روايه اختارت نفسى للكاتبه نشوي عادل
اختارت نفسي بقلم نشوه عادل حصريه وجديده وكامله جميع الفصول
أمنية هو انتى مش زعلانة عشان انا هتجوز عليكى!
أمنية بابتسامة خالية من اى تعبير لا هزعل ليه انت مش بتعمل حاجة غلط ولا حرام ده حقك والشرع محلل ليك اربعة واما تعمل كده ف الحلال وبعلمى احسن ما تعمله من ورايا
بجد انا مش مصدق نفسى انا كنت مفكر انك هتقلبى الدنيا رأسا ع عقب وهتروحى تجبيها من شعرها لما تعرفى
أمنية بثبات عارف ي أنس انا كان عندى استعداد احارب مليون واحدة تفكر مجرد فكرة بس انها تقرب منك لكن عمرى ما اقول لفظ او كلمة حتى لواحدة انت موافق بقربها ليك
أنس حبيبتى افهمينى انا بعمل كده بس عشان......
أمنية مقاطعة عشان امك زنت عليك تتجوز التانية عشان تخلف مش كده
أنس صدقينى ي أمنية هو ده السبب الوحيد اللى هيخلينى اعمل كده انا بحبك اه بس نفسى اكون اب ويكون ليا حتة منى يشيل اسمى ويورثنى لما اموت
أمنية طبعا حقك وي وراث مين يورثك
قرب منها أنس عشان يحضنها لكن اشارت ليه أمنية بايدها عشان يبعد وقالت يلا انزل زمان عروستك واهلها مستنينك عند المأذون من بدرى وميصحش تتأخر عليهم من اول يوم
أنس ماشى ي حبيبى بس لما ارجع هعرف ازاى اراضيكى باى
نزل أنس ولما تأكدت أمنية انه مشى قلعت الاسدال وكان تحته دريس لبست الطرحة ولقت فونها بيرن وكان أمير اخوها
أمير انا تحت البيت اهو هو عندك ولا نزل!
أمنية لا نزل اطلع خد الشنطة
بالفعل طلع أمير اخد الشنطة ونظرت أمنية بوداع اخير لشقتها اللى قضت فيها اجمل ايام حياتها مع حبها الوحيد بعد ما سابتله ورقة وظرف ع السفرة ونزلت ورا اخوها ركبت معاه
أمير قرار سفرك ده انا مش معاكى فيه انتى ممكن تترحلى لانه ببساطة هيقول انك سافرتى بدون إذنه
أمنية بتنهيدة بصفته ايه!
أمير جوزك طبعا
أمنية قصدك طليقى وبكده هو ملوش اى حقوق عليا عشان يمنعنى من السفر
أمير هو طلقك!
أمنية انا اللى طلقت نفسى منه غيابى بقالى اسبوع خلعاه وهو ميعرفش
وقف أمير العربية بسرعة وقال بعصبية انتى بتقولى ايه.. اسبوع مطلقة وعايشة معاه فى نفس الشقة ازاى!
أمنية كنت بنام ف اوضة وهو ف اوضة وكنت لابسة الطرحة والاسدال قصاده طول الوقت مبقلعهاش ومكنتش بسمح ليه حتى يمسك ايدى وع فكرة المحضر لسه جايب ليه الورقة النهاردة وانا استلمتها
أمير ع فكرة انا واثق انك مستحيل تعملى حاجة غلط بس مكنش ينفع تقعدى معاه تحت سقف بيت واحد وكنتى لازم تعرفينا انك هتعملى كده انتى اخدتى قرارتك كلها فجأة اطلقتى وفجأة حجزتى تأشيرة وتذكرة ومسافرة انتى خلاص لغيتينا من قاموسك ولا مبقاش ليكى كبير!
أمنية والله وكبرت ي أمير وبقيت تعطى دروس لاختك الكبيرة كمان
أمير انا بتكلم ف الاصول ودى مفيهاش كبير وصغير وبعدين انا عندى ٢٥ سنة ف سنى واصغر منى كمان فاتحين بيوت
أمنية عارفة واطمن انا عرفت بابا بموضوع سفرى وهو اللى جابلى التأشيرة حتى ابقى اسأله لو مش مصدق
أمير وهو بيدور العربية برضه مكنش ينفع تسافرى ف الوقت ده المفروض تكونى جنبنا عشان نهون عليكى
أمنية لو فضلت هنا هستسلم لحزنى وانا بقى عاوزة احقق كيانى وذاتى كفاية السنين اللى ضيعتها من عمرى هدر ع الارض
بعد نص ساعة وصلوا المطار ودعت أمنية أمير وبعتت سلام لامها وابوها وركبت الطيارة ف مكانها وبعدها اطلقت لعيونها الحرية انها تنزل دموعها المكتومة بقالها فترة طويلة
عند أنس اللى وصل عند مكتب المأذون وكانت العروسة واهلها وامه واخواته البنات ف انتظاره
رغد بدلع كده ي أنسى تتأخر عليا كل ده وتحرجنى ادام اهلى حتى مهانش عليك تيجى تاخدنى من الكوافير
أنس معليش ي حبيبتى اتأخرت ڠصب عنى
وفاء امه
أنس ي امى لو سمحتى متدخليش أمنية ف الموضوع هى ملهاش ذنب
رغد ومالك بتدافع عنها كده ليه ي حبيبى ولا تكونش مجبور عليا خلاص روح ليها وسيبنى
ألاء اخته خلاص فضوها سيرة وافتكروا لينا حاجة عدلة
أسماء الاخت التانية ايوة ويلا بينا بقى عشان المأذون مرتبط بمواعيد تانية
ميلت هدى ام رغد ع جوزها حسن وقالت انا مش مرتاحة للجوازة دى
حسن بهمس فلوسه هتريحك بعد كده ي حبيبتى بنتك حسبتها صح ووقعت واقفة ولسه لما تجيبله العيل اللى بيستناه وملهوف عليه هتكوش ع كل حاجة واكتمى بقى بدل ما يسمعونا يلا ادامى
دخل الجميع للمأذون وبعد ما اعلنهم زوج وزوجة خرج الجميع وهما مبسوطين ...أنس واخيرا ي حبيبتى وفيت بوعدى وبقيتى مراتى رسمى
وفاء الف مبروك ربنا يرزقكم بالذرية الصالحة قريب وتفرحونى معاكم
رغد ان شاء الله ي حماتى
أنس عن اذنكم بقى هنروح احنا
اخد أنس رغد ع شقتها وهو طاير من فرحته وطبعا نسى أمر أمنية تماما
بعد وقت ليس بالكثير وصلت طيارة أمنية الامارات وبمجرد نزولها لقت السائق الخاص بالشركة ف انتظارها اخدها وطلع بيها ع هناك ولما وصلت استقبلها المدير واسمه فؤاد
فؤاد حمدالله ع سلامتك ي باش مهندسة
أمنية الله يسلمك ي فندم ي ترى اقدر استلم الشغل امتى
فؤاد مالك جاية سخنة كده ليه انتى لسه نازلة من الطيارة واكيد تعبانة من الطريق ارتاحى النهاردة ومن بكرة تقدرى تنزلى الموقع
أمنية انا متشكرة جدا ي باش مهندس ع وقفتك جنبى
فؤاد ع ايه بس استاذ مجدى والد حضرتك غالى عليا جدا وجمايله مغرقانى وانتى السى فى بتاعك ما شاء الله ممتاز وواثق انك هشرفينى
أمنية ان شاء الله اكون عند حسن ظنك بيا
فؤاد تمام السواق هياخدك دلوقتى ع الشقة هى مشتركة بينك وبين مهندسة من سوريا
أمنية تمام شكرا لحضرتك
نزلت تحت واخدها السواق ع الشقة ولما خبطت فتحت ليها اللى ساكنه معها وقالت اهلين فيكى نورتى ووووو.....
اهلين فيكى نورتى اتفضلى فوتى لا تخجلى هى صارت بيتك تمام
أمنية بابتسامة ميرسى ليكى ي جميل اسمك ايه بقى!
اسمى شام من سوريا وانتى
أمنية أمنية
شام بتعرفى من لما اخدت خبرية ان اللى هتسكن معى مصرية كنت متحفزة كتير لمقابلتك لانه انا كتير بحب مصر واهلها وبتمنى بشى يوم ازورها
أمنية ده انتى تنورى فى اى وقت وتيجى عندى واعملك احلى program
شام هيدا العشم بس قليلى ليش اتأخرتى كل هاد المفروض تكونى هون من نص ساعة!
أمنية روحت الشركة الاول كنت عاوزة ابدء شغل ع طول بس باش مهندس فؤاد قالى اريح النهاردة وانزل بكرة
شام ليش مستعجلة ع قدرك هيك الشغل ما بيخلص راح تصدع راسك من كتره لا تخافى بس قليلى قابلتى مستر حمزة شى
أمنية مين حمزة ده!
شام باستغراب معقول حدا ما بيعرف صاحب الشركة ياللى بيشتغل عنده
أمنية لا مقابلتوش
شام احسن ادعى الله ما تتقابلى فيه ابنوب
أمنية باستغراب ليه يعنى!
شام هادا محضره اسود بيلبك الدنيا وبيخلينا ندور حوالين نفسنا من كتر التوتر والخۏف لانه صارم جدا وما عنده مزح بالشغل
أمنية حقه اومال هو بيدفع مرتبات ليه
شام اى ماشى معاكى بس مو لهيك درجة خنقة
أمنية معلش لازم نستحمل اكل
العيش بقى
شام اوف لا تؤاخذينى التهيت بالحكى ونسيت ضايفك تحبى تاكلى شى او اعملك شى تشربيه
أمنية تسلمى انا بس عاوزة انام شويه
شام تكرم عينك هاديك الغرفة لالك فوتى ارتاحى انتى
عدى اليوم بكل تفاصيله الصعبة ع أمنية والحلوة السعيدة ع أنس... تانى يوم عند أنس
رغد بدلع قوم بقى ي أنسى كفاية نوم انا زهقت من القعدة لوحدى
أنس صباح الخير
رغد احنا بقينا المغرب صحى النوم
أنس ي خبر انا نمت كل ده معقول انا معنديش ډم اسيب القمر ده صاحى لوحده
رغد تؤ انا لسه صاحية من نص ساعة بس
أنس ماشى ي قمرى هقوم اخد شاور كده وانزل اروح مشوار صغير وارجع ع طول
رغد هتروح فين وتسيبنى ف يوم زى ده ولا رايح للهانم بتاعتك
أنس ي حبيبى افهمى هما نص ساعة مسافة السكة اجيب هدوم عشان مجيبتش وهاجى ع طول وهخرجك
رغد بجد يعنى هنخرج واعمل شوبينج كتير
أنس طبعا تجيبى كل اللى نفسك فيه
رغد ربنا يخليك ليا ي حبيبى طب قوم بسرعة بقى ومتتأخرش هى نص ساعة هظبطلك الساعة انا بقولك اهو
انس بالثانية هكون ادامك ي جميل
قام انس اخد شاور ولبس ساق لحد ما وصل ع شقته اللى ف بيت العيلة واول ما شافته وفاء واخواته تعالت صوت الزغاريط عند ف أمنية
وفاء صباحية مباركة ي حبيبى اللهم صل ع النبى ايه العسل ده
أنس وقد فهم نوايا امه الله يبارك فيكى ي امى هى أمنية منزلتش النهاردة
وفاء لا ولا سمعت ليها حس من الصبح
أنس بقلق طب محدش طلع ليها ليه ي امى افرضى حصل ليها حاجة ولا عملت ف نفسها حاجة!
وفاء هى اللى زى دى بيجرى ليها حاجة دى زى القطط بسبع ارواح فكك منها وتعال طمنى عامل ايه مع رغد
أنس ي امى مش وقته سبينى اطلع اشوف أمنية الاول ولما انزل هحكيلك
انا حررتك من وجودى للابد ي أنس ي حب عمرى ي اللى فضلتك ع الكل ووقفت جنبك بنفسى وفلوسى لحد ما وقفت ع رجلك وبقى عندك البيزنس الخاص بيك واخر رد الجميل تروح تتجوز عليا وحجتك انك عاوز تخلف بدون ما تراعى مشاعرى وكسرة خاطرى لكن انا مقبلش اكون استبن ويشاركنى فيك حد وبما انه كان كله بموافقتك فامبروك عليك جوازتك الجديدة اما انا طلقت نفسى منك والظرف اللى عندك من المحكمة بورقة الطلاق ملحوظة اخيرة الجديدة اللى انت اتجوزتها دى نسخة منك متتفاجئش باللى هتشوفه منها اصل دى عمايلك واللى شوفته انا منك وكل واحد بيتعامل بأصله وهيتردلك مش اكتر
قفل أنس الجواب پغضب وفتح الظرف وكانت ورقة الطلاق نزل جرى بدون ما يرد ع نداء امه المستمر وركب عربيته وطلع ع بيت اهل امنية وفتح ليه الباب مجدى ابوها
مجدى اهلا ي استاذ انس اتفضل ادخل
أنس انا مش جاى اتضايف فين أمنية عاوز اتكلم معاها لو سمحت
مجدى أمنية مش موجودة للاسف
أنس اومال فين من فضلك انا لازم اقابلها واتكلم معاها ضرورى
مجدى سافرت سابت مصر كلها
أنس پصدمة سافرت! ازاى وامتى وانت فين من ده كله تسافر من غير اذنى وكمان تطلق غيابى هو ايه اللى بيحصل بالظبط
مجدى اللى بيحصل انك اتبطرت ع النعمه ومعرفتش قيمتها ولسه الايام الجاية هتعرفك قيمتها بجد لما تلاقى نفسك الوحيد اللى طالع خسران لما تعرف اد ايه هى استحملتك انت واهلك وشافت منكم اسوء معاملة وكانت مستحملة وناسية كرامتها تحت شعار اسمه الحب وياريتك شيلتها ليها جميل
أنس هو انا اجرمت ولا عملت حاجة غلط انا اتجوزت ع سنة الله ورسوله بنتك
مجدى فعلا هى كانت غلطتها انها خاڤت ع مشاعرك وقدرتك من الاول
أنس يعنى ايه مش فاهم!
مجدى بكرة الايام تفهمك واظن اللى انت عاوزه عملته واتجوزت خلاص وبنتى حررت نفسها من قيودك عاوز ايه تانى!
أنس عاوزها ...عاوز أمنية
مجدى بس هى خلاص مبقتش عاوزاك
وصل امير وسمع صوت ابوه وهو بيتكلم بصوت عالى ووووووو.....
وصل امير وسمع صوت ابوه وهو بيتكلم بصوت عالى وڠضب شديد ولما سمعه وشاف أنس مقدرش يتحكم بأعصابه راح مسكه من ياقته واتكلم پغضب وطبعا الجيران خرجت ع صوتهم انت ليك عين تيجى لحد هنا كمان امشى غور من هنا مش عاوزين نشوف وشك تانى
أنس مش همشى من هنا الا لما اعرف
أمير كانت...وحط الف خط تحت كانت مراتك دلوقتى انت طليقها وملكش اى حكم عليها لا من قريب ولا من بعيد
مجدى أمير نزل ايدك وسيبه عيب ميصحش مهما كان ف بيتنا
أمير پصدمة بعد كل اللى عمله هو واهله ف اختى وبتقولى اسيبه وعيب!
مجدى كل واحد بيتعامل بأصله
أنس بصوت عالى هو ف ايه انت تقول كل واحد بيتعامل بأصله وبنتك تكتبلى جواب تقولى كل واحد بيتعامل بأصله ي ناس اشهدوا انا اتجوزت ع مراتى عشان عقيم ومش عارفة تخلف ليا حتة عيل هو انا اجرمت عشان اتجوزت ع سنة الله ورسوله غلطت انى مش عاوز اتحرم من احساس الابوة ف شرع مين اللى بيحصل ده!
واحدة من الجيران لا ي ابنى انت مش غلطان الشهادة لله ي استاذ مجدى حقه
أمير بنفاذ صبر اختى مش عقيم انت اللى مش بتخلف ي استاذ
أنس كمان ..كمان عاوز تطلعنى انا المعيوب عشان الناس متعرفش حقيقة اختك واتجوزت عليها ليه!
أمير انا مش ندل زيك عشان اقول عنك كلام مش فيك لكن هى دى الحقيقة واللى عرفتها انا من امى صدفة لما أمنية راحت جابت التحاليل خبت عليك عشان متوجعكش انت اللى عقيم مش هى وانت اللى مستحيل تكون اب ومع ذلك طلعت العيب ف نفسها واستحملت معاملة امك واخواتك وكلامهم اللى زى السم وفضلت واقفة جنبك ومتخلتش عنك ومعملتش زيك وطلبت الطلاق وراحت اتجوزت وعاشت حياتها عشان تبقى ام وده حقها وانت بكل بجاحة جاى تطلع ف اختى اللى مش فيها
أنس پغضب انت كذاب كل اللى بتقوله ده كڈب وافترى
أمير ما قولتلك انا مش زيك ولو مش مصدقنى روح اعمل تحاليل المعامل مالية البلد وي سيدى لو طلعت كداب زى ما انت بتقول تعال هنا بالنتيجة وادام الناس دى كلها وقولى انت واختك كدابين
بص ليه أنس پغضب وتحدى وقاله هجيلك بكرة هجيلك واثبتلك ان اختك ضحكت عليكم
نزل أنس بسرعة والڠضب عاميه وبعد ما مشى كل واحد من الجيران دخل ع شقته وكذلك مجدى وامير
لبنى والدة امير وأمنية مكنش ينفع تقوله الكلام ده قصاد الناس ي أمير
أمير پغضب هو ف ايه بجد يعنى لما يطلع اختى كده وسط الناس وانا ارد عليه ابقى غلطت افرضى بنتك اتقدم ليها واحد وعرف انها مبتخلفش هيبقى يكدب كلام الناس ويصدقها!
مجدى اللى بيحب بجد مبيفرقش معاه كلام الناس ي ابنى
أمير ده ع زمانكم انتم ي حاج
مجدى الزمن مبيتغيرش السنين والوقت واحد الاخلاق والضمائر والتربية هى اللى اختلفت والعيب فى الناس مش ف الزمان ولا المكان
لبنى بدموع أمنية وحشتنى اوى صعبانة عليا
غربتها لوحدها اول مرة تبعد عننا
مجدى والله وانا مكنتش عاوزها تسافر بس شوفت إصرارها وقولت اسيبها ع راحتها فكلمت فؤاد صاحبى يشوف ليها شغل معاه ولما شاف السى فى بتاعها وعرضه ع صاحب الشركة وافق ع طول محبتش اكون عقبة ف طريق نجاحها
لبنى ربنا يسترها معاها ويوقف ليها ولاد الحلال
مجدى احسن حاجة واكتر حاجة بنتك محتاجة ليها دلوقتى هى دعواتك دى
عند أمنية اللى صحيت بدرى ودخلت صحت شام ونزلوا راحوا الشركة مع بعض
شام لواحد من الموظفين شو قلى ابو العضلات وصل ولا لسه
الموظف اه لسه واصل حالا وسأل عليكى
شام ي لطيف ألطف اما افوت شوف شو بده منى هاد ع الصبح
دخلت شام وهى بتقرأ يس ... شام بابتسامة صباح الخير استاذ
حمزة بجدية صباح النور ممكن افهم ايه سبب التأخير!
شام تأخير استاذ هادول ٣ دقايق مو اكتر
حمزة يبقى تأخير غير مقبول
شام بعتذر استاذ ان شاء الله ما بتأخر مرة تانية اى اوامر شى
حمزة المهندسة الجديدة عايزك تدربيها كويس ع الشغل مفهوم تشربيها الشغل زى الشوربة كده اوك
شام حاضر استاذ بدك شى تانى!
حمزة لا شكرا اتفضلى ع مكتبك
خرجت شام ودخلت ع مكتبها وهى بتقلد حمزة واسلوبه بطريقة كوميدى ... أمنية
شام ما قلتك هاد ابو العضلات ما بينطاق ما بعرف كيف طايق حاله
أمنية طب ايه اللى حصل!
شام كل هالبهدلة بس
