رواية انت حلمي بقلم مريم وليد محمد

مش هتحضري الفرح
لا أزاي محضرهاش فيه واحدة متحضرش خطوبة جوزها برضوا! 
ايوه يعني أيه هيتجوز هتقدمله أيه مقدمتهوش هتحبه قدي هتضحي بحياتها وبروحها لأجله زيي مستحيل قلبه يشيل أتنين وإن شال فمين فينا أكتر لسه فاكر أني أول حب في حياتي لسه فاكر اليوم اللي عرفته فيه إني بحبه مش ذنبي إنه يتجوزني ڠصب أنا آه بحبه بس مغصبتش عليه يوم ويوم ما قال بيحب وعايز يتجوز روحت طلبتهاله بالله أنا قلبي أصبح مش قادر. 
حلوة البدلة كده يا مريم شكلي حلو!
بصيت له بحب ودمعة نزلت مني ڠصب عني
طول عمرك حلو يا أدهم.
قرب مني ومسك أيدي
أنا أسف والله أنا عارف أنك بتحبيني بس أنا مش عارف أشوفك غير أختي من يوم ما وعينا على الدنيا وأحنا اصحاب معرفش أفكر فيك بطريقة تانية أنا عمري ما أتجبرت أتجوزك بس مكنش ينفع تعيشي معانا وأنا اجنبي عنك بعد مۏت اهلك!
يعني هو قاصد يوجع قلبي ويجرحه بيفكرني بفراقهم تاني!
أصيل يا أدهم أصيل.
مسكت أيده
يلا أوديك لعروستك. 
عظيم جدا عظيم إن مراته هي اللي توديه بنفسها لعروسته عظيم إنك تلاقي حب حياتك كله وإنجازك الوحيد بيتخطف منك خطڤ. 
مكنتش عارفة أنا قادرة أتماسك كده أزاي بسلم على المعازيم وأنا شايفة في عيونهم نظرة حزن وشفقة عليا وشوية فرحة فيا بسلم عليهم وماسكة الفرح ودموعي وكاتمة عليهم عشان مفيش حاجة منهم تسقط 
مبروك عليك خلي بالك منه.
قربت عليه وشبكت في أيده
ده حبيبي

ده فكرك هفرط فيه!
عارفة إنها بتغيظني وتضايقني بس عادي أزيد من كده! مأظنش فيه.
يلا يا أدهم عايزين نتصور معاك أنا ومراتك.
كانت طنط مامته وقفت ووقف جنبها وهي جنبهم فراحت باصلها
معلش يا حبيبتي أقفي على جنب عشان مريم تيجي تتصور مع جوزها.
بصت لطنط پصدمة وبصت لأدهم ابتسمت بهدوء
معلش يا ماما مش عايزة أتصور.
بصتلي بجمود
يلا يا مريم.
طلعت وقفت بعيد عنه شوية فمسك أيدي وقربني منه أنا فاهمة أني صعبانة عليه بس حقيقي ميمسكش ايدي عشان معيطش.
تعالي معايا الحمام يا مريم.
روحت مع مامته وقفتني 
صدقيني أنت أقوى حد شوفته يا قلب ماما أقوى حد.
أنا كويسة صدقيني أنا كويسة جدا أنا شايفة في عيونه الفرحة وصدقيني ده كافي جدا فرحته عندي بالدنيا واللي فيها. 
روحنا البيت طلع هو وهي على شقتهم وماما في شقتها وأنا في شقتي الشقة مليانة بريحته برفاناته كلها هنا وأغلب لبسه كمان هنا مأخدهوش ملفات الشغل عندي مش عندها الهدايا والحاجات اللي بيحبها هنا جايز واخد كام طقم وكام حاجة معاه بس  ونمت على السرير بتاعه. 
ماما أطلع أطلعله أكل
بصتلي
الساعة 9
سكتت وبعدين أتكلمت
اطلع أطمن عليهم صحيوا ولا
لا!
سكتت وبصتلي
وحشك من قبل مايلحق يمشي يابنتي
عيطت عيطت كتير أوي من ۏجع قلبي أنا مش جامدة أنا مش

قوية ولا قلبي مېت زي ما الكل بيقول عشان خليت جوزي يتجوز واحدة تانية بسهولة أنا يتيمة ومليش غيرهم ومش هينفع أقعد معاه وهو أجنبي عني انا مغلوبة على أمري وبحبه.
مصعبتش عليه لحظة يا أمي ولا لحظة! طيب محسش بۏجع قلبي وواحدة غيري بتاخده أزاي أحب كل ده وأزرع كل ده وغيري يحصده!
طبطبت عليا
هو مش ابني! بس والله ما يستاهل دمعة من عيونك ولا يستاهلك. 
جت الساعة 3 ماما كانت عملتلهم أكل وقالتلي أطلعه معاها طلعنا وخبطنا ففتحت الباب
أزيك يا ماما خشي خشي.
كانت فاتحة الباب بلبس أستغفر الله ميتفتحش الباب بيه أبدا دخلنا وماما حطتلهم الأكل فبصتلي
البيت منغيره وحش طبعا صح
ضحكت بميوعة
أصل أول يوم أكيد تشوفيه مع حد غيرك.
معرفش جبت القوة دي منين بس حطيت عيني في عينها
لا ليه ما أصل هو حبيبي فرحان فطظ في فرح أو زعل أي حد تاني وبعدين مانا عندي لبسه وحاجاته.
بصتلي بعند
وأنا عندي هو.
الكلمة دخلت في قلبي فرمته والله الله يجازيها على ۏجع قلبي.
يلا يا مريم عشان شكلها مش هتناديلي أبني.
أول مرة أحس أن طنط حمى أو تنفع حمى بصراحة.
أيه يا أمي أناجيت.
لا كنت أتأخرت شوية كمان يا قلب أمك!
ضحك 
أنا اقدر برضوا! ده أنت روحي روحي روحي.
جيه سلم عليا
عامله أيه يا مريوم!
ابتسمت
كويسة.
كويسة جدا يعني مش عارفة أقولك أيه! كلك نظر يعني.
ماما مكملتش دقيقتين وأخدتني ونزلنا قعدتني معاها عشان أبعد عن جو البيت شوية.
ماماا!
ماما راحتله كان بيضحك وفرحان كان فرحان أوي يا حياتي 
شروق حامل يا ماما شروق حامل.
آه يا ۏجع قلبي! كان بيحبها الأول دلوقت هيبقى أيه لا لا أنا مبسوطاله والله بس كمان هيبقى أب لأبن غير أبني
مبروك يا بني.
شرووقق حامل يا مريووم!
ضحكتله
مبروك يا أدهم.
شروق قربت من ماما 
هجبلك الحفيد يا ماما.
ماما ابتسمت
مبروك يا بنتي.
قربت مني وهمست في ودني
خدته منك وهاخدها وهرجعك مكانك تاني يا مريم الشوارع.
كنت حاسة إنها مش كويسة بس الشوارع وأنا من أمتى مكاني الشارع!
الشوارع دي لأشكالك يا شوشو وهنشوف من هيضحك في الأخر.
ضحكت
أم الحفيد يا مريومة.
يا شيخة منك لله يا شيخة على ۏجع قلبي ده منك لله.
يا أدهم بقولك بتضايقني وكانت هتزوقني على السلم!
بصيت لها وبصيت له
والله كدابة والله.
عملت نفسها بټعيط وراحت ناحية ماما
يا ماما هي غيرانة مني عشان أنا حامل وعلشان أدهم بيحبني وهي لا.
بصيت لماما لقيتها بتبصلي بضيقة
وأتكلمت
مريم أيا كان اللي حاصل بينكم دي حامل في حفيدي ولو أذيتيها مش هسامحك.
أدهم اتكلم بشدة
مريم بعد أذنك مراتي لا أرجوك متخلنيش أعمل شيء مش كويس.
بصيت لهم پصدمة وعيطت عشان صعب عليا حالي
دلوقت بقيت أنا الغريبة في وسطكم يا ماما! دلوقت بقيت وحشة يا أدهم إشحال إنك

أنت اللي مربياني وعارفة أني مستحيل أعمل كده!
حاولت أهدى شوية
أنا هطلع شقتي وهقفل عليا هنزلك كل يوم أروقلك يا ماما وأطلع أقعد في شقتي عشان محدش يقول عملت ولا معملتش عن أذنكم.
أنا اول مرة أحس أني يتيمة! اول مرة أحس باليتم وسطهم أول مرة أحس أني محتاحة حد يغطيني أول مرة أحس أن قلبي بردان أنا.. أنا الدنيا بتلف بيا..! 
فوقت لقيتهم جنبي وطنط بتعيط