روايه للكاتبه هوايدا زغلول

حماتي ماټت بسببي ومن بعدها مش عارفة ارتاح
وقبل ما بدا حكايتي اعرفكم بنفسي انا اسمي منال عندي 27 سنة في يوم لقيت جوزى راجع من الشغل متعصب وبقولة
منال 
مالك يا حسن داخل عليا بزعابيبك ليه كده في ايه
وفي الوقت ده اقعد وقالي
حسن
سبيني في حالي يامنال الله يخليكي
منال
يوووه في ايه ياراجل وبعدين هو الحق عليا اني بسالك مالك مش يمكن اقدر اساعدك
حسن
انا زهقان ومش طايق نفسي
هتساعديني ازاى يامنال ما هو انتي عارفه القرف اللي انا فيه والديون اللي عليا ومش عارف اسدها دي مش عارف اجيب منين والراجل خلاص زهق من التأخير وبيهددني يودي الشيكات النيابة
منال
يلهوي وتتحبس ياحبيبي لااا احنا لازم نشوف حل في الحكايه دي ياخويا ااه بس اقول اي 
ماهو لو كنت جبتلي حتتين دهب زي الرجالة اللي بتجيب لنسوانهم كاني زماني بقولك بيعهم وفك زنقتك
حسن
يعنى جبتلك شقه ملك بدال الإيجار اللي كنتي عايشة في واتادينت ومديت شيكات على نفسي وجاي تقولي مجبتش دهب انتي ايه يامنال مبتحسيش
منال
في ايه يا حسن انا كنت بقول يعنى كلمتين وخلاص طيب بص انا عندي حل ياحبيبي
حسن
حل ايه يامنال الحقيني بيه
منال
الشقة بتاعت امك انت عارف انها كبيرة عليها اوي انا بقول تبيعها واهي تجيب قرشين حلوين اوي وساعتها تفك بيهم نفسك ياحبيبي
حسن
انتي اټجننتي يا ولية وبتخرفي ولما ابيع شقة امي هي تروح فين ان شاء الله
منال
انا بقول يعنى ياحسن الشقة طويلة عريضه ومشا الله يمرح فيها الخيل وهي عايشة فيها بطولها
حسن
ماهي ياما اتحايلت علينا نعيش معاها وانتي اللي رفضتي عشان بتكرهيها وخلتيني اجبلك شقة تانية جايه دلوقتي عايزاني اخليها تبيع شقتها
منال
وانا هكرهها ليه ياحسن هو في واحدة في الدنيا تكره ام جوزها برضو

ده ربنا اللي يعلم انا بحب حماتي قد ايه طيب دنا هاقولك هاتها تعيش معانا هنا
حسن
قصره يامنال موضوع بيع شقة امي ده تنسي خالص
منال 
حاضر ياحسن انت حر ياخويا بس لما الراجل يودي الشيكات للنيابة متبقاش تحزن 
وسبتة ودخلت جوه وفضل حسن قاعد يفكر في كلامي ويقول لنفسة
حسن 
هي بصراحة البت منال عندها حق الشقة

بتاعت امي لو اتباعت هتجيب مبلغ حلو اوي اطلع منه جزء أسد منه ديوني والباقي اعمل بيه مشروع
تاني يوم وحسن راجع من الشغل راح عند امه وقالها
حسن 
عامله ايه يا أمي طمنيني عليكي انا قولت اعدي واشوف بتاخدي علاجك في ميعاده ولا لا
الام
كتر خيرك ياحسن يابني ربنا مايحرمني منك ولا من دخلتك عليا
حسن 
بقولك ايه يا أمي ماتيجي تعيشي معايا انا ومنال في شقتنا اهي تاخد بالها منك وتديكي الأدوية في ميعادها
الام
طيب منا قولتلك ياحسن تيجو انت وهي تقعدو معايا هنا في شقتي واهي أوسع من شقتكم ومراتك مرضتش عايزني انا اجي اقعد معاكم
حسن
وفيها ايه يا أمي لما تيجي تقعدي معانا طب دي حتى منال اللي قالتلي ياحسن هات امك تقعد معانا وانا اشيلها في عنيا دي حبك اوي يا ما
الام 
والنبي ايه لا يابني انا كده مرتاحة في شقتي
حسن 
بصي ياما بصراحة كده انا عايز ابيع الشقة دي عشان اسدد الديون اللي عليا
الام 
يلهوي ياحسن عايز تبيع الشقة اللي لماني عشان تسد اللي عليك اخس عليك يابني وانا اروح فين اترمي في الشارع
حسن 
يا أمي أنا بيتي مفتوحلك تقعدي فيه معززه مكرمة اصل الراجل معاه شيكات تخليني اقضي بقيت حياتي في السچن يرضيكي اتسجن ياما
الام 
لا ياعين امك ميرضنيش طبعا ياحبيبي بس ياحسن هو مفيش طريقة تانية غير بيع الشقة ده يابني دي اللي بقيالي من ريحة المرحوم ابوك
حسن 
والله ياما حاولت اخد فلوس من اي حد وسألت طووب الأرض محدش معاه فلوس مانتي عارفه الايام دي صعبة على الكل ازاى
الام 
طيب سبني افكر ياحسن واللي فيه الخير يقدمه ربنا يابني
حسن 
بس وحياتي عندك ياما تفكري وتردي عليا بسرعة انا عارف اني مش هاهون عليكي اني اتحبس يلا اسيبك انا بقا
وسبها حسن ومشي ورجع البيت قولتله
منال 
ها يا حسن عملت ايه مع امك
حسن 
اديني اتكلمت معاها يامنال وقالت هتفكر ربنا يستر بقا وتوافق انتي عارفة امي بتحب بيتها اد ايه
منال 
ان شاء الله توافق دي بتحبك خالص ياحسن دانت ابنها الوحداني وميرضهاش انك تدخل السچن
تاني يوم حماتي اتصلت بحسن وراحلها وقال
حسن 
ايوه ياست

الكل اديني جيتلك اهو ها طلبتيني ليه يارب ياما تكوني فكرتي وهتوافقي
الام 
بصراحة يا حسن انا فكرت يابني ولقيت اني ميرضنيش انك تتبهدل وټتسجن ياحبيبي خود ياحسن ورق الشقة اهو يابني وبيعها بس اسمع لو جابت مبلغ كبير تاخد جزء تسد منه وديونك وتشيلي جزء لخرجتي وكفني يابني انا مش ضامنة عمري
حسن باس ايديها وقالها 
بعد الشړ عليكي يا أمي ياغاليه ربنا يديكي طولت العمر وبعدين ده المال كله هيبقا مالك انتي ياما 
الام 
تسلم وتعيش ياحبيبي بس يارب متقلش على منال مراتك لما اجي أعيش معاكم في الشقة
حسن 
تتقلي ايه بس ياما ده اسمه كلام برضو دي منال هتشيلك من الأرض شيل
وفعلا اخد حسن الورق وجاب حماتي تعيش معانا في الشقه ولما شوفتها قولت
منال 
اهلا وسهلا ياحماتي نورتي البيت
الام
ده نورك يامنال يابنتي تسلمي بس من أمتي الكلام ده
منال
والله ياحماتي انتي متعرفيش انا بحبك اد ايه وربنا يعلم انا بقول لحسن ايه عنك
الام
ماهو حسن قالي يابنتي ربنا يخليكم ليا يامنال هو انا ليا غيرك انتي وحسن ابني
حسن
يلا يامنال دخلي الشنط بتاعت امي في اوضتها وحضريلها لقمة تأكلها انا عايزك تعملي كل الاكل اللي امي بتحبه
منال
من عنيا ياحسن حالا والاكل يكون جاهز
وراح حسن عرض الشقة عشان تتباع واتصل بيه الراجل اللي معاه الشيكات وقاله
مصطفي 
ايه ياعم حسن انت اتاخرت عليا في دفع الفلوس وبعدين المهلة اللي كنت مديهالك خلصت خلاص
حسن
اهدي بس عليا ياحج مصطفى والله الفلوس انا بجهزهالك اصلي هبيع شقة الحاجة ومستني بس تتباع واجبلك فلوس لحد عندك اديني بس اسبوع كمان
مصطفى
ماشي ياحسن هو اسبوع واحد مفيش غيرة والفلوس تكون عندي والا انت عارف انا هعمل ايه
وفضل حسن يدور على حد يشتري واخيرا باع الشقة بتمن حلو جدا وكبير ولقيتة جايب شنطه الفلوس وجه وقالي وهو فرحان
حسن 
شوفتي يامنال الشقه جابت مبلغ حلو اوي ازاى
منال
بسم الله مشاء الله ياحسن كل دي فلوس
حسن
ااه يابت شوفتي دنا هسدد ديوني واخد جزء احط لأمي باسمها في البوسطة وجزء اعمل بيه مشروع
منال
نعممم ياخويا وتحط لأمك فلوس في البوسطة ليه بقا ان

شاء الله
حسن
ايه اللي ليه دي مش فلوسها دي يامنال
روحت قفلت باب الاوضه وقالتله
منال 
وطي صوتك لتسمعك دلوقتي الفلوس دي ياحسن هتسد منها ديونك وتعمل مشروعك والباقي نشيلة في البنك للزمن ده احنا لسه ياحسن هنجيب عيال وهحتاجو مصاريف كتير
حسن
طيب وامي يامنال مش هتاخد حاجة من الفلوس دي
منال
امك ايه بس ياحسن ماهي بتاخد معاش اد كده وبعدين ماهي قاعدة معانا بتاكل وبتشرب ومبسوطة اخر انبساط يعنى مش محتاجة الفلوس دي
حسن
طيب ماهي هتعرف اني بعت الشقة بالمبلغ ده
منال
مانت مش هتقولها ياحبيبي ان الشقة جابت الفلوس دي كلها انت هتقول انك بعت الشقة ويدوبك المبلغ اللي جبتة سددت ديونك ونكتم على الموضوع
حسن
طيب وكده مش هيبقا