت أصعب فترة فى حياتى
أوى .
لو حابة تحكى أنا هسمعك
طفلة اتحرمت من باباها ومامتها وهى عندها تسع سنين ومحدش
معاها
غير أخوها ال كان بيعمل كل حاجة عشان يكفى مصاريفها ....شىء منطقى جدا إنى أكون مفتقداه
هو مين
بصتله الحب
الحب
ايوا أنا محدش اهتم بيا ولا حبنى غير محمد ومحمد أصلا وقته مكانش كفاية إنه يهتم بيا ويسمع مشاكلى ...محدش كان مهتم ..
من فترة الطفولة لفترة المراهقة وأنا كنت لوحدى لحد ما ظهر
خطيبك
ابن صاحبة ماما ...كان بييجى عندنا كتير ...إنسان حنين وبيهتم بتفاصيلى وانا كنت مفتقدة ده
حبيتيه
كنت موهومة...أنا فى الأول كنت بعتبره أخويا لغاية ما اعترفلى وطلب ايدى...
بصلى بنظرة غريبة مافهمتش معناها بس كملت كلام .
محمد مكانش موافق بس أنا أصريت عليه واتخطبنا
كنتى بتحبيه يا نسيب
قلبى وجعنى وحسيت بخنقة ودموعى كانت بتحاربنى عشان تنزل بس الحمدلله قدرت أمنعها ..
كنت فاكرة كده
كملى
كان بيستغلنى ويستغل هبلى...كان عايزها تغير عليه ف خطبنى ولما عرفت فضل يهددنى إنه هيسيبنى ويمشى
اتنهدت كان عارف إنى محتاجاه وبرضو داس عليا
وسكتى
دمعتى غلبتنى ونزلت ڠصب عني...نزلت بكل ۏجع وحړقة السنين ال فاتت ..بصيت للأرض عشان مايخدش باله وكملت كلام
كنت عايزة أتحب ...كنت محتاجة أتحب
وبعد كده
سابك
رفعت راسى وكانت الدموع خلاص ڠرقت وشى ..
سابنى وأنا مجرد أطلال ..سابنى إنسانة كارهة كل الرجالة ...بس برضو كان لازم أشكره لأنى من غيره ماكونتش هفهم
تفهمى ايه
مسحت دموعى وانا بتكلم
إن الحب اختراع فاشل وان الرجالة كلهم زى بعض وانى ماينفعش أرتبط تانى
انتى دلوقتى مراتى
لسة عايز تكمل
عايز أكون جنبك على طول
مابقاش ينفع
لا ينفع وهتشوفى
ممكن تروحنى
ماشى يا نسيب ماشى..
عدا كام يوم وهو ما بيبطلش يبعت رسائل ...كل مرة كنت بشوف رسالته كنت ببتسم وافرح بس ارجع
كنت قاعدة فى يوم ولقيته بعتلى رسالة
انزلى أنا تحت
أنا ماقولتش لمحمد
أنا قولتله يلا بسرعة
حاضر نازلة اهو..
السلام عليكم
ابتسم وعليكم السلام ورحمة الله وبركاته
ازيك
وحشتينى
احم طب تمام هنروح فين بقا
مفاجأة
يا جدع !
ضحك اه والله
طب يلا بينا
ركبنا العربية ومشينا وانا سندت عالشباك وسرحت ...وفى وسط سرحانى خدت بالى من إنه مشغل أغنية سيرة الحب لام كلثوم فضلت سرحانة مع الأغنية لغاية ما سمعت الجزء ال بيفكرنى بكل حاجة مش عايزة افتكرها ...
يا ال ظلمتوا الحب !
وقولتوا وعدتوا عليييييه.......
قولتوا عليه مش عارف ايييه...!
العيب فيكم يا فى حبايبكم ....
أما الحب يا روحى عليييه
يعنى ايه الكلام ده
يعنى ايه العيب فيكم يا فى حبايبكم!
غلبانة أوى يا ست أم كلثوم ماكونتيش تعرفى إن العيب فى الحب ...
معقول يكون العيب مش فيه
طب لو العيب مش فى الحب هيكون فيا يعنى ولا ايه
بصيت عليه وهو مركز فى السواقة وخدت بالى من ملامحه ...
شكله لطيف وهادى..شكله جميل ...
أغنية من كلمة واحدة...فيها نغمة من غير مزيكا
افتكرت الجملة بتاعته وانا برضو مش فاهمة حاجة ..
يا ترى حكايتك ايه انت كمان يا ابو ألغاز !
بصلى عاجبك
هو ايه
أنا عاجبك ...أصلك سرحانة فيا
سرحانة بس مش فيك
اومال ف ايه
العيب فيكم يا فى حبايبكم اما الحب يا روحى عليه
معاها حق
مش معاها حق
أوعدك ان النهاردة هتروحى وانتى مقتنعة إن معاها حق
ماشى
وقف العربية فى شارع أول مره أشوفه ...
خرجنا احنا الاتنين وبعديها مسك ايدى وخدنى واستخبينا أنا وهو فى حتة وسط الشجر
اتكلمت بتوتر احنا هنا ليه
خاېفة منى
كان قريب أوى منى وده ال خلانى مش عارفة أرد
بقولك خاېفة منى
لا لا مش خاېفة
ابتسم طب بصى هناك كده
هناك فين مش شايفة حاجة
البلاكونة ال فى الدور الارضي دى
ال
ايوا هى ركزى بقا
اركز فى ايه
خليكى باصة وهتعرفى دلوقتي
ماشى
فضلت باصة على البلاكونة ال فيها الراجل العجوز ال كان
باصص للقمر وسرحان وهو
مبتسم ...شوية
